Popularne wersety biblijne z Rom eyŋ e lɛl 6

Udostępnij

Nawrɛ, aŋke sikpl eci labm sↄg ekʼanŋ ɛm a el luw; kↄ Nyam eci ob ap a el sel a ekʼↄnym uwr, ke li bʼↄŋ ɛy, ɛy Ɛs Kↄtↄkↄ Jesu Krist ab ecʼaf okr ab ɛm a.

Sica eke ow elm ol ɛwm ↄny es ij, ke ow el Nyam eci sↄrŋ ikŋ ab anake ɛw ↄny es a, sikpl kʼↄtum ↄnym abusu ↄny af ij.

Ow sosiɛm, eke wɛl ok ɛy mij nuŋ a, sʼuw ɛtŋ wɛl oc ɛy es in ab. Gbɛkↄ, Nyam ecʼanygbɛl ecʼabusu ligbɛl a igbm Krist agŋ ekʼuw ab ɛm, yecʼɛtŋ ke ɛy yɛji, sʼↄ́ny ɛb ir owr.

Kʼòcr ↄny eci sos a eci susu susu a kʼɛwr es sikpl eci, ɛsɛ ejagb eke ɛru es low ŋuŋ kok ecʼaf. Kↄ nana, òcr ↄny nimum kokr Nyam e low, ɛsɛ agŋ ekʼanŋ luw ɛm igb anŋ owr af. Òcr ↄny eci sos a eci susu susu a ɛwr es ɛsɛ ejagb eke ɛru es low nyim nyim e kok ecʼaf.

Sʼírir low na sɛnyn sɛnyn: ɛy ecʼelel eke sʼanŋn anym ɛm a, wɛl oc lele Krist ab ↄbm olikŋ. Ow ↄŋ, sikpl a eke anŋ ɛy ɛm a uŋ, ɛtŋ sʼelm in eci madu ij.

Ɔny yɛji, ocar ↄny sosi ɛsɛ agŋ eke sikpl ecʼabusu a ɛwm es ij, ke Jesu Krist ab ecʼaf okr ab ɛm am ir ɛb Nyam ecʼaf.

Sica ayaf si ki dadr ab ee? Kↄ sikpl ow it eke abu kʼanŋ ɛy ɛm sʼam kok yecʼɛtŋ ke Nyam e sↄrŋ ikŋ a ám ɛny bobn ee? Njaŋ, ow elm ɛbɛn! Ɛy sʼɛcr luw eke ↄny kpab ɛy es sikpl e lís ab ɛm. Ayaf ɛmɛny sʼↄtu eke si kʼir sikpl ecʼɛb ee?

Ɔny uwr any tasi eke, eke bʼɛgŋn ebr am kokr ɛgŋ eci juma ɛsɛ madu af a, ↄny eel ɛgŋ a eke am ɛlumn a eci madu. Ow sosiɛm a, oglog ↄny eel sikpl e madu, ke sikpl óc im ɛlu ↄny luw ɛm, oglog ↄny eel Nyam e madu, ke ↄ́nyn ɛb ir nyim nyim in ecʼany af, aŋke bʼↄnyn in ecʼɛlum.

Sʼↄ́ŋ Nyam bia! Lɛgŋ sig ɛm a, ↄny eel sikpl eci madu. Jam aŋa ɛm a, ↄny ɛgŋn ebr eke kʼɛlumn ↄny ecʼɛrm fɛŋ ɛm, Amani Mamn a eke wɛl babul agŋ fɛŋ a. Ɔny dogŋnin sos ebr sikpl ecʼabu ɛm ɛtŋ am kokr low nyim nyim eci juma.