Popularne wersety biblijne z METHU 24

Udostępnij

Ho diimmah hii abuyaya kendo, miyu atañka hensunii lama lyukiñdo. Hojalo huna kamikalo lohepa pigii talyinii hii lyangur kokiñdo.

Ho siika raddeganda ka ayapuyu mi hikha kiiddi dotrḛ ho tonsḛr khenyo kendo, hikha ganda atañmi luko lugiñ naniiñpa; hosu kamikalo hii ahkiñ siidonii.

Ho nunu gyambo pasu niimi ho gyambo pasudo hiila tapa kendo; kato nunu ahialuñ nyayo; niimpalukoda hiila lyikiñdo lodake, hojalo anya nyanja sanii ahma ranke.

Niimpalukoda ganda ponge hii ganda ponge mi parii kendo, ho raddeganda hii raddeganda konemi, ho diime ahkiñdo ho myobu huniiñ hii ganda siiko abi hukiñ doke: hikha siika atañsi hojalo chunchi akhii chiri biiniiñ hiilyañ pasuke.

Dariiganda la kiiddiapiñ nyi lyukiñdo, hojalo ngiika aguñ luniiñ hii lyukiñ make.

Niimpalukoda abuje ngiika armyañ pa ahkiñdo, lubiidola, Ngo kristoke, ho mohlu abujemi ngogii kendo.

Ho mohlu nunumi hentḛrkanyi lohepa tiilii bilyi diike, ho nunumi siidopa miilyido; ho nunumi hikha miyuatañ ngiika piigopa kanamapa miikiñdo. Ho abuje henje kumapa miikiñdo, ho kone anyañmi talubalo siikiñdo, ho kone anyañmi kasu kema. Ho abuje amuhpaka nyibuhenii duri kendo ho abujemi ngogii kendo.

Ho Jisu mohlumi lukotii, Hendi tolya nunu kone lotrḛ ngogii kolyayo.

Hopa nunu tiirḛ hendila duto; niimpalukoda miyu ka Oho nunuka ahlyido hiila hemado arta ho ahkiñdo.

Hopa hendila dato, niimpalukoda nunu chimake nii allo ho niika Attoh ahkiñdo.

Hojalo hiika allo la hiika myodumi kone hetḛr chimma, dariiganda daka miidopopi tiirḛ, malo Oho, hojalo Aba kontiisii chinsu donii.

Niimpalukoda amuh Kristo ho amuh nyibuhenii hiila duri kendo ho kaye kagiñnanii la kahotamo miikiñ kendo, ngogya giidupa hiila, miila dokoda, kahenii atañmi.

Niitañpa Noah ka myodu ho lyine, hii chuli kendo Miyu ka Oho ka ahniiñ hii. Niimpalukoda hiika allo ho yasie tuha marañpa mohlu diila ho talha miitii, mihie lala ho millo ayañla miitii, Noah ka hulu ura ho amiñ dayemi, ho nii dahepa yasie tuha matiirañ ho mohlumi ka hikha tubii mado rañ hemi mohlu chimatii, hii chuli kendo miyu ka Oho ka ahniiñ hii.