Popularne wersety biblijne z Maꞈtehˬ 12

Udostępnij

“Ngaˇ naw maꞈ-ahˇ ehˇ nehˬ nyaˇ. Yaˇ kʼaˬ daˇ-eu Aˇ nah keuˆ le ngeh, tsawˇ haˬ yawˬ gʼaˬ na luꞈ, yawˬ ha neh kʼaˇ ngehˬ dzeuˇ-euˬ gaˇ dahˇ maˬ tsoeˬ-eu dawˬ yawˬ dawˬ na luꞈ paˇ ya dzawˇ poˆ tehꞈ-a. Nawˇ iˬ baˇ ahˇ ngaˇ loˇ, maˬ ahˇ nga loˇ lehˇ, nawˬ-euˬ dawˬ-ahˇ haw-awˇ yaˇ kʼaˬ daˇ tehꞈ-a.”

Aˇ lawˇ uiˇ naˆ-euˬ zaˬ deuˬ-oˇ, naw maꞈ haiˬ dui dui-eu tsawˇ haˬ pyeuꞈ-eu-aˬ, dawˬ yaw muiˬ aˬ joˆ-ehˇ ngehˬ doˆ laꞈ nya nmˇ. Kʼaˬ meh-aˬ, nui ma laꞈ kʼoeˇ tiˬ byah ni shaˇ dawˆ taˬ-euˬ jeˬ ngehˬ doˆ laꞈ-eu meh.

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Kʼoeˇ miˇ neh, ngaˇ naw maꞈ-ahˇ heu loꞈ-ehˇ ehˇ-eu ma. Tsawˇ haˬ zaˬ neh kʼaˇ mˇ bahˬ-euˬ yawˬ jeˬ na luꞈ hawˇ-eu, yehˬ bawˬ sehˇ lu-ehˇ kʼaˇ ehˇ-euˬ yawˬ jeˬ na luꞈ-ahˇ, Miˬ yehˇ iˬ baˇ pyehˬ nehˬ nya tehꞈ-a. Ehˇ kʼawꞈ, Muiˬ-eu shawˇ-eu Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-euˬ jeˬ-ahˇ, iˬ baˇ maˬ pyehˬ nehˬ nya-a.

“Aˇ siˬ yaw muiˬ geuꞈ mawꞈ naˇ, aˇ bawˇ-ahˇ ya laˆ saˆ nehˬ meh. Aˇ bawˇ yaw doeˇ-ahˇ aˇ siˬ yaw muiˬ maˬ siˬ le-a. Aˇ siˬ-ahˇ haw-awˇ, aˇ bawˇ-ahˇ siˬ duˬ nya-eu meh.