Popularne wersety biblijne z Иоанныҥ 1-кы самаразы 2

Udostępnij

Телекейдиҥ јӱрӱмин, телекейде бар немени де сӱӱбегер. Телекейдиҥ јӱрӱмин сӱӱп турган кижиниҥ бойында Аданыҥ сӱӱжи јок, нениҥ учун дезе телекейде бары ончозы: эт-кан кычазы, кӧс кычазы, јадын-јӱрӱмде оморкойтоны Аданаҥ эмес, телекейдеҥ келип јат.

Телекейдиҥ јӱрӱми де ӧдӱп јат, оныҥ кычазы база, Кудайдыҥ табын бӱдӱрип турганы – ӱргӱлјиге јӱрет.

Оныҥ Бойында јӱрӱп јадым дегени, Ол чылап эдер учурлу.

Балдарым! Слерди кинчек этпезин деп, мыны слерге бичип турум. Је кем кинчек эткен болзо, бисте Акту Иисус Христос бар. Ол Ада алдында бис учун сурап јат.

«Оны билип алгам» деп айдып, јакылталарын чеберлебей турган кижи – тӧгӱнчи, оныҥ бойында чындык јок.

Оны билип алганысты Оныҥ јакылталарын чеберлеп јӱргенистеҥ кӧрӧдис.

Бойын јарыкта деп айдып, карындажын јаман кӧргӧни, эмдиге јетире караҥуйда.

Кем тӧгӱнчи? Иисус ол Христос болгонын јаратпай турганы. Ол – Аданы ла Уулды јаратпай турган антихрист.

Уулды јаратпай турган не ле кижиде Ада да јок. Уулды јарадаачыда Ада да бар.