Luka 8
8
Kep vey ɛtta Yeesu nɔ vey
1Pig an, Yeesu tak kap aʼ nɔ vɛ vere kap wagaa nɔ vɛ oppo ka òo moǒ ka kə fee moò za̧a̧ Go̧o̧ge o Gbɛ̧ɛ̧re nɛy. Vegaa kaam an boʼzoo itto nɔ ve daŋ. 2Vere kep zɔʼ vɛ, Yeesu bɔk nɛn vo fəəm ɓɛɛ o ve fɔn ho̧o̧ von poo nɔ vɛʼ: Maari-ve ya̧a̧a̧ bo Maari waa Makdala nɛy, Fəəm ɓɛɛ gutambe bɔk ve vuk o fɔn nɛy; 3Zann, Suza kenaa tin, o Helot kɔm ak ani; Suuzan vere kep zɔʼ vɛ, ve duʼza̧a̧ ve po hel von vɛ ve maʼza Yeesu vere kaam an vey.
Moò bɛmm wa̧y ba hɛn luk ak oppo
Mat 13:1-9; Mar 4:1-9
4Ha̧a̧ ve yaay kap kətkət, ve sɔŋ Yeesu o hɛge duʼza̧a̧, o moot vo moò bɛmm nɛʼi. 5«Wa̧y zɔʼ luu tak o han ka tak hoo hoot ani. De hoo hootɔ, zɔʼ ve pɛl yana yakpa: Naa ve daa ɗaʼgirɛ, nook bɛrɛttɔ ve yaa dorɛ vin. 6Hoot zɔʼ ve pɛl yɛɛ sɛksɛkpa: Hootɔ ve vukkɔ, ve kaŋŋɛ moò hɛttɔ ka̧a̧n o ve dɔʼi yɛ nɛy. 7Hoot zɔʼ ve ɓɛʼ, ve pɛl sa̧a̧t yɛɛre, sa̧a̧tɔ ve vuk vega hɛn lukkɔ ve daŋ, sa̧a̧tɔ ve gbam vorɛ. 8Hoot zɔʼ ve pɛl hɛt za̧a̧ ba; Ve vuk naa dɔk ve ó̧ó̧rɛ, sok daŋga nɔ gan yen wɔɔk saa, saa (100, 100). Yeesu kə ka̧ʼ ɓɛʼ: Vo kii za̧a̧za̧a̧, òo vo ɛ kɔʼ kiinarɛ nɛy».
Yeesu moò bɛmmi nɔ moò nɛɛ?
Mat 13:10-17; Mar 4:10-12
9Yeesu kaam an ve viʼi hɛn moò bɛmm ɛnɔ hi̧i̧ fee nɛy? 10O hi̧i̧t vo: «Von Go̧o̧ge po Vo do vo gaa, hɛn ɗin de o Gbɛ̧ɛ̧re nɔrɛ; ɛnɔ zɔʼ o ve po nɔ, ve moot vo vere bɛmma. Too ɛnɔm, “vey tora ɗaa, ve hənnɛ, vey kii ɗaa, ve gaanɛ.”»
Yeesu moò wat moò bɛmm wa̧y hoo hoot ak oppo nɛy
Mat 13:18-23; Mar 4:13-20
11«Hɛn moò bɛmmɔ hi̧i̧ fee nɔ de nɛ: Hɛn lukkɔ de Go̧o̧ge moò ani. 12Hɛn luk pɛl yana yakpa nɔ de náa vey kii Go̧o̧ge moò an nɔ vey: Sɛɛɗan yaa fat o ve si̧i̧ba tuurɛ, yaŋ vo Go̧o̧ge tu̧u̧rɛ ka bo ve sɔ ɓaʼ. 13Hɛn luk pɛl yɛɛ sɛksɛkpa nɔ de náa vey kii Go̧o̧ge moò an ve ɓa vere si̧i̧ dȩȩta nɔ vey: Ɛn ɗaa ve ɛn zazak yɛ, vey tu̧u̧ Go̧o̧ge kaʼso zaʼ, hɛn gootum òo fee ka yaagi voy nɔ ve wan nɛ. 14Hɛn luk pɛl sa̧a̧t yɛɛre nɔ liizinga de náa vey kii Go̧o̧ge moò an nɛ ɗaa, ɛn moò vəʼəra hɛkpa nɔ vɛ, nagate hi̧i̧ra nɔ vɛ vere hɛn si̧i̧ hi̧i̧ hɛkpa nɔ ve tɛʼ ve gbam vorɛ; Ɛn ve leen leet za̧a̧ yɔ̧gɔt yɛ 15Hɛn luk pɛl hɛt za̧a̧ ba nɔ liizinga de náa vey kii Go̧o̧ge moò an, ve ɛ o ve si̧i̧ba za̧a̧za̧a̧ nɔ vey, ve kə sorɛ, ve kan za̧a̧za̧a̧, ve lee leetɛ».
