Popularne wersety biblijne z Taga-Ruma 8

Udostępnij

Na tahan tad on so-idi natad-oman. Agad nokoy no ogpaka-abut ita no niglogon to Diyus, kadoog din ogpadampotan to ogkahimu no panalangin ta. To mgo otow no niglogon to Diyus no pigtawag din, kandan to pigpasakup din du-on kandin aw tumana dan kandin. Iyan intawag to Diyus kandan su moydu-on tu-ud to Diyus du-on kandan.

Su tinad-oman kud lagboy to wadad ogpakapagluwat ita du-on to Diyus no niglogon ita no ingkapatu-u to pagpakimatoy ita ni Jesu-Kristu no Magbobo-ot ta. Wadad iyan ogpakapagluwat ita du-on to Diyus su wadad kahadokanan ta agad kamatayon, dow kalisodan to buhì ki pad, dow diwata, dow busow, dow kabotang ta kunto-on no timpu dow kaugayan, dow agad nokoy no kabogbogan, dow agad nokoy pad diyà to ka-awanan dow diyà to kadaoman to pasak, dow agad nokoy pad no nangkabotad tibò. Wadad iyan ogpakapagluwat ita du-on to Diyus no niglogon ita.

Konà no pinabayà dà to pagpatibuus to ginhawa ta to ogtabang ita no ogtagad, dì to Ispiritu Santu gayod to ogpabaya-on su ogtabangan ki din du-on ko konà ma-amuhan ta. To pag-ampù ta gayod to Diyus, ogtabangan ki to Ispiritu Santu su ita no otow, wadà ta kama-ani dow nokoy lagboy podon to ogpangamuyu-on ta du-on to Diyus aw dow nokoy gayod podon to igpabayà. Dì to Ispiritu Santu, kanunoy ki din og-ampu-an diyà to Diyus bahin to agad nokoy dini to sood to ginhawahan ta no konà ta podon ogka-otawan to paglituk.

Na nokoy to ogka-anadan ta ton na-ikagi kud. Igkanangon ita to mano kanunoy kid natabangan to Diyus, wadà ogpaka-amonu on ita.

Kaling man ita no mgo sakup ni Jesu-Kristu, wadad on ogkasukoniban ta no ogsukmaton to Diyus su moydu-on igkalipwas to kamatayon no wadà katapusan

Na to mgo otow dini to babow to kalibutan no na-alladan to kandan ibog, iyan dà ogkadomdoman dan to pag-unug to mado-ot no hinang. Dì sikan, wadà duma no ogkapadoogan ko konà no igkaluwat dan to Diyus no wadà katapusan. Dì to otow no ogpa-allad to Ispiritu Santu, kadoog din ogdomdomon to pag-unug to pagbo-ot to Diyus aw tawoy sikan, wadà samuk du-on to ginhawahan din su wadad on paghikablang to Diyus aw kandin, aw ogkadawat din to kinabuhì no konad ogkawadà.

Dì wadad ogpakapagluwat ita du-on ki Jesus no niglogon ita. Dì tibò no ogpaka-abut ita, ogpada-ogon ki tibò aw labow on to kabogbogan ta to pagda-og ta no impabayà ki Jesus no niglogon ita.

To domdom ku, to kahadat ta dini to babow to kalibutan kunto-on, ma-intok dà ubag ko domdomon ta du-on to panalangin no ogkakita-an ta ko tuuson ki to mahudi no adow.

Wadà iyan ogpakapagluwat ita du-on ki Jesu-Kristu no niglogon itanow su wadà kahadokanan ta agad mado-ogan ki to kalisodan, dow kahadatan, dow pag-uwang-uwang, dow bontas, dow lobas, dow kamuwahanan, dow agad mahimatayan kid, dì wadà iyan ogpakapagluwat ita du-on ki Jesus kunto-on aw kaugayan.

Tibò du-on to ginhawahan to otow, ogpangintagahan to Diyus aw kadaagi din to kalitukan to pagpangamuyù to Ispiritu Santu no pagtabang din ita to pag-ampù dini to sood ta su to domdom to Diyus aw domdom to Ispiritu Santu, oghiduma aw pagtubus din ita, kanunoy din igpabayà to pagbo-ot to Diyus.

To otow no kadoog ogka-alladan to Ispiritu Santu, kandin iyan to batà to Diyus.

Na to mgo otow dini to babow to kalibutan no na-alladan to kandan ibog, iyan dà ogkadomdoman dan to pag-unug to mado-ot no hinang. Dì sikan, wadà duma no ogkapadoogan ko konà no igkaluwat dan to Diyus no wadà katapusan. Dì to otow no ogpa-allad to Ispiritu Santu, kadoog din ogdomdomon to pag-unug to pagbo-ot to Diyus aw tawoy sikan, wadà samuk du-on to ginhawahan din su wadad on paghikablang to Diyus aw kandin, aw ogkadawat din to kinabuhì no konad ogkawadà.

Wadad iyan ilogod to Diyus ita to kandin Anak ko konà no imbusuu din on ita. Kaling man nama-anan ta iyan to igbogoy din ita to kapookanan ta aw sikan, wadà bayad.

Ispiritu Santu to nigmatu-ud to domdom ta no nahimu kid on no batà to Diyus. Mano batà kinow on to Diyus, ogkadawat ta to panalangin no pighina-at on to Diyus no igbogoy du-on to mgo sakup din. Ko malisodan ki likat to pagpasakup ta ki Jesu-Kristu, angod to nigpagtampu kid kandin to kandin kalisodan. Ogpaka-agad kid gayod ogpakapagtampu kandin to pagtuusa din aw kalabot ki to imbogoy kandin to Amoy din.

To otow no iyan dà nadomdoman din to kandin ibog, kandin iyan to nakapagkablang to Diyus. Konà din ogka-unug to igpa-unug podon to Diyus

Agad nokoy no nangkabotad on to Diyus, ogkatagadan dan tibò podon to adow to pagtuusa to mgo batà to Diyus.

To nangkabotad to Diyus tibò, likat to kapinunu-an hantod kunto-on, namandagong kandan to pagtagad dan pad no padatongon du-on kandan to Diyus.