Popularne wersety biblijne z Loma 8

Udostępnij

Kae‘uma‘ā ‘oku tau ‘ilo, ‘ilonga ‘a e kakai ‘oku ‘ofa ki he ‘Otua, ‘oku fengāue‘aki ‘a e me‘a kotoa pē ma‘anau lelei; he ko e kakai kinautolu kuo ului ‘o fakatatau ki he‘ene tu‘utu‘uni.

Seuke, ‘oku te tui, ‘e ‘ikai lava ‘e he mate, pe ko e mo‘ui, pe ko ha kau ‘āngelo, pe ko ha kau pule, pe ko ha ngaahi me‘a ‘oku lolotonga ni, pe ko ha ngaahi me‘a ka hoko mai, pe ko ha ngaahi mālohi, pe ko ha mā‘olunga, pe ko ha loloto, pe ko ha me‘a ‘e taha ‘i Natula, ‘e ‘ikai te ne lava ke motuhi kitautolu mei he ‘ofa ‘a e ‘Otua, ‘a ia ‘oku ‘ia Kalaisi Sīsū ko hotau ‘Eiki.

Pehē foki, ko e Laumālie ‘oku ne tokoni‘i ‘eta vaivai: ‘o pehē, ‘oku ‘ikai te ta ‘ilo pe ko e hā te ta lotua ke hoa mo ‘eta faingata‘a: ka ko e Laumālie ‘oku ne hufekina ‘e ia ‘a kitaua, ‘aki ‘a e ngaahi to‘e ‘oku ‘ikai fa‘a fakamatala.

Pea ko e hā ai ha‘ata lea ‘e fai ki he ngaahi me‘a ni? ‘Ā, kapau ‘oku kau ‘a e ‘Otua ma‘atautolu, pea ko hai tū ‘e ta‘ofi mai?

KO ia, ‘i he tu‘u ko eni, ‘oku ‘ikai ha momo‘i fakahalaia ‘o e kakai ‘oku ‘ia Kalaisi Sīsū.

Pea ko e feinga ‘a e kakano ko e koto mate ia: ka ko e feinga ‘a e laumālie ko e koto mo‘ui mo melino.

‘Ikai; ka ‘i he ngaahi me‘a ni kotoa pē ‘oku tau ikuna noa pē ‘iate ia ne ne ‘ofa‘i kitautolu.

Seuke, ‘oku te pehē, ko e ngaahi mamahi ‘o e taimi ni ‘oku ‘ikai kākunga ke tatau mo e lāngilangi ‘oku ene ke fakae‘a mai, ‘o ‘ai kiate kitautolu.

Ko hai tū ha taha te ne motuhi kitautolu mei he ‘ofa ‘a Kalaisi? ‘A mamahi? ‘A faingata‘a? ‘A fakatanga? ‘A honge? ‘A taka pē? ‘A tu‘utāmaki? ‘A heletā?

Ka ko ia ‘oku ne hakule ‘o e loto, ‘oku ne mea‘i ‘a e me‘a ‘oku feinga ki ai ‘a e Laumālie; koe‘uhi ‘oku fai ‘i he funga ‘o e finangalo ‘o e ‘Otua ‘ene hufekina ‘a e kakai lotu.

He ‘ilonga kinautolu ‘oku tākiekina ‘e he Laumālie ‘o e ‘Otua, ko kinautolu ia ‘a e ngaahi foha ‘o e ‘Otua.

He ko kinautolu ‘oku nau anga fakakakano, ‘oku nau toka ki he ngaahi me‘a ‘a e kakano; ka ko kinautolu ‘oku anga fakalaumālie, ‘oku nau toka he ngaahi me‘a ‘a e Laumālie.

Seuke, kapau na‘e ‘ikai mamae ‘e he ‘Ene ‘Afio ki hono ‘Alo mo‘oni, ka ka tukuange ia ke pekia koe‘uhi ko kitautolu fuli pē, pea fēfē ai ha‘ane mamae ke foaki mai mo ia ‘a e me‘a kotoa pē.

Ko e Laumālie, ‘oku ne kaungā fakamo‘oni ‘e ia mo hotau laumālie, ‘o pehē, ko e fānau ‘a e ‘Otua ‘a kitautolu. Pea kapau ko e fānau, tā ko e ngaahi ‘ea foki, ko e ngaahi ‘ea ‘o e ‘Otua, pea kaungā ‘ea mo Kalaisi; ‘o kapau ā ‘oku tau kaungā mamahi mo ia, ka tau kaungā hākeaki‘i foki mo ia.

Koe‘uhi ko e feinga ‘a e kakano ko e koto fakafili ki he ‘Otua: he ‘oku ‘ikai te ne fakavaivai ia ki he lao ‘a e ‘Otua; seuke, ‘oku ‘ikai ‘aupito te ne lava.

‘Io, ko e ‘amanaki tu‘u ‘a Natula ‘oku ne nofo‘aki tali ki he fakae‘a ‘o e ngaahi foha ‘o e ‘Otua.

Seuke, ‘oku tau lāu‘ilo pē, ‘oku fai ‘o a‘u ki he taimi ni ‘a e fetō‘eaki mo langā ‘a Natula kātoa.