©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES

Gisir NT Portions

<div class="version vid3476 iso6393swj" data-vid="3476" data-iso6393="swj">
 <div class="book bkACT">
 <div class="chapter ch3" data-usfm="ACT.3">
 <div class="label">3</div><div class="s1">Dubelusu du membogelotu</div><div class="p"> 1Wisi mosi, Pyere ne San bende gu ndagu Nyambi gu dulembe du megwere mereru metsisige. 2Vane, bebegange mutu wuburu membogelotu bemusunzange wisi wotsu, ve dingeninu di ndagu yi Nyambi dyanegu re &#171;Givwandi&#187;, nonge akuvondange batu bagwingeni gu ndagu Nyambi doli. 3Ne gulabe Pyere ne San mbe beronde gwingene abevonde doli. 4Pyere ne San bemugengile dikengi, Pyere ne gumwambile re &#171;Dugengili.&#187; 5Membogelotu begengile dikengi apikilange re begumuvege mwe givave. 6Tumbe Pyere negumwambile re &#171;Nzane doli, nzane kunge, tumbe ginami, nyakuvegi gyoni mu dine di Sesu Kirisete yi Nasarete. Rambuge takule.&#187; 7Pyere mugange mu dikake di mebagele, amwamuse gurambuge. Vane ne vane byeru ne panze tsi andi negudyole. 8Dikabi dimosi, negurambuge, negutakule negwingene nawu gu ndagu Nyambi negwene lobugange, negudumisange dine di Nyambi. 9Batu botsu bamweni gutakule ne gudumise Nyambi. 10Batu botsu neguyabe, re yandi yibange ve dingeninu di ndagu yi Nyambi dyanengu re Givwandi neguvondange doli. Re dibandu bebasile ne medume ne gusutu mu dyambu dyamurugile.</div><div class="s1">Pyere ganenzi gu ndagu Nyambi</div><div class="p"> 11Mutu wubelusu asekunde pasugange ne Pyere ne San, batu botsu bemamange be bebingilile ve mbure, yanengu re bilembi bi Salomu. 12Negulabe nane, Pyere ne gwambile bumongu re &#171;Yenu bane be Iserayel, gye nwamamini gimage gine? Nuyadugengise re yetu dusebeluse mutu wune ne ndure etu, mbare dusesungeme ve misu me Nyambi. 13Nyambi yi Aberam, yi Isake ne Sakob, Nyambi yi taye tsi etu adumise mudyanzitsi andi Sesu, wu yenu nusake ne gugale ve wusu Pilate, nesi mbere Pilate ronde mwobule. 14Tumbe yenu, nugale mutu wusugeme, wu sandi ne mabi. Nwivule Pilate gu nwobulile gikongu. 15Nubokise Sesu, Fumu monyu, wu Nyambi rambuse gu dufu. Yetu du mbeye. 16Gitu mu dine di Sesu gise gabuse mutu wuwu, wu nwalabi ne wu nwayabi ngudu. Gitu mu Sesu gise mubeluse yandi wotsu neve nwamwenine. 17Sige batu nami anu, nyayabi re nuvage nane yenu ne bivunde bi enu gu gibididi. 18Tumbe Nyambi vage di ayambile ngenze mu minu mi bebigitsi bandi re Kirisete mukani wu Nyambi rume agukenge. 19Kabe kalulanu mutsageninu, geluganu gu gyari gi Nyambi, nonge mabi menu mekebunzulu, 20vane Fumu gunuvege gigumbi gi polu, negunurumine Sesu, Kirisete mukani wu yandi dusalile mbetsi. 21Tumbe gigumbi gigi akibe gu nzambi kwange wisi motsu megutsonzemine. Nevu Nyambi yambile mu minu mi bebigitsi bandi be rereri be gigumbi givyoge. 22Moyise yambile re &#8220;Fumu Nyambi gunutindile mubigitsi gere menu, agube mwane taye enu. Mulilu anu motsu me yandi gunwambile#3.22 Deteronom 18.15,18. 23Tumbe wotsu wusa gulilu mubigitsi wune aguboku.&#8221; 24Bebigitsi botsu bambile, pakile ve Samyel ne beduke bambile gwandi motsu meguruge ne tsufu tsitsi. 25Yenu nubane be bebigitsi ne pangeni yi Nyambi tunge ne taye tsi etu, ve ayambile ne Aberam re &#8220;Bifumbe byotsu bi butambe bi guvegu mule gukyelu ndalule tsi agu.&#8221; 26Dibandu yenu Nyambi rumine mudyanzitsi andi. Amurume gutse nuvege mule, nonge nukeligile mabi menu nzime.&#187;</div>
 </div>
 </div>
</div>

