Popularne wersety biblijne z MATIUS 24

Udostępnij

Kekat kesa'at tai vat-vat pah avéé' penika lem kenin kelunan tai mabah awah ngan bé' pu'un pengelan. Bang séé'-séé' éh ngeretep pah avéé' ga' néh iah omok alaa' urip.

La'ah Rengah Jian iteu' éh bara' tong jalan Allah juk tuai Pengeja'au ngan mihau kekat kelunan, pu'un éh benara' réh pah tipo tana' dokoo' kekat kelunan omok jam éh, boh éh pengega' tana', ha' néh.

Adang keh pu'un menéng rengah kelunan pekayau, pu'un éh kenat belah keh siteu', kenat péh tong irah tong tana' éh juu' péh. Bang menéng keh, hun néh pu'un kenat, mai keh pua kenin. Adang kekat éh inah juk avéé' tenah, bang bé' jak éh inah éh ga' néh.

Adang jah arong kelunan juk tai ngayau jah arong kelunan kepéh, irah éh lem nihau jah peritah juk tai pekayau ngan irah éh lem nihau peritah éh jah. La'ah tong kuraa' tana' pu'un la'au' éh ja'au mu'un ngan tegen tana' péh. Kekat éh kenat inah éh barei' kesakit redo teka néh juk nganak, pu'un éh sakit juk nganak, bang bé' jak anak néh pelohoo', ha' néh.

Langit ngan tana' juk salai béé, bang kekat ha' tebaraa' ké' pu'un éh pelinguh, ha' néh.

Pinaa' kelunan éh juk tuai lem ngaran Ké' éh bara' ka', Akeu' néh éh Kristus, ha' réh. Neu' ha' réh pané kenat inah réh ngelavo' kuraa'-kuraa' kelunan.

Ha' Yésus kepéh, La'ah tovoo' inah péh pu'un kelunan ngamit keh ngan mena' keh ngan irah éh jah ke' réh ngukum keh, jelua' keh penatai réh. Kekat kelunan leko keh uban keh ngelan tong Akeu'. La'ah tovoo' inah pinaa' kelunan éh bé' petem pengelan réh. Pu'un réh penalo réh ngan ngeleko kelunan. Tovoo' inah pinaa' nabi éh kenyo juk tuai éh ngelavo' kelunan, éh bara' iah sohoo' Tuhan, bang bé' réh sohoo' Tuhan. Inah irah petawang kelunan pinaa'.

Ha' Yésus mipa réh, Mavaa' keh jian-jian dai kelunan petawang keh.

Uban néh kenat jian keh ngelayau petenup uban adang Anak Kelunan pu'un tuai tovoo' keh bé' seruh éh tuai, ha' néh.

Mavaa' keh jian-jian uban bé' keh jam hun mah Tuhan keh pu'un tuai kepéh.

Ha' Yésus kepéh, Tong dau Ké' tuai kepéh, bé' pu'un séé'-séé' péh éh jam éh, meliket tong seruga péh bé' jam éh, usah ké' tengéé' péh bé' jam éh, Tamen ké' awah éh jam éh.

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

Tovoo' Anak Kelunan tuai kepéh pu'un éh barei' hun Noh murip tong tana' sahau. Tovoo' Noh maneu' kapen nah, irah pinaa' kuman ngan mesep, ngan kawin telalau awah, pah avéé' dau Noh masek lem kapen. Bé' irah nesen éh, bé' irah jam seruh, pah avéé' baa' pu'un ja'au ngan irah béé matai menyet neu' baa' inah. Barei' inah péh hun Anak Kelunan pu'un tuai