The printed NT was published by:
The Bible Society in Cambodia
P.O. BOX 534, Phnom Penh, Cambodia
(+855) 23-640 3706
info@biblecambodia.org
www.biblecambodia.org

© 2020, Wycliffe Bible Translators, Inc. All rights reserved.
℗ 2020 Hosanna

គម្ពីរ៍សញ្ញាត្មាយភាសាកួយ

ពេល​ពេត្រុស​រ៉ើ​យ៉ូហាន​កម្ពុង​កឹ​សួរ​កួយ ហ្លាក់​កឹ​ចួសចារ្យ មេ​បេក​យាម​ប៉ហៀរ រ៉ើ​បេក​សាឌូស៊ី​ចូវ​តក់ បេក​អិង​ណាវ​អន់​ចិត្ត​ច្នាប់​មេនទេន ចូវ​រ៉ើ​ពេត្រុស​រ៉ើ​យ៉ូហាន​ពង្រេន​កួយ រ៉ើ​ប៉្រកាស​ប៉ាយ កួយ​ក្ចែត​ត្មង់​ចៀ​ក្រោយ អាសារកឹ​ព្រះ​យេស៊ូវ កឹ​បេក​អិង​ណាវ​នាំ​ឃ្នា​កប​បេក​បារ​ណាក់​អិង អែល​ចៀ​ប៉ក​ខាំង​ដក​ឡឹង​គុក​មូយ​ត្រប៊ឺ ចូវ​រ៉ើ​ត្ងៃ​អិង​ត្ប៊ឺ​ច្នាប់​ហឺយ ម៉ង​រើង​លឹម​ពេត្រុស​រ៉ើ​យ៉ូហាន​ប៉្រកាស​សួរ​កើត​កួយ​ជើ​ដែលអឺ កឹ​បេក​ជើ​កើត​ក្លឹង​ចៀ​ក្លឹង កើត​កន្រ្ទូសៗ​ទ្រង់​ប៉ាយ​សង​ពាន់​ណាក់។
ពេល​ច្លះ​សោះ បេក​ពឺត ក្រេង​ទុំ រ៉ើ​គ្រូ​ខាង​ច្បាប់​គម្ពីរ៍​ព្រះពឺត ណាវ​ចូវ​ជួប​ជុំ​ឃ្នា​តេក​ទី​ក្រុង​យេរូសាឡឹម កឹ​ចួសចារ្យពឺត​ជ្រមោះ​អាណ ចួស​កៃផា ចួស​យ៉ូហាន ចួស​អលេក្សានត្រុស រ៉ើ​សែមសាយ​ចួសចារ្យពឺត​តឹងម៉ាត់ ណាវ​កួ​តេក​អិង​ដែល កឹ​បេក​អិង​ណាវ​អន​កួយ​អែល​ពេត្រុស រ៉ើ​យ៉ូហាន​អន​ចូវ​ត្យឹង​ឡឹង​តន្ឌី កឹ​ណាវ​មោះ​ប៉ាយ៖ «ណា ម័ង​វ័ការ​ណិង ម័ង​សំអាង​អំណាច​ន្ទ័ រ៉ើ​សំអាង​ជ្រមោះ​ង្កួយ?» ពេត្រុស​ត្បាល់​រ៉ើ​ព្រះវិញ្ញាណ​បរិសុទ្ធ កឹ​ណាវ​សួរ​បេក​អិង​ប៉ាយ៖ «មេ​ដឹក​នាំកួយ រ៉ើ​ក្រេង​ទុំ​តឹងម៉ាត់​វ៉ឺយ ត្ងៃ​នី បើ​ម័ង​មោះ​ចម្លើយ​ហៃ ស្អៀ​ដិង​រ៉ើ​រើង​រ័ក​ប៉ាយ បេក​វឹន​បឺន​អ​អាសារកឹ​ន្ទ័ ម័ង​រ៉ើ​បេក​អ៊ីស្រាអែល​តឹង​ម៉ាត់​ក្រៃ​ដិង​ប៉ាយ កន្រ្ទូស​ត្យឹង​ព្នេក​ម័ង​ណិង ណាវ​បឺន​អ អាសារកឹ​ជ្រមោះ​ព្រះ​យេស៊ូវ​គ្រីស្ទ បេក​ណាសារ៉ែត លឹម​ម័ង​ច្កាង ម៉ង​ព្រះពឺត​ប៉្រោះ​ណាវ​អន​ត្មង់​ចៀ​ក្រោយ ព្រះ​យេស៊ូវ​អិង​ហឹយ “ត្មាវ​លឹម​ជាង​វ័​ដុង​ណាវ​ច្ពស់​ច្ពាត់​កើត​ចៀ​ត្មាវ​សំខាន់​លើស​ត្មាវ​ផ្សិងៗ​ទ័ន” កឹ​ម័ង​ណិង​ហឹយ ជាង​អិង​ផង កឹ​ក្រាវ​រ៉ើ​ព្រះ​យេស៊ូវ​ម៉ឹ​កើត​កួយ​នា​មូយ​ណាក់​ជាង​សង្គ្រស់​កួយ​អឺ ច្បោះ​កួ​ឡឹង​ក្តែក​ណិង ព្រះពឺត​ម៉ឹ​បឺន​អន​ជ្រមោះ​ផ្សិង​ទ័ន អន​ចូវ​សង្គ្រស់​កួយ​ហៃ​អឺ»។
ពេល​បេក​អិង​ពើក​ប៉ាយ ពេត្រុស​រ៉ើ​យ៉ូហាន​ហាន​ជ្មុង រ៉ើ​បឺន​ដិង​ប៉ាយ បេក​បារ​ណាក់​អិង​កួយ​ថាំម្ដា ម៉ឹ​បឺន​រេន​ក្លឹង ណាវ​ឆ្ងល់​មេនទេន កឹ​ណាវ​គឹត​ពើក​ប៉ាយ បេកបារ​ណាក់​អិង​ទ្លាប់​កួ​រ៉ើ​ព្រះ​យេស៊ូវ កឹ​បេក​អិង​ណាវ​ម៉ឹ​ជាង​ប៉ាយ​យ៉ាំង​នា​អឺ ច្បោះ​ណាវ​ពើក​កន្រ្ទូស​លឹម​អ​ត្យឹង​តេក​អិង​ដែល កឹ​បេកអិង​ណាវ​ប៉ញ្ជា​អន​បេក​បារ​ណាក់​អិង​លោះ​រ៉ើ​បន​ប៉្រជុំ បឺនកឹ​ណាវ​គឹត​ឃ្នា​ប៉ាយ៖ «ណា ហៃ​ក្រៃ​វ័​យ៉ាំង​នា​រ៉ើ​បេក​បារ​ណាក់​ណិង ច្បោះ​បេក​ទី​ក្រុង​យេរូសាឡឹម​ដិង​ច្បាស់​ប៉ាយ បេក​បារ​ណាក់​ណិង ណាវ​វ័​រើង​ចម្លែក​អន​កួយ​ពើក ប៉្លែក​មេនទេន ហៃ​ប៉្រកែក​រ៉ើ​ណាវ​ម៉ឹ​បឺន​អឺ ម៉ង​ហៃ​ក្រៃ​សំឡុត​ណាវ ញ្ជ័ក់​អន​ណាវ​ប៉្រកាស​សួរ​កួយ​រ៉ើ​ជ្រមោះ​អិង​ទ័ន ញ្ជ័ក់​អនរើង​ណិង​សង់​តក់​កួយ​ផ្សិង» លោះ​រ៉ើ​អិង ណាវ​ក្យា​បេក​បារ​ណាក់​អិង​អន​មូត​ចៀ​ក្រោយ កឹ​ណាវ​ម៉ឹ​អន​បេក​បារ​ណាក់​អិង​ជ្មុង