Luka 5
5
Yeesu ya̧a̧ kaam ɓəə timmɔ vey
Mat 4:18-22; Mar 1:16-20
1Yo̧o̧ zɔʼ, Yeesu dii maam Genesarɛtɔ o yakpa, náa ve duʼza̧a̧ ve sɔŋi o hɛge ka ve kii Go̧o̧ge moò ani. 2O hə kɔmbal itto de leksum yakpa: Náa sol dut ve si hɛge, ve zo̧o̧ yaam von ve tɛllaa. 3Yeesu hiŋ kɔmbal zɔʼ daŋga nɔ zɔɔ oppo, ɛn Simɔŋ kɔmbal ani, o kə feeza Simɔŋ doo yəən kɔmballɔ kaʼaso vere lɛk yakkɔrɛ. Yeesu zɔɔ kɔmballe tuu bi̧i̧ náa duʼ nɔ ve moò oot voo. 4O òo moò si̧ʼ kəzəkkɔ, kə feeza Simɔŋ: «Mɔ diŋ tak kɔmballɔ maam yɛɛ suri tin nɔ oppo, mɔy, voga daamza̧a̧ ve daŋ, vo hoo yaam von vɛ vo sol dutta». 5Simɔŋ hi̧i̧za: «Wa̧y it hɛn, ki vi gaa gim vi̧i̧i̧ fɛt vi hagin hɛn yɛ. Ɛn mɔy feeyya yɔ dooy hoorɛ nɔ, mii hoo yaammɔrɛ». 6Ve hoo yaamɔ ve sol dut ɓooza̧a̧, yaam von nɔ vɛ bi̧i̧ ta̧llaa. 7Ve lagi daaa ke vey kɔmbal zɔʼ nɔ oppo nɔ vɛ vere naaka, doo ve yaa maʼat vo tin. Ve yaa ve sɔŋ daŋ ve hi̧ʼzi kɔmbal itto sɛw dutta ɓooza̧a̧, ɛn kɔmballɔ vɛ bi̧i̧ ɓinna maame. 8Simɔŋ piyɛr hə̧ ɛnɔ, o ɗiksi dɔʼ ɗuk Yeesu o timba kə fee: «Mɔ yəə ii hɛy tɛɛrɛ, Gbɛ̧ɛ̧, mi wa̧y kɔl hɛn ɓɛɛ akka!» 9Simɔŋ, vere daaa ve daŋ, kɔ vo bit, moò dut ve sol ɓooza̧a̧, nɛy. 10Zakki vere zaŋŋi, Zebede sam an vɛ, bɔk vey ɛmgaa Simɔŋ yɔ, ve sɛw kɔ vo bit vin. Ɛn ɗaa Yeesu feeza Simɔŋ: «Doo do kɔm sɛ; Bi̧i̧ de ɓɔllɛ nɛ mɔy zɔɔra ha̧a̧ vey ma». 11Ɛn ve kən tak kɔmballɔ vɛ zȩʼȩ tɔŋba, ve ɛ hɛn nɔ ve tɛʼ ve òo Yeesuy.
Yeesu poozi guni akka
Mat 8:1-4; Mar 1:40-45
12Ɛnɔ Yeesu tak kap zɔʼre, wa̧y zɔʼ yaa tuu, fo̧o̧ an tɛʼ kusin gunii. O hə Yeesu nɔ, o wan zo̧o̧ o timba, zu̧ʼ gbɔy an hɛtte kə faaa fee: «Wa̧y it hɛn, kaam hi̧i̧rɛ nɔ kaam kənzi fo̧o̧ min dȩȩt za̧a̧». 13Yeesu yɔl naak so̧o̧ wa̧y nɔrɛ kə fee: «Mi hi̧i̧rɛ, fo̧o̧ mɔn do dȩȩrɛ!» Ɓɔllɛ ɛtuu vin, guni nɔ vuk wa̧y nɔ opporɛ.
14Yeesu feeza wa̧y nɔ: «Mɔ ooza náa ve hɛn ɛnɔ sɛ. Mɔ tak it fo̧o̧ mɔn wa̧y kɔ maak ak oppo do tommɛ, mɔ kə po maak hɛn Mɔyi̧zə bɔk fee nɔ tin, ka it ha̧a̧ ka ve gaa guni mɔn bo poo ma ze». 15Ɛnɔ oppo vin, náa ve òo Yeesu moò an tak tinba tinba; Náa ve duʼu yəəmza̧a̧ ve sɔŋi Yeesu o hɛge ka ve kii moò de oora nɛy, doo poozi vo ho̧o̧ von verɛ vin. 16Ɛn ɗaa Yeesu luu ti̧i̧ tak tɔŋba o da̧a̧re ka tak faa yakka.
