Luka 6
6
Yeesu vere kaam an vɛ ve daa han yo̧o̧ wə̧ə̧riba
Mat 12:1-8; Mar 2:23-28
1Yo̧o̧ zɔʼ náa Yuuda o ve yo̧o̧ wə̧ə̧riba, Yeesu daa bəle#6:1 Bəle nɔ liizinga toota Mat12:1-8; Mar23:28 han. Kaam an ve gə sokkɔ, ve kpɔk o ve naak pɛkke ve yəʼ dȩȩtɔrɛ. 2Náa Farize zɔʼ ve feet vo: «Hɛ̧ɛ̧n voy kɔra hɛn moò buu ban vo pon yana kɔra too ɛnɔm náa yuuda o ve yo̧o̧ wə̧ə̧riba yɛ nɔ nɛɛ? Kɛ̧ɛ̧rɛ!» 3Yeesu hi̧i̧t vo: «vo waʼan hɛn Davit bɔk kɔ yo̧o̧ zɔʼ oy vin gɔ̧l ya̧ʼa̧ vega náa an ve daŋŋɔ yɛrɛ? 4O dɔ Go̧o̧ge ligi, iŋ lɛm bɔk ve po Go̧o̧ge nɔ lɛrɛ kə po náa bɔk vega o daŋŋɔ ve dɔm, moò buu ban vo po ya̧a̧ náa kɔ maak ak doo ve lɛ yɔ zaʼ». 5Yeesu feet vo ɓɛ: «Ha̧a̧ tan an o wɔɔk náa yuuda yo̧o̧ wə̧ə̧ri von nɔ yɔ».
Wa̧y naak vɔɔri akka
Mat 12:9-14; Mar 3:1-6
6Náa Yuuda o ve Yo̧o̧ wə̧ə̧ri zɔʼba ɓɛʼ, Yeesu dɔ náa Yuuda o ve lik faa yakke, ka oò moǒ. Wa̧y zɔʼ tuu, naak za̧a̧ an vɔrɛ. 7Náa it mɔyi̧zə moò buu an vɛ vere náa farize vɛ, ve kɛl Yeesu ka ve to ke boy poozii ha̧a̧ ho̧o̧ náa Yuuda o ve yo̧o̧ wə̧ə̧ribarɛrɛʼ, ɛnɔ ve teee yana ka ve kə̧ə̧za moò tin nɛy. 8Yeesu gaa moò vəʼəra vonnɛ. O feeza wa̧y naak vɔɔri akkɔ: «Mɔ luu bɛlba, mɔ kə dii ɛtɛɛ, náa o ve timba sɛw tɛʼ». Wa̧y nɔ luu dii bɛlba ɛtuu. 9Yeesu kə feet vo: «Mii vi vora hɛn daŋga: «Moò buu ban vo po yana hɛ̧ɛ̧n o kɔra náa Yuuda o ve yo̧o̧ wə̧ə̧riba tin daŋga nɛɛ? Hɛn za̧a̧ kɔra oyrɛɛ, ha̧a̧rɔɔ hɛn ɓɛɛ kɔraa terɛ? Ha̧a̧ za̧a̧n an sɔtaarɛɛ, ha̧a̧rɔɔ titaa terɛ?» 10Yeesu to vo daŋga daŋga sɛw tɛʼ, kə feeza wa̧y naak vɔɔri akkɔ: «Mɔ yɔl naak mɔn nɔrɛ!» O yɔllɛ, naak an nɔ poo kərɛ za̧a̧za̧a̧. 11Ɛn náa it Mɔyi̧zə moò buu an vɛ vere náa farize vɛ nɔ vo zatta, ve kiizin o ve yɛɛ ba, ka ve kɔ Yeesu tuubɔgɛ nɛy.
Yeesu wɛɛ Yaʼyɛɛ boʼzoo itto nɔ vey
Mat 10:1-4; Mar 3:13-19
12Yɛɛ bɔk ɛn oppo nɔ, Yeesu hiŋ dɔk Gbɔk waa ba ka faa yakka; Yɛɛ dɛ̧ɛ̧za Go̧o̧ge faara. 13Yo̧o̧ gani kəzəkkɔ, Yeesu ya̧a̧y kaam an vɛ, o kə wɛɛ ha̧a̧ boʼzoo itto o ve tiŋza̧a̧re ya̧a̧ vo bo Yaʼyɛɛ vey: 14Simɔŋŋi, Yeesu ya̧a̧za nii zɔʼ bo Piyɛri vere daak an Aŋderey, Zâk vere Zaŋŋi, Filip vere Bartələmii, 15matiye vere Tomasi, Zâk Alfe tan an vere Simɔŋ tan hɛkpa tuu nɛy, 16Zuude Zâk tan an vere Zudas Iskariyot wa̧y bɔk fi bul akkɛy.
Yeesu òo moǒ, kə poozi ho̧o̧ ve tin
Mat 4:23-25; Mar 3:7-13
17Yeesu siy gbɔkke tuu vere Yaʼyɛɛ an ve daŋ, ve yaa dii yɛɛ malba, yɛɛ kaam an zɔʼ ve duʼza̧a̧, ve sɔŋ tin nɔ oppo. Yɛɛ ɛnɔ oppo, náa duʼ zɔʼ ve yəəmza̧a̧, ve yaayrɛ, náa hɛk Yuuda vey, vere, náa hɛk zeruzalɛmmɔ vey, vere kap lɛk yakpa tuu nɔ ve sɛw tɛʼ, Tiir vere sidɔŋ. 18Ve yaa ka ve kii moò Yeesu de oora nɛy, doo poozi vo ho̧o̧ von vɛ tin. Náa fəəm ɓɛɛ bɔk de ɗeʼen voo nɔ vɛ, Yeesu poozi vorɛ. 19Náa ve tɛʼ, ve teee yana ka ve so̧o̧o̧rɛ, ɛn gɔti bɔk de vukka o fɔn, tak poozi vorɛ, ve sɛw tɛʼ.
Za̧ǎ̧ vere yɔʼɔ
Mat 5:1-12
20Yeesu to kaam an vɛ kə fee: «Voy za̧a̧re, náa gim akkɔ voy, Go̧o̧ge gbɛ̧ɛ̧ an nɔ, de voni! 21Voy za̧a̧re, náa gɔ̧l de ho̧o̧ vora ɓɔllɛ nɛnɔ voy, ɛnɔ voy yaa hakka lɛmma aʼvin! Voy za̧a̧re, náa voy ba̧a̧ ɓɔllɛ nɛnɔ voy, ɛnɔ vo yaa zaaraa! 22«Voy za̧a̧re, náa oò ve ɓɛɛ vorɛ, oò ve gbəl vorɛ, oò ve zɛɛ vorɛ, oò ve moò ɓɛɛ o vo po, bo voy tu̧u̧ ha̧a̧ tan ani nɛy. 23Vo gbo̧ʼrɛ, hɛn ɛnɔ oò gbɔy nɛy, vo daŋŋɛ, ɛnɔ Genaari aʼni de laa vora bɛlba. Aŋ von vɛ bɔk ve ɗeʼen Go̧o̧ge yaʼyɛɛ an ve too ɛnɔm vin. 24«Ɛn yɔʼ de zee voraa, náa nagate ak voy, ɛnɔ bɔk vo hak za̧a̧ von ma! 25Yɔʼ de zee voraa náa vo hak de hɛn aʼvin ɓɔllɛ nɛ voy, ɛnɔ gɔ̧l de yaa ya̧ voraa! Yɔʼ de zee voraa náa voy zaara ɓɔllɛ nɛ voy, ɛnɔ si̧i̧ de vi̧i̧ voraa vo yaa ba̧a̧, 26«Yɔʼ de zee voraa vo tɛʼ náa, ha̧a̧ vey fee vora bo vo za̧ǎ̧ nɔ voy, ɛnɔ aŋ von vɛ bɔk ve kɔ vere Porofɛt və̧ə̧k akkɔ vɛ too ɛnɔm vin».
