Popularne wersety biblijne z لوقا 8

Udostępnij

آمّا یاخشی تورپاق اوستونه دوشَنلر اونلاردیرلار کی، کلامی صادئق و یاخشی اورَکله اشئدئب ساخلاییرلار و صبرله ثمره ورئرلر.

تئکانلار آراسینا دوشَنلر اونلاردیرلار کی، کلامی اشئدئرلر، لاکئن گده-گده بو حیاتین نئگارانلیغی ائچئنده، ثروت و لذّتلری ائچئنده بوغولورلار و ثمره گتئرمئرلر.

داشلیغا دوشَنلر اونلاردیرلار کی، کلامی اشئدن واخت شادلیقلا قبول ادئرلر، لاکئن کؤکلری اولمادیغیندان بئر مودّت ائمان گتئرئرلر و ائمتاحان زامانی ائماندان دؤنورلر.

او زامان عئسا اونلارا ددی: «ائمانینیز هارادادیر؟!» اونلار تعجّوب و قورخو ائچئنده بئر‌بئرلرئنه دیئردئلر: «بو کئمدئر کی، هم کوله‌یه، هم ده سویا امر ادئر و اوندان ائطاعت ادئرلر!»

یول قیراغینا دوشَنلر اونلاردیرلار کی، کلامی اشئدئبلر؛ سونرا شرئر گلئر و کلامی اونلارین اوره‌یئندن گؤتورور، مبادا ائنانیب نئجات تاپسینلار.

چونکی اِله گئزلئن بئر شی یوخدور کی، بلّی اولماسین؛ و اِله گئزلئن بئر شی یوخدور دا کی، بئلئنئب آشکارا چیخماسین.

او زامان آرواد، گئزلی قالا بئلمه‌دئیئنی گؤرنده تئتره‌یه-تئتره‌یه گلئب، عئسانین آیاقلارینا دوشدو و بوتون خالقین حوضوروندا نقل اتدی کی، نه سببدن اونا ال سورتوب و او آندا نجه شفا تاپیب. عئسا دا اونا ددی: «قیزیم، ائمانین سنی خئلاص اتدی. سالامات گت.»

شاگئردلر عئسانین یانینا گلدئلر و اونو اویادیب ددئلر: «اوستاد! اوستاد! هلاک اولوروق!» عئسا دوروب کوله‌یه و سویون تلاطومونه آجیقلاندی. کولک یاتدی و آراملیق دوشدو.