Yeesu poozi wa̧y kɔkrɔk akka
Mat 9:1-8; Mar 2:1-12
17Yo̧o̧ zɔʼ, Yeesu bɔk de oora moǒ. Náa farize vɛ vere náa it Mɔyi̧zə moò buu an nɔ vɛ, bɔk ve tin; bɔk ve vugi kap Galile nɔ vɛ oppo vere kap Yuuda nɔ vɛ oppo, ɛn Zeruzalɛme nɔ vɛ sɛw. Gbɛ̧ɛ̧ kɛŋ gɔti an bɔk kangaa Yeesuy poozina ha̧a̧ ve ho̧o̧ von vɛ oy. 18Náa ve gani wa̧y zɔʼ kiŋnaŋŋe o kɔkkɛ; ve teee yana ka ve dɔzaa kaa ka ve ɛʼɛ Yeesu o timba. 19Ɛn ve gaan yana ka ve daana tin nɔ yɛ, moò duʼ nɔ ve ɓoo ɗəə wɔɔkɛy. Moò an oy ve hiŋŋina dɔk ka̧a̧ wɔɔkpa, ve kɛʼ lik wɔɔkɛy ve sizaa zo̧o̧ oppo, Yeesu o timba o kiŋnaŋŋe, náa o ve tiŋza̧a̧re tuu. 20Yeesu hə̧ ve ɛt si̧i̧ oppo nɔ, o feeza ho̧o̧ nɔ: «Gbaare min, hɛn ɓɛɛ mɔn vɛ hoozi ma». 21Náa it Mɔyi̧zə moò buu an vɛ vere náa farize vɛ ve bi̧i̧ moò vəʼəraa: «Hii wa̧yin de zɛɛra Go̧o̧ge ɛnɔ yɛɛ? Hii kaa lii hɛn ɓɛɛ hoozi yɛ? Oò Go̧o̧ge zaʼ yɛ nɛy». 22Yeesu gaa moò vəʼəra vonnɛ, o feet vo: «Hɛ̧ɛ̧n vo vəʼə too ɛnɔmmɔ nɛɛ? 23Hɛn nɔʼɔgɛ poo fee ze nɛy? “Hɛn ɓɛɛ mɔn hoozi ma nɛyrɛɛ,” ongɛɛ fee gɔɔ: “mɔ luu gaŋ mɔ emmɛ nɛyrɛ?” 24Ɛn mi hi̧i̧ vo gaa: ha̧a̧ tan an bo ɛ gɔti hɛn ɓɛɛ hoozi hɛtte tɛɛ yɔ». Yeesu kə feeza wa̧y kɔkrɔk akkɔ: «Mii feemma yɔ, mɔ luu bɛlba mɔ iŋ kiŋnaŋ mɔn tin mɔ kə um kaa!» 25Ɛtuu vin, wa̧y nɔ luu bɛlba náa o ve timba tuu sɛw tɛʼ, o iŋ kiŋnaŋ an ke ve ganay tin nɔ naʼa luu o kaa. O gbəŋ Go̧o̧gey. 26Náa ve tɛʼ kɔ vo bit. Ve gbəŋ Go̧o̧gey, doo hi̧ʼ o ve si̧i̧ba, ve fee: «Munɛ ba hə̧ vo hɛn yella!»
Yeesu ya̧a̧ Levii
Mat 9:9-13; Mar 2:13-17
27Pig an ɛnɔ, Yeesu vukkɛ, o hə̧ wa̧y sɔŋ zɔmɔgɔl ak zɔʼ, nii an Levii, oy zɔɔri o kɔm yɛɛ ba. Yeesu feeza: «Mɔ òo mii!» 28Levi luu, ɛ hɛn nɔ ve tɛʼ òo Yeesuy. 29Pig an Levi ya̧a̧ Yeesu tanaa o kaa poʼo lɛmma aʼvin; Náa sɔŋ zɔmɔgɔl zɔʼ ve duʼza̧ vere náa zɔʼ ve tin ve sɔŋ lɛgi vo daŋ. 30Náa farize vɛ, vere náa it mɔyi̧zə moò buu an vɛ, ̧ ve kə̧ə̧ moò ɛnnɛ; Ve feeza Yeesu kaam an vɛ: «Hɛ̧ɛ̧n kɔ voy lɛgaa lɛm vega náa sɔŋ zɔmɔgɔl vɛ, vere náa kɔl hɛn ɓɛɛ ve yɛɛ daŋŋɔ nɛ?» 31Yeesu hi̧i̧ vo: «Náa ve paam ho̧o̧ yɛ nɔ vɛ, kan vo vere ha̧a̧ yoon ho̧o̧ ak yɛ, ɛnɔ náa vey ho̧o̧ nɔ, de kara voy zaʼ. 32Mi yaani kay ya̧a̧ náa vey vəʼəra o ve si̧i̧ ba, bo ba za̧ǎ̧ nɔ vey yɛ, ɛn mi yaay kay ya̧a̧ náa ve gaa bo ve kɔ hɛn ɓɛɛ̌ nɔ vɛy, do ve fil si̧i̧ von verɛ».