Vo hi̧i̧ za̧a̧k von verɛ
Mat 5:38-48; 7:12a
27«Ɛn mii feeza voy, náa voy kiizira nɔ voy: Vo hi̧i̧ za̧a̧k von verɛ, vo kɔza náa vey ɓɛɛ vora nɔ vɛ hɛn za̧ǎ̧, 28Vo su náa vey moò lel vora nɔ verɛ, náa vey ɗeʼen vora nɔ vɛ, vo faat vo yakkɛ. 29Ha̧a̧ oò dɛnnum vɔmme, mɔ filsa zɔʼ nɔ tin; Ha̧a̧ oò iŋ lugun mɔni, mɔ ɛʼɛ do iŋ sâm dɔ fɔn mɔn tin. 30Ha̧a̧ oò haam hɛnna, mɔ poʼorɛ, ɛn ha̧a̧ oò iŋŋum hɛnna mɔ ɓa kənni ɓɛ sɛ. 31Vo kɔza náa zɔʼ ve hɛn za̧a̧, do liizinga too vo hi̧i̧ do ve kɔt vo nɔm vin. 32Oò vo hi̧i̧ náa ve hi̧i̧ vo nɔ vey zaʼ nɔ, voy laa do ve dɛn vo naaka nɔ moò nɛɛ? Náa kɔl hɛn ɓɛɛ ve sɛw ve hi̧i̧ náa vey hi̧i̧ voo nɔ verɛ sɛw! 33Ɛn oò voy kɔzaa hɛn za̧a̧ náa vey kɔt vora nɔ vey zaʼ nɔ, voy laa do ve den vo naak moò nɛɛ? Náa kɔl hɛn ɓɛɛ ve sɛw, ve kɔ gaarɛ vin! 34Ɛn oò voy pora ɓɔl, náa vo gaa vo, bo vey kən voraa nɔ vey zaʼ nɔ, voy laa do ve den vo naak moò nɛɛ? Náa kɔl hɛn ɓɛɛ ve sɛw, vey pora ɓɔl náa kɔl hɛn ɓɛɛ vɛ, vey laa doo ve kən vo too ɛnɔm vin! 35Hɛn za̧a̧ kɔra nɔ, vo hi̧i̧ za̧a̧k von vey, vo kɔt vo hɛn za̧a̧. Vo po náa ve ɓɔl, vo laa bo vey kən voraa sɛ. Voy hakka genaari aʼa, voy bi̧i̧ Go̧o̧ge de bɛlba sâm an vey, o hi̧i̧ náa lɛn pat vɛ, vere náa ɓɛɛ verɛ sɛw. 36Vo kɔ si̧i̧ za̧a̧rɛ, too Baa von o ɛ de si̧i̧ za̧a̧ nɔm».
