Luka 9
9
Yeesu yaʼ kaam boʼzoo itto nɔ ve yɛɛ̌
Mat 10:5-15; Mar 6:7-13
1Yeesu sɔŋ kaam boʼzoo itto nɔ vɛ, po vo gɔti doo ve buun fəəm ɓɛɛ nɔ verɛ tɛʼ doo ve kə nɛnin vorɛ, vere ho̧o̧ poozinna tin. 2O kə yaʼ vo Go̧o̧ge Gbɛ̧ɛ̧ moò an ooraa vere ho̧o̧ vɛ poozii. 3O feet vo: «Luuri von nɔ vo pan hɛn zɔʼ sɛ: ke gbaŋŋarɛ, ke saʼaarɛ, ke nan ko̧o̧tarɛ, ke hel waǎrɛ, gaa vo pan sam itto sɛ. 4Yɛɛ ve ɓa vora tin tɛʼ nɔ, vo kan ka̧a̧ da̧a̧ ɛnɔ oppo, ka gbɔ o vo yo̧o̧ luuriba doʼ ka vo ɛ ze. 5Yɛɛ náa vey bɔnna ɓa vora tin nɔ ve tɛʼ, vo luu o ve kappa tuurɛ, vo taazi uurum o vo dɔʼba nɔ verɛ#9:5 Uurum, Yeesu kaam an vey taazii o ve dɔʼ ba nɔ, feeri an: Go̧o̧ge de yȩʼȩ náa kap ve bɔn Yaʼyɛɛ nɔ vɛ ɓa voo o ve kaarɛ, ve bɔn kiit voorɛ vin nɔ verɛ Mt 10: 14; Mar 6: 11, too ɛnnɔmmɔ, voy it voo, bo ve kɔ sȩȩnɛ». 6Kaamɔ ve luu takkɛ; Ve daa kap waa nɔ vɛ oppo sɛw tɛʼ, ve fee Yeesu moò za̧a̧ annɛ, ve poozi ho̧o̧ verɛ yɛɛ tɛʼ.
Helot si̧i̧ duurɛ
Mat 14:1-12; Mar 6:14-29
7Helot bɔk buu hɛk Galile yɔ, o kii hɛn daa nɔ ve tɛʼ, Gaan hɛn ka vəʼə tin da̧a̧ nɔ yɛ, ɛnɔ náa zɔʼ bɔk ve fee: «Zâŋ Batis bo niŋzi kəy vɔɔ yɛɛre yɔ». 8Náa zɔʼ ve fee: «Eli bo o hən kəy yɔ». Náa zɔʼ ve ɓɛʼ, ve fee: «Porofɛt zɛɛti nɔ ve, zɔʼ daŋga bo niŋzi kəy vɔɔ yɛɛre yɔ». 9Ɛn Helot fee: «Oò zaŋŋi nɔ, bɔk fee mi do ve sə̧ə̧ wɔɔk an nɛ, mii kii vey moò hii ha̧a̧n moò an ɛnɔ ɓɛ yɛɛ?» O teee yana ka hə̧ Yeesurɛ.
Yeesu yaa ha̧a̧ ve saʼa saa
Mat 14:13-21; Mar 6:30-44; Zâŋ 6:1-14
10Yaʼyɛɛ nɔ ve kəy ooza Yeesu hɛn ve kɔy nɔ verɛ tɛʼ. O iŋ vo o ve da̧a̧re takki vo kap ve ya̧a̧ bo Bɛtsayda nɔ o sɛkpa. 11Ɛn ɗaa, náa ve kii nɔ ve oorarɛ. Yeesu ɓa vorɛ, moot vo moò Go̧o̧ge o Gbɛ̧ɛ̧re nɛy, kə poozi náa ve hi̧i̧ ho̧o̧ von doo poo nɔ ve tin. 12Yo̧o̧ de sanna tunna nɔ; Náa boʼzoo itto nɔ vɛ, ve diŋ yaa Yeesu o hɛge ve feeza: «Mɔ baa náa ɛn ve tɛʼ, do ve luu kare, ongɛɛ waaba do ve tak teee yɛɛ ka ve do tin vɛy, vere lɛm ka ve lɛ vɛy, ɛtɛɛ nɔ ba vore ho̧o̧te». 13Yeesu feet vo: «Voy, vo po vo lɛm yɔ!» Ve hi̧i̧za: «Vi ɛ de nan kpɛk saa vere dut itto zaʼ. Mɔ hi̧i̧, ongɛɛ kaa vi tak ɓay lɛm yɔ, vi yaa po náa duʼ ɛn ve zerɛ?» 14Ha̧a̧ bɔk ve ɛtuu, kaa ve kɔ saʼa saarɛ. Yeesu feeza kaam an vɛ: «Vo zɔɔ náa ve hɛge, do ve faŋ wɔɔk itto zoo boʼ, wɔɔk itto zoo boʼ». 15Kaamɔ ve kiizarɛ, ve kɔ too Yeesu feet vo nɔm, ve zɔɔ náa ve hɛge bisum tɛʼ. 16Yeesu iŋ nan kpɛk saa nɔ vere dut itto nɔ tin, o to nɔt dɔk bɛlba, o su nan ko̧o̧tɔ vere duttɔrɛ. O kpəl nannɔrɛ kə po kaamɔ vɛ, doo ve yə̧ʼ náa vey. 17Hii yɛɛ lɛ o gɔ̧l ba. Ve ha̧a̧rɛ ve sɛw, pig an, kaamɔ ve fa̧a̧ pəətummɔ hi̧ʼ ɓaa boʼzoo itto.
Piyɛr fee Yeesu bo o kirisi
Mat 16:13-19; Mar 8:27-29
18Yo̧o̧ zɔʼ, Yeesu bɔk de faara yak tɔŋba vega kaam an ve daŋ. O vi vo: «Náa vey fee de boy hii yɛɛ?» 19Kaamɔ ve hi̧i̧za: «Náa zɔʼ vey fee bom Zâŋ Batisi, náa zɔʼ ve dɔm, bom Elii, náa zɔʼ ve ɓɛʼ, bom Porofɛt zɛɛti nɔ ve, zɔʼ daŋga von bo niŋzi kəy vɔɔ yɛɛre yɔ». 20Yeesu kə vi vo: «Von voy fee boy hii yɛɛ?» Piyɛr hi̧i̧za: «Mɔ, Go̧o̧ge kiris#9:20 Kiris: Náa Yuuda ve ya̧a̧ Gbɛ̧ɛ̧ sɔt hɛn, Go̧o̧ge fee boo yaʼat voy nɔ too ɛnɔm. «Kiris» feeri an: «Wa̧y ve muŋza kum o dɔn Gbɛ̧ɛ̧ nɛy». Náa Yuuda òo vey dɔtta ha̧a̧ gbɛ̧ɛ̧̌ nɔ, ve muŋza kum wɔɔkpa ve dɔza ze, too burin vey dɔzaa ha̧a̧ sam dɔn gbɛ̧ɛ̧ ze nɔm. Mt16: 16; Mar8: 29. ani».
Yeesu de fee moò vɔɔ an vere niŋzi kəy an nɛy
Mat 16:20-28; Mar 8:30–9:1
21Yeesu pɛɛ vo yak zɛkke, doo ve ooza ha̧a̧ sɛ, 22Yeesu kə feet vo zɔʼ ɓɛʼ: «Ha̧a̧ tan an de gaa gimma kpɛŋ, náa kɛŋ kappɔ vɛ, vere náa kɔ maak ak kɛŋŋɔ vɛ, vere naa it Mɔyi̧zə moò buu an vɛ, vey gbəlaa; vey vɔzaa, yo̧o̧ dɔʼ ta̧a̧to ba nɔ de niŋzi kəy za̧a̧na». 23Yeessu kə feeza ha̧a̧ ve tɛʼ: «Ha̧a̧ òo hi̧i̧ ka oorirɛ nɔ, do ɛ wɔɔk an vəʼərarɛ, do gan tap ɓanzina an yo̧o̧ tuŋ, do oorirɛ. 24Ha̧a̧ òo hi̧i̧ ka sɔt za̧a̧n an nɛ de tittaa; Ha̧a̧ òo tit za̧a̧n an ii moòre, ɛn de sɔttaa. 25Ha̧a̧ òo hak hel hɛkpa nɔ verɛ tɛʼ, òo tit za̧a̧n an nɛ ongɛɛ gɛɛ o tuttɛ nɔ ka ɓoon Hɛ̧ɛ̧n o nɛɛ? 26Ha̧a̧ sêm òo kɔʼɔ mirɛ, vere yak moot min verɛ, yo̧o̧n ha̧a̧ tan an mii, ooy yaay ii gbəəme vere Baa gbəəm an, vere zə̧ə̧ za̧a̧ nɔ ve sɛw, sêm de kɔyya orɛ vin. 27Mi feet vora de ginu, náa zɔʼ vey ɛtɛɛ tin vey vɔnna bisum tɛʼ kere yɛ, vey hə̧ra Go̧o̧ge gbɛ̧ɛ̧ an doʼ».
Yeesu fil fo̧o̧ ani
Mat 17:1-8; Mar 9:2-8
28Yeesu bɔk moo moò ɛnɔ vɛ vəə kaa kɔ dɔʼ naaroparɛ, pig an o iŋ Piyɛri, Zaŋŋi, vere Zâk tin, o hiŋ dɔk gbɔkpa ka faa yakka. 29Yeesu de faara yakkɔ, gbɔy an fillɛ, sâm an vɛ fi buyya gbal dɛ̧ɛ̧zinna za̧a̧. 30Ɓɔllɛ ɛtuu vin, ha̧a̧ ve itto vey moogaa Yeesu yakka: Mɔyi̧zə bɔk vega Elii, 31Ve hən Go̧o̧ge o gbəəme. Vey mooga Yeesu, tuubɔgɛ, kɔm an de tak de siʼinna vere vɔɔ an Zeruzalɛmme nɛy. 32Piyɛr vere daaa vɛ, bɔk vey nəmme kpɛŋ; Ɛn ve lɔkkɛ, ve niŋzi ve hə Yeesu gbəəm ani, vere náa itto nɔ vey diigaa Yeesu daŋ. 33Yɛɛ Mɔyi̧zə vere Eli bɔk vey luu ɛra Yeessu tin nɔ, Piyɛr fee: «Wa̧y it hɛn, sȩȩ kaa ba kan vo ɛtɛɛ. Ka vi waa wàà ta̧a̧to, mɔn daŋga, Mɔyi̧zə an daŋga, Eli an daŋga». O gaan hɛn de fee nɔ yɛ. 34Yɛɛ Piyɛr de moò tin ɛn oppo vin, ku̧ʼ za̧a̧za̧a̧ zɔʼ yaa ɛtuu waa vorɛ. Kaamɔ ve hə̧ kuʼ za̧a̧za̧a̧ waa vo o hisi kɔʼi nɔ, doo kɔ vorɛ. 35Wɛl zɔʼ kini kuʼ za̧a̧za̧a̧re tuu fee: «Oy o tan min mi wəʼə nɛy. Vo kiizarɛ!» 36Wɛl ɛnɔ moò kəzəkkɔ, ve hə Yeesu pəə o da̧a̧re zaʼ. Yo̧o̧ ɛnɔ kaamɔ ve kan nik vin ve oozina ha̧a̧ zɔʼ, hɛn ke ve hə̧ nɔ yɛ.
Yeesu pooza tan zɔʼ fəəm ɓɛɛ o fɔn
Mat 17:14-18; Mar 9:14-27
37Dɛ̧ɛ̧ yɔŋgal an, Yeesu vere kaam an ta̧a̧to nɔ vɛ ve siy gbɔkke tuu nɔ, náa duʼzɔʼ yəəm ve yaa kasinga Yeesurɛ. 38Wa̧y zɔʼ gbat wɔɔk duʼ tiŋza̧a̧re tuu fee: «Wa̧y it hɛn, mi haama, mɔ to nɔt tan min oppo paage, tan wa̧p min daŋga oy zaʼ! 39Fəəm ɓɛɛ òo soʼoo nɔ, kɔʼɔ yak wa̧a̧raa, fəəm ɓɛɛ nɔ namarɛ yəəmza̧a̧, sɔt fook vuk o yage; Kan ɗeʼenaa, ɛnaa nɔm yɛ. 40Kii haa kaam, mɔn do ve nɛn fəəm ɛnɔrɛ, ve lɔnaa yɛ». 41Yeesu fee: «Vo náa ɓɛɛ vey, vo ɛzin si̧i̧ yɛ! Kay kan vega vo yɛɛ daŋ yo̧o̧ dɔʼ baʼ ɓɛgɛ? Kay hi̧i̧t vo moò ze nɛy? Mɔ pani tan mɔnnɔ ɛtɛɛ». 42Yɛɛ tan nɔ bɔk de diŋ yaa Yeesu o hɛge dɔmmɔ, fəəm ɓɛɛ nɔ wanaa hɛge ma ɓɛʼ namarɛ aʼa vin. Yeesu zɛt fəəm ɓɛɛ nɔrɛ, o poozi tan nɔ poʼo kə baʼ ani. 43Ha̧a̧ ve tɛʼ ve hə Go̧o̧ge gɔti anɔ kɔ vo bit.
Yeesu fee kə vɔɔ moò an nɛy ɓɛʼ
Mat 17:22-23; Mar 9:30-32
Hɛn Yeesu kɔ nɔ ve tɛʼ, kɔ náa ve bit kere, o feeza kaam an vɛ: 44«Vo so hɛn mii feet vora ɓɔllɛ nɛnɔ za̧a̧za̧a̧: Ha̧a̧ tan an vey heʼee ha̧a̧ o ve naʼa». 45Ɛn kaamɔ ve kiin hɛn yak moot ɛnɔ hi̧i̧ fee nɔ yɛ: Kɔl an nɔ ɗin vorɛ doo ve gaa sɛ, ɛn doo kɔ vo vira Yeesu hɛn yak moot ɛnɔ hi̧i̧ fee nɔrɛ.
Hii o kɛŋ ɗəə tin yɛɛ?
Mat 18:1-5; Mar 9:33-37
46Kaamɔ ve bi̧i̧ yusinna o ve fo̧o̧ni, ka ve gaa hii ke oy de kɛŋ ɗəə o ve tiŋza̧a̧re tuu tin yɛɛrɛ. 47Yeesu gaa hɛn kaamɔ vey vəʼəra nɔrɛ. O iŋ tan waa zɔʼ diira o sɛkpa, 48kə feet «Ha̧a̧ òo ɓa tan waa nɛnɔ ii niire, ɛn o ɓa mii vin; Ha̧a̧ òo ɓa mii, ɛn o ɓa ha̧a̧ yaʼiyaa nɔrɛ sɛw. Ɛn ha̧a̧ òo bi̧i̧ tan waa ɗəə ɓim, o vo tiŋza̧a̧re vo sɛw tɛʼ nɔ, ha̧a̧ ɛnɔ o kɛŋ ɗəə yɔ».
Ha̧a̧ òo paam za̧a̧k voni yɛ nɔ, oy vegaa voy
Mar 9:38-40
49Zâŋ iŋ yak moota, o fee: «Wa̧y it hɛn, ki vi hə̧ ha̧a̧ zɔʼ de nɛnna fəəm ɓɛɛ nɔ vɛ vere nii mɔni, ki vi hi̧i̧ ka vi yaŋzarɛ, moò o paam vega ba voy yɛ nɛy». 50Yeesu hi̧i̧za: «Vo yaŋza sɛ, ha̧a̧ òo paam za̧a̧k voni yɛ nɔ oy vega voy».
Kap waa zɔʼ hɛk samari bɔn ɓara Yeesurɛ
51Yo̧o̧ Yeesu ka luu dɔk bɛlba tin nɔ sani kəzəkkɔ, o ɗa̧ʼ si̧i̧, si̧ʼtum za̧a̧ luu tak yana zeruzalɛm. 52O yaʼ ɓəəzi náa fee moò ve o tinba dee. Náa nɔ ve tak ve dɔ kap waa zɔʼ daŋga hɛk samari nɔ oppo ka ve gak Yeesu yaari an nɛy. 53Ɛn ɗaa náa kappa tuu nɔ ve bɔn ɓara Yeesurɛ moò o bore takka yana zeruzalɛmmɛy. 54Yeesu kaam an Zâk vere Zâŋ ve kii ɛnɔ, ve feeza Yeesu: «Gbɛ̧ɛ̧, mɔ hi̧i̧ vi fee vɛɛ do si zo̧o̧y bɛlba do yaa aŋ tut vorɛ tɛʼrɛ?» 55Yeesu fil kə o ve po, kə̧ə̧t vo moǒ. 56Ve kə luu tak kap zɔʼre.
Naa ve hi̧i̧ oora Yeesu nɔ vey
Mat 8:19-22
57Vey yanaa kere, ha̧a̧ zɔʼ feeza Yeesu: «Mi oorumma yɛɛ mɔ takka tin tɛʼ». 58Yeesu hi̧i̧za: «Wɔ̀ɔ̀kɔ vɛ ve ɛ va̧a̧rɛ, nɔɔk bɛrɛttɔ vɛ, ve ɛ puukɛ, Ha̧a̧ tan an, o ɛn an yɛɛ ka ut wə̧ə̧zi wɔɔk an tin nɔ yɛ». 59O feeza ha̧a̧ zɔʼ: «Mɔ oorirɛ». Wa̧y nɔ hi̧i̧za: «Wa̧y it hɛn, mɔ ɛy kay tak ləəy baa min doʼ». 60Yeesu hi̧i̧za: «Mɔ ɛ vɔɔ do ve ləə vɔɔ von vɛy; Ɛn mɔn mɔ tak òo Go̧o̧ge Gbɛ̧ɛ̧ moò ani». 61Ha̧a̧ zɔʼ ɓɛʼ feeza Yeesu: «Wa̧y it hɛn, mii oorumaa ɗaaʼ, mɔ ɛy kay tak bàari ka̧a̧ min doʼ». 62Yeesu feeza: «Ha̧a̧ òo so tɔŋ naʼa kə fil to nɔt piki nɔ, ha̧a̧ ɛn o liin kɔm kɔnna Go̧o̧ge o Gbɛ̧ɛ̧re yɛ».
Currently Selected:
Luka 9: Luk
Highlight
Share
ਕਾਪੀ।
Want to have your highlights saved across all your devices? Sign up or sign in
Luka 9
9
Yeesu yaʼ kaam boʼzoo itto nɔ ve yɛɛ̌
Mat 10:5-15; Mar 6:7-13
1Yeesu sɔŋ kaam boʼzoo itto nɔ vɛ, po vo gɔti doo ve buun fəəm ɓɛɛ nɔ verɛ tɛʼ doo ve kə nɛnin vorɛ, vere ho̧o̧ poozinna tin. 2O kə yaʼ vo Go̧o̧ge Gbɛ̧ɛ̧ moò an ooraa vere ho̧o̧ vɛ poozii. 3O feet vo: «Luuri von nɔ vo pan hɛn zɔʼ sɛ: ke gbaŋŋarɛ, ke saʼaarɛ, ke nan ko̧o̧tarɛ, ke hel waǎrɛ, gaa vo pan sam itto sɛ. 4Yɛɛ ve ɓa vora tin tɛʼ nɔ, vo kan ka̧a̧ da̧a̧ ɛnɔ oppo, ka gbɔ o vo yo̧o̧ luuriba doʼ ka vo ɛ ze. 5Yɛɛ náa vey bɔnna ɓa vora tin nɔ ve tɛʼ, vo luu o ve kappa tuurɛ, vo taazi uurum o vo dɔʼba nɔ verɛ#9:5 Uurum, Yeesu kaam an vey taazii o ve dɔʼ ba nɔ, feeri an: Go̧o̧ge de yȩʼȩ náa kap ve bɔn Yaʼyɛɛ nɔ vɛ ɓa voo o ve kaarɛ, ve bɔn kiit voorɛ vin nɔ verɛ Mt 10: 14; Mar 6: 11, too ɛnnɔmmɔ, voy it voo, bo ve kɔ sȩȩnɛ». 6Kaamɔ ve luu takkɛ; Ve daa kap waa nɔ vɛ oppo sɛw tɛʼ, ve fee Yeesu moò za̧a̧ annɛ, ve poozi ho̧o̧ verɛ yɛɛ tɛʼ.
Helot si̧i̧ duurɛ
Mat 14:1-12; Mar 6:14-29
7Helot bɔk buu hɛk Galile yɔ, o kii hɛn daa nɔ ve tɛʼ, Gaan hɛn ka vəʼə tin da̧a̧ nɔ yɛ, ɛnɔ náa zɔʼ bɔk ve fee: «Zâŋ Batis bo niŋzi kəy vɔɔ yɛɛre yɔ». 8Náa zɔʼ ve fee: «Eli bo o hən kəy yɔ». Náa zɔʼ ve ɓɛʼ, ve fee: «Porofɛt zɛɛti nɔ ve, zɔʼ daŋga bo niŋzi kəy vɔɔ yɛɛre yɔ». 9Ɛn Helot fee: «Oò zaŋŋi nɔ, bɔk fee mi do ve sə̧ə̧ wɔɔk an nɛ, mii kii vey moò hii ha̧a̧n moò an ɛnɔ ɓɛ yɛɛ?» O teee yana ka hə̧ Yeesurɛ.
Yeesu yaa ha̧a̧ ve saʼa saa
Mat 14:13-21; Mar 6:30-44; Zâŋ 6:1-14
10Yaʼyɛɛ nɔ ve kəy ooza Yeesu hɛn ve kɔy nɔ verɛ tɛʼ. O iŋ vo o ve da̧a̧re takki vo kap ve ya̧a̧ bo Bɛtsayda nɔ o sɛkpa. 11Ɛn ɗaa, náa ve kii nɔ ve oorarɛ. Yeesu ɓa vorɛ, moot vo moò Go̧o̧ge o Gbɛ̧ɛ̧re nɛy, kə poozi náa ve hi̧i̧ ho̧o̧ von doo poo nɔ ve tin. 12Yo̧o̧ de sanna tunna nɔ; Náa boʼzoo itto nɔ vɛ, ve diŋ yaa Yeesu o hɛge ve feeza: «Mɔ baa náa ɛn ve tɛʼ, do ve luu kare, ongɛɛ waaba do ve tak teee yɛɛ ka ve do tin vɛy, vere lɛm ka ve lɛ vɛy, ɛtɛɛ nɔ ba vore ho̧o̧te». 13Yeesu feet vo: «Voy, vo po vo lɛm yɔ!» Ve hi̧i̧za: «Vi ɛ de nan kpɛk saa vere dut itto zaʼ. Mɔ hi̧i̧, ongɛɛ kaa vi tak ɓay lɛm yɔ, vi yaa po náa duʼ ɛn ve zerɛ?» 14Ha̧a̧ bɔk ve ɛtuu, kaa ve kɔ saʼa saarɛ. Yeesu feeza kaam an vɛ: «Vo zɔɔ náa ve hɛge, do ve faŋ wɔɔk itto zoo boʼ, wɔɔk itto zoo boʼ». 15Kaamɔ ve kiizarɛ, ve kɔ too Yeesu feet vo nɔm, ve zɔɔ náa ve hɛge bisum tɛʼ. 16Yeesu iŋ nan kpɛk saa nɔ vere dut itto nɔ tin, o to nɔt dɔk bɛlba, o su nan ko̧o̧tɔ vere duttɔrɛ. O kpəl nannɔrɛ kə po kaamɔ vɛ, doo ve yə̧ʼ náa vey. 17Hii yɛɛ lɛ o gɔ̧l ba. Ve ha̧a̧rɛ ve sɛw, pig an, kaamɔ ve fa̧a̧ pəətummɔ hi̧ʼ ɓaa boʼzoo itto.
Piyɛr fee Yeesu bo o kirisi
Mat 16:13-19; Mar 8:27-29
18Yo̧o̧ zɔʼ, Yeesu bɔk de faara yak tɔŋba vega kaam an ve daŋ. O vi vo: «Náa vey fee de boy hii yɛɛ?» 19Kaamɔ ve hi̧i̧za: «Náa zɔʼ vey fee bom Zâŋ Batisi, náa zɔʼ ve dɔm, bom Elii, náa zɔʼ ve ɓɛʼ, bom Porofɛt zɛɛti nɔ ve, zɔʼ daŋga von bo niŋzi kəy vɔɔ yɛɛre yɔ». 20Yeesu kə vi vo: «Von voy fee boy hii yɛɛ?» Piyɛr hi̧i̧za: «Mɔ, Go̧o̧ge kiris#9:20 Kiris: Náa Yuuda ve ya̧a̧ Gbɛ̧ɛ̧ sɔt hɛn, Go̧o̧ge fee boo yaʼat voy nɔ too ɛnɔm. «Kiris» feeri an: «Wa̧y ve muŋza kum o dɔn Gbɛ̧ɛ̧ nɛy». Náa Yuuda òo vey dɔtta ha̧a̧ gbɛ̧ɛ̧̌ nɔ, ve muŋza kum wɔɔkpa ve dɔza ze, too burin vey dɔzaa ha̧a̧ sam dɔn gbɛ̧ɛ̧ ze nɔm. Mt16: 16; Mar8: 29. ani».
Yeesu de fee moò vɔɔ an vere niŋzi kəy an nɛy
Mat 16:20-28; Mar 8:30–9:1
21Yeesu pɛɛ vo yak zɛkke, doo ve ooza ha̧a̧ sɛ, 22Yeesu kə feet vo zɔʼ ɓɛʼ: «Ha̧a̧ tan an de gaa gimma kpɛŋ, náa kɛŋ kappɔ vɛ, vere náa kɔ maak ak kɛŋŋɔ vɛ, vere naa it Mɔyi̧zə moò buu an vɛ, vey gbəlaa; vey vɔzaa, yo̧o̧ dɔʼ ta̧a̧to ba nɔ de niŋzi kəy za̧a̧na». 23Yeessu kə feeza ha̧a̧ ve tɛʼ: «Ha̧a̧ òo hi̧i̧ ka oorirɛ nɔ, do ɛ wɔɔk an vəʼərarɛ, do gan tap ɓanzina an yo̧o̧ tuŋ, do oorirɛ. 24Ha̧a̧ òo hi̧i̧ ka sɔt za̧a̧n an nɛ de tittaa; Ha̧a̧ òo tit za̧a̧n an ii moòre, ɛn de sɔttaa. 25Ha̧a̧ òo hak hel hɛkpa nɔ verɛ tɛʼ, òo tit za̧a̧n an nɛ ongɛɛ gɛɛ o tuttɛ nɔ ka ɓoon Hɛ̧ɛ̧n o nɛɛ? 26Ha̧a̧ sêm òo kɔʼɔ mirɛ, vere yak moot min verɛ, yo̧o̧n ha̧a̧ tan an mii, ooy yaay ii gbəəme vere Baa gbəəm an, vere zə̧ə̧ za̧a̧ nɔ ve sɛw, sêm de kɔyya orɛ vin. 27Mi feet vora de ginu, náa zɔʼ vey ɛtɛɛ tin vey vɔnna bisum tɛʼ kere yɛ, vey hə̧ra Go̧o̧ge gbɛ̧ɛ̧ an doʼ».
Yeesu fil fo̧o̧ ani
Mat 17:1-8; Mar 9:2-8
28Yeesu bɔk moo moò ɛnɔ vɛ vəə kaa kɔ dɔʼ naaroparɛ, pig an o iŋ Piyɛri, Zaŋŋi, vere Zâk tin, o hiŋ dɔk gbɔkpa ka faa yakka. 29Yeesu de faara yakkɔ, gbɔy an fillɛ, sâm an vɛ fi buyya gbal dɛ̧ɛ̧zinna za̧a̧. 30Ɓɔllɛ ɛtuu vin, ha̧a̧ ve itto vey moogaa Yeesu yakka: Mɔyi̧zə bɔk vega Elii, 31Ve hən Go̧o̧ge o gbəəme. Vey mooga Yeesu, tuubɔgɛ, kɔm an de tak de siʼinna vere vɔɔ an Zeruzalɛmme nɛy. 32Piyɛr vere daaa vɛ, bɔk vey nəmme kpɛŋ; Ɛn ve lɔkkɛ, ve niŋzi ve hə Yeesu gbəəm ani, vere náa itto nɔ vey diigaa Yeesu daŋ. 33Yɛɛ Mɔyi̧zə vere Eli bɔk vey luu ɛra Yeessu tin nɔ, Piyɛr fee: «Wa̧y it hɛn, sȩȩ kaa ba kan vo ɛtɛɛ. Ka vi waa wàà ta̧a̧to, mɔn daŋga, Mɔyi̧zə an daŋga, Eli an daŋga». O gaan hɛn de fee nɔ yɛ. 34Yɛɛ Piyɛr de moò tin ɛn oppo vin, ku̧ʼ za̧a̧za̧a̧ zɔʼ yaa ɛtuu waa vorɛ. Kaamɔ ve hə̧ kuʼ za̧a̧za̧a̧ waa vo o hisi kɔʼi nɔ, doo kɔ vorɛ. 35Wɛl zɔʼ kini kuʼ za̧a̧za̧a̧re tuu fee: «Oy o tan min mi wəʼə nɛy. Vo kiizarɛ!» 36Wɛl ɛnɔ moò kəzəkkɔ, ve hə Yeesu pəə o da̧a̧re zaʼ. Yo̧o̧ ɛnɔ kaamɔ ve kan nik vin ve oozina ha̧a̧ zɔʼ, hɛn ke ve hə̧ nɔ yɛ.
Yeesu pooza tan zɔʼ fəəm ɓɛɛ o fɔn
Mat 17:14-18; Mar 9:14-27
37Dɛ̧ɛ̧ yɔŋgal an, Yeesu vere kaam an ta̧a̧to nɔ vɛ ve siy gbɔkke tuu nɔ, náa duʼzɔʼ yəəm ve yaa kasinga Yeesurɛ. 38Wa̧y zɔʼ gbat wɔɔk duʼ tiŋza̧a̧re tuu fee: «Wa̧y it hɛn, mi haama, mɔ to nɔt tan min oppo paage, tan wa̧p min daŋga oy zaʼ! 39Fəəm ɓɛɛ òo soʼoo nɔ, kɔʼɔ yak wa̧a̧raa, fəəm ɓɛɛ nɔ namarɛ yəəmza̧a̧, sɔt fook vuk o yage; Kan ɗeʼenaa, ɛnaa nɔm yɛ. 40Kii haa kaam, mɔn do ve nɛn fəəm ɛnɔrɛ, ve lɔnaa yɛ». 41Yeesu fee: «Vo náa ɓɛɛ vey, vo ɛzin si̧i̧ yɛ! Kay kan vega vo yɛɛ daŋ yo̧o̧ dɔʼ baʼ ɓɛgɛ? Kay hi̧i̧t vo moò ze nɛy? Mɔ pani tan mɔnnɔ ɛtɛɛ». 42Yɛɛ tan nɔ bɔk de diŋ yaa Yeesu o hɛge dɔmmɔ, fəəm ɓɛɛ nɔ wanaa hɛge ma ɓɛʼ namarɛ aʼa vin. Yeesu zɛt fəəm ɓɛɛ nɔrɛ, o poozi tan nɔ poʼo kə baʼ ani. 43Ha̧a̧ ve tɛʼ ve hə Go̧o̧ge gɔti anɔ kɔ vo bit.
Yeesu fee kə vɔɔ moò an nɛy ɓɛʼ
Mat 17:22-23; Mar 9:30-32
Hɛn Yeesu kɔ nɔ ve tɛʼ, kɔ náa ve bit kere, o feeza kaam an vɛ: 44«Vo so hɛn mii feet vora ɓɔllɛ nɛnɔ za̧a̧za̧a̧: Ha̧a̧ tan an vey heʼee ha̧a̧ o ve naʼa». 45Ɛn kaamɔ ve kiin hɛn yak moot ɛnɔ hi̧i̧ fee nɔ yɛ: Kɔl an nɔ ɗin vorɛ doo ve gaa sɛ, ɛn doo kɔ vo vira Yeesu hɛn yak moot ɛnɔ hi̧i̧ fee nɔrɛ.
Hii o kɛŋ ɗəə tin yɛɛ?
Mat 18:1-5; Mar 9:33-37
46Kaamɔ ve bi̧i̧ yusinna o ve fo̧o̧ni, ka ve gaa hii ke oy de kɛŋ ɗəə o ve tiŋza̧a̧re tuu tin yɛɛrɛ. 47Yeesu gaa hɛn kaamɔ vey vəʼəra nɔrɛ. O iŋ tan waa zɔʼ diira o sɛkpa, 48kə feet «Ha̧a̧ òo ɓa tan waa nɛnɔ ii niire, ɛn o ɓa mii vin; Ha̧a̧ òo ɓa mii, ɛn o ɓa ha̧a̧ yaʼiyaa nɔrɛ sɛw. Ɛn ha̧a̧ òo bi̧i̧ tan waa ɗəə ɓim, o vo tiŋza̧a̧re vo sɛw tɛʼ nɔ, ha̧a̧ ɛnɔ o kɛŋ ɗəə yɔ».
Ha̧a̧ òo paam za̧a̧k voni yɛ nɔ, oy vegaa voy
Mar 9:38-40
49Zâŋ iŋ yak moota, o fee: «Wa̧y it hɛn, ki vi hə̧ ha̧a̧ zɔʼ de nɛnna fəəm ɓɛɛ nɔ vɛ vere nii mɔni, ki vi hi̧i̧ ka vi yaŋzarɛ, moò o paam vega ba voy yɛ nɛy». 50Yeesu hi̧i̧za: «Vo yaŋza sɛ, ha̧a̧ òo paam za̧a̧k voni yɛ nɔ oy vega voy».
Kap waa zɔʼ hɛk samari bɔn ɓara Yeesurɛ
51Yo̧o̧ Yeesu ka luu dɔk bɛlba tin nɔ sani kəzəkkɔ, o ɗa̧ʼ si̧i̧, si̧ʼtum za̧a̧ luu tak yana zeruzalɛm. 52O yaʼ ɓəəzi náa fee moò ve o tinba dee. Náa nɔ ve tak ve dɔ kap waa zɔʼ daŋga hɛk samari nɔ oppo ka ve gak Yeesu yaari an nɛy. 53Ɛn ɗaa náa kappa tuu nɔ ve bɔn ɓara Yeesurɛ moò o bore takka yana zeruzalɛmmɛy. 54Yeesu kaam an Zâk vere Zâŋ ve kii ɛnɔ, ve feeza Yeesu: «Gbɛ̧ɛ̧, mɔ hi̧i̧ vi fee vɛɛ do si zo̧o̧y bɛlba do yaa aŋ tut vorɛ tɛʼrɛ?» 55Yeesu fil kə o ve po, kə̧ə̧t vo moǒ. 56Ve kə luu tak kap zɔʼre.
Naa ve hi̧i̧ oora Yeesu nɔ vey
Mat 8:19-22
57Vey yanaa kere, ha̧a̧ zɔʼ feeza Yeesu: «Mi oorumma yɛɛ mɔ takka tin tɛʼ». 58Yeesu hi̧i̧za: «Wɔ̀ɔ̀kɔ vɛ ve ɛ va̧a̧rɛ, nɔɔk bɛrɛttɔ vɛ, ve ɛ puukɛ, Ha̧a̧ tan an, o ɛn an yɛɛ ka ut wə̧ə̧zi wɔɔk an tin nɔ yɛ». 59O feeza ha̧a̧ zɔʼ: «Mɔ oorirɛ». Wa̧y nɔ hi̧i̧za: «Wa̧y it hɛn, mɔ ɛy kay tak ləəy baa min doʼ». 60Yeesu hi̧i̧za: «Mɔ ɛ vɔɔ do ve ləə vɔɔ von vɛy; Ɛn mɔn mɔ tak òo Go̧o̧ge Gbɛ̧ɛ̧ moò ani». 61Ha̧a̧ zɔʼ ɓɛʼ feeza Yeesu: «Wa̧y it hɛn, mii oorumaa ɗaaʼ, mɔ ɛy kay tak bàari ka̧a̧ min doʼ». 62Yeesu feeza: «Ha̧a̧ òo so tɔŋ naʼa kə fil to nɔt piki nɔ, ha̧a̧ ɛn o liin kɔm kɔnna Go̧o̧ge o Gbɛ̧ɛ̧re yɛ».
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in