Popularne wersety biblijne z پولُسئے کاگد په رومیان 7

Udostępnij

هُدائے شُگرا گِران که چه مئے هُداوندێن ایسّا مَسیهئے برکتا رَکّان. گڑا بزان من وتی اَگلا هُدائے شَریَتئے گُلام آن، بله وتی تَب و سَرِشتا گناهئے کانونئے گُلام آن.

منَ زانان که منا، بزان منی گُنهکارێن تَب و سَرِشتا هچّ نێکیے مان نێست. منا نێکێن کار کنگئے واهگ هست، بله کرتَ نکنان.

آ نێکێن کاران که کنگَ لۆٹان، نکنانِش، بله هما بدێن کارانَ کنان که کنگِشَ نلۆٹان.

اگن من هما کارانَ کنان که کنگِشَ نلۆٹان، گڑا چه اِد و رَند آ کارانی کنۆک من نه‌آن، هما گناه اِنت که منی تب و سرشتا اِنت.

پمێشکا من وتی تها اے کانونا گندان که وهدے نێکی کنگَ لۆٹان، نێکیئے جاگها بدی منی تها کئیت و نندیت. وتی دِل و دَرونا، چه هُدائے شَریَتا شادان آن،

اگن هما کارانَ کنان که کنگِشَ نلۆٹان، گڑا مَنّان که شَریَت شَرّ اِنت.