Vo yȩʼ naa zɔʼ ve sɛ
Mat 7:1-5
37«Vo yȩʼ náa zɔʼ ve sɛ, ɛn Go̧o̧ge de yȩʼȩn vora yɛ vin sɛw; Vo son náa zɔʼ ve yak sɛ, ɛn Go̧o̧ge de sonin vora yak yɛ vin sɛw; Vo hooza náa zɔʼ ve gbo̧o̧k von verɛ, ɛn Go̧o̧ge de hoozi vora gbo̧o̧k von verɛ sɛw. 38Vo po, náa zɔʼ verɛ, ɛn Go̧o̧ge de po voraa vin; De goora za̧a̧za̧a̧ too baa de lee zo̧o̧ hɛge nɔm, de duʼut vora o vo ziiɓa aʼre, de sȩʼȩ, de kə zəkka tin. Go̧o̧ge de goozin vora pori an vere hɛn voy goozinna náa zɔʼ ve nɛy vin». 39Yeesu moot vo bɛmmi ɓɛʼ: «Yə̧ə̧ kaa zagin yə̧ə̧ zɔʼ yɛ, paam ɛŋgɔ yɛrɛ? Oò ɛŋgɔ nɔ, kaa ve wanna va̧a̧re ve itto sɛw. 40Ha̧a̧ goksi hɛn ak kaa ɗəənin ha̧a̧ de izaa nɔ vere kɛŋ yɛ; Ɛn ha̧a̧ goksi hɛn akkɔ oò gaa za̧a̧za̧a̧ ma nɔ de yaa fira too ha̧a̧ it hɛn ak an nɔm. 41Hɛ̧ɛ̧n kɔ mɔy hə̧ra ho̧o̧t waga daam o nɔre nɛy zaʼ, mɔn laʼ dol de um nɔre nɔ mɔ hənnɛ nɔ nɛɛ? 42Lɔ tuubɔgɛ? Kaam feeza daam, “Mɔ ɛ kay iŋzum ho̧o̧t waga de um nɔre,” mɔn mɔ hən laʼ dol de um nɔre nɔ yɛ? Yak yuu ak, mɔ iŋ laʼ dol um nɔre nɔ doʼ, kam hə̧ za̧a̧za̧a̧, kam iŋza daam ho̧o̧t waga o nɔre nɔ ze».
Tappa, vere leet an vɛy
Mat 7:16-20; 12:33-35
43«Tap za̧a̧ leen leet ɓɛɛ yɛ, ɛn tap ɓɛɛ dɔm, leen leet za̧a̧ yɛ. 44Oò tap za̧ǎ̧, oò tap ɓɛɛ̌ sɛw tɛʼ, de gaana vere leet an vɛy: Kaa ve han bit sa̧a̧t tappa yɛ, kaa ve han haage gbakse tappa yɛ vin. 45Ha̧a̧ za̧a̧ de vuksii hɛn za̧a̧, kan de o si̧i̧ba nɛy; Ha̧a̧ ɓɛɛ de vuksii hɛn ɓɛɛ an, kan o si̧i̧ ba nɛy. Ɛn hii yɛɛ, yak an de moò hɛn si̧i̧ an buu nɛy».
Ka̧a̧ ittoo vɛy
Mat 7:24-27
46«Voy ya̧a̧ya̧ Gɓɛ̧ɛ̧ kɛŋ, Gɓɛ̧ɛ̧ kɛŋŋɔ moò nɛɛ? Ɛn vo kə kɔn hɛn mii feet vora nɔ yɛ. 47Ha̧a̧ oò yaay iipo, oò kii yak moot min, oò kɔ hɛn mi fee nɔrɛ, mii it vora ha̧a̧ o liizinga nɔrɛ: 48O liizinga ha̧a̧ yo̧o̧ ka̧a̧ ak zɔʼ a̧a̧ hɛttɔ suttɛ za̧a̧za̧a̧ goʼ ka̧a̧ sɛŋki an nɔ vɛ sɛ̧ɛ̧ba. Maam pɔl fee ka yaa nɔ, maam lɛge nɔ vɛ kək ka̧a̧ nɔrɛ, ka̧a̧ nɔ namin yɛ, ɛn ka̧a̧ nɔ bɔk yo̧o̧ za̧a̧za̧a̧. 49Ɛn ha̧a̧ oò kii yak moot min, oò kɔn hɛn mi fee nɔ yɛ, o liizinga ha̧a̧ yo̧o̧ ka̧a̧ hɛtpa gɔm zaʼ, sɛŋki paamɛ nɔm. Maam lɛge nɔ vɛ fee ka ve yaa kəga nɔ, kaʼso ka̧a̧ nɔ gərɛ nɔmpo, tul si̧ʼ hɛge tɛʼ, tɛʼ».
