<div class="version vid1462 iso6393adj" data-vid="1462" data-iso6393="adj">
   <div class="book bkROM">
      <div class="chapter chINTRO1" data-usfm="ROM.INTRO1">
         <div class="imt"><span class="content">&#211;w ek&#700;it eke w&#603;l k&#700;uw any</span></div><div class="ip"><span class="content">Akpo 57 oglog 58 &#603;m, Jesu Krist e mew a e jam, anake &#603;rm &#603;s P&#8580;l n&#8580;n l&#603;l na aw&#331; kreti&#603;n&#603;l ek&#700;ir Rom ec&#700;&#603;b gb&#603;l na, ek&#700;el Rom e wus a nimum ek&#700;&#603;w es a e l&#8580;g&#331; any a.</span></div><div class="ip"><span class="content">L&#603;g&#331; ab &#603;m, P&#8580;l, in obi a n&#700;an&#331; Kor&#603;nt ek&#700;el Gr&#603;s wus af ec&#700;&#603;b ab &#603;m. &#400;t&#331; ow el in ec&#700;Amani Mamn e kokoba &#8580;b ec&#700;usu im sakp nyahan &#603;m a ec&#700;uwr &#603;m.</span></div><div class="ip"><span class="content">Sica eke P&#8580;l as Sinyamel a f&#603;&#331; ec&#700;ob ap a eke &#8580;kl a luku a, kp&#603;k&#331; n&#700;am tutr eke li k&#700;oc ob ap a n&#700;im n&#700;&#8580;&#331; kreti&#603;n&#603;l &#8580;gb&#8580;ru a ek&#700;an&#331; Isra&#603;l a. Li b&#700;im Jerusal&#603;m n&#700;&#8580;&#331; w&#603;l ob ap a ba ow b&#700;uwr a, n&#700;am &#8580;ny tutr eke li k&#700;im &#400;spany wus af, l&#700;&#8580;&#769;b Amani Mamn a e kokoba. In ec&#700;im &#603;m a, n&#700;am erur eke li k&#700;&#603;c l&#700;&#603;kn Nyamel ek&#700;an&#331; Rom a. L&#603;g&#331; kaka, l&#700;&#603;knm Nyamel na. In eci &#603;c &#603;m gb&#603;, l&#700;uyum yog&#331; eci kreti&#603;n&#603;l b&#603;b ab.</span></div><div class="ip"><span class="content">P&#8580;l aw&#331; Rom ey&#331; l&#603;l na eke k&#700;otar Amani Mamn a e low tasi akr ok &#603;l. Low nyam an&#331; eke ow sosi&#603;m, Nyam b&#700;ot ag&#331; &#603;s&#603; ag&#331; nyim nyim af in ec&#700;any af. Low a el ag&#331; ec&#700;&#8580;mn eke b&#700;oc &#603;lu Jim Jesu, wus nimum e S&#8580;g &#400;s &#603;m a. &#400;t&#331; &#8580;mn ik&#331; na el Nyam ec&#700;ob ap &#8580;fr &#603;m.</span></div><div class="ip"><span class="content">L&#603;l a ec&#700;ogog kr&#603;kr&#603; ab &#603;m (nu&#331; 1 lele nu&#331; 2 &#603;m ab a), n&#700;am otar akr li y&#603;gm eke &#603;g&#331; f&#603;&#331; ek&#700;an&#331; wus af a&#331;a a el sikpl ec&#700;adu &#603;t&#331; &#8580;ny S&#8580;g &#400;s nyam ec&#700;es abur. Ag&#331; ek&#700;elm Jwif&#603;l a &#8580;ny es abur ik&#331; na, gb&#603;k&#8580; Jwif&#603;l y&#603;ji.