រ៉ើ​ម៉ឹ​អន​ពង្រេន​រ៉ើ​រើង​ព្រះ​យេស៊ូវ​ទ័ន​អឺ ម៉ង​ពេត្រុស​រ៉ើ​យ៉ូហាន​ឆ្លើយ​រ៉ើ​បេក​អិង​ប៉ាយ៖ «ទារ​ម័ង​គឹត​មី​ចៀ ព្រះពឺត​ណាវ​ស្អៀ​អន​ហៃ​ច្ងាត់​តូន​ម័ង​រ៉ើ​ស្អៀ​អន​ហៃ​ច្ងាត់​តូន​ណាវ? ហៃ​ឆុប​ជ្មុង​រ៉ើ​រើង​លឹម​ហៃ​បឺន​ពើក រើង​លឹម​ហៃ​បឺន​សង់​អិង ម៉ឹបឺនអឺ» មេ​ដឹក​នាំ​ណាវ​គំរាម​បេក​បារ​ណាក់​អិង​ទ័ន បឺនកឹ​ណាវ​ប៉្រោស​អន​ចៀ​ចៀ​ក្រោយ ចូវរ៉ើ​ណាវ​ប៉ឺរ​រើង​ដាក់​ទោស​ម៉ឹ​បឺន ច្បោះ​បេក​ស្រុក​តឹង​ម៉ាត់​កម្ពុង​កឹ​សសើរ​ព្រះពឺត​រ៉ើ​រើង​ន្ទើបកឹ​កើត​អិង កឹ​កន្ទ្រូស​លឹម​អ​អាសារកឹ​រើង​ចម្លែក​អិង ណាវ​អាយុ​សែសិប​ក្ម​លើស។

លោះ​រ៉ើ​អិង ពេត្រុស​រ៉ើ​យ៉ូហាន​ណាវ​ចៀ​ជួប​រ៉ើ​ឃ្នា​ណាវ កឹ​ណាវ​ញ្ជេ​សួរ​រ៉ើ​រើង​តឹងម៉ាត់​លឹម​មេៗ​ចួសចារ្យ​រ៉ើ​ក្រេង​ទុំ​គំរាម​ណាវ ពេល​បេក​អិង​ណាវ​សង់​យ៉ាំង​អិង កឹ​ណាវ​នាំ​ឃ្នា​សន្ទិះ​សួរ​ព្រះពឺត​ប៉ាយ៖ «ព្រះពឺត​ទ្រេង​ហៃ​អឺយ ម៉ៃ​នាក់​ប៉ង្កើត​មេឃ ប៉ង្កើត​ក្តែក ប៉ង្កើត​ដាក​សមុទ្រ រ៉ើ​ប៉ង្កើត​ចន្ទ័ៗ​តឹងម៉ាត់​កួ​តូន​អិង​ផង កឹ​លឹម​ស្ដាច់​ដាវីឌ​ត្បាល់​រ៉ើ​ព្រះវិញ្ញាណ​បរិសុទ្ធ ម៉ៃ​អន​ស្ដាច់​ដាវីឌ​បេក​ប៉ម្រើ​ម៉ៃ​ជ្មុង​ប៉ាយ “កើត​ន្ទ័​បឺន​សាសន៍​ផ្សិង​តឹង​ម៉ាត់​ច្លក់​យ៉ាំង​អិង? កើត​ន្ទ័​បឺន​កួយ​តឹង​ម៉ាត់​គឹត​កឹ​រ៉ើ​រើង​ម៉ឹ​កើត​ប៉្រយោជន៍​យ៉ាំង​អិង? ស្ដាច់​តឹងម៉ាត់ រ៉ើ​បេក​ពឺត ណាវ​នាំ​ឃ្នា​ប៉្រឆាំង​រ៉ើ​ព្រះពឺត កឹ​ប៉្រឆាំង​រ៉ើ​ព្រះ​គ្រីស្ទ​លឹម​ព្រះពឺត​រីស​អែល​ឡង់”។