Currently Selected:
Luka 6: Luk
Highlight
Share
ਕਾਪੀ।
Want to have your highlights saved across all your devices? Sign up or sign in
Luka 6
6
Yeesu vere kaam an vɛ ve daa han yo̧o̧ wə̧ə̧riba
Mat 12:1-8; Mar 2:23-28
1Yo̧o̧ zɔʼ náa Yuuda o ve yo̧o̧ wə̧ə̧riba, Yeesu daa bəle#6:1 Bəle nɔ liizinga toota Mat12:1-8; Mar23:28 han. Kaam an ve gə sokkɔ, ve kpɔk o ve naak pɛkke ve yəʼ dȩȩtɔrɛ. 2Náa Farize zɔʼ ve feet vo: «Hɛ̧ɛ̧n voy kɔra hɛn moò buu ban vo pon yana kɔra too ɛnɔm náa yuuda o ve yo̧o̧ wə̧ə̧riba yɛ nɔ nɛɛ? Kɛ̧ɛ̧rɛ!» 3Yeesu hi̧i̧t vo: «vo waʼan hɛn Davit bɔk kɔ yo̧o̧ zɔʼ oy vin gɔ̧l ya̧ʼa̧ vega náa an ve daŋŋɔ yɛrɛ? 4O dɔ Go̧o̧ge ligi, iŋ lɛm bɔk ve po Go̧o̧ge nɔ lɛrɛ kə po náa bɔk vega o daŋŋɔ ve dɔm, moò buu ban vo po ya̧a̧ náa kɔ maak ak doo ve lɛ yɔ zaʼ». 5Yeesu feet vo ɓɛ: «Ha̧a̧ tan an o wɔɔk náa yuuda yo̧o̧ wə̧ə̧ri von nɔ yɔ».
Wa̧y naak vɔɔri akka
Mat 12:9-14; Mar 3:1-6
6Náa Yuuda o ve Yo̧o̧ wə̧ə̧ri zɔʼba ɓɛʼ, Yeesu dɔ náa Yuuda o ve lik faa yakke, ka oò moǒ. Wa̧y zɔʼ tuu, naak za̧a̧ an vɔrɛ. 7Náa it mɔyi̧zə moò buu an vɛ vere náa farize vɛ, ve kɛl Yeesu ka ve to ke boy poozii ha̧a̧ ho̧o̧ náa Yuuda o ve yo̧o̧ wə̧ə̧ribarɛrɛʼ, ɛnɔ ve teee yana ka ve kə̧ə̧za moò tin nɛy. 8Yeesu gaa moò vəʼəra vonnɛ. O feeza wa̧y naak vɔɔri akkɔ: «Mɔ luu bɛlba, mɔ kə dii ɛtɛɛ, náa o ve timba sɛw tɛʼ». Wa̧y nɔ luu dii bɛlba ɛtuu. 9Yeesu kə feet vo: «Mii vi vora hɛn daŋga: «Moò buu ban vo po yana hɛ̧ɛ̧n o kɔra náa Yuuda o ve yo̧o̧ wə̧ə̧riba tin daŋga nɛɛ? Hɛn za̧a̧ kɔra oyrɛɛ, ha̧a̧rɔɔ hɛn ɓɛɛ kɔraa terɛ? Ha̧a̧ za̧a̧n an sɔtaarɛɛ, ha̧a̧rɔɔ titaa terɛ?» 10Yeesu to vo daŋga daŋga sɛw tɛʼ, kə feeza wa̧y naak vɔɔri akkɔ: «Mɔ yɔl naak mɔn nɔrɛ!» O yɔllɛ, naak an nɔ poo kərɛ za̧a̧za̧a̧. 11Ɛn náa it Mɔyi̧zə moò buu an vɛ vere náa farize vɛ nɔ vo zatta, ve kiizin o ve yɛɛ ba, ka ve kɔ Yeesu tuubɔgɛ nɛy.
