Popularne wersety biblijne z Loma 10

Udostępnij

Koe‘uhi, kapau te ke fakahā ‘aki ho ngutu, ko e ‘Eiki ‘a Sīsū, pea ke tui ‘aki ho loto kuo fokotu‘u ia ‘e he ‘Otua mei he pekia, ‘e fakamo‘ui koe.

He ‘oku fai ‘a e tui ‘aki ‘a e loto ke ma‘u ‘a e fakatonuhia, ka ‘oku fai ‘a e fakahā ‘aki ‘a e ngutu ke ma‘u ‘a e fakamo‘ui.

Tā ‘oku tupu ‘a e tui mei he fanongo, pea ‘oku fai ‘a e fanongo ko e ‘i ai ha folofola ‘a Kalaisi.

He ‘oku pehē ‘e he Tohi, ‘ilonga pē ‘a ia ‘e tui kiate ia, ‘e ‘ikai fakamaa‘i ia. He ‘oku ‘ikai ha fai kehekehe ki he Siu mo e Kalisi: he ‘oku taha ai pē ‘a e ‘Eiki ‘o e kakai kotoa pē, pea mohu me‘a ma‘a e kakai kotoa pē ‘oku tautapa kiate ia. He ‘ilonga ‘a ia ‘e tautapa ki he huafa ‘o e ‘Eiki ‘e fakamo‘ui.

Pea malanga fēfē ha ni‘ihi ‘o kapau ‘e ‘ikai fekau atu kinautolu? ‘o hangē ko ia kuo tohi, Hono ‘ikai faka‘ofo‘ofa si‘i va‘e ‘o e kakai ‘oku ongoongo mai ha ngaahi me‘a lelei!

Ka te nau lava fēfē ke tautapa ki ha toko taha ‘oku te‘eki ke nau tui ki ai? Pea te nau lava fēfē ke tui ki ha toko taha kuo te‘eki ke nau fanongo ki ai? pea fēfē ha‘anau fanongo ‘oka ‘ikai ha taha ke malanga?

He ko Kalaisi ko e fakangata ia ‘o e lao, kae mā‘oni‘oni ‘a e tangata kotoa pē ‘oku tui.