Popularne wersety biblijne z پولُسئے کاگد په رومیان 3

Udostępnij

پرچا که سجّهێنان گناه کرتگ و چه هُدائے شان و شئوکتا زِبَهر اَنت، بله گۆن هُدائے رَهمتئے نیامتا و هما مۆکگا که چه ایسّا مَسیهئے برکتا رسیت، راستاور و بێمئیار هسابَ بنت.

ایسّا مَسیهئے سرا باورمندی، اے راستاوریئے بَکشِشا په سجّهێن باورمندانَ رسێنیت. و هُدا هچّ پَرک و پێرَ نکنت،

هُدایا ایسّا اے دنیایا دێم دات تانکه آییئے هۆن هما کپارَت ببیت که چه ایمانئے راها گناهانَ شۆدیت. اے کاری په وتی راستاوری و آدلیئے پێش دارگا کرت، پرچا که گۆن وتی هُدایی سَبر و اۆپارا مردمانا پێسریگێن گناهانی سزایی نداتگ‌اَت. هُدایا چُش کرت که مرۆچیگێن وهدا پێش بداریت که راستاور و آدل اِنت و گۆن وتی راستاوریا هما کَسا راستاور و بێمئیارَ کنت که ایسّائے سرا ایمانَ کاریت.

پرچا که هچکَس چه شَریَتئے رندگیریا هُدائے دێما راستاور و بێمئیار هسابَ نبیت. شَریَت بسّ مردما سرپدَ کنت که گناه چێے.

اَنچُش که نِبشته اِنت: ”کَسّ راستاور نه‌اِنت، هچکَس. کَسّ سرپدَ نبیت، هچکَس هُدائے شۆهازا نه‌اِنت. سجّهێنان چه راها تاب کرتگ، هۆریگا سِلّ بوتگ‌اَنت، نێک‌کارے نێست، یکّے هم نێست.

چێا که ما زانێن که اِنسان چه باورمندیا راستاور هسابَ بیت، چه شَریَتئے کارانی کنگا نه.

هچبر! بِلّ تُرے هر انسان درۆگَ بندیت، بله هُدا هروهد راستگۆ اِنت! اَنچُش که نِبیسگ بوتگ: ”پمێشکا، تئو که هبرَ کنئے، برهکّ ائے و کَزاوَت که کنئے، پێرۆز ائے.“