Yeesu wɛɛ Yaʼyɛɛ boʼzoo itto nɔ vey
Mat 10:1-4; Mar 3:13-19
12Yɛɛ bɔk ɛn oppo nɔ, Yeesu hiŋ dɔk Gbɔk waa ba ka faa yakka; Yɛɛ dɛ̧ɛ̧za Go̧o̧ge faara. 13Yo̧o̧ gani kəzəkkɔ, Yeesu ya̧a̧y kaam an vɛ, o kə wɛɛ ha̧a̧ boʼzoo itto o ve tiŋza̧a̧re ya̧a̧ vo bo Yaʼyɛɛ vey: 14Simɔŋŋi, Yeesu ya̧a̧za nii zɔʼ bo Piyɛri vere daak an Aŋderey, Zâk vere Zaŋŋi, Filip vere Bartələmii, 15matiye vere Tomasi, Zâk Alfe tan an vere Simɔŋ tan hɛkpa tuu nɛy, 16Zuude Zâk tan an vere Zudas Iskariyot wa̧y bɔk fi bul akkɛy.
Yeesu òo moǒ, kə poozi ho̧o̧ ve tin
Mat 4:23-25; Mar 3:7-13
17Yeesu siy gbɔkke tuu vere Yaʼyɛɛ an ve daŋ, ve yaa dii yɛɛ malba, yɛɛ kaam an zɔʼ ve duʼza̧a̧, ve sɔŋ tin nɔ oppo. Yɛɛ ɛnɔ oppo, náa duʼ zɔʼ ve yəəmza̧a̧, ve yaayrɛ, náa hɛk Yuuda vey, vere, náa hɛk zeruzalɛmmɔ vey, vere kap lɛk yakpa tuu nɔ ve sɛw tɛʼ, Tiir vere sidɔŋ. 18Ve yaa ka ve kii moò Yeesu de oora nɛy, doo poozi vo ho̧o̧ von vɛ tin. Náa fəəm ɓɛɛ bɔk de ɗeʼen voo nɔ vɛ, Yeesu poozi vorɛ. 19Náa ve tɛʼ, ve teee yana ka ve so̧o̧o̧rɛ, ɛn gɔti bɔk de vukka o fɔn, tak poozi vorɛ, ve sɛw tɛʼ.
Za̧ǎ̧ vere yɔʼɔ
Mat 5:1-12
20Yeesu to kaam an vɛ kə fee: «Voy za̧a̧re, náa gim akkɔ voy, Go̧o̧ge gbɛ̧ɛ̧ an nɔ, de voni! 21Voy za̧a̧re, náa gɔ̧l de ho̧o̧ vora ɓɔllɛ nɛnɔ voy, ɛnɔ voy yaa hakka lɛmma aʼvin! Voy za̧a̧re, náa voy ba̧a̧ ɓɔllɛ nɛnɔ voy, ɛnɔ vo yaa zaaraa! 22«Voy za̧a̧re, náa oò ve ɓɛɛ vorɛ, oò ve gbəl vorɛ, oò ve zɛɛ vorɛ, oò ve moò ɓɛɛ o vo po, bo voy tu̧u̧ ha̧a̧ tan ani nɛy. 23Vo gbo̧ʼrɛ, hɛn ɛnɔ oò gbɔy nɛy, vo daŋŋɛ, ɛnɔ Genaari aʼni de laa vora bɛlba. Aŋ von vɛ bɔk ve ɗeʼen Go̧o̧ge yaʼyɛɛ an ve too ɛnɔm vin. 24«Ɛn yɔʼ de zee voraa, náa nagate ak voy, ɛnɔ bɔk vo hak za̧a̧ von ma! 25Yɔʼ de zee voraa náa vo hak de hɛn aʼvin ɓɔllɛ nɛ voy, ɛnɔ gɔ̧l de yaa ya̧ voraa! Yɔʼ de zee voraa náa voy zaara ɓɔllɛ nɛ voy, ɛnɔ si̧i̧ de vi̧i̧ voraa vo yaa ba̧a̧, 26«Yɔʼ de zee voraa vo tɛʼ náa, ha̧a̧ vey fee vora bo vo za̧ǎ̧ nɔ voy, ɛnɔ aŋ von vɛ bɔk ve kɔ vere Porofɛt və̧ə̧k akkɔ vɛ too ɛnɔm vin».
