Luka 7
7
Yeesu pooza wa̧a̧ vɛɛ kɛŋ zɔʼ kɔm ak an ho̧ǒ̧
Mat 8:5-13; Zâŋ 4:46-54
1Yeesu si̧t náa duʼ ve moò oot voo tɛʼ kəzəkɔ, o luu kə tak kapɛrnum. 2Wa̧a̧ vɛɛ kɛŋ Rɔm zɔʼ o tuu, bɔk ɛ kɔm ak an tin, o hi̧i̧i̧rɛ kpɛŋ. Kɔm ak an nɔ bɔk o ho̧ǒ̧ ɓɛɛ za̧a̧, san vɔraa maa. 3Wa̧a̧ vɛɛ kɛŋ ɛnɔ kii vey moò Yeesu moò an kəzəkɔ, o yaʼza náa kɛŋ visin moò yuuda nɔ vɛ doo ve tak wa̧a̧za yak doo yaa poozi vo kɔm ak von ho̧o̧ ani. 4Ve gbɔy Yeesu oppo nɔ, ve wa̧a̧za yakka kpɛŋ, ve fee: «Wa̧y ɛnɔ o lii kaam maʼzarɛ. 5O hi̧i̧ zik ban vo nɔrɛ ɛn bɔk o yo̧o̧t ba vo lik faa yak ban vo nɔ yɔ». 6Yeesu luu takki vo daŋ. O yəəzinga ka̧a̧ nɔ ɓɛ yɛ, wa̧a̧ vɛɛ kɛŋŋɔ yaʼi gbaare an vɛ doo ve feeza: «wa̧y it hɛn, do golum yɛɛ sɛ. Mi liin kaam dɔ ii kaa dɔmmɛ yɛ; 7Moò an oy mi to kaay liin gbɔnna um hɛge vere wɔɔk mini yɛ. Mɔ moò yak daŋga zaʼ kɔm ak min ho̧o̧ an de poo. 8Mi ɛ kɛŋ min vey derɛ vin sɛw, mi ɛ waa vɛɛ vɛ mii buu voo derɛ sɛw. Ooy fee ha̧a̧ daŋga: “mɔ takkɛ!” De takkaa; Ooy kə fee ha̧a̧ zɔʼ ɓɛʼ: “Mɔ yaarɛ!” De yaay; Ooy feeza kɔm ak min: “Mɔ kɔ hɛn nɛʼi̧!” De kɔra oy». 9Yeesu kii yak moot ɛnɔ ve kəzəkkɔ, o vɔŋ waa vɛɛ kɛŋŋɔrɛ. O fil kə náa duʼ ke vey oora nɔ o ve po feet vo: «Mi feet vora, mi zeen si̧i̧ tu̧u̧ aʼ zik Islayɛlle too ɛnɔm yɛ». 10Náa yaʼyɛɛ nɔ ve kə tak waa vɛɛ kɛŋŋɔ o kaa nɔ, ve zee wa̧y kɔm akkɔ ho̧o̧ an poo ma.
Yeesu niŋzi waa kuu zɔʼ tan an vɔɔ yɛɛre
11Pig an, Yeesu tak kap aʼ ve ya̧a̧ bo Nayiŋŋɔ oppo; Kaam an vɛ, vere náa duʼ yəəm ɛnɔ vɛ ve tɔga daŋ. 12Yɛɛ bɔk oy sanna gbɔra gba̧ʼ yakpa nɔ, o zee vey gan vɔɔ tanna gakpa: Bɔk waa kuu zɔʼ tan daŋga waa ani. Náa kappa tuu, ve duʼu, yəəmza̧, ve sɔŋ yaa waa keppɔ o hɛge. 13Yeesu hə̧ʼə̧ nɔ, gim kɔza orɛ kə feeza: «Mɔ ba̧a̧ sɛ!» 14O diŋ tak so̧o̧ vɔɔ kpaŋŋɔrɛ; náa gan vɔɔ nɔ ve diirɛ. Yeesu fee: «Wa̧y kaam, mii feezuma, mɔ luu bɛlba!» 15Vɔɔ nɔ luu zɔɔrɛ, o bi̧i̧ yak moò. Yeesu poʼo naʼanni. 16Náa ve tɛʼ doo kɔ vorɛ; Ve gbəŋ Go̧o̧ge ve fee: «Porofɛt aʼ hən de o ba vo tiŋza̧a̧re!» Ɛn sɛw: «Go̧o̧ge yaay maʼzaa náa an vɛy!» 17Hɛk Yuuda nɔ sɛw tɛʼ vere kap o sɛkpa nɔ ve sɛw, ve kii hɛn Yeesu kɔ nɔrɛ.
