Popularne wersety biblijne z Yoanne 14

Udostępnij

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

Yesu yaamwiramu ati: “Ninze engira, ninze amazima, era ninze obulamu. Ezira atuuka ye Lata okutoolaku ng'abise mu nze.

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

Aye omubeezi, Mwoyo Mutukuvu, Lata y'alituma mu liina lyange, alibeegeresa ebintu byonabyona, yaabaidhusa byonabyona bye nabakoba.

Oyo aganha ebiragiro byange era n'abigema, aba nga n'oyo angonza. Lata wange agonza oyo angonza, zeena naamugonza, era Lata wange oyo amweyolekeramu.”

Zeena ndisaba Lata, era alibagha Omubeezi owundi atalibavaaku ebyanda n'ebyanda. Ni Mwoyo ow'amazima. Abantu ab'ensi tibasobola kumusangaalira, kuba tibamubona era tibamwidhi. Aye imwe mumwidhi kuba aba n'imwe, era aba mu imwe.

Era kyonakyona kye munaasabanga mu liina lyange ndikikola, ekitiisa kya Lata kyeyolekere mu Mwana. Bwe munaasabanga ekintu kyonakyona mu liina lyange, ndikikola.

“Oba nga mungonza, mugemenga ebiragiro byange.

Mu ndhu ya Lata wange mulimu ebifo kamaala era ndi kuja kubategekera kifo. Nguli ti bwekiri tyandibakobeire kino.

Bwe ndimala okuja n'okubategekera ekifo ndiira naabatwala ye ndi, mwena mwaba ghe ndi.

Thomasi yaamukoba ati: “Musengwa, titwidhi y'olaga memale tughanga tutya okumanha engira etuukayo?”