Vo hi̧i̧ za̧a̧k von verɛ
Mat 5:38-48; 7:12a
27«Ɛn mii feeza voy, náa voy kiizira nɔ voy: Vo hi̧i̧ za̧a̧k von verɛ, vo kɔza náa vey ɓɛɛ vora nɔ vɛ hɛn za̧ǎ̧, 28Vo su náa vey moò lel vora nɔ verɛ, náa vey ɗeʼen vora nɔ vɛ, vo faat vo yakkɛ. 29Ha̧a̧ oò dɛnnum vɔmme, mɔ filsa zɔʼ nɔ tin; Ha̧a̧ oò iŋ lugun mɔni, mɔ ɛʼɛ do iŋ sâm dɔ fɔn mɔn tin. 30Ha̧a̧ oò haam hɛnna, mɔ poʼorɛ, ɛn ha̧a̧ oò iŋŋum hɛnna mɔ ɓa kənni ɓɛ sɛ. 31Vo kɔza náa zɔʼ ve hɛn za̧a̧, do liizinga too vo hi̧i̧ do ve kɔt vo nɔm vin. 32Oò vo hi̧i̧ náa ve hi̧i̧ vo nɔ vey zaʼ nɔ, voy laa do ve dɛn vo naaka nɔ moò nɛɛ? Náa kɔl hɛn ɓɛɛ ve sɛw ve hi̧i̧ náa vey hi̧i̧ voo nɔ verɛ sɛw! 33Ɛn oò voy kɔzaa hɛn za̧a̧ náa vey kɔt vora nɔ vey zaʼ nɔ, voy laa do ve den vo naak moò nɛɛ? Náa kɔl hɛn ɓɛɛ ve sɛw, ve kɔ gaarɛ vin! 34Ɛn oò voy pora ɓɔl, náa vo gaa vo, bo vey kən voraa nɔ vey zaʼ nɔ, voy laa do ve den vo naak moò nɛɛ? Náa kɔl hɛn ɓɛɛ ve sɛw, vey pora ɓɔl náa kɔl hɛn ɓɛɛ vɛ, vey laa doo ve kən vo too ɛnɔm vin! 35Hɛn za̧a̧ kɔra nɔ, vo hi̧i̧ za̧a̧k von vey, vo kɔt vo hɛn za̧a̧. Vo po náa ve ɓɔl, vo laa bo vey kən voraa sɛ. Voy hakka genaari aʼa, voy bi̧i̧ Go̧o̧ge de bɛlba sâm an vey, o hi̧i̧ náa lɛn pat vɛ, vere náa ɓɛɛ verɛ sɛw. 36Vo kɔ si̧i̧ za̧a̧rɛ, too Baa von o ɛ de si̧i̧ za̧a̧ nɔm».
Vo yȩʼ naa zɔʼ ve sɛ
Mat 7:1-5
37«Vo yȩʼ náa zɔʼ ve sɛ, ɛn Go̧o̧ge de yȩʼȩn vora yɛ vin sɛw; Vo son náa zɔʼ ve yak sɛ, ɛn Go̧o̧ge de sonin vora yak yɛ vin sɛw; Vo hooza náa zɔʼ ve gbo̧o̧k von verɛ, ɛn Go̧o̧ge de hoozi vora gbo̧o̧k von verɛ sɛw. 38Vo po, náa zɔʼ verɛ, ɛn Go̧o̧ge de po voraa vin; De goora za̧a̧za̧a̧ too baa de lee zo̧o̧ hɛge nɔm, de duʼut vora o vo ziiɓa aʼre, de sȩʼȩ, de kə zəkka tin. Go̧o̧ge de goozin vora pori an vere hɛn voy goozinna náa zɔʼ ve nɛy vin». 39Yeesu moot vo bɛmmi ɓɛʼ: «Yə̧ə̧ kaa zagin yə̧ə̧ zɔʼ yɛ, paam ɛŋgɔ yɛrɛ? Oò ɛŋgɔ nɔ, kaa ve wanna va̧a̧re ve itto sɛw. 40Ha̧a̧ goksi hɛn ak kaa ɗəənin ha̧a̧ de izaa nɔ vere kɛŋ yɛ; Ɛn ha̧a̧ goksi hɛn akkɔ oò gaa za̧a̧za̧a̧ ma nɔ de yaa fira too ha̧a̧ it hɛn ak an nɔm. 41Hɛ̧ɛ̧n kɔ mɔy hə̧ra ho̧o̧t waga daam o nɔre nɛy zaʼ, mɔn laʼ dol de um nɔre nɔ mɔ hənnɛ nɔ nɛɛ? 42Lɔ tuubɔgɛ? Kaam feeza daam, “Mɔ ɛ kay iŋzum ho̧o̧t waga de um nɔre,” mɔn mɔ hən laʼ dol de um nɔre nɔ yɛ? Yak yuu ak, mɔ iŋ laʼ dol um nɔre nɔ doʼ, kam hə̧ za̧a̧za̧a̧, kam iŋza daam ho̧o̧t waga o nɔre nɔ ze».
Tappa, vere leet an vɛy
Mat 7:16-20; 12:33-35
43«Tap za̧a̧ leen leet ɓɛɛ yɛ, ɛn tap ɓɛɛ dɔm, leen leet za̧a̧ yɛ. 44Oò tap za̧ǎ̧, oò tap ɓɛɛ̌ sɛw tɛʼ, de gaana vere leet an vɛy: Kaa ve han bit sa̧a̧t tappa yɛ, kaa ve han haage gbakse tappa yɛ vin. 45Ha̧a̧ za̧a̧ de vuksii hɛn za̧a̧, kan de o si̧i̧ba nɛy; Ha̧a̧ ɓɛɛ de vuksii hɛn ɓɛɛ an, kan o si̧i̧ ba nɛy. Ɛn hii yɛɛ, yak an de moò hɛn si̧i̧ an buu nɛy».
Ka̧a̧ ittoo vɛy
Mat 7:24-27
46«Voy ya̧a̧ya̧ Gɓɛ̧ɛ̧ kɛŋ, Gɓɛ̧ɛ̧ kɛŋŋɔ moò nɛɛ? Ɛn vo kə kɔn hɛn mii feet vora nɔ yɛ. 47Ha̧a̧ oò yaay iipo, oò kii yak moot min, oò kɔ hɛn mi fee nɔrɛ, mii it vora ha̧a̧ o liizinga nɔrɛ: 48O liizinga ha̧a̧ yo̧o̧ ka̧a̧ ak zɔʼ a̧a̧ hɛttɔ suttɛ za̧a̧za̧a̧ goʼ ka̧a̧ sɛŋki an nɔ vɛ sɛ̧ɛ̧ba. Maam pɔl fee ka yaa nɔ, maam lɛge nɔ vɛ kək ka̧a̧ nɔrɛ, ka̧a̧ nɔ namin yɛ, ɛn ka̧a̧ nɔ bɔk yo̧o̧ za̧a̧za̧a̧. 49Ɛn ha̧a̧ oò kii yak moot min, oò kɔn hɛn mi fee nɔ yɛ, o liizinga ha̧a̧ yo̧o̧ ka̧a̧ hɛtpa gɔm zaʼ, sɛŋki paamɛ nɔm. Maam lɛge nɔ vɛ fee ka ve yaa kəga nɔ, kaʼso ka̧a̧ nɔ gərɛ nɔmpo, tul si̧ʼ hɛge tɛʼ, tɛʼ».
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in