Popularne wersety biblijne z Abaruumi 3

kubanga bonna baayonoona, ne batatuuka ku kitiibwa kya Katonda; naye baweebwa obutuukirivu bwa buwa lwa kisa kye olw'okununulibwa okuli mu Kristo Yesu.

bwe butuukirivu bwa Katonda olw'okukkiriza Yesu Kristo eri bonna abakkiriza; kubanga tewali njawulo

Katonda gwe yassaawo okuba omutango, olw'okukkiriza omusaayi gwe, okulaga obutuukirivu bwe, olw'okuleka ebibi ebyakolebwanga edda, Katonda ng'agumiikiriza; okulaga obutuukirivu bwe mu biro bino, alyoke abeere omutuukirivu era ng'awa obutuukirivu buli akkiriza Yesu.

Kubanga olw'ebikolwa by'amateeka alina omubiri yenna taliweebwa butuukirivu mu maaso ge, kubanga amateeka ge gamanyisa ekibi.

nga bwe kyawandiikibwa nti, “Tewali mutuukirivu n'omu; Tewali ategeera, Tewali anoonya Katonda; Bonna baakyama, baafuuka batasaana wamu; Tewali akola obulungi, tewali n'omu

Kyetuva tukakasa ng'omuntu aweebwa obutuukirivu lwa kukkiriza sso si lwa kutuukiriza bikolwa bya mu mateeka.

Nedda, tekisoboka. Katonda aba wa mazima, buli muntu ne bw'aba omulimba; nga bwe kyawandiikibwa nti, “Obeere mutuukirivu mu bigambo byo, Osinge bw'osalirwa omusango.”