Popularne wersety biblijne z Maꞈtehˬ 8

Udostępnij

Yeˬsuˇ ehˇ-eu, “Jah-eu gʼaˬ baˬ dui dui-eu tsawˇ haˬ deuˬ-oˇ, Aˬ jeˬ miˇ neh teu naˆ naˆ-ehˇ guˆ te.” Kʼoeˇ naˇ, aˬ yawꞈ tuˇ-awˇ, jaˬ lehˇ hawˇ-eu lah-ahˇ dehˬ ngeh, ciˬ cuˇ ni pyeuꞈ-iˇ-euˬ meh.

Ehˇ kʼawꞈ, yehˇ tiˬ yaˇ gʼaˬ kʼoeˇ taˆ uˆ lahˇ-eu yaw huiˬ yaw mahˇ kʼoeˇ gʼaˬ ehˇ-eu, “Sahˬ paˬ-oˇ, nawˇ-aˬ, huiˬ dui mahˇ dui dui-eu miˇ neh, ngaˬ-euˬ nymˇ-ahˇ bi uˇ laˇ-eu maˬ geuˇ nya. Nawˬ neh dawˬ tiˬ dawˬ tehꞈ-ehˇ ngehˬ ahˇ leꞈ-euˬ kʼawꞈ, ngaˬ-euˬ zaˬ kʼaˆ taˬ leˇ tehꞈ-a.

Yaw huiˬ yaw mahˇ kʼoeˇ gʼaˬ kʼoeˇ loꞈ-ehˇ ehˇ gaˇ Yeˬsuˇ ya gaˬ ngeh, zahˬ leˇ-awˇ, aˬ yawꞈ-euˬ mehˬ nah caw teh luꞈ-eu tsawˇ haˬ deuˬ-ahˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Iˇsaˬleˬlaˆ tsawˇ haˬ deuˬ laꞈ kʼoeˇ kʼawꞈ, heu naˆ naˆ-ehˇ jah-eu tsawˇ haˬ ngaˇ maˬ mawˇ haw-aˬ.

Kʼoeˇ naˇ, yaw huiˬ yaw mahˇ kʼoeˇ gʼaˬ-ahˇ, “Gʼoꞈ-iˇ-awˬ. Nawˬ neh kʼaˇ jah-euˬ jeˬ keuˆ le luꞈ-uˇ” lehˇ, Yeˬsuˇ ehˇ nehˬ-euˬ meh. Kʼoeˇ ngeh, zaˬ kʼaˆ kʼoeˇ gʼaˬ tiˬ poˆ tehꞈ-ehˇ jawˇ saˇ doˆ laˇ-euˬ meh.

Tsawˇ haˬ kʼoeˇ deuˬ zahˬ dui dui leˇ-awˇ, tiˬ gʼaˬ tiˇ gʼaˬ ehˇ-eu, “Tsawˇ haˬ teu gʼaˬ aˬ joˆ-ehˇ gʼeh-eu tsawˇ haˬ nga. Jaˬ lehˇ hawˇ-eu iˇ cuꞈ-ahˇ keuˆ ni aˬ yawꞈ-euˬ dawˬ-ahˇ naˇ haˬ-eu nga.”