</span></div><div class="ip"><span class="content">Sica Nyam e L&#603;l ab &#603;m, n&#700;am otar sel &#603;&#331;n ec&#700;ejagb e low akr. Nyam b&#700;ot ag&#331; &#603;s&#603; ag&#331; nyim nyim af &#603;l ec&#700;&#8580;mn a sosi&#603;m, &#603;s&#603; elel eke ow &#603;cr Abraham ec&#700;ab af. Nu&#331; 3 to&#331; nu&#331; 5 &#603;m a, ag&#331; a f&#603;&#331; Adam e sikpl a sosi&#603;m &#8580;ny low &#8580;br luw eci, gb&#603;k&#8580; ag&#331; a f&#603;&#331; &#8580;tu eke k&#700;&#603;&#331;n sel eke -li b&#700;oc &#603;l ec&#700;&#8580;mn a -l&#700;&#603;w Jesu ek&#700;el Mesi ab af. Nu&#331; 7 &#603;m a, eke &#603;g&#331; b&#700;atr sos es eke Nyam k&#700;&#603;g&#331; in owi eb, Mois ec&#700;ol a ec&#700;&#603;lum &#603;m, li k&#700;&#8580;tum sikpl sosi&#603;m. Gb&#603;k&#8580; nu&#331; 8 &#603;m a eke li b&#700;oc in ec&#700;&#8580;mn a l&#700;&#603;lu Jesu Krist ec&#700;olik&#331; af ec&#700;egb waw ab &#603;m a, Ab&#331; Lala b&#700;ir in &#603;m &#603;t&#331; b&#700;&#8580;&#331;&#700;n abusu n&#700;&#8580;ny &#603;b ir eke b&#700;akpl Nyam sos &#603;m.</span></div><div class="ip"><span class="content">Nu&#331; 9 to&#331; 11 &#603;m a, caca &#603;m eke Jesu Krist e Nyamel a el Nyam ec&#700;ag&#331; a, P&#8580;l am dad Isra&#603;l e saw ek&#700;an&#331; a e low. Eke bat&#331; Jwif&#603;l &#603;m ag&#331; b&#603;b ig&#331; Mesi a &#8580;wl y&#603;ji, Nyam in obi a, l&#700;ig&#331;m in ec&#700;ag&#331; a l&#700;&#8580;wlm. In ec&#700;&#603;rm mamn ab &#603;m, li b&#700;ow li kok elel eke li ki kokr to&#331; ke l&#603;g&#331; nyam, Isra&#603;l y&#603;ji &#603;&#769;&#331;n sel Jesu Krist &#603;m.</span></div><div class="ip"><span class="content">L&#603;c a ec&#700;uwr &#603;m a, P&#8580;l am y&#603;gm &#603;y eke erur k&#700;an&#331; &#603;s&#603; &#603;y ec&#700;ol eke si k&#700;&#8580;su af, &#603;y ec&#700;&#603;b ir e low low f&#603;&#331; e kok &#603;m, Nyamel &#603;m lele ag&#331; &#603;m ab y&#603;ji (nu&#331; 12 &#603;m to&#331; nu&#331; 16 &#603;m).</span></div>
      </div>
   </div>
</div>

Ów ekʼit eke wɛl kʼuw any
Akpo 57 oglog 58 ɛm, Jesu Krist e mew a e jam, anake ɛrm ɛs Pↄl nↄn lɛl na awŋ kretiɛnɛl ekʼir Rom ecʼɛb gbɛl na, ekʼel Rom e wus a nimum ekʼɛw es a e lↄgŋ any a.
Lɛgŋ ab ɛm, Pↄl, in obi a nʼanŋ Korɛnt ekʼel Grɛs wus af ecʼɛb ab ɛm. Ɛtŋ ow el in ecʼAmani Mamn e kokoba ↄb ecʼusu im sakp nyahan ɛm a ecʼuwr ɛm.