Wisi mosi, Pyere ne San bende gu ndagu Nyambi gu dulembe du megwere mereru metsisige. Vane, bebegange mutu wuburu membogelotu bemusunzange wisi wotsu, ve dingeninu di ndagu yi Nyambi dyanegu re «Givwandi», nonge akuvondange batu bagwingeni gu ndagu Nyambi doli. Ne gulabe Pyere ne San mbe beronde gwingene abevonde doli. Pyere ne San bemugengile dikengi, Pyere ne gumwambile re «Dugengili.» Membogelotu begengile dikengi apikilange re begumuvege mwe givave. Tumbe Pyere negumwambile re «Nzane doli, nzane kunge, tumbe ginami, nyakuvegi gyoni mu dine di Sesu Kirisete yi Nasarete. Rambuge takule.» Pyere mugange mu dikake di mebagele, amwamuse gurambuge. Vane ne vane byeru ne panze tsi andi negudyole. Dikabi dimosi, negurambuge, negutakule negwingene nawu gu ndagu Nyambi negwene lobugange, negudumisange dine di Nyambi. Batu botsu bamweni gutakule ne gudumise Nyambi. Batu botsu neguyabe, re yandi yibange ve dingeninu di ndagu yi Nyambi dyanengu re Givwandi neguvondange doli. Re dibandu bebasile ne medume ne gusutu mu dyambu dyamurugile.

Mutu wubelusu asekunde pasugange ne Pyere ne San, batu botsu bemamange be bebingilile ve mbure, yanengu re bilembi bi Salomu. Negulabe nane, Pyere ne gwambile bumongu re «Yenu bane be Iserayel, gye nwamamini gimage gine? Nuyadugengise re yetu dusebeluse mutu wune ne ndure etu, mbare dusesungeme ve misu me Nyambi. Nyambi yi Aberam, yi Isake ne Sakob, Nyambi yi taye tsi etu adumise mudyanzitsi andi Sesu, wu yenu nusake ne gugale ve wusu Pilate, nesi mbere Pilate ronde mwobule. Tumbe yenu, nugale mutu wusugeme, wu sandi ne mabi. Nwivule Pilate gu nwobulile gikongu. Nubokise Sesu, Fumu monyu, wu Nyambi rambuse gu dufu. Yetu du mbeye. Gitu mu dine di Sesu gise gabuse mutu wuwu, wu nwalabi ne wu nwayabi ngudu. Gitu mu Sesu gise mubeluse yandi wotsu neve nwamwenine. Sige batu nami anu, nyayabi re nuvage nane yenu ne bivunde bi enu gu gibididi. Tumbe Nyambi vage di ayambile ngenze mu minu mi bebigitsi bandi re Kirisete mukani wu Nyambi rume agukenge. Kabe kalulanu mutsageninu, geluganu gu gyari gi Nyambi, nonge mabi menu mekebunzulu, vane Fumu gunuvege gigumbi gi polu, negunurumine Sesu, Kirisete mukani wu yandi dusalile mbetsi. Tumbe gigumbi gigi akibe gu nzambi kwange wisi motsu megutsonzemine. Nevu Nyambi yambile mu minu mi bebigitsi bandi be rereri be gigumbi givyoge. Moyise yambile re “Fumu Nyambi gunutindile mubigitsi gere menu, agube mwane taye enu. Mulilu anu motsu me yandi gunwambile. Tumbe wotsu wusa gulilu mubigitsi wune aguboku.” Bebigitsi botsu bambile, pakile ve Samyel ne beduke bambile gwandi motsu meguruge ne tsufu tsitsi. Yenu nubane be bebigitsi ne pangeni yi Nyambi tunge ne taye tsi etu, ve ayambile ne Aberam re “Bifumbe byotsu bi butambe bi guvegu mule gukyelu ndalule tsi agu.” Dibandu yenu Nyambi rumine mudyanzitsi andi. Amurume gutse nuvege mule, nonge nukeligile mabi menu nzime.»

Słuchaj Actes 3