Popularne wersety biblijne z MAT 27

Udostępnij

Wo tuma, Isa wɔyɔra kan ba la ko: «Eli, Eli, lama sabakatani?» Wo kɔrɔ le ko: «N Maari, n Maari. Nfenna i ra i ban n dɔ?»

Wo waati kelen, Alla batobonba tɛɛtɛɛ faanin farara fila ri ka bɔ san ma ka se duu ma. Duukolo yɛrɛyɛrɛra, farakoloilu tera. Kaburuilu dalakara, mɔɔ sɛniman mɛnilu sani, wo siyaman su kununda.

Isa ka kule kan ba bɔ ikɔ tuun, ka a nii di Alla ma ka sa.

Romu tɛsidi kuntii ni tɛsidi tɔ mɛnilu ye ii jantola Isa rɔ, woilu ka duukolo yɛrɛyɛrɛ yen, ka ko kɛni woilu fanan yen. Wo rɔ, ii silanda kosɛbɛ. Ii ka a fɔ ko: «Tuɲa le, Alla Dencɛ le tɛrɛ cɛɛ ɲin di.»

Nba, tele la telen senin, dibi donda jamana fan bɛɛ rɔ. A tora ten haan wuran tele la.

Pilate ka ii maɲininka ko: «Ai ye a fɛ n ye nfen kɛ Isa la wo rɔ, mɔɔilu ye a fɔla mɛn ma ko Ɲenematɔmɔnin?» Ii bɛɛ ka a fɔ ko: «A ye gbɔngbɔn jiri kan ka a faa!» Pilate ka a fɔ ko: «Nfenna? A ka kojuu ɲuman de kɛ?» Kɔni ii ka do la ii la wɔyɔ kan kan ikɔ tuun ko: «A ye gbɔngbɔn jiri kan ka a faa!»