Sica eke Pↄl as Sinyamel a fɛŋ ecʼob ap a eke ↄkl a luku a, kpɛkŋ nʼam tutr eke li kʼoc ob ap a nʼim nʼↄŋ kretiɛnɛl ↄgbↄru a ekʼanŋ Israɛl a. Li bʼim Jerusalɛm nʼↄŋ wɛl ob ap a ba ow bʼuwr a, nʼam ↄny tutr eke li kʼim Ɛspany wus af, lʼↄ́b Amani Mamn a e kokoba. In ecʼim ɛm a, nʼam erur eke li kʼɛc lʼɛkn Nyamel ekʼanŋ Rom a. Lɛgŋ kaka, lʼɛknm Nyamel na. In eci ɛc ɛm gbɛ, lʼuyum yogŋ eci kretiɛnɛl bɛb ab.
Pↄl awŋ Rom eyŋ lɛl na eke kʼotar Amani Mamn a e low tasi akr ok ɛl. Low nyam anŋ eke ow sosiɛm, Nyam bʼot agŋ ɛsɛ agŋ nyim nyim af in ecʼany af. Low a el agŋ ecʼↄmn eke bʼoc ɛlu Jim Jesu, wus nimum e Sↄg Ɛs ɛm a. Ɛtŋ ↄmn ikŋ na el Nyam ecʼob ap ↄfr ɛm.
Lɛl a ecʼogog krɛkrɛ ab ɛm (nuŋ 1 lele nuŋ 2 ɛm ab a), nʼam otar akr li yɛgm eke ɛgŋ fɛŋ ekʼanŋ wus af aŋa a el sikpl ecʼadu ɛtŋ ↄny Sↄg Ɛs nyam ecʼes abur. Agŋ ekʼelm Jwifɛl a ↄny es abur ikŋ na, gbɛkↄ Jwifɛl yɛji.
Sica Nyam e Lɛl ab ɛm, nʼam otar sel ɛŋn ecʼejagb e low akr. Nyam bʼot agŋ ɛsɛ agŋ nyim nyim af ɛl ecʼↄmn a sosiɛm, ɛsɛ elel eke ow ɛcr Abraham ecʼab af. Nuŋ 3 toŋ nuŋ 5 ɛm a, agŋ a fɛŋ Adam e sikpl a sosiɛm ↄny low ↄbr luw eci, gbɛkↄ agŋ a fɛŋ ↄtu eke kʼɛŋn sel eke -li bʼoc ɛl ecʼↄmn a -lʼɛw Jesu ekʼel Mesi ab af. Nuŋ 7 ɛm a, eke ɛgŋ bʼatr sos es eke Nyam kʼɛgŋ in owi eb, Mois ecʼol a ecʼɛlum ɛm, li kʼↄtum sikpl sosiɛm. Gbɛkↄ nuŋ 8 ɛm a eke li bʼoc in ecʼↄmn a lʼɛlu Jesu Krist ecʼolikŋ af ecʼegb waw ab ɛm a, Abŋ Lala bʼir in ɛm ɛtŋ bʼↄŋʼn abusu nʼↄny ɛb ir eke bʼakpl Nyam sos ɛm.
Nuŋ 9 toŋ 11 ɛm a, caca ɛm eke Jesu Krist e Nyamel a el Nyam ecʼagŋ a, Pↄl am dad Israɛl e saw ekʼanŋ a e low. Eke batŋ Jwifɛl ɛm agŋ bɛb igŋ Mesi a ↄwl yɛji, Nyam in obi a, lʼigŋm in ecʼagŋ a lʼↄwlm. In ecʼɛrm mamn ab ɛm, li bʼow li kok elel eke li ki kokr toŋ ke lɛgŋ nyam, Israɛl yɛji ɛ́ŋn sel Jesu Krist ɛm.
Lɛc a ecʼuwr ɛm a, Pↄl am yɛgm ɛy eke erur kʼanŋ ɛsɛ ɛy ecʼol eke si kʼↄsu af, ɛy ecʼɛb ir e low low fɛŋ e kok ɛm, Nyamel ɛm lele agŋ ɛm ab yɛji (nuŋ 12 ɛm toŋ nuŋ 16 ɛm).

Słuchaj Rom eyŋ e lɛl Ów ekʼit eke wɛl kʼuw any