Yeesu moò hɛn kɛ̧ɛ̧ moǒ
Mat 9:14-17; Mar 2:18-22
33Náa farize ve feeza Yeesu: «Zâŋ kaam an vɛ, vere vin nɔ vɛ, ve kɛ̧ɛ̧ hɛn nɔ verɛ tɛʼ, ve faa yakkɛ vin; Mɔn kaam mɔn, vey lɛra, vey zɔraa». 34Yeesu hi̧i̧t vo: «Voy tu̧u̧, kaa vo lɔ kpɔksi náa ve ya̧a̧ vo ɓasin yɛɛre nɔ vɛ, doo ve kɛ̧ɛ̧ lɛm lɛra, wa̧y ɓa waa nɔ, oy o ve tiŋza̧a̧re kere nɔ opporɛrɛ? Paam ɔŋgɔ yɛ! 35Ɛn yo̧o̧n de gbɔy tuu ve iŋŋa wa̧y ɓa waa nɔ o ve tiŋza̧a̧re tuurɛ; Yo̧o̧ ɛn òo gbɔy ma nɔ, vey kɛ̧ɛ̧ ze». 36Yeesu moot vo bɛmm nɛnɔ tin sɛw fee: «Ha̧a̧ kaa ta̧a̧n sam pəŋ ka maʼtin sam fə̧ə̧k vere oy yɛ; Oò kɔ too ɛnɔmmɔ, o lel sam pəŋŋɔrɛ, sam pəŋŋɔ kaa taksinga sam fə̧ə̧kɔ yɛ. 37Too ɛnɔm vin, ha̧a̧ kaa aan bum ɓɛ̧ɛ̧k pɛɛk fə̧ə̧ke yɛ, Ha̧a̧ òo kɔ too ɛnɔmmɔ, bum ɓɛ̧ɛ̧kɔ de kpəra pɛɛk fə̧ə̧kɔrɛ, bummɛy guu hɛge, pɛɛkɔ kaa de leeraa vin. 38Ɛn òo bum ɓɛ̧ɛ̧ka nɔ, do ve aa pɛɛk pəŋŋe! 39Ha̧a̧ òo zɔy bum fə̧ə̧k kəzək, o hi̧i̧n bum pəŋ zɔnna ɓɛ yɛ, ve fee: “Bum fə̧ə̧kɔ bo sȩȩ ɗəə yɔ.”»
Currently Selected:
Luka 5: Luk
Highlight
Share
ਕਾਪੀ।
Want to have your highlights saved across all your devices? Sign up or sign in
Luka 5
5
Yeesu ya̧a̧ kaam ɓəə timmɔ vey
Mat 4:18-22; Mar 1:16-20
1Yo̧o̧ zɔʼ, Yeesu dii maam Genesarɛtɔ o yakpa, náa ve duʼza̧a̧ ve sɔŋi o hɛge ka ve kii Go̧o̧ge moò ani. 2O hə kɔmbal itto de leksum yakpa: Náa sol dut ve si hɛge, ve zo̧o̧ yaam von ve tɛllaa. 3Yeesu hiŋ kɔmbal zɔʼ daŋga nɔ zɔɔ oppo, ɛn Simɔŋ kɔmbal ani, o kə feeza Simɔŋ doo yəən kɔmballɔ kaʼaso vere lɛk yakkɔrɛ. Yeesu zɔɔ kɔmballe tuu bi̧i̧ náa duʼ nɔ ve moò oot voo. 4O òo moò si̧ʼ kəzəkkɔ, kə feeza Simɔŋ: «Mɔ diŋ tak kɔmballɔ maam yɛɛ suri tin nɔ oppo, mɔy, voga daamza̧a̧ ve daŋ, vo hoo yaam von vɛ vo sol dutta». 5Simɔŋ hi̧i̧za: «Wa̧y it hɛn, ki vi gaa gim vi̧i̧i̧ fɛt vi hagin hɛn yɛ. Ɛn mɔy feeyya yɔ dooy hoorɛ nɔ, mii hoo yaammɔrɛ». 6Ve hoo yaamɔ ve sol dut ɓooza̧a̧, yaam von nɔ vɛ bi̧i̧ ta̧llaa. 7Ve lagi daaa ke vey kɔmbal zɔʼ nