Popularne wersety biblijne z Nta̱m A̱yaata̱m 11

Udostępnij

Nang Ba̱nabat nshya̱ Sha̱wulu a̱ni, a̱ si̱ bai ma̱ng a̱nggu Antakiya. A̱mgba̱m ba, ba̱ si̱ swan a̱ja dundung ma̱ng sot á̱niet khwi ji. Ba̱ si̱ nyia̱ a̱lyia̱ a̱nyiung nang ba̱ tyiet á̱kpa á̱niet khwi ma̱ a̱di̱di̱t. (Ma̱ a̱keang Antakiya kya nang á̱ ku ntsa yei á̱niet khwi ba a̱lyoot, “Á̱niet khwi Kristi.”)

Jen nang Ba̱nabat si̱ nnwuo, a̱ si̱ li si̱sak nang A̱gwaza nnyia̱ mba shok a̱ni. A̱ si̱ fa̱k fwuo sai ba̱t! A̱wot a̱ si̱ tyia̱ mba gba̱gbak, ba̱ ka yong da̱ a̱chuchuk ba̱ khwi A̱tyoli Yesu ma̱ng fwuo nyiung. Ba̱nabat ku yet a̱tan a̱yin. Chet A̱za̱za̱rak Ntswa hu si̱ shya̱ dundung ma̱ng a̱nggu. A̱ si̱ bu yong mi̱ chet di̱ nwuak a̱chuchuk nggu hu. A̱wot a̱ si̱ khwat á̱niet ma̱ a̱di̱di̱t ba̱ si̱ nwuo khwi A̱tyoli Yesu.

“A̱wot mat nang A̱gwaza nnang á̱kum Nnwap na̱ nwai yet A̱yahudawa za̱nang chet ma̱ cha̱chaat ma̱ng si̱ nang gu ku nang zi̱t di̱n jen nang zi̱ ku nnwuak fwuo da̱ A̱tyoli Yesu Kristi a̱ni; ka̱ a̱nia wa, n shya̱ chet a̱ji n gyong gya fwuang ma̱ng A̱gwaza?!” Nang á̱kum a̱yaata̱m ba nfa̱k a̱lyiat Bitut na a̱ni, ba̱ si̱ shim kyang nang gu lyiat a̱ni. Ba̱ si̱ nwuo dyep A̱gwaza. Ba̱ si̱ nyia̱, “Ka̱ doot zi̱ li nang A̱gwaza nnyia̱ Nnwap na̱ nwai yet A̱yahudawa a̱ni shok; ba̱ ghwon a̱ka̱tuk nyia̱ mba wu, a̱wot ba̱ shya̱ swuan sang sangba̱p ji mameang!”