Popularne wersety biblijne z 2 Timoti 3

Udostępnij

A̱mgba̱m A̱lyiat A̱gwaza nani ghwut a̱bwonu A̱gwaza kya. A̱wot na̱ si̱ yet a̱tan ba̱t di̱ tyiet a̱chuchuk, ma̱ng gba á̱niet, ma̱ng jhyi nswat á̱niet, mbeang tyiet nkyang na̱ yet á̱tsotswat a̱ni. Mat A̱lyiat A̱gwaza na tyia̱ konyan wa yet a̱tyu nta̱m A̱gwaza a̱ni; a yet a̱tsatsak a̱tyu nta̱m, a̱ bu swan ma̱ng la̱p vam a̱ fwuong nyia̱ kuzang tangka̱i a̱tan nta̱m.

Timoti, ku myim a lyen shansham nang á̱ na nswuo a̱bung ba̱t di̱ jen ngaan ji. Di̱n jen a̱ja, á̱niet ba na yet, á̱niet chat á̱pyia̱ mba, á̱niet la̱u shyuo kurum, á̱niet tam da̱ á̱pyia̱ mba, á̱niet gba̱p a̱pyia̱, á̱niet ba̱ byian á̱ghyang ba lyulyoot ma̱ng a̱lyoot A̱gwaza a̱ni, á̱niet jhyuai á̱niet mbyin ba, á̱niet sang a̱gwai, á̱niet sang a̱wun A̱gwaza. Á̱niet lak chat á̱ghyang, á̱niet ba̱ng á̱ghyang mi̱ fwuo, á̱niet tyam á̱ghyang, á̱niet nwai ta̱bat á̱pyia̱ mba, á̱niet a̱ka̱kpa̱t, á̱niet nyia̱ na̱nvan ma̱ng a̱mgba̱m kyang ku yet a̱tan a̱ni. Á̱niet bani yet a̱yaabang a̱byin, á̱niet a̱gi̱gi̱k nyia̱, á̱niet ba̱ la̱u chat a̱kpai a̱ni, á̱niet chat fwuong nyinyang swak chat A̱gwaza hu. Á̱niet bani shei nta nang ba̱ ngyet á̱tsatsak á̱niet khwi A̱gwaza bya. A̱wot da̱ chyet mba ka, ba̱ fwuo a̱tsatsak chet A̱gwaza hu. Tyong zan, a̱ ghwon ntangka̱i á̱niet a̱nia!