អៃមេន ច្បោះ​កួ​ឡឹង​ក្រុង​ណិង ស្ដាច់​ហេរ៉ូឌ ចួស​ប៉ុន​ទាស​ពីឡាត់ សាសន៍​ផ្សិង រ៉ើបេក​អ៊ីស្រាអែល​ណាវ​គប់​ឃ្នា​ប៉្រឆាំង​រ៉ើ​ព្រះ​យេស៊ូវ បេក​ប៉ម្រើ​បរិសុទ្ធ​លឹម​ម៉ៃរីស​អែល កឹ​ណាវ​នាំ​ឃ្នា​វ័​ចន្ទ័​តឹងម៉ាត់​លឹម​ម៉ៃ​គឹត​ដក​រ៉ើ​រេប​ដក ព្រះពឺត​អឺយ ម៉ៃ​មី​ចៀ បេក​អិង​ណាវ​គំរាម​ហៃ ម៉ង​ទារ​ជោយ​ហៃ បេក​ប៉ម្រើ​ម៉ៃ អន​ហាន​ប៉្រកាស​សួរ​កួយ​ពាក្យ​ម៉ៃ​ឡង់ កឹ​ទារ​ព្រះ​អែល​តី​ចូវ​ចួច​បេក​អ៊ី​អន​អ​ឡង់ រ៉ើ​វ័​រើង​ចម្លែកៗ​អន​កួយ​ពើក អាសារកឹ​ជ្រមោះ​ព្រះ​យេស៊ូវ បេក​ប៉ម្រើ​ម៉ៃឡង់ ណាវ​បរិសុទ្ធ​មេនទេន» ពេល​បេក​អិង​ណាវ​សន្ទិះ​សួរ​ព្រះពឺត​រោច កឹ​ង្គើរ​បន​ណាវជួប​ជុំ​ឃ្នា កឹ​បេក​អិង​ណាវ​ត្បាល់​រ៉ើ​ព្រះវិញ្ញាណ​បរិសុទ្ធ​តឹងម៉ាត់​ឃ្នា ណាវ​ហាន​ប៉្រកាស​សួរ​កួយ​ពាក្យ​ចូវ​រ៉ើ​ព្រះពឺត។

បេក​ជើ​តឹងម៉ាត់​ណាវ​កើត​ចិត្ត​យ៉ាំង​ឃ្នា កឹ​ណាវ​ម៉ឹ​ដែល​គឹត​ប៉ាយ ចន្ទ័ៗ​ណាវ​កើត ហន់​ណាវ​ខ្នាក់​អឺ ចន្ទ័ៗ​ណាវ​កើត​ណាវ​ប៉្រើ​រោម​ឃ្នា សិស្សពឺត​ណាវ​ប៉្កែ​ច្នាប់​មេនទេន ណាវ​ជាង​សួរ​កួយ​រ៉ើ​រើង​លឹម​ណាវ​ពើក​ព្រះ​យេស៊ូវ​ត្មង់​ចៀ​ក្រោយ កឹ​សិស្ស​តឹងម៉ាត់​ណាវ​បឺន​ពរ៍​រ៉ើ​ព្រះពឺត​ក្លឹង​មេនទេន កឹ​បេកអិង​ផង ម៉ឹ​កើត​កួយ​នា​មូយ​ណាក់​ខ្វះ​ចន្ទ័​ណាក់​ង្គិត​អឺ កឹ​បេក​កើត​ក្ដែក កើត​ដុង ណាវ​នាំ​ឃ្នា​តាច់​អែល​កាក់ ចូវ​អន​សិស្សពឺត​នាក់​កាន់ កឹ​ណាវ​ចែក​អន​កួយ​នា​ក្រៃ​ការ។
កើត​កន្ទ្រូស​មូយ​ណាក់​ជ្រមោះ យ៉ូសេ សិស្សពឺត​ក្យា​ប៉ាយ បាណាបាស នៃអៃ “បេក​ជោយ​លើក​ទឹក​ចិត្ត​កួយ” ណាវ​ស្មា​រ៉ើ​ចួស​លេវីរ៉ើ​ដើម ណាវ​កើត​តេក​គោក​គីប៉្រុស កឹ​ណាវ​តាច់​ក្តែក​ណាវ​មូយ​បន អែល​កាក់​ចូវ​អន​សិស្សពឺត​កាន់​ដែល។

Słuchaj កិច្ចការ 4