Popularne wersety biblijne z Mar thehr liq 27

Udostępnij

Muhd phiq phawd awr seh nar rir kheh yand gaeg lehq, Yer suq awg khuhd pehz hehnd mehz lehq koz che, “E li, E li, la ma sa ba tha ni,” lehd koz kug che yaog. Cuhx kig vawr, “Ngag ved Ghig sa-og, Ngag ved Ghig sa-og, a thoq te lehq nawg ngag haq chid bag lar haz cheawg le,” lehd koz che yaog.

Awg yand u ve haq, bon yehg nux khuhn ve pha thed lar che liz, awg thag lo te lehq awg huhx lo kha gag ni khod te pheq vehr che yaog. Mig hiz lehq huhx meh teq pa liz awg khod sez phehq vehr che yaog. Tur phuh teq pa phaw kha vehr lehq, suh vehr lar che Ghig sa ve daq kehg che chaw kha peh vad-ag awg ton kawq teq tuag che yaog.

Yer suq awg khuhd pehz hehnd mehz te pawz kawq kug peg lehq sax chez vehr che yaog.

Maq yad awg hox he lehq yawd geh Yer suq haq paog chehd che maq yad teq pa awr lehr, mig hiz che he lehq kha phehaq che awg ceng teq pa haq gha mawg che te yand, i hehd teq pa kuhz jad lehq koz che, “Chaw che ve phad awr lehr, awg cehg mag Ghig sa ve Yad phu te ghad phehq che yaog,” lehz koz daq che yaog.

Muhd kaw cuhaz huh te lehq muhd phiq phawd awr seh nar rir kha gag, mig gig koar lo awg naz hoq awg naz tud saw phehq vehr che yaog.

“Kheh te ver, Khreq lehd koz che Yer suq haq ngag khawd-ehg kheh gha te lawg le,” lehd koz lehq muhd mig jawd mawd Pid laq i hehd haq na ngawx che te yand, i hehd teq pa awg gha lia koz che, “Laq kan thag huh thaq vehr lor,” lehd koz che yaog. Muhd mig jawd mawd Pid laq kawq koz vid che, “A thoq te lehq le. Yawd a thoq ted ceng haq te yaq kig cawg cheawg le,” lehd i hehd haq na ngawx che te yand, i hehd teq pa hax ceh nux maz kawq kug lehq koz che, “Yawd haq laq kan thag huh thaq veh-oq,” lehd koz che yaog.