Moò bɛmm lalappa
Mar 4:21-25
16«Ha̧a̧ kaa kon lalap zu̧ʼun dəəge yɛ, ongɛɛ, kaa yaʼan tikko zammi yɛ vin, ɛn de diira dɔmba te, ha̧a̧ òo vey dɔra nɔ doo ve hə yɛɛ dȩȩta. 17Hɛn kan de yɛɛ ɗindire nɔ vɛ, vey hənna yɛɛ dȩȩte, goomɔ#8:17 Yɔ̧ɔ̧m; yɔ̧ɔ̧ma; yɔ̧ɔ̧mɔ: Yak faraŋsɛ ya̧a̧ bo sekeree; (secret.) vɛ vey gaanaa. 18Vo laa hɛn voy kii nɔ za̧a̧za̧a̧! Ɛn ha̧a̧ òo ɛ de hɛn zɔʼrɛ, vey ka̧ʼzaa zɔʼ tin; ha̧a̧ òo ɛnnɛ ɓimmɔ vey iŋŋa hɛn de vəʼəra ka hak kaʼso waare nɔrɛ».
Yeesu naʼanni vere daak an vey
Mat 12:46-50; Mar 3:31-35
19Yeesu naʼan vere daak an vɛ, ve yaa toʼoo, ɛn ve hagin yana ka ve gbɔ o hɛge nɔ yɛ moò duʼ yəəmɔ vey. 20Ve feeza Yeesu: «Naʼa mɔn vere daam vɛ vey diiri gba̧ʼba, ve hi̧i̧ ka bo ve həmmɛ». 21Ɛn ɗaa Yeesu feet vo ve tɛʼ: «Naʼa min vere daay ve nɔ, de náa vey kii Go̧o̧ge moò an, vey ɓa kɔra hɛn fee nɔ vey».
Yeesu dii yam aʼa
Mat 8:23-27; Mar 4:35-41
22Yo̧o̧ zɔʼ, Yeesu hiŋ kɔmballe vega kaam an vey. O feet vo: «Ba ɗaa tak vo maam dən ii nɔ oppo». Ve ɗaagi vo takkɛ.
23Bɔk vey ɗaara vere kɔmballɔ, Yeesu bɔk oy nəmme. Ɓɔllɛ ɛtuu vin, yam aʼ duni maam ba tuu; Maam bi̧i̧ hi̧ʼi̧ kɔmballe tuu, bɔk vere yɔʼ ba maa. 24Yeesu kaam an ve diŋ yaa o hɛge ve nìŋza vere yak wa̧a̧ka: «Wa̧y it hɛn, wa̧y it hɛn, vii vɔraa goy!» Yeesu niŋzi, zɛt yammɔ vere maam heŋzinna nɔrɛ, yammɔ vere maamɔ daŋ ve diirɛ. Yɛɛ kan səŋŋ. 25Yeesu feeza kaam an nɔ vɛ: «si̧i̧ tu̧u̧ von nɔ de tɔŋ annɛ?» Doo kɔ vorɛ, kɔ vo bit, ve feezin o ve yɛɛba: «Hii wa̧yin o ɛn yɛɛ? O buu yam vere maam daŋ ve kiiza kɔʼrɛ nɛy!»
