A̱wot zi̱ gwai A̱gwaza! A̱ tyia̱ zi̱ si̱ yet a̱khwo Yesu, a̱wot Yesu wa yet a̱gwam nzwang a̱ kwak nzi̱t a̱son di̱ ta lang swuo chet nggu hu. Ma̱ninika, a̱ tyei nzi̱t zi̱ shei A̱lyiat nggu na kuzang a̱vwuo; ma̱nang á̱ ni̱ nfwui a̱myia̱ na̱ byia̱ swam nyinyang di̱n jen ta lang, konyan a̱ fa̱k swam hu a̱ni. Mat a̱nia, A̱sham Nkhang nzi̱t kya yet kidee swam a̱sham a̱myia̱ Kristi a̱hwa nang á̱ fwui, ku vwuot á̱ chong da̱ a̱vwuo A̱gwaza a̱ni. A̱wot á̱niet ba̱ shya̱ san a̱ni, ma̱ng á̱si̱ ba ba̱ shya̱ di̱n vak a̱khwu a̱ni, ba̱ fwuong swam a̱myia̱ a̱hwa di̱ nvak na̱ vwuon ma̱ng jhyang a̱ni.