Popularne wersety biblijne z KO SĒNESI 26

Udostępnij

Ke ke nofonofo hifo ‘i he fonua ni, pea te u kau mo koe, pea te u tāpuaki‘i koe: he ko koe mo ho hako te u foaki ki ai ‘a e ngaahi fonua kotoa ko eni; pea te u fakaai ‘a e fuakava ‘a ia na‘a ma fefuakava‘aki mo ‘Epalahame ko ho‘o tamai

pea te u fakatokolahi ho hako ke tatau mo e ngaahi fetu‘u ‘o e langi; pea te u ‘atu ki ho hako ‘a e ngaahi fonua kotoa ko eni; pea ko ho hako ‘e monū‘ia mei ai ‘a e ngaahi pule‘anga ‘o māmani: Koe‘uhi ā na‘e tuitala ‘a ‘Epalahame ki he‘eku lea, mo ne tauhi ‘eku ngaahi fekau, ‘a ‘eku ngaahi tu‘utu‘uni, mo ‘eku ngaahi fono, pea mo ‘eku ngaahi lao.

Pea ne hiki mei he potu ko ia, ‘o ne keli ha vai ‘e taha; pea na‘e ‘ikai te nau kē ai, Ko ia na‘a ne fakahingoa ko Leopote [ko Fu‘u-‘atā], he‘ene pehē, Kuo faka‘ata‘atā ‘eni mo‘otautolu ‘e Sihova, pea te tau tupu ‘i he fonua.

Pea hā kiate ia ‘a Sihova, ‘o ne folofola mai, ‘Oua te ke ‘alu hifo ki ‘Isipite; ‘ilonga pe ha fonua te u fakahā atu, pea ke nofo ai.

Pea ne fokotu‘u ‘i he potu ko ia ha ‘ōlita, pea ne fai ai ‘ene lotu ‘i he huafa ‘o Sihova; pea ne folahi hono tēniti ‘i he potu ko ia, pea hanga ‘e he kau tamaio‘eiki ‘a ‘Aisake, ‘o keli ai ha vai.