Popularne wersety biblijne z پولُسئے کاگد په رومیان 12

Udostępnij

گۆن اے دنیایا همرنگ و همدرۆشم مبێت، وتی پِگر و پَهما نۆک بکنێت و وتا بدل کنێت، تانکه شما اے زانتا سر ببێت که هُدائے رَزا چے اِنت، کجام چیزّ شَرّ و کامل اِنت و هُدایا پَسُند اِنت.

او براتان! منی دَزبندی گۆن شما اِش اِنت که هُدائے رَهما بچارێت و وتی بدنا چۆ زِندگێن کُربانیگێا پێش بکنێت که پاک و پَلگار اِنت و هُدایا پَسُند اِنت. اے شمئے هکّیگێن اِبادت اِنت.

وتی اُمێتئے سرا گَل ببێت، سکّیانی تها سبر و اۆپار بکنێت و وتی دْوایان مُدام برجا بدارێت.

مئیل که بدی تئیی سرا سردست ببیت، گۆن نێکیئے زۆرا بدیا اێردست بکن.

گۆن براتی مِهرے، یکدگرا دۆست بدارێت، په شرپ و اِزّت دئیگا چه یکدومیا دێماتر ببێت.

شمئے مِهر باید اِنت په دل ببیت. شما چه بدیا نپرت بکنێت و گۆن نێکیا همگْرنچ ببێت.

همینچُک که شمئے دستا بیت، گۆن هرکَسا په سُهل و اێمنی زِند بگوازێنێت.

او دُردانگێن دۆستان! بێر مگرێت، کَهر و گزبا په هُدایا بِلّێت. چێا که نِبشته اِنت: ”هُداوندَ گوَشیت: ’بێرئے گِرگ منی کار اِنت، سِزا دئیۆک من آن.‘“

شَرّێن کارا سُستی مکنێت. گۆن پاکێن روهئے زۆرا وتی کارا په هُبّ و واهگ بکنێت. هُداوندئے اِبادت و هِزمتا بکنێت.

گۆن همے رهمتان که منا بَکشگ بوتگ‌اَنت، شمارا هریَکّێا گوَشان که وتا چه وتی کدّ و کساسا بُرزتر سرپد مبێت. همینچُک ایمانئے اندازها که هُدایا شمئے سرا بهر کرتگ، هما ایمانئے هسابا، وتا هما کِساس سرپد ببێت که هَکّ و دلا هست‌اێت.

گۆن کَسّا بدیئے بدلا بدی مکنێت. هما کارانی رندا ببێت که هرکَسئے چمّان شَرّ اَنت.

گۆن یکدومیا په همدلی زِند بگوازێنێت. پَهر و شان مکنێت، کمترێنانی همراه بئیگا لَجّ مکنێت. وتا باز دانا سرپد مبێت.

بێر گرگئے بدلا: ”اگن تئیی دُژمن شُدیگ اِنت، وراکی بدئے، اگن تُنّیگ اِنت، آپی بدئے، تئو که چُشَ کنئے، آییئے سرا رۆکێن جَل و اِشکر پِرَ رێچئے. “

اگن کَسے شمارا آزارَ دنت، په آییا برکت بلۆٹێت، برکت بلۆٹێت و نالت مکنێت. اگن کَسے شادِهَ کنت گۆن آییا شادِه بکنێت و اگن کَسے گرێت گۆن آییا بگرێوێت.

هُدائے پَلگارتگێنانی هاجتانی پوره کنگا گۆن ببێت و مهمان‌دۆست ببێت.

اَنچۆ که مئے یکّێن بدنا بازێن آزاے هست و سجّهێن آزایانی کار یکّ نه‌اِنت، همے پئیما ما که باز اێن، مَسیهئے برکتا یکّێن بدن اێن و چه ما هر یکّے اَنچێن آزاے که گۆن آ دگران همگرنچ اِنت.