Yeesu vuksa wa̧y zɔʼ fəəm ɓɛɛ ve o fɔn
Mat 8:28-34; Mar 5:1-20
26Ve ɗaa gbɔ tak hɛk Geraseni, maam dən ii nɔ oppo, Galile o timba. 27Yeesu de sira hɛge dɔmmɔ, wa̧y zɔʼ kappa tuu yaay kasingarɛ. Wa̧y nɔ fəəm ɓɛɛ bɔk ve dɔza fɔn; fəəm ɓɛɛ nɔ bɔk vey ɗeʼenaa faa, o dɔzin sâm yɛ, o kanin kaa yɛ, bɔk oy kanna gak tiŋza̧a̧re. 28O hə Yeesu nɔ, o gbat wɔɔka, wan Yeesu o dɔʼba kə moò yak aʼre fee: «Hɛ̧ɛ̧n mɔ hi̧i̧ iipo tɛɛ nɛɛ, Yeesu Go̧o̧ge de bɛlba tan an? Mi haamɛ, mɔ ɗeʼeni sɛ!» 29Wa̧y nɔ moò too ɛnɔmmɔ, moò Yeesu bɔk fee fəəm ɓɛɛ nɔ doo vuk o fɔn tuurɛ nɛy. Fəəm ɓɛɛ nɔ bɔk de iŋ kɔnaa kɔmma tuŋ, tuŋ; bɔk vey vɔlla wa̧y nɔ naak an vɛ, vere dɔʼ an vɛ vey pizaŋŋa ka ve laaa ze nɛy, wa̧y nɔ to̧o̧ pizaŋŋɔrɛ, fəəm ɓɛɛ nɔ tanaa ho̧o̧t talle. 30Yeesu viʼi: «Nii mɔn bɔgɛ?» O hi̧i̧: «Nii min “duʼi”,» Ɛnɔ fəəm ɓɛɛ bɔk ve dɔ ɓoo o fɔnnɛ. 31Fəəm ɓɛɛ nɔ ve haa Yeesu doo nɛn yaʼba va̧a̧ surire sɛ. 32Naksak duʼ zɔʼ bɔk ve tuu, vey lɛra gbɔk waa ba. Fəəm ɓɛɛ nɔ ve haa Yeesu doo ɛ ba ka bo ba tak dɔ naksakɔ o ve po. Yeesu po vo ya̧a̧rɛ. 33Fəəm ɓɛɛ nɔ ve vuk wa̧y nɔ o fɔn tuurɛ, ve tak do naksakɔ o ve po. Naksak duʼ nɔ ve dɔp attii, ve wa̧l zo̧o̧, maàme, ve dəppɛ tɛʼ. 34Náa laa naksakɔ ve hə hɛn daa nɔ, ve at ve tak fee moò nɔ kap aʼ nɔ vɛ vere kap waga nɔ vɛ oppo sɛw tɛʼ 35Náa ve vuk ka ve to hɛn ke daa nɛy. Ve gbɔy Yeesu o hɛge, ve zee wa̧y fəəm ɓɛɛ ke vuk o fɔn nɔ de zɔɔ Yeesu o sɛkpa, o dɔt sammɛ, oy za̧a̧za̧a̧ maa. Náa ɛn ve tɛʼ, doo kɔ vorɛ. 36Náa ke ve hə̧y hɛn daa tɛʼ nɔ vɛ, ve ooza náa ɛn ve ke bi̧i̧ tuubɔgɛ wa̧y kemmɛte akkɔ ho̧o̧ an poo ze nɔ yɔ. 37Náa kap Geraseni ve tɛʼ doo kɔ vorɛ, ve feeza Yeesu doo luu yəə o ve kappa tuurɛ. Yeesu hiŋ kɔmballe luurɛ. 38Wa̧y fəəm ɓɛɛ ke ve vuk o fɔn nɔ haa Yeesu ka bo ve tɔga daŋ. Ɛn Yeesu yaʼ kəna feeza: 39«Mɔ kə um kaa, mɔ tak òo hɛn Go̧o̧ge kɔzummɔrɛ tɛʼ». Wa̧y nɔ luu tak ooza náa kappa tuu nɔ ve hɛn Yeesu ke kɔza nɔrɛ tɛʼ.
Zayrus tan kep an vere waa kep zɔʼ so̧o̧ Yeesu sam ani
Mat 9:18-26; Mar 5:21-43
40Yeesu kəy maam dən zɔʼ nɔ oppo nɔ, náa duʼ nɔ ve ɓaʼa dii, ɛnɔ bɔk vey laa oy. 41Wa̧y zɔʼ nii an zayrusi o gbɔy ɛtuu vin. Bɔk o kɛŋ náa yuuda o ve lik faa yakke kare tuu yɔ. O ɗiksi zo̧o̧ Yeesu o timba, o wa̧a̧za yak doo yaa o ve kaa, 42Ɛn bɔk o ɛ tan kep daŋga waa an tin, vɛll an kaa gbɔ boʼ zoo ittorɛ, bɔk o wan ho̧ǒ̧̧, o san vɔraa maa. Yeesu bɔk de takka nɔ náa ve duʼza̧a̧, ve gbamma sɛk nɛ, sɛk nɛ. 43Waa kep zɔʼ bɔk tuu, bɔk oy yȩʼginna ho̧o̧ mɛɛm lekkaa, kaa kɔ vɛll boʼ zoo itto. Bɔk o tut hel an o naʼa nɔ verɛ tɛʼ, tɛʼ, náa yoon ho̧o̧ o ve po, ha̧a̧ zɔʼ lɔn ho̧o̧ an ɛnɔ poozinna yɛ. 44O diŋ yaa Yeesu o piki, so̧o̧ sâm yak ani. Ɓɔllɛ ɛtuu vin ho̧o̧ mɛɛm lekka an nɔ gbəʼrɛ. 45Yeesu vi: «hii so̧o̧y yɛɛ?» Ha̧a̧ ve tɛʼ ve faarɛ bo ba oy yɛ, Piyɛr feeza Yeesu: «Wa̧y it hɛn, náa ve kəgum sɛkpa nɔ vey gbamumma yɔ». 46Ɛn ɗaa Yeesu fee: «Ha̧a̧ so̧o̧yrɛ, ɛn mi kii gɔti vuk ii fɔn tɛɛ». 47Waa keppɔ hə hɛn o kɔ nɔ, Yeesu gaa ma kəzəkɔ, o niŋŋini yaa doo, o ɗiksi zo̧o̧ Yeesu o timba. O ooza náa o ve timba tuu sɛw tɛʼ, Hɛ̧ɛ̧n kɔ gɔɔ, o so̧o̧ Yeesu ze nɔrɛ vere ho̧o̧ an poo nɔmpo ze nɔrɛ. 48Yeesu feeza: «Tan min si̧i̧ tu̧u̧ mɔn poozum ma, mɔ tak za̧a̧re». 49Yeesu bɔk de moo tin nɔ oppo, ha̧a̧ fee moò ak zɔʼ luuy zayrus wa̧y kɛŋ náa yuuda o ve lik faa yakke nɔ o kaa, o feeza: «Tan kep mɔn vɔ ma. Mɔ gol wa̧y it hɛn yɛɛ ɓɛsɛ». 50Ɛn ɗaa Yeesu kii ɛnɔ feeza zayrus: «Doo do kɔm sɛ, mɔ tu̧u̧rɛ zaʼ tan kep mɔn de za̧a̧a̧». 51Yeesu gbɔ zayrus o kaa tuu nɔ, o pon yana náa ve tɛʼ doo ve dɔrɛ sɛw yɛ, o dɔga piyɛri, zaŋŋi, zakki, tan baʼ nɔ vere tan naʼ nɛy zaʼ. 52Náa ve tɛʼ, vey ba̧a̧ vey ɓɛɛ moò tan nɛy. Yeesu fee: «Vo ba̧a̧ sɛ. O vɔnnɛ, oy nəmme». 53Ɛn ɗaa náa ve zaaarɛ, ve gaa tan nɔ bo vɔrɛ. 54Ɛtuu vin, Yeesu so tan kep waa nɔ naakpa fee wɛl aʼre: «Tan min, mɔ luu bɛlba!» 55O niŋzi kəy za̧a̧na kə luu bɛlba nɔmpo. Yeesu feet vo doo ve poʼo hɛn lɛraa. 56Tan keppɔ baʼan vɛ kɔ vo bit, Ɛn Yeesu feet vo doo ve feeza ha̧a̧ hɛn ke bo daa nɔ sɛ.
