Popularne wersety biblijne z TAUNET 37

Udostępnij

Ki irwotyi Joseph karwotitoet, ak ye kingo mwachi weeriik che tupcho, ko kites icheek kowech ineendet kosiir.

Ki chamei anyun `Israel Joseph kosiir weeriikyik tugul, amu kisichei ko kagoosit, ak kinapchi ngoryeet ne kooi ne poochin eunek.

Ago ye kingo keer weeriik che tupcho kole chamei kwandanywa ineendet kosiir icheek tugul, kowech miising' kot ko mata kocham kong'alaalji ineendet eng' kaalyeet.

Ki irwotyi karwotitoet age kogeny, ak komwachi tupchosyekyik koleenji, “Ogeero, koarwotyi kogeny karwotitoet: koing'uruukyoo asiista ak arawet ak kecheik taman ak agenge.”

Ki am ng'et kong' anyun tupchosyekyik agobo ineendet, ago kigonor kwandanyi ng'olyoondonooto eng' muguleldanyi.

Ki leenji icheek, “Kaigai ogas karwotitaoni koarwotyi: Ogeero, ko ki rate peek che mi ak mobeek eng' mbar, ak kong'eetyo peekyuk che koarat kotononso, yeityo koyiem peekwok che koorat peek chechuuk ak kong'uruukyi.”

Ongebe anyun kebar, si kewiirchi keriinget, ak kemwa keele, Kaam tyondo ne ya, si kegeer kiit ne egu karwotitaosyekyik.”

Ye kingo it yooto chemung'arainik che po Midian, ko ki imoong' icheek Joseph kolong' eng' keriinget, ak koaldochi ineendet Ismaelik eng' chepkondoi tiptem. Ki imut anyun Joseph kwo Misiri.

Ki ng'alaaljigei kole, “Ogeero! Nyoonei chiitap karwotitoet.

Ki keer icheeget ineendet kota komi ole loo, ak kingo tomo koriik ole mi, kotil ng'aleek ole partoi ineendet.

Ki leenji Reuben, “Amotumde korotiik. Owiirchi keriingoni mi surkwen, amoyachi kiy ne ya” si kosar ineendet eng' eunekwak, si koweekyi ineendet kwandanyi.