Popularne wersety biblijne z Loma 13

Udostępnij

Ka mou ‘ai mu‘a ‘a e ‘Eiki ko Sīsū Kalaisi; pea ‘oua na‘a tokonaki ki he kakano ke kanoni ‘ene ngaahi holi.

‘Oua na‘a ai hamou mo‘ua ki ha ni‘ihi, ngata pē ‘i he mo‘ua ke ‘ofa ki ai: he ko ia ‘oku ne ‘ofa ki he taha, kuo ne ‘osiki ‘a e Lao.

KE anganofo ‘a e tangata kotoa pē ki he ngaahi pule ‘oku mā‘olunga: he ‘oku ‘ikai ha pule, ka ‘oku mei he ‘Otua pē; pea ko e ngaahi pule ‘oku ‘i ai ni, ko e fokotu‘u ‘e he ‘Otua.

Kuo faka‘a‘au atu ‘a e pō, pea kuo ofi ‘a e ‘aho: ko ia, ke tau hu‘ihu‘i ‘a e ngaahi ngāue ‘o e po‘uli, ka tau ‘ai ‘a e mahafu ‘o e maama.

Tala‘ehai ‘oku fai ‘e ‘ofa ha kovi ki hono kaungā‘api; ‘āua, tā ko e ‘ofa ko e koto ‘osiki ia ‘o e Lao.

Ko ia, mou fai kiate kinautolu kotoa pē ‘a e me‘a ‘oku totonu: ‘a e tukuhau kiate ia ‘oku ‘a‘ana ‘a e tukuhau; ‘a e tute kiate ia ‘oku ‘a‘ana ‘a e tute; ‘a e manavahē kiate ia ‘oku ‘a‘ana ‘a e manavahē‘ia; ‘a e faka‘apa‘apa kiate ia ‘oku ‘a‘ana ‘a e faka‘apa‘apa‘ia.