Currently Selected:
Luka 8: Luk
Highlight
Share
ਕਾਪੀ।
Want to have your highlights saved across all your devices? Sign up or sign in
Luka 8
8
Kep vey ɛtta Yeesu nɔ vey
1Pig an, Yeesu tak kap aʼ nɔ vɛ vere kap wagaa nɔ vɛ oppo ka òo moǒ ka kə fee moò za̧a̧ Go̧o̧ge o Gbɛ̧ɛ̧re nɛy. Vegaa kaam an boʼzoo itto nɔ ve daŋ. 2Vere kep zɔʼ vɛ, Yeesu bɔk nɛn vo fəəm ɓɛɛ o ve fɔn ho̧o̧ von poo nɔ vɛʼ: Maari-ve ya̧a̧a̧ bo Maari waa Makdala nɛy, Fəəm ɓɛɛ gutambe bɔk ve vuk o fɔn nɛy; 3Zann, Suza kenaa tin, o Helot kɔm ak ani; Suuzan vere kep zɔʼ vɛ, ve duʼza̧a̧ ve po hel von vɛ ve maʼza Yeesu vere kaam an vey.
Moò bɛmm wa̧y ba hɛn luk ak oppo
Mat 13:1-9; Mar 4:1-9
4Ha̧a̧ ve yaay kap kətkət, ve sɔŋ Yeesu o hɛge duʼza̧a̧, o moot vo moò bɛmm nɛʼi. 5«Wa̧y zɔʼ luu tak o han ka tak hoo hoot ani. De hoo hootɔ, zɔʼ ve pɛl yana yakpa: Naa ve daa ɗaʼgirɛ, nook bɛrɛttɔ ve yaa dorɛ vin. 6Hoot zɔʼ ve pɛl yɛɛ sɛksɛkpa: Hootɔ ve vukkɔ, ve kaŋŋɛ moò hɛttɔ ka̧a̧n o ve dɔʼi yɛ nɛy. 7Hoot zɔʼ ve ɓɛʼ, ve pɛl sa̧a̧t yɛɛre, sa̧a̧tɔ ve vuk vega hɛn lukkɔ ve daŋ, sa̧a̧tɔ ve gbam vorɛ. 8Hoot zɔʼ ve pɛl hɛt za̧a̧ ba; Ve vuk naa dɔk ve ó̧ó̧rɛ, sok daŋga nɔ gan yen wɔɔk saa, saa (100, 100). Yeesu kə ka̧ʼ ɓɛʼ: Vo kii za̧a̧za̧a̧, òo vo ɛ kɔʼ kiinarɛ nɛy».
Yeesu moò bɛmmi nɔ moò nɛɛ?
Mat 13:10-17; Mar 4:10-12
9Yeesu kaam an ve viʼi hɛn moò bɛmm ɛnɔ hi̧i̧ fee nɛy? 10O hi̧i̧t vo: «Von Go̧o̧ge po Vo do vo gaa, hɛn ɗin de o Gbɛ̧ɛ̧re nɔrɛ; ɛnɔ zɔʼ o ve po nɔ, ve moot vo vere bɛmma. Too ɛnɔm, “vey tora ɗaa, ve hənnɛ, vey kii ɗaa, ve gaanɛ.”»
Yeesu moò wat moò bɛmm wa̧y hoo hoot ak oppo nɛy
Mat 13:18-23; Mar 4:13-20
11«Hɛn moò bɛmmɔ hi̧i̧ fee nɔ de nɛ: Hɛn lukkɔ de Go̧o̧ge moò ani. 12Hɛn luk pɛl yana yakpa nɔ de náa vey kii Go̧o̧ge moò an nɔ vey: Sɛɛɗan yaa fat o ve si̧i̧ba tuurɛ, yaŋ vo Go̧o̧ge tu̧u̧rɛ ka bo ve sɔ ɓaʼ. 13Hɛn luk pɛl yɛɛ sɛksɛkpa nɔ de náa vey kii Go̧o̧ge moò an ve ɓa vere si̧i̧ dȩȩta nɔ vey: Ɛn ɗaa ve ɛn zazak yɛ, vey tu̧u̧ Go̧o̧ge kaʼso zaʼ, hɛn gootum òo fee ka yaagi voy nɔ ve wan nɛ. 14Hɛn luk pɛl sa̧a̧t yɛɛre nɔ liizinga de náa vey kii Go̧o̧ge moò an nɛ ɗaa, ɛn moò vəʼəra hɛkpa nɔ vɛ, nagate hi̧i̧ra nɔ vɛ vere hɛn si̧i̧ hi̧i̧ hɛkpa nɔ ve tɛʼ ve gbam vorɛ; Ɛn ve leen leet za̧a̧ yɔ̧gɔt yɛ 15Hɛn luk pɛl hɛt za̧a̧ ba nɔ liizinga de náa vey kii Go̧o̧ge moò an, ve ɛ o ve si̧i̧ba za̧a̧za̧a̧ nɔ vey, ve kə sorɛ, ve kan za̧a̧za̧a̧, ve lee leetɛ».
