This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS- Dhamma Mate Swe Association.

Chin-Ekai

This translation of the Chin-Ekai Bible is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.

အင်ပါယာ ဆရာ 'တိဗေရိ' လော့ကမ္ဘာဝါမွက်ဟော့ အစိတ်အပိုင်းငဲ့ ခုကွန်း ဟာလက်ငှို ကြာအုံ ယနိစိုးမိုး။ယုဒပြည်ရာနီ 'ပုန္တိပိလတ်' တဟော့ ဘုရင်ခံဖြစ်လော့သဲ့ 'ယေရုဒ်' ငဟော့နီ ဂါလိလဲ ဒေသဝါ အအုပ်ချုပ်။ 'ဟေရုဒ်'နအောင် 'ဖိလိပ္ပု' နီ 'ဣတုရဲ' ပြည်နယ်လော့ 'တရာခေါနိတ်' ပြည်နယ်ယာဘုရင်ခံဖြစ်လော့ 'လုသာနိ' နီ အဘိလင်ပြည်နယ်ရာ ဘုရင်ခံနဲ့အဖြစ်။ 'အန္န' လော့ 'ကာယာဖ' ငဲ့ဟော့ ယုဒ(ဂျူး)ဗုန်း ဘာသာရေးနှင့်ဆိုင်အိုင်ဟော့ လင်ဟော့ နာယက ငဲ့ဝါ အဖြစ်ဖူး။ အနီးချိန်ငါ ဘုရားရှင်ဟော့ ဗျာဒိတ်ဝဲ့ ခွန်းအွမ်လာ့ဟော့ 'ဇာခရိ' စိုး 'ယောဟန်' ဟော့ ချောင်မွက်ဟနေက်ဒွန်းနာ(သဲကန္တာရ)ဝါ အအွမ်း။ အနီးကြောင်းငို 'ယောဟန်' လော့ ယော်ဒန် ပါန်လိုင် ကမ်းနား ငဲ့ဝါကြောင်းအောင်လော့သဲ့ ချောင်တိုင်းငါ "နောင်တ သံဝေဂ လာ့ဘွေတို့။သွီးလုဟော့မင်္ဂလာ ခွမ်းအွမ်ဘွေ့တို့။ အနီကနို ဘုရားလော့ နောင်နိ ဒုစရိုက် အပြစ်သဲ့ ခွင့်အလှို့ဝိုင်။" သိမ်အဟော။ ပညာမွက်ဟော့ ပရောဖက်ဟေရှာယာကျမ်းနာ 'ယောဟန်' အကြောင်းရေးလော့သောက်ကဟော့ "ချောင်မွက်ဟနောက်ဒွန်း(သဲကန္တရ)ဝါ ပွန်းနောတ် အပန်းအံ ငဟော့ ဘုရားရှင် အလူးဝိုင်းယဟော့ လွန်းနဟော့ အဆင်သင့်စိုင်းဘွေတို့။ ဘုရားရှင်တွက် လွန်းဖြောင့်တန်းအုံ ဖုတ်ကဲ့သို့။ အန်ဟာန် ငဲ့ ဖို့တလို့ တုံငဲ့ညီအုံ ညှိဘွေတို့။ လွန်းကွေ့ ယဟော့ ဖြောင့်အုံ လွန်းကြမ်း နဲ့ ကြမ်းဟအုံ ပြေပြစ်အုံ စိုင်းဘွေတို့။ အနီပုန်ပိလော့ ချောင်ငဲ့ဟော့ ဘုရားရှင် လော့ အကယ်ခု စွန်းအား တခိုးဝဟော့ ဖူးအလော့ယနိမှု လာ့အိုင်။ အနီကြောင်းငို မနဲမွက်ဟော့ ချောင်ပုရိတ်သတ်သဲ့လော့ ရေနှစ်မင်္ဂလာ အစိုင်းရိုင်းသိုသိမ် ယနိရှုလူး။ ရှိက်လော့ဟော နောင်းနိအပြစ် တဲ့ ဒုစရိုက်ကဲ့ စိုင်းတလဟု သိနီမ်နပြဝိုင်ယဟော အုဝေါတ် ဟ် အစိုင်းပိတ်ကဲ့။ နောင်နီယဟော့ 'အာဗြေဟံ' မိသားစုဝင်သိမ်နဟောက်ဝိုင်သဲ့ စဉ်းစားဝိုင်းတွက်။ဘုရား ရှင်လော နီလုံးတောက်ကဟော့ 'အာဗြဟံ' အစိုးနောင် ဖြစ်အုံအစိုင်းပိတ်ခု။ ပေါက်ဆိန်လာက်ကော့တဟော့ ထိန်းငဲ့ အရုန်း၌ဝါဟော့ထော့ထု အချုပ်ကိုင်းသိမ် အဆင်သင့်ဖြစ်ဟီ။အထိုက် ပွယ်ပွယ် ထိုက်ငှားဟော့ထိန်းငဲ့ ချုပ်လော့သဲ့ မီးဒိတ်ကာ အဖိုင်းခွန်းအွမ်လာဝိုင်။" သိမ် အဟော တို့။ ချောင် ပရိသတ်ကဲ့လော့ အဲ့လှောက်ကာနပါ "ခါမစိုင်းသင့်နိုး" သိမ်အစက်။ "နောင်နိယာ အောင်းကျီ ထည်ဟိအမော့ ဟနော် မငှားဟောက်ချောင်အာ ပိတ် ပြီလို့တဲ့ နောင့်ငါ နအေးရယ်မငှား ဟနိုး အရာချောင်ငို မျှဝေပိုက်လားအယ်" သိမ် 'ယောဟန်' လော့ အဟောက်။ အခွန် ကုပ်ဟော့ချောင်ငဲ့လော့ ရေနှစ်မဂ်လာ ဟော့ အခေါင်းလူးဟနို "ကနိလော့ မောင်းမစိုက်သင့်ဝိုး။ တိမ်အစက် 'ယောဟန်' လော့ယနိဟော့ "ချောင်လော့ အပိတ်ဟော့ ထောက်ကာ အခွန်ကုတ်ကိုင်တိ" တိမ် အဟောက်ဟီ။ တချို့စစ်သား ဝဲ့လော့ 'ယောဟန်' လော့ ကေ့နိသေး မောင်းကနိစိုက်လားဝိုင် ရိုး " တိမ်အစိုက်တာ ယောဟန်လော့ "နောင်နိဟော့ ချောင်ပူးငှာဟော့ ဟင်းစ ဟော့ အဓမ္မ တုန်အုံငိုင်းတိ နောင်နိ လော့အလဟော့ ဟင်းစအိုပ အကျေနပ်ဟီဘွေ့။ ချောင်းတကားဝဟော့ "ယောဟန် ဟာ မေရှိယ အဖြစ် နောမော့" သိမ် အံ့ဩအိုလော့ စိတ်နိလှုပ်ရှား အလော့တဲ့ ယနိအွမ်း။ ယောဟန် လော့ "ကေ့ယဟော့ တွီးရိုနော ရေနှစ် မင်္ဂလာ ကနိစိုင်းပိတ်။ ဆိတ်လော့ဟော တန်ခိုး ကြီးကယ်လင်းဟော့ ချောင်ပ​နောတ်အဖြစ်လူးဝိုင်။ ကေ့ယဟော့ ယ ဖိပ်နပ်ရွေ့ အဖြုတ် ပိတ်ကိုင် ပထိုက်သန်နငှု။ ယဟော့ အလင်းသဟော့ အမွင်ချိုဝိုလော့သဲ့၊ မီးရိုပဆိတ်ကာဆိတ် ဗတ္တိဇံမင်္ဂလာ အပိတ်ဟော့ ချောင်အဖြစ်။ စောင်စဲ့နောက်ဒွန်း ခက်ရင်းခွဝဟော့ ယကွက်တာဆိုအိုလော့တဲ့ ပွန်းစိလော့ အဟုတ် ငဲ့ ပသာဟော မှက်ပလော့မလာ့ဟားဝဟော့ မိးယာ အအူးဆောက်ကိုင်။ 'ယောဟန်' လော့ နည်းမျိုးစုံအို မင်္ဂလာ ပေါလ် ဟော့ချောင်တကားဝါအဟောက်။ ဆိတ်လော့ဟော 'ယောဟန်' ဟော့ ဟေရုဒ်ဘုရားဟော့ "နောင်းဟော့ နအော် ပေးဟာ နသိမ်းပိုက်လော့ နလော့အို ဟော့ နောင်းအမုား နော်။ ယကြောင့်အို နောင်းဟော့ အခြားသော အမုာဟော့ မနည်းဟော့ ဟောနစိုက်ဟောင် "တိမ် အမိန့်ဟောက်။ ယကြောင့်အို အနှိုးဝါ 'ဟေရုဒ် ' ဘုရင်လော့ 'ယောဟန်' အာထုတ်ဒိုက် အာ အကျဉ်းချထား ဟော့အဆိုဝါးဟော့ အပြစ်ဟော့ နကျူးလွန် ဟော့ တန်။ ချောင်းတိုင်းငါ ရေနှစ်မဂ်လာယနိစိုက်တုံးအာ ကိုယ်တော် ယေရှု ကိုယ်တိုင်းလော့ ဟော့ ရေနှစ်မဂ်လာ အခေါင်းအောင် ပိ။ ပြီးစားလော့ ကိုယ်တော် 'ယေရှု' ရေနှစ်မဂ်လာ အခေါင်းအောင် ပေါင်ပိစလော့ အာကာ ဟင်းလင်းပွင့်လင်းလူး အလင်းသဟော့ ဉာဏ်အလင်းတော် ဟော့ ဝေါက်ခူ လူဝွေါ့ ကိုယ်တော်ယေရှု အပေါ်ဝါအဒုံးလူး ။ ပြီးစလော့ အာကာပေါဝါဟော့ "နိသားတော်ဟော့ ကေ့လောက် ကနိုးအနောက်သွေးသား အရင်းဆိတ်ငုာလော့ဟော့ကစိုးတောက် ကေ့ဟော့ အားကလ"တိမ်ဟော့ဟောက်အထိုင်း အဆူးလူး။ ကိုယ်တော်ယေရှုဟော့ အဆောက် သုံးဆယ် အာ စလော့ ဘုရား ဓမ္မဟော့ အဟော့ ဘော့ အစုပ်ဟော့ ။ ချောင်တိုင်းလော့ဘကိုယ်ဟော့ 'ယောဟပ်' ဟော့ စိုးတိမ် ယနိချင်း။ ဆိတ်လော့ဟော ယနိမိုသားစုဟော့ ဧလိမျိုး ဝါဟော့ အကူးလူးဆမော်။ ဧလိဟော့ မဿတ်စိုး၊ မဿတ်ဟော့ လေဝိစိုး၊ လေဝိ ဟော့ မေလခိ စိုး၊ မေလခိ ဟော့ ယန္န စိုး၊ ယန္န ဟော့ ယောသပ် စိုး ယောသပ် ဟော့ မတ္တသိ စိုး၊ မတ္တသိ ဟော့ အာမုတ်စိုး၊ အာမုတ် ဟော့ နာဟုံ စိုး၊ နာဟုံ ဟော့ ဧသလိ စိုး၊ ဧသလိ ဟော့ နဂ္ဂဲ စိုး၊ နာဂ္ဂဲဟော့မာအတ်စိုး ၊မာအတ်ဟော့ မတ္တသိ စိုး ၊ မတ္တသိ ဟော့ရှေမိ စိုး ၊ ရှေမိ ဟော့ ယောသပ် စိုး ၊ ယောသပ် ဟော့ ယုဒ စိုး၊ ယုဒဟော့ ယောဟန္န စိုး ၊ ယောဟန္န ဟော့ ရေသ စိုး ၊ ရေသ ဟော့ ဇေရုဗဗလ စိုး ၊ဇေရုဗဗလ ဟော့ ရှာလသေလ စိုး ၊ ရှာလသေလဟော့ နေရိ စိုး နေရိ ဟော့ မေလခိ စိုး ၊မေလခိ ဟော့ အဒ္ဒိ စိုး ၊အဒ္ဒိ ဟော့ ကောသ စိုး၊ကောသဟော့ ဧလမောဒံ စိုး၊ဧလမောဒံ ဟော့ ဧရ စိုး၊ ဧရ ဟော့ ယောရှု စိုး၊ယောရှု ဟော့ ဧလျေဇာ စိုး၊ ဧလျေဇာ ဟော့ ယောရိမ် စိုး၊ ယောရိမ် ဟော့ မဿတ်စိုး၊မဿတ် ဟော့ လေဝိစိုး၊ လေဝိဟော့ ရှိမောင် စိုး၊ ရှိမောင် ဟော့ ယုဒ စိုး၊ ယုဒ ဟော့ ယောသပ် စိုး၊ယောသပ် ဟော့ ယောနန် စိုး၊ ယောနန် ဟော့ ဧလျာ ကိမ် စိုး၊ ဧလျာကိမ် ဟော့ မေလ စိုး၊ မေလ ဟော့ မဲနန် စိုး၊ မဲနန် ဟော့ မတ္တသစိုး၊ မတ္တသ ဟော့ နာသန် စိုး၊ နာသန် ဟော့ ဒါဝိဒ် စိုး၊ ဒါဝိဒ်လဟော့ ယေရှဲ စိုး၊ ယေရှဲ ဟော့ ဩဗက်စိုး၊ ဩဗက်ဟော့ ဗောဇ စိုး၊ ဗောဇ ဟော့ စာလမုန် စိုး၊ စာလမုန် ဟော့ နာရှုန်စိုး၊ နာရှုန် ဟော့ အမိနဒပ် စိုး၊ အမိနဒပ် ဟော့ အဒ်မိန် စိုး၊ အဒ်မိန် ဟော့ အာရံနိ စိုး၊ အာရံနိ ဟော့ ဟေဇရုံ စိုး၊ ဟေဇရုံ ဟော့ ဖာရက် စိုး၊ ဖာရက်ဟော့ ယုဒ စိုး၊ ယုဒ ဟော့ ယာကုပ် စိုး၊ ယာကုပ် ဟော့ ဣစက် စိုး၊ ဣစက် ဟော့ အာဗြေဟံ စိုး ၊ အာဗြေဟံ ဟော့ တေရ စိုး၊ တေရ ဟော့နောခေ စိုး၊ နာခေ ဟော့ စေရောက် စိုး၊ စေရောက် ဟော့ ရာဂေါ စိုး ၊ ရာဂေါ ဟော့ ဖာလက် စိုး၊ ဖာလက် ဟော့ ဟေဗာ စိုး၊ ဟေဗာ ဟော့ ရှာလ စိုး၊ ရှာလ ဟော့ ဣနန် စိုး၊ ဣနန် ဟော့ အာဖာဇစ် စိုး၊ အာဖာဇစ် ဟော့ ရှေမ စိုး၊ ရှေမ ဟော့ နောဧ စိုး၊ နောဧ ဟော့ လာမက် စိုး၊ လာမက် ဟော့ မသုရှလ စိုး၊ မသုရှလ ဟော့ ဧနောက် စိုး၊ ဧနောက် ဟော့ ယာရက် စိုး၊ယာရက် ဟော့ မဟာလေလ စိုး၊ မဟာလေလ ဟော့ ကာဣနန် စိုး၊ ကာဣနန် ဟော့ ဧနုတ် စိုး၊ ဧနုတ် ဟော့ ရှေသစိုး၊ ရှေသ ဟော့ အာဒံ စိုး၊ အာဒံ ဟော့ ဘုရားရှင်လက်ထက်သာဟော့ အကွန်းလူးဝဟော့ချောင် ပွန်းနောတ် အဖြစ်။

Słuchaj Luke 3