Popularne wersety biblijne z Waefeso 5

Udostępnij

Kwa vila hemwe mwa wana waganigwe na Nguluwi, miwhane na heye. Mikale kwa kigana, kota Kilistu vyoyatuganile na kuulavya ukomu wa heye kota nhambiko, ilingununyilila goya na nhambiko ilingumnojeza Nguluwi.

Lelo milolele vyomlingikala. Mleche kikala kota wapoka, ila mikale kota wanhu wawele na luhala. Mtumiye goya mhela muwele nawo, kwa vila mazuwa aga geha.

Mleche kugala ujimbi, mina awo wowalumiza, ila mmemezwe na Muhe Yelile. Milonjele ulonzi wa kidekuliza, nzimbo na nhelo za kunhumbula, mmwimbile na mumtogole Mkulu mnhumbula ya hemwe. Mazuwa geng'ha mumtogole Mhaza Nguluwi kwa itagwa lya Mkulu wa hetwe Yesu Kilistu.

Mleche kuwa wapoka, ila mjeze kuvizela gala goyalingugana Mkulu.

Namwe walume, muwagane wadala wa hemwe kota Kilistu vyoyachiganile chilundo cha wanhu walingumkunda Kilistu, mbaka kuulavya ukomu wa heye kwa chiwalo cha chilundo cha wanhu walingumkunda Kilistu.

Katali hemwe namwali kutitu, ila sambi mwa kuli lumuli kwa kilumba na Mkulu ahyo mikale kota wana wa lumuli.

Chila yumwe yamhulichize miyage kota vyayalingumhulika Kilistu.

Hemwe wadala muwahulichize walume wa hemwe kota vyomulingumhulichiza Mkulu.

Ila chila mlume yamgane mchewake kota vyoyalingigana yuye, na chila mdala yamhulichize mlume wa heye.

Kota Maandiko Matakatifu vyogalingulonga, “Ndo mina mlume kangumlekaga mhaza na mayake, na kilumba hamwe na mdala wa heye, nawo weli wowa lukuli lumwe.”

Mleche kudita gehile, galingulawa kuli giza, ila mgalavye hazelu.