Moò bɛmm lalappa
Mar 4:21-25
16«Ha̧a̧ kaa kon lalap zu̧ʼun dəəge yɛ, ongɛɛ, kaa yaʼan tikko zammi yɛ vin, ɛn de diira dɔmba te, ha̧a̧ òo vey dɔra nɔ doo ve hə yɛɛ dȩȩta. 17Hɛn kan de yɛɛ ɗindire nɔ vɛ, vey hənna yɛɛ dȩȩte, goomɔ#8:17 Yɔ̧ɔ̧m; yɔ̧ɔ̧ma; yɔ̧ɔ̧mɔ: Yak faraŋsɛ ya̧a̧ bo sekeree; (secret.) vɛ vey gaanaa. 18Vo laa hɛn voy kii nɔ za̧a̧za̧a̧! Ɛn ha̧a̧ òo ɛ de hɛn zɔʼrɛ, vey ka̧ʼzaa zɔʼ tin; ha̧a̧ òo ɛnnɛ ɓimmɔ vey iŋŋa hɛn de vəʼəra ka hak kaʼso waare nɔrɛ».
Yeesu naʼanni vere daak an vey
Mat 12:46-50; Mar 3:31-35
19Yeesu naʼan vere daak an vɛ, ve yaa toʼoo, ɛn ve hagin yana ka ve gbɔ o hɛge nɔ yɛ moò duʼ yəəmɔ vey. 20Ve feeza Yeesu: «Naʼa mɔn vere daam vɛ vey diiri gba̧ʼba, ve hi̧i̧ ka bo ve həmmɛ». 21Ɛn ɗaa Yeesu feet vo ve tɛʼ: «Naʼa min vere daay ve nɔ, de náa vey kii Go̧o̧ge moò an, vey ɓa kɔra hɛn fee nɔ vey».
Yeesu dii yam aʼa
Mat 8:23-27; Mar 4:35-41
22Yo̧o̧ zɔʼ, Yeesu hiŋ kɔmballe vega kaam an vey. O feet vo: «Ba ɗaa tak vo maam dən ii nɔ oppo». Ve ɗaagi vo takkɛ.
23Bɔk vey ɗaara vere kɔmballɔ, Yeesu bɔk oy nəmme. Ɓɔllɛ ɛtuu vin, yam aʼ duni maam ba tuu; Maam bi̧i̧ hi̧ʼi̧ kɔmballe tuu, bɔk vere yɔʼ ba maa. 24Yeesu kaam an ve diŋ yaa o hɛge ve nìŋza vere yak wa̧a̧ka: «Wa̧y it hɛn, wa̧y it hɛn, vii vɔraa goy!» Yeesu niŋzi, zɛt yammɔ vere maam heŋzinna nɔrɛ, yammɔ vere maamɔ daŋ ve diirɛ. Yɛɛ kan səŋŋ. 25Yeesu feeza kaam an nɔ vɛ: «si̧i̧ tu̧u̧ von nɔ de tɔŋ annɛ?» Doo kɔ vorɛ, kɔ vo bit, ve feezin o ve yɛɛba: «Hii wa̧yin o ɛn yɛɛ? O buu yam vere maam daŋ ve kiiza kɔʼrɛ nɛy!»
