Popularne wersety biblijne z KO SĒNESI 32

Udostępnij

Pea ne folofola, ‘E ‘ikai toe ui ho hingoa ko Sēkope, ka ko ‘Isileli pē (Ko Fai-mo e-‘Otua): he kuo ke fai mo e ‘Otua mo e kakai, pea kuo ke lava.

Pea ne folofola, Tuku ange au ke u ‘alu, he ‘oku ‘alu hake ‘a e pongipongi. Pea ne tali, ‘E ‘ikai te u tukuange koe, kae‘oua ke ke tāpuaki au.

Pea na‘e nofo toko taha pē ‘a Sēkope; pea na‘e fefa‘uhi mo ia ha tangata, ‘o a‘u ki he ‘alu hake ‘a e pongipongi.

Pea na‘e fakahingoa ‘e Sēkope ‘a e potu na ko Penieli (ko Fofonga-‘o e-‘Otua). he‘ene pehē, He kuo u sio ki he ‘Otua, ‘o ma mātu‘aki femātaaki, ka kuo fakahaofi ‘eku mo‘ui.

Pea ‘i he‘ene vakai ‘oku ‘ikai te ne lava‘i ia, na‘a ne alasi hono ‘aofi tenga; pea na‘e homo ‘a e ‘aofi tenga ‘o Sēkope ‘i he‘ene fefa‘uhi mo ia.

Pea ne folofola kiate ia, Ko e hā ho hingoa? Pea ne tali, Ko Sēkope.

Pea fehu‘i ange ‘e Sēkope, ‘o pehē, Tala mai mu‘a ho huafa ‘o‘ou. Pea ne folofola mai, Ko e hā ‘oku ke fai pehē ai, ‘o ‘eke ki hoku hingoa? Pea ne tāpuaki‘i ia ‘i ai.

‘oku ‘ikai te u taau ke ma‘u ha taha ‘o ho‘o ngaahi fu‘u meesi ni, mo ho‘o ngaahi fu‘u fakaai, ‘a ia kuo ke fai ki ho‘o tamaio‘eiki ko au; he ko hoku tokotoko pē na‘a ku a‘a mo au ‘i Soatani ni, ka ko eni kuo u hoko ‘o ‘apitanga ua.

Ko hono ‘uhinga ia ‘oku ‘ikai ke kai ‘e ha‘a ‘Isileli, ‘o a‘u ki he ‘aho ni, ‘a e uoua ‘o e tenga, ‘a ia ‘oku ‘i he ‘aofi tenga: koe‘uhi na‘a ne alasi ‘a e ‘aofi tenga ‘o Sēkope ‘i he uoua na‘e mingi.

Pea pehē ‘e Sēkope, ‘E ‘Otua ‘o ‘eku kui ko ‘Epalahame, mo e ‘Otua ‘o ‘eku tamai ko ‘Aisake; ‘a Sihova na‘a ke folofola mai, ‘o pehē, Foki ki ho fonua, pea ki ho tupu‘anga, pea te u fai ‘ofa kiate koe

‘Ē, ke ke fakahaofi au mei he nima ‘o hoku tokoua, ‘io, meia ‘Īsoa: he ‘oku ou tailiili kiate ia ‘e au, na‘a ‘iloange te ne ha‘u ‘o taa‘i au, ‘o talua ‘aki ‘a e fa‘ē mo e fānau.