Popularne wersety biblijne z Lom 2

Udostępnij

Mbá kuɔŋɔ́ awɔ́ ɔ ŋɔɔ́ bɔsɔnɛna baacɔ nyɛkua, kuɔŋɔ́ bɛ́muátá a kɛlaka bɛátɛ́ bɛɛbɛ́ bɛ́ bɛsana, menyí anyía ɔ tɛ kɔ́ɔ́ bɛ́hɔɔ bɔ́nɔ́sɛ cɛ Bandɔ́mɛsɛ́. Bandɔ́mɛsɛ́ áŋa na ambányɛ́kɛ́ yɛ́ ɔtɛ́má, u ti tényí bɔ́nɔ́sɛ ɔɔcɔ, wuúci ne oweéhínyínyi. Ɔ ŋɔɔ́ bábɛ́na bɛsana eébí e ? Mbá menyí anyía u ŋɔ yɔ́ɔ kɛla ambányɛ yɛ́ asana anyía u ŋa yáamba ɔ kuɔŋɔ́ íinjie ohónyí wú ɔbɛ́kákálákɛ́na búɔ́wɔ bɔɔbɛ́, mbá á sɔ́mba ɔkɔlɔ́ eé buúbu.

Mbá kuɔŋɔ́ aná, ɔ ɔ́ŋa aányɛ́, ɔ ŋɔɔ́ bɔsɔnɛna bɔsɔ́ɔ́kɔ́ nyɛkua e ? Bandɔ́mɛsɛ́ kɔ́ yɔ́ɔ lɔ́kɔ́mɛ́na bɔɔbɛ́ anyía ɔ ŋɔɔ́ bɔsɔnɛna bɔsɔ́ɔ́kɔ́ nyɛkua, yiíyi anyía kuɔŋɔ́ bɛ́muátá tɔ́na ɔ ŋɔɔ́ kɛla bɛátɛ́ bɛɛbɛ́ bɛ́ bɛsana. Ɛ́ɛhɛ́ ɔ́ mɔɔ́ bɛ́bɔ́sɔ́nɛ́na nyɛkua kuɔŋɔ́ bɛ́muátá.

Yááŋa anyía eé buúse bɔ́ Bandɔ́mɛsɛ́, baacɔ bekime á bɔ́ŋa bɔkɔ búmɔtɛ́.

Yááŋa anyíaʼo, tɛ́ cáŋa balɔ́kɔ́ma bikotí ne eetú bá bɔ́ŋa bɛtálɛ́mánánɔ́ bɛ́ baacɔ eé buúse bɔ́ Bandɔ́mɛsɛ́, mbá be-biíbi-látɛ́na. Beébe Bandɔ́mɛsɛ́ ŋa kɛ́la anyía bábɔ́ bámɔ́kɔ́na bɛtálɛ́mánánɔ́ bɛ́ baacɔ eeyé eé buúse.

Ɔ buɔ́sɛ́ eébú, u káá námaka ɔɔcɔ okime a nyɛnamá anyɛ́ u ŋaá bɛ́kɛ́lákɛ́na.

Mbá, a aháŋá ne be-wuúci-kɛlɛna aatɔ́ ɔnata, bá tɛ́ látɛ́na taaká, bá kɛ́laka hú bɛɛbɛ́ bɛ́ bɛsana, beébe eébé Bandɔ́mɛsɛ́ kóó lóbísíkinyi, yó beébe lɔ́kɔ́mákɛ́na bɔɔbɛ́.

Huúúʼ ! Asɛ ɔ́ɔ natá ɔtɛ́má, baabá ! Ɔ tɛ ŋɔ́ɔ waamba ɔbɛ́kákálɛ́na búɔ́wɔ bɔɔbɛ́ ; aáná ɔ ŋɔɔ́ bɛ́áŋɛ́nɛ́na yaandándá yɛ́ bɔ́nɔ́sɛ yɛ́ Bandɔ́mɛsɛ́. U kóó lóbísíkinyi bakɛla maabɛ́ ɔ buɔ́sɛ́ bɔ́ yááyɛ́ atálɛ́mánánɔ́ yɛ́ nyɛkála.