Popularne wersety biblijne z Salmo 51

Udostępnij

Payavayoan mo yaken so matalineng as kano manamonamo a kapangtokto ko.

Pavidien mo diaken o kasoyosoyotan no nakalibri mo diaken as kaparin mo diaken a maydamnay a manganohed dimo

Tadichokoran moava yaken anmana pakarohen moava diaken o Espirito mo.

Asna no itoroh ko a ipakamia mo am no kapamahbo ko do salapan mo as kano kapanehseh ko do gatos ko a omonot dana dimo.

Ichasi mo yaken, O Dios, do rakoh a addaw mo as do rakoh a kasisien mo am pakaboan mo o gatos ko sa. Linisen mo yaken do atavo a gatos ko as kapakanamonamo mo diaken.

Pakabohen mo o gatos ko as kalinis mo diaken tapian manamonamo ako a abo dana so mancha.

Imo o pinakagatogatosan ko, ta somnada ako do salapan mo. Rawaten ko as kasinchad ko dia o mahosto a nakahosga mo diaken.