Popularne wersety biblijne z Loma 1

Udostępnij

He tala‘ehai ‘oku ou maa‘i ‘a e Kōsipeli: he ko e ivi ia ‘o e ‘Otua ‘oku ngāue ki he fakamo‘ui ‘iate ia fuli pē ‘oku tui; ‘o mu‘a ki he Siu, ka ki he Kalisi foki.

He ‘oku fakae‘a ‘i ai ha mā‘oni‘oni mei he ‘Otua, ‘oku kamata mei he tui, pea iku ki he tui; ‘o hangē ko e Folofola, Ko e mā‘oni‘oni te ne mo‘ui mei he tui.

‘Io, na‘a mo e ngaahi me‘a ‘o‘ona ‘oku ta‘ehāmai, ka talu e ngaohi ‘o māmani mo e hā ia, ‘i hono ‘utangi‘i mei he ngaahi me‘a kuo ne ngaohi, ‘io, ‘a hono māfimafi mo hono ‘Otua, ‘o fakatou lau ‘ītāniti; ko ia ‘oku ‘ikai ai hanau hao‘anga.

Koe‘uhi neongo na‘a nau ‘ilo ki he ‘Otua, ka na‘e ‘ikai te nau fakahīkihiki‘i ia, pe fakafeta‘ia, ‘o ngali ko e ‘Otua: kaekehe na‘e taka launoa ‘enau ngaahi fakakaukau; pea po‘uli tu‘u honau loto ta‘e‘ilo.

he fa‘ahinga ko ia na‘a nau tuku ‘a e mo‘oni ‘a e ‘Otua, ka nau fai‘aki ‘a e koto loi; ‘o nau lotu mo tauhi ki he me‘a kuo ngaohi, ‘o laka ‘iate ia na‘a ne ngaohi, ‘a ‘Ene ‘Afio ‘oku ‘o‘ona ‘a e fakamālō ‘o lauikuonga. ‘Ēmeni.

He ‘oku fakae‘a mei Langi ha houhau ‘o e ‘Otua ki he ngaahi faka‘otuamate mo e ngaahi angahala ‘a e kakai, ‘a e kakai ‘oku ma‘u ‘a e mo‘oni, kae lolomi ‘aki ‘a e fai angahala.

Ko ia na‘e tuku atu ai kinautolu ‘e he ‘Otua ki he ngaahi feinga ‘a ia ko e koto fakalielia. He ko honau kakai fefine na‘a nau tuku ‘a e fai fakaenatula, ka nau hiki ki he anga ‘oku makehe mo natula. Pea pehē foki mo e kakai tangata, na‘a nau li‘aki ‘a e fai ki he fefine, ‘a ia ‘oku fakaenatula, ka nau mātu‘aki ‘afu ‘i he feholi‘aki, ko e fai ‘e he tangata mo e tangata ‘a e me‘a ta‘etaau: pea ko ‘enau ma‘u ē ‘i he sino ‘onautolu ‘a e totongi na‘e hoa mo ‘enau hē; ‘a ia na‘e totonu ke pehē. ‘Io, ‘o hangē ā ‘enau li‘aki ‘a e ‘Otua, ‘i he ‘ikai te nau loto ke puke ma‘u ‘enau ‘ilo kiate ia, pehē na‘e tuku atu kinautolu ‘e he ‘Otua ki he loto li‘ekina, ke fai me‘a ta‘etaau

Lolotonga ‘enau taukave ‘oku nau poto, na‘a nau hoko ‘o vale. Pea nau fetongi ‘a e lāngilangi ‘o e ‘Otua ta‘e‘auha ‘aki ‘a e fakatātā ‘i he tatau ‘o ha tangata ‘oku ‘auha, mo e ngaahi fa‘ahinga manupuna, mo e manu ve‘efā, mo e manu totolo.