Popularne wersety biblijne z پولُسئے کاگد په رومیان 16

Udostępnij

سُهل و اێمنیئے هُدا همے زوتّان شئیتانا شمئے پادانی چێرا هورت و آرتَ کنت. مئے هُداوندێن ایسّا مَسیهئے رهمت گۆن شما گۆن بات.

او براتان! چه شما دَزبندیَ کنان، چه همایان هُژّار ببێت که ناتپاکی دئورَ دئینت و شُمئے دَر بُرتگێن تالیمانی هِلاپا، شمارا چه ایمانئے راها دَرَ کننت. چه چُشێن مردمان وتا دور بدارێت،

چێا که اے پئیمێن مردم مئے هُداوندێن مَسیهئے هِزمتا نکننت، آ وتی لاپئے گُلام اَنت و گۆن وتی نرم و چرپێن زبانا سادگێن مردمان رَدَ دئینت.

نون هُدایا ستا و سنا بات، که چه منی اے وشّێن مِستاگ و ایسّا مَسیهئے کُلئوئے جارئے برکتا، شمئے ایمانا مُهر و مُهکم داتَ کنت. اے مِستاگئے راز کَرنانی کَرن چێر اَت، بله اَنچُش که نبیان پێشگۆیی کرتگ‌اَت، نون گۆن نمیرانێن هُدائے هُکم و پرمانا پاشک بوتگ، تانکه سجّهێن دَرکئوم ایمان بیارنت و هُدائے پرمانبردار ببنت. چه ایسّا مَسیهئے برکتا یکّێن داناێن هُدائے شان و شئوکت تان اَبد برجاه بات. آمین.