Popularne wersety biblijne z 1 A̱korontiyawa 15

Udostępnij

Mat a̱nia, nyin á̱niet khwi Yesu ba nang n chat a̱ni, nyi yong mi̱ chet. Nyi yok shyei bah. Kuzang jen, nyi ni̱ mbyia̱ di̱dang nyia̱ nta̱m A̱gwaza na ma̱ng fwuo nyiung. Mat nyi lyen á̱ mbyia̱ ta̱m nang nyi nyia̱ da̱nian A̱gwaza, ku na yet a̱buk kyang a̱ni bah.

A̱wot zi̱ gwai A̱gwaza! A̱ nwuak zi̱t chet zi̱ swuo chet a̱ka̱tuk nyia̱ ma̱ng a̱khwu, mami a̱lyoot A̱tyoli nzi̱t wu Yesu Kristi.

Nyi yok shim á̱niet ba̱ laai nyin ma̱ng tangka̱i a̱lyiat huni bah, mat á̱ ni̱ nyia̱, “Swat ma̱ng á̱ka̱tuk á̱niet ni̱ byian a̱tan swat.”

A̱wot tangka̱i a̱ta̱m wu nang n gyet a̱fwun a̱ni, n gyet gu mat shok A̱gwaza ja. A̱wot shok nang A̱gwaza nyia̱ nung dyo a̱ni, ji̱ yet a̱buk kyang wa bah. Da̱ a̱kwonu a̱kya, n nyia̱ ta̱m shei a̱lyiat A̱gwaza hu swak á̱kum a̱yaata̱m Yesu ka. A̱mgba̱m ma̱ng a̱nia, chet shei a̱lyiat A̱gwaza a̱hwa yet si̱ nung hwa bah. A̱wot A̱gwaza wa nyia̱ ta̱m ma̱ng a̱nung mat shok nggu ji.

Nwan a̱khwu, chet ang hu shya̱ ji wa? Nwan a̱khwu, ta̱p a̱khwu nang a nchyui á̱niet ba a̱ni, ku shya̱ ji wa?” Mat a̱ka̱tuk nyia̱ wa yet ta̱p hu ku chong ma̱ng a̱khwu a̱ni. A̱wot doka ja nwuat a̱ka̱tuk nyia̱ chet.

Nyi fa̱k la! Yok n tyai nyin kyang a̱ga̱de ku shya̱ di̱ niat a̱ni. A̱mgba̱m nzi̱t bya na kwi bah. A̱wot a̱mgba̱m nzi̱t á̱ na shyak nvam nzi̱t na, á̱ ka̱u nzi̱t nvam fai na̱ nwai kwi a̱ni! Mi̱ da̱ ka̱ a̱nyiung, ma̱nang but á̱ghyi a̱ni, nang á̱ na ntyiap a̱gwa ngaan ka a̱ni. Mat jen nang á̱ na ntyiap a̱gwa ka a̱ni, á̱niet ba̱ ka̱n kwi a̱ni na doot, ba̱ swuan si̱ nat sang sangba̱p. A̱wot nzi̱t zi̱ shya̱ ma̱ng swuan di̱n jen a̱ja a̱ni, á̱ na kin shyak nvam nzi̱t na meang, mi̱ di̱ tyiap a̱gwa ngaan hu.

Mat a̱nia, ma̱nang á̱niet swanta ba nkwi mat a̱ka̱tuk nyia̱ A̱da̱mu a̱ni; ma̱ a̱nia wa, á̱niet swanta ba na ndoot ma̱ng swuan ma̱ á̱niet ba̱ ka̱n kwi a̱ni mat Yesu Kristi. Ma̱nang konyan nkwi mat a̱mgba̱m nzi̱t zi̱ mun á̱pyia̱ ma̱ng A̱da̱mu a̱ni; ma a̱nia wa, konyan wa mun á̱pyia̱ ma̱ng Kristi, á̱ na nang nggu swuan swai.

Mat ku yet ta hwa, á̱ shyak nvam nzi̱t na na̱ tyiai a̱ni, na̱ yet nvam na̱ nwai tyiai a̱ni. A̱wot ku yet ta hwa, á̱ shyak nvam nzi̱t na na̱ kwi a̱ni, na̱ bwuak á̱ tyia̱ nvam na̱ nwai kwi a̱ni.

Mat ku yet ta hwa Kristi a̱ nyia̱ tyok, si̱ nang gu swuo chet a̱mgba̱m á̱niet lak li nggu ba, a̱ sii tyia̱ mba a̱tafa á̱tai a̱ti̱tak nggu ba. A̱wot a̱tyu lak li ngaan wu nang á̱ na swuo chet guu á̱ tyak ma̱ng a̱nggu a̱ni, nggu wa yet a̱khwu.