Yeesu vuksa wa̧y zɔʼ fəəm ɓɛɛ ve o fɔn
Mat 8:28-34; Mar 5:1-20
26Ve ɗaa gbɔ tak hɛk Geraseni, maam dən ii nɔ oppo, Galile o timba. 27Yeesu de sira hɛge dɔmmɔ, wa̧y zɔʼ kappa tuu yaay kasingarɛ. Wa̧y nɔ fəəm ɓɛɛ bɔk ve dɔza fɔn; fəəm ɓɛɛ nɔ bɔk vey ɗeʼenaa faa, o dɔzin sâm yɛ, o kanin kaa yɛ, bɔk oy kanna gak tiŋza̧a̧re. 28O hə Yeesu nɔ, o gbat wɔɔka, wan Yeesu o dɔʼba kə moò yak aʼre fee: «Hɛ̧ɛ̧n mɔ hi̧i̧ iipo tɛɛ nɛɛ, Yeesu Go̧o̧ge de bɛlba tan an? Mi haamɛ, mɔ ɗeʼeni sɛ!» 29Wa̧y nɔ moò too ɛnɔmmɔ, moò Yeesu bɔk fee fəəm ɓɛɛ nɔ doo vuk o fɔn tuurɛ nɛy. Fəəm ɓɛɛ nɔ bɔk de iŋ kɔnaa kɔmma tuŋ, tuŋ; bɔk vey vɔlla wa̧y nɔ naak an vɛ, vere dɔʼ an vɛ vey pizaŋŋa ka ve laaa ze nɛy, wa̧y nɔ to̧o̧ pizaŋŋɔrɛ, fəəm ɓɛɛ nɔ tanaa ho̧o̧t talle. 30Yeesu viʼi: «Nii mɔn bɔgɛ?» O hi̧i̧: «Nii min “duʼi”,» Ɛnɔ fəəm ɓɛɛ bɔk ve dɔ ɓoo o fɔnnɛ. 31Fəəm ɓɛɛ nɔ ve haa Yeesu doo nɛn yaʼba va̧a̧ surire sɛ. 32Naksak duʼ zɔʼ bɔk ve tuu, vey lɛra gbɔk waa ba. Fəəm ɓɛɛ nɔ ve haa Yeesu doo ɛ ba ka bo ba tak dɔ naksakɔ o ve po. Yeesu po vo ya̧a̧rɛ. 33Fəəm ɓɛɛ nɔ ve vuk wa̧y nɔ o fɔn tuurɛ, ve tak do naksakɔ o ve po. Naksak duʼ nɔ ve dɔp attii, ve wa̧l zo̧o̧, maàme, ve dəppɛ tɛʼ. 34Náa laa naksakɔ ve hə hɛn daa nɔ, ve at ve tak fee moò nɔ kap aʼ nɔ vɛ vere kap waga nɔ vɛ oppo sɛw tɛʼ 35Náa ve vuk ka ve to hɛn ke daa nɛy. Ve gbɔy Yeesu o hɛge, ve zee wa̧y fəəm ɓɛɛ ke vuk o fɔn nɔ de zɔɔ Yeesu o sɛkpa, o dɔt sammɛ, oy za̧a̧za̧a̧ maa. Náa ɛn ve tɛʼ, doo kɔ vorɛ. 36Náa ke ve hə̧y hɛn daa tɛʼ nɔ vɛ, ve ooza náa ɛn ve ke bi̧i̧ tuubɔgɛ wa̧y kemmɛte akkɔ ho̧o̧ an poo ze nɔ yɔ. 37Náa kap Geraseni ve tɛʼ doo kɔ vorɛ, ve feeza Yeesu doo luu yəə o ve kappa tuurɛ. Yeesu hiŋ kɔmballe luurɛ. 38Wa̧y fəəm ɓɛɛ ke ve vuk o fɔn nɔ haa Yeesu ka bo ve tɔga daŋ. Ɛn Yeesu yaʼ kəna feeza: 39«Mɔ kə um kaa, mɔ tak òo hɛn Go̧o̧ge kɔzummɔrɛ tɛʼ». Wa̧y nɔ luu tak ooza náa kappa tuu nɔ ve hɛn Yeesu ke kɔza nɔrɛ tɛʼ.
Zayrus tan kep an vere waa kep zɔʼ so̧o̧ Yeesu sam ani
Mat 9:18-26; Mar 5:21-43
40Yeesu kəy maam dən zɔʼ nɔ oppo nɔ, náa duʼ nɔ ve ɓaʼa dii, ɛnɔ bɔk vey laa oy. 41Wa̧y zɔʼ nii an zayrusi o gbɔy ɛtuu vin. Bɔk o kɛŋ náa yuuda o ve lik faa yakke kare tuu yɔ. O ɗiksi zo̧o̧ Yeesu o timba, o wa̧a̧za yak doo yaa o ve kaa, 42Ɛn bɔk o ɛ tan kep daŋga waa an tin, vɛll an kaa gbɔ boʼ zoo ittorɛ, bɔk o wan ho̧ǒ̧̧, o san vɔraa maa. Yeesu bɔk de takka nɔ náa ve duʼza̧a̧, ve gbamma sɛk nɛ, sɛk nɛ. 43Waa kep zɔʼ bɔk tuu, bɔk oy yȩʼginna ho̧o̧ mɛɛm lekkaa, kaa kɔ vɛll boʼ zoo itto. Bɔk o tut hel an o naʼa nɔ verɛ tɛʼ, tɛʼ, náa yoon ho̧o̧ o ve po, ha̧a̧ zɔʼ lɔn ho̧o̧ an ɛnɔ poozinna yɛ. 44O diŋ yaa Yeesu o piki, so̧o̧ sâm yak ani. Ɓɔllɛ ɛtuu vin ho̧o̧ mɛɛm lekka an nɔ gbəʼrɛ. 45Yeesu vi: «hii so̧o̧y yɛɛ?» Ha̧a̧ ve tɛʼ ve faarɛ bo ba oy yɛ, Piyɛr feeza Yeesu: «Wa̧y it hɛn, náa ve kəgum sɛkpa nɔ vey gbamumma yɔ». 46Ɛn ɗaa Yeesu fee: «Ha̧a̧ so̧o̧yrɛ, ɛn mi kii gɔti vuk ii fɔn tɛɛ». 47Waa keppɔ hə hɛn o kɔ nɔ, Yeesu gaa ma kəzəkɔ, o niŋŋini yaa doo, o ɗiksi zo̧o̧ Yeesu o timba. O ooza náa o ve timba tuu sɛw tɛʼ, Hɛ̧ɛ̧n kɔ gɔɔ, o so̧o̧ Yeesu ze nɔrɛ vere ho̧o̧ an poo nɔmpo ze nɔrɛ. 48Yeesu feeza: «Tan min si̧i̧ tu̧u̧ mɔn poozum ma, mɔ tak za̧a̧re». 49Yeesu bɔk de moo tin nɔ oppo, ha̧a̧ fee moò ak zɔʼ luuy zayrus wa̧y kɛŋ náa yuuda o ve lik faa yakke nɔ o kaa, o feeza: «Tan kep mɔn vɔ ma. Mɔ gol wa̧y it hɛn yɛɛ ɓɛsɛ». 50Ɛn ɗaa Yeesu kii ɛnɔ feeza zayrus: «Doo do kɔm sɛ, mɔ tu̧u̧rɛ zaʼ tan kep mɔn de za̧a̧a̧». 51Yeesu gbɔ zayrus o kaa tuu nɔ, o pon yana náa ve tɛʼ doo ve dɔrɛ sɛw yɛ, o dɔga piyɛri, zaŋŋi, zakki, tan baʼ nɔ vere tan naʼ nɛy zaʼ. 52Náa ve tɛʼ, vey ba̧a̧ vey ɓɛɛ moò tan nɛy. Yeesu fee: «Vo ba̧a̧ sɛ. O vɔnnɛ, oy nəmme». 53Ɛn ɗaa náa ve zaaarɛ, ve gaa tan nɔ bo vɔrɛ. 54Ɛtuu vin, Yeesu so tan kep waa nɔ naakpa fee wɛl aʼre: «Tan min, mɔ luu bɛlba!» 55O niŋzi kəy za̧a̧na kə luu bɛlba nɔmpo. Yeesu feet vo doo ve poʼo hɛn lɛraa. 56Tan keppɔ baʼan vɛ kɔ vo bit, Ɛn Yeesu feet vo doo ve feeza ha̧a̧ hɛn ke bo daa nɔ sɛ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in