Popularne wersety biblijne z KO ‘EKISOTO 20

Udostępnij

Ko Au ko Sihova ko ho ‘Otua, ‘a ia na‘a ku ‘omi koe mei ‘Isipite mei he fale pōpula. ‘Oua na‘a ai hao ‘Otua kehe, ‘o ua ‘aki Au.

‘Oua te ke ngaohi ma‘au ha tamapua, pe ha momo‘i fakatātā ‘o ha me‘a ‘o e langi ‘i ‘olunga na, pe ‘o māmani ‘i lalo ni, pe ‘o e tahi ‘i lolofonua. ‘Oua te ke hū ki ai, pea ‘oua te ke tauhi ki ai, he ko Au Sihova ko ho ‘Otua ko e ‘Otua fua‘a au; ‘oku ou ‘eke ‘a e kovi ‘a e mātu‘a ki he fānau, ‘o a‘u ki he tolu mo e faa‘i to‘utangata, ‘a kinautolu ‘oku fakafili mai

Faka‘apa‘apa ki ho‘o tamai mo ho‘o fa‘ē; koe‘uhi ke lahi ho ngaahi ‘aho ‘i he kelekele, ‘a ia ‘e foaki kiate koe ‘e Sihova ko ho ‘Otua.

Manatu ‘a e ‘aho Sāpate ke tauhi ia ke tapu.

‘Oua te ke takuanoa ‘a e huafa ‘o Sihova ko ho ‘Otua: he ‘e ‘ikai lau ‘e Sihova ‘oku ta‘ehalaia ia ‘a ia ‘oku ne takuanoa hono huafa.

Ko e ‘aho ‘e ono te ke ngāue, ‘o fai ai ho ngaahi nafa kehekehe; ka ko hono ‘aho fitu ko e Sāpate ia ‘a Sihova ko ho ‘Otua: tapu ho‘o fai ai ha momo‘i ngāue, ‘a koe mo ho‘o fānau tangata pe fānau fefine, ko ho‘o tamaio‘eiki, pe ko ho‘o kaunanga, pe ko ho‘o fanga manu, pe ko ha ‘āunofo ‘oku ‘i ho kolo.

‘Oua te ke mānumanu ki he fale ‘o ho kaungā‘api. ‘Oua te ke mānumanu ki he uaifi ‘o ho kaungā‘api, pe ki ha‘ane tamaio‘eiki, pe ki ha‘ane kaunanga, pe ki ha‘ane pulu, pe ki ha‘ane ‘asi, pe ki ha me‘a ‘e taha ‘oku ‘a ho kaungā‘api.

‘Oua na‘a ke tu‘u ko e fakamo‘oni loi ki ho kaungā‘api.

‘Oua na‘a ke tono ‘unoho.

‘Oua na‘a ke fakapō.

‘Oua na‘a ke kaiha‘a.