Zâŋ Batis yaʼyɛɛ an vey
Mat 11:2-19
18Zâŋ Batis kaam an ve ooza kɛŋ von hɛn Yeesu kɔ nɔ verɛ tɛʼ. O kə ya̧a̧ ha̧a̧ itto, kaam an o ve tiŋza̧a̧re. 19Yaʼ vo tak Gbɛ̧ɛ̧ kɛŋ oppo, doo ve viʼi: «Mɔ kiris kaa de yaay nɔ yɔrɛɛ ha̧a̧ vi laa ha̧a̧ zɔʼɔrɛ?» 20Ve gbɔ Yeesu oppo nɔ, ve feeza: «Zâŋ Batis yaʼ vii umpo doo vi yaa vimmɛ: “Mɔ kiris kaa de yaay nɔ yɔrɛɛ ha̧a̧ vi laa ha̧a̧ zɔʼɔrɛ?”» 21Ɛtuu vin, Yeesu pooza ha̧a̧ ve duʼza̧a̧ ho̧o̧ von verɛ, vere náa zɔʼ kpellɔ vɛʼ, o vuksa náa fəəm ɓɛɛ bɔk dɔt vo fɔn nɔ verɛ, kə kɛʼza yə̧ə̧ ve duʼza̧a̧ nɔt von nɛ. 22O kə hi̧i̧za Zâŋ yaʼyɛɛ an nɔ vɛ: «Vo tak ooza Zâŋ hɛn ke vo hə̧ nɔ vɛ vere hɛn ke vo kii nɔ verɛ: Yə̧ə̧ ve hə̧ nɔttɛ, náa dɔʼ ho̧o̧ ve ɛm wattɛ, guni ak vɛ ho̧o̧ von poorɛ, lakkɔ ve kɔʼ von kullɛ, vɔɔ ve kəy za̧a̧na, gim ak ve kii moò za̧a̧rɛ. 23Ha̧a̧ òo ɛn tu̧u̧nira yɛ nɔ oy kanna za̧a̧re!» 24Zâŋ Batis yaʼyɛɛ an ve luu kə nɔ, Yeesu bi̧i̧ náa duʼ nɔ ve Zâŋ Batis moò an moot voo, fee: «Vo tak to hɛ̧ɛ̧n ho̧o̧t talle tuu nɛɛ? Kɔŋ yam ke nammɛyrɛ? Hə̧ə̧̌! 25An vo tak to Hɛ̧ɛ̧n o nɛɛ? Ha̧a̧ dɔt sâm za̧a̧ akkarɛ? Náa ve dɔt sâm za̧a̧ nɔ vɛ, vey kanna za̧a̧za̧a̧ nɔ, vey gbɛ̧ɛ̧ o ve pekke. 26Vo tak to Hɛ̧ɛ̧n o ɓimmɔ nɛɛ guu? Go̧o̧ge yaʼyɛɛ anirɛ? Ɛʼɛ, mi feet vora, o ɗəə Porofɛttɛ. 27Ɛnɔ Zâŋ o ha̧a̧ Dɛptɛl moo moò an fee: “Mi yaʼ ɓəəzii ha̧a̧ fee moò ak min um tinba, do sɛksum yana dee nɛy.”» 28Yeesu kə feet vo zɔʼ ɓɛʼ: «Mii feet vora: Ha̧a̧ ɓɔɔ, ɗəən Zâŋ kɛŋŋɛ nɔ paamɛ; ɛnɔ, ha̧a̧ òo koo ɗəə Go̧o̧ge o Gbɛ̧ɛ̧rerɛ nɔ, o ɗəən Zâŋ vere kɛŋ yɔ. 29Náa ve tɛʼ vere náa sɔŋ zɔmɔgɔl vɛ sɛw, ve kiiza Zaŋŋɛ, ve gaa Go̧o̧ge moò an bo likkɛ, Zâŋ po vo Batɛmma. 30Ɛn ɗaa náa farize vɛ vere náa it mɔyi̧zə moò buu an nɔ vɛ ve bɔn hɛn Go̧o̧ge hi̧i̧ o ve po nɔrɛ, ve bɔn Zâŋ doo po vo Batɛm sɛ». 31Yeesu fee ɓɛʼ: «Náa ɓɔllɛ nɛnɔ vɛ kay goozin vo vey hii ve yɛɛ? Ve liizinga vere hii ve yɛɛ? 32Ve liizinga vere sâm waa vey zɔɔri katin nɔ vey, ve moò o ve yɛɛ ba ve fee: “Vi uut vo goll naa hɛnna vo naánɛ, vi bi̧i̧t vo vɔɔ bɛrbɛtta vo ba̧a̧nɛ!” 33Too ɛnɔ vin, Zâŋ Batis yaay, o lɛn nan yɛ, o zɔn bum yɛ, vo fee: “O bo ɛ fəəm ɓɛɛ!” 34Ha̧a̧ tan an yaay, o lɛ nânnɛ, o zɔ bummɛ, ɛn vo fee: “Vo to wa̧y ɛnɔ kɔm an lɛm lɛraa vere bum zɔraa zaʼ, o náa sɔŋ zɔmɔgɔl vɛ vere náa kɔl hɛn ɓɛɛ vɛ gbaare voni!” 35Ɛn náa ve ɓa Go̧o̧ge moò an nɔ vɛ ve gaa hɛn o kɔ nɔ bo likkɛ yɔ».
Yeesu oy simɔŋ wa̧y farize nɔ o kaa
36Wa̧y farize zɔʼ ya̧a̧ Yeesu ka bo ve lɛga lɛmma. Yeesu gbɔ wa̧y farize nɔ o kaa nɔ o zɔɔ yɛɛ lɛ lɛm ba. 37Waa kɔl hɛn ɓɛɛ ak zɔʼ bɔk kap ɛnɔ oppo tuu tin. O kii Yeesu boy lɛra lɛm wa̧y farize nɔ o kaa nɔ, o pani kum tik ve ya̧a̧ bo Albatərə#7:37 Albatərə nɔ ve zik pinna too tik vin ve aa kum intuu. nɛy kum sa̧a̧k hi̧ʼ intuu, 38O dɔ tak dii Yeesu o piki, o dɔʼ sɛkpa. O pɛ ba̧a̧ka, o ba̧a̧a̧ ba̧a̧a̧ ba̧a̧a̧, o hà̧à̧zi Yeesu dɔʼ an vere meem ani; o kə nugin vere wɔɔk hu̧u̧ ani, kə va̧a̧ dɔʼ nɔ vɛ kə muŋza kum sa̧a̧kɔ tin. 39Wa̧y farize bɔk ya̧a̧n Yeesu lɛmmɔ hə hɛn ɛnɔ, o vəʼə o si̧i̧ ba: «Wa̧y ɛnɔ kaa o Go̧o̧ge yaʼyɛɛ an ginu nɔ, kaa de gaa waa kep de so̧o̧o̧ ɛnɔ o bo: waa kɔl hɛn ɓɛɛ akka». 40Yeesu iŋ yak moot feeza wa̧y farize nɔ: «Simɔŋ, mi hi̧i̧ kay feezum moǒ». Simɔŋ hi̧i̧za: «mɔ moorɛ, wa̧y it hɛn». 41Yeesu fee: «Ha̧a̧ po ɓɔl ak zɔʼ tin òo náa dȩȩ ɓɔl ve itto ɓɔlla. Ha̧a̧ daŋga nɔ san zaŋ saa (500), zɔʼ nɔ san wɔɔk itto zoo boʼ (50). 42Ve ɛn hɛn ka ve togin ɓɔllɔ yɛ nɔ, wa̧y po ɓɔl akkɔ gaat vo gim hoozi vo ɓɔl von nɔ verɛ ve itto sɛw tɛʼ. Ve itto Ɛnɔ, hii kaa de hi̧i̧ra wa̧y po ɓɔl akkɔ ɗəəsi̧ wɔɔk tin yɛɛ?» 43Simɔŋ hi̧i̧za: «Wa̧y ve hooza ɓɔl an ɓoo ɗəə nɛy». Yeesu feeza: «Mɔ fee de moò za̧ǎ̧ ginu». 44Pig an Yeesu fil kə waa keppɔ oppo feeza Simɔŋ: «Mɔ hə̧ waa kep ɛn nɛrɛ? Mi yaa um kaa, mɔ ponni maam zaʼ dɔʼ yɛ; waa kep nɛnɔ o zaʼzi dɔʼ min vere meem ani kə nugin vere wɔɔk hu̧u̧ ani. 45Kum ɓani vere va̧a̧zin yɛ; An o ɛn dɔʼ min va̧a̧na yɛ, yɛɛ ki hi̧i̧ gbɔy nɛy. 46Mɔ muŋzinni kum wɔɔkpa yɛ; o muŋzi an kum sa̧a̧k dɔʼbarɛ. 47Moò an oy mii feezumma: Waa kep ɛnɔ, hi̧i̧zin an aʼni o kɔ ɛnɔ, it hɛn ɓɛɛ an ɓooza̧a̧ ɛn vɛ hoozi ma. Ha̧a̧ ve hooza kaʼso nɔ de itta hi̧i̧zin an kaʼso vin». 48Yeesu kə feeza waa keppɔ: «Hɛn ɓɛɛ mɔn vɛ hoozi ma». 49Náa ke vey lɛgi voo lɛm yɛɛ daŋga nɔ vɛ, ve fee o ve si̧i̧ ba: «Hii wa̧yin, o lii kaa hoozi hɛn ɓɛɛrɛ ɛnɔ yɛɛ?» 50Ɛn Yeesu feeza waa keppɔ: «Si̧i̧ tu̧u̧ mɔn sɔzum ma mɔ tak sosnne».
Currently Selected:
Luka 7: Luk
Highlight
Share
ਕਾਪੀ।
Want to have your highlights saved across all your devices? Sign up or sign in
Luka 7
7
Yeesu pooza wa̧a̧ vɛɛ kɛŋ zɔʼ kɔm ak an ho̧ǒ̧
Mat 8:5-13; Zâŋ 4:46-54
1Yeesu si̧t náa duʼ ve moò oot voo tɛʼ kəzəkɔ, o luu kə tak kapɛrnum. 2Wa̧a̧ vɛɛ kɛŋ Rɔm zɔʼ o tuu, bɔk ɛ kɔm ak an tin, o hi̧i̧i̧rɛ kpɛŋ. Kɔm ak an nɔ bɔk o ho̧ǒ̧ ɓɛɛ za̧a̧, san vɔraa maa. 3Wa̧a̧ vɛɛ kɛŋ ɛnɔ kii vey moò Yeesu moò an kəzəkɔ, o yaʼza náa kɛŋ visin moò yuuda nɔ vɛ doo ve tak wa̧a̧za yak doo yaa poozi vo kɔm ak von ho̧o̧ ani. 4Ve gbɔy Yeesu oppo nɔ, ve wa̧a̧za yakka kpɛŋ, ve fee: «Wa̧y ɛnɔ o lii kaam maʼzarɛ. 5O hi̧i̧ zik ban vo nɔrɛ ɛn bɔk o yo̧o̧t ba vo lik faa yak ban vo nɔ yɔ». 6Yeesu luu takki vo daŋ. O yəəzinga ka̧a̧ nɔ ɓɛ yɛ, wa̧a̧ vɛɛ kɛŋŋɔ yaʼi gbaare an vɛ doo ve feeza: «wa̧y it hɛn, do golum yɛɛ sɛ. Mi liin kaam dɔ ii kaa dɔmmɛ yɛ; 7Moò an oy mi to kaay liin gbɔnna um hɛge vere wɔɔk mini yɛ. Mɔ moò yak daŋga zaʼ kɔm ak min ho̧o̧ an de poo. 8Mi ɛ kɛŋ min vey derɛ vin sɛw, mi ɛ waa vɛɛ vɛ mii buu voo derɛ sɛw. Ooy fee ha̧a̧ daŋga: “mɔ takkɛ!” De takkaa; Ooy kə fee ha̧a̧ zɔʼ ɓɛʼ: “Mɔ yaarɛ!” De yaay; Ooy feeza kɔm ak min: “Mɔ kɔ hɛn nɛʼi̧!” De kɔra oy». 9Yeesu kii yak moot ɛnɔ ve kəzəkkɔ, o vɔŋ waa vɛɛ kɛŋŋɔrɛ. O fil kə náa duʼ ke vey oora nɔ o ve po feet vo: «Mi feet vora, mi zeen si̧i̧ tu̧u̧ aʼ zik Islayɛlle too ɛnɔm yɛ». 10Náa yaʼyɛɛ nɔ ve kə tak waa vɛɛ kɛŋŋɔ o kaa nɔ, ve zee wa̧y kɔm akkɔ ho̧o̧ an poo ma.
Yeesu niŋzi waa kuu zɔʼ tan an vɔɔ yɛɛre
11Pig an, Yeesu tak kap aʼ ve ya̧a̧ bo Nayiŋŋɔ oppo; Kaam an vɛ, vere náa duʼ yəəm ɛnɔ vɛ ve tɔga daŋ. 12Yɛɛ bɔk oy sanna gbɔra gba̧ʼ yakpa nɔ, o zee vey gan vɔɔ tanna gakpa: Bɔk waa kuu zɔʼ tan daŋga waa ani. Náa kappa tuu, ve duʼu, yəəmza̧, ve sɔŋ yaa waa keppɔ o hɛge. 13Yeesu hə̧ʼə̧ nɔ, gim kɔza orɛ kə feeza: «Mɔ ba̧a̧ sɛ!» 14O diŋ tak so̧o̧ vɔɔ kpaŋŋɔrɛ; náa gan vɔɔ nɔ ve diirɛ. Yeesu fee: «Wa̧y kaam, mii feezuma, mɔ luu bɛlba!» 15Vɔɔ nɔ luu zɔɔrɛ, o bi̧i̧ yak moò. Yeesu poʼo naʼanni. 16Náa ve tɛʼ doo kɔ vorɛ; Ve gbəŋ Go̧o̧ge ve fee: «Porofɛt aʼ hən de o ba vo tiŋza̧a̧re!» Ɛn sɛw: «Go̧o̧ge yaay maʼzaa náa an vɛy!» 17Hɛk Yuuda nɔ sɛw tɛʼ vere kap o sɛkpa nɔ ve sɛw, ve kii hɛn Yeesu kɔ nɔrɛ.
Zâŋ Batis yaʼyɛɛ an vey
Mat 11:2-19
18Zâŋ Batis kaam an ve ooza kɛŋ von hɛn Yeesu kɔ nɔ verɛ tɛʼ. O kə ya̧a̧ ha̧a̧ itto, kaam an o ve tiŋza̧a̧re. 19Yaʼ vo tak Gbɛ̧ɛ̧ kɛŋ oppo, doo ve viʼi: «Mɔ kiris kaa de yaay nɔ yɔrɛɛ ha̧a̧ vi laa ha̧a̧ zɔʼɔrɛ?» 20Ve gbɔ Yeesu oppo nɔ, ve feeza: «Zâŋ Batis yaʼ vii umpo doo vi yaa vimmɛ: “Mɔ kiris kaa de yaay nɔ yɔrɛɛ ha̧a̧ vi laa ha̧a̧ zɔʼɔrɛ?”» 21Ɛtuu vin, Yeesu pooza ha̧a̧ ve duʼza̧a̧ ho̧o̧ von verɛ, vere náa zɔʼ kpellɔ vɛʼ, o vuksa náa fəəm ɓɛɛ bɔk dɔt vo fɔn nɔ verɛ, kə kɛʼza yə̧ə̧ ve duʼza̧a̧ nɔt von nɛ. 22O kə hi̧i̧za Zâŋ yaʼyɛɛ an nɔ vɛ: «Vo tak ooza Zâŋ hɛn ke vo hə̧ nɔ vɛ vere hɛn ke vo kii nɔ verɛ: Yə̧ə̧ ve hə̧ nɔttɛ, náa dɔʼ ho̧o̧ ve ɛm wattɛ, guni ak vɛ ho̧o̧ von poorɛ, lakkɔ ve kɔʼ von kullɛ, vɔɔ ve kəy za̧a̧na, gim ak ve kii moò za̧a̧rɛ. 23Ha̧a̧ òo ɛn tu̧u̧nira yɛ nɔ oy kanna za̧a̧re!» 24Zâŋ Batis yaʼyɛɛ an ve luu kə nɔ, Yeesu bi̧i̧ náa duʼ nɔ ve Zâŋ Batis moò an moot voo, fee: «Vo tak to hɛ̧ɛ̧n ho̧o̧t talle tuu nɛɛ? Kɔŋ yam ke nammɛyrɛ? Hə̧ə̧̌! 25An vo tak to Hɛ̧ɛ̧n o nɛɛ? Ha̧a̧ dɔt sâm za̧a̧ akkarɛ? Náa ve dɔt sâm za̧a̧ nɔ vɛ, vey kanna za̧a̧za̧a̧ nɔ, vey gbɛ̧ɛ̧ o ve pekke. 26Vo tak to Hɛ̧ɛ̧n o ɓimmɔ nɛɛ guu? Go̧o̧ge yaʼyɛɛ anirɛ? Ɛʼɛ, mi feet vora, o ɗəə Porofɛttɛ. 27Ɛnɔ Zâŋ o ha̧a̧ Dɛptɛl moo moò an fee: “Mi yaʼ ɓəəzii ha̧a̧ fee moò ak min um tinba, do sɛksum yana dee nɛy.”» 28Yeesu kə feet vo zɔʼ ɓɛʼ: «Mii feet vora: Ha̧a̧ ɓɔɔ, ɗəən Zâŋ kɛŋŋɛ nɔ paamɛ; ɛnɔ, ha̧a̧ òo koo ɗəə Go̧o̧ge o Gbɛ̧ɛ̧rerɛ nɔ, o ɗəən Zâŋ vere kɛŋ yɔ. 29Náa ve tɛʼ vere náa sɔŋ zɔmɔgɔl vɛ sɛw, ve kiiza Zaŋŋɛ, ve gaa Go̧o̧ge moò an bo likkɛ, Zâŋ po vo Batɛmma. 30Ɛn ɗaa náa farize vɛ vere náa it mɔyi̧zə moò buu an nɔ vɛ ve bɔn hɛn Go̧o̧ge hi̧i̧ o ve po nɔrɛ, ve bɔn Zâŋ doo po vo Batɛm sɛ». 31Yeesu fee ɓɛʼ: «Náa ɓɔllɛ nɛnɔ vɛ kay goozin vo vey hii ve yɛɛ? Ve liizinga vere hii ve yɛɛ? 32Ve liizinga vere sâm waa vey zɔɔri katin nɔ vey, ve moò o ve yɛɛ ba ve fee: “Vi uut vo goll naa hɛnna vo naánɛ, vi bi̧i̧t vo vɔɔ bɛrbɛtta vo ba̧a̧nɛ!” 33Too ɛnɔ vin, Zâŋ Batis yaay, o lɛn nan yɛ, o zɔn bum yɛ, vo fee: “O bo ɛ fəəm ɓɛɛ!” 34Ha̧a̧ tan an yaay, o lɛ nânnɛ, o zɔ bummɛ, ɛn vo fee: “Vo to wa̧y ɛnɔ kɔm an lɛm lɛraa vere bum zɔraa zaʼ, o náa sɔŋ zɔmɔgɔl vɛ vere náa kɔl hɛn ɓɛɛ vɛ gbaare voni!” 35Ɛn náa ve ɓa Go̧o̧ge moò an nɔ vɛ ve gaa hɛn o kɔ nɔ bo likkɛ yɔ».
Yeesu oy simɔŋ wa̧y farize nɔ o kaa
36Wa̧y farize zɔʼ ya̧a̧ Yeesu ka bo ve lɛga lɛmma. Yeesu gbɔ wa̧y farize nɔ o kaa nɔ o zɔɔ yɛɛ lɛ lɛm ba. 37Waa kɔl hɛn ɓɛɛ ak zɔʼ bɔk kap ɛnɔ oppo tuu tin. O kii Yeesu boy lɛra lɛm wa̧y farize nɔ o kaa nɔ, o pani kum tik ve ya̧a̧ bo Albatərə#7:37 Albatərə nɔ ve zik pinna too tik vin ve aa kum intuu. nɛy kum sa̧a̧k hi̧ʼ intuu, 38O dɔ tak dii Yeesu o piki, o dɔʼ sɛkpa. O pɛ ba̧a̧ka, o ba̧a̧a̧ ba̧a̧a̧ ba̧a̧a̧, o hà̧à̧zi Yeesu dɔʼ an vere meem ani; o kə nugin vere wɔɔk hu̧u̧ ani, kə va̧a̧ dɔʼ nɔ vɛ kə muŋza kum sa̧a̧kɔ tin. 39Wa̧y farize bɔk ya̧a̧n Yeesu lɛmmɔ hə hɛn ɛnɔ, o vəʼə o si̧i̧ ba: «Wa̧y ɛnɔ kaa o Go̧o̧ge yaʼyɛɛ an ginu nɔ, kaa de gaa waa kep de so̧o̧o̧ ɛnɔ o bo: waa kɔl hɛn ɓɛɛ akka». 40Yeesu iŋ yak moot feeza wa̧y farize nɔ: «Simɔŋ, mi hi̧i̧ kay feezum moǒ». Simɔŋ hi̧i̧za: «mɔ moorɛ, wa̧y it hɛn». 41Yeesu fee: «Ha̧a̧ po ɓɔl ak zɔʼ tin òo náa dȩȩ ɓɔl ve itto ɓɔlla. Ha̧a̧ daŋga nɔ san zaŋ saa (500), zɔʼ nɔ san wɔɔk itto zoo boʼ (50). 42Ve ɛn hɛn ka ve togin ɓɔllɔ yɛ nɔ, wa̧y po ɓɔl akkɔ gaat vo gim hoozi vo ɓɔl von nɔ verɛ ve itto sɛw tɛʼ. Ve itto Ɛnɔ, hii kaa de hi̧i̧ra wa̧y po ɓɔl akkɔ ɗəəsi̧ wɔɔk tin yɛɛ?» 43Simɔŋ hi̧i̧za: «Wa̧y ve hooza ɓɔl an ɓoo ɗəə nɛy». Yeesu feeza: «Mɔ fee de moò za̧ǎ̧ ginu». 44Pig an Yeesu fil kə waa keppɔ oppo feeza Simɔŋ: «Mɔ hə̧ waa kep ɛn nɛrɛ? Mi yaa um kaa, mɔ ponni maam zaʼ dɔʼ yɛ; waa kep nɛnɔ o zaʼzi dɔʼ min vere meem ani kə nugin vere wɔɔk hu̧u̧ ani. 45Kum ɓani vere va̧a̧zin yɛ; An o ɛn dɔʼ min va̧a̧na yɛ, yɛɛ ki hi̧i̧ gbɔy nɛy. 46Mɔ muŋzinni kum wɔɔkpa yɛ; o muŋzi an kum sa̧a̧k dɔʼbarɛ. 47Moò an oy mii feezumma: Waa kep ɛnɔ, hi̧i̧zin an aʼni o kɔ ɛnɔ, it hɛn ɓɛɛ an ɓooza̧a̧ ɛn vɛ hoozi ma. Ha̧a̧ ve hooza kaʼso nɔ de itta hi̧i̧zin an kaʼso vin». 48Yeesu kə feeza waa keppɔ: «Hɛn ɓɛɛ mɔn vɛ hoozi ma». 49Náa ke vey lɛgi voo lɛm yɛɛ daŋga nɔ vɛ, ve fee o ve si̧i̧ ba: «Hii wa̧yin, o lii kaa hoozi hɛn ɓɛɛrɛ ɛnɔ yɛɛ?» 50Ɛn Yeesu feeza waa keppɔ: «Si̧i̧ tu̧u̧ mɔn sɔzum ma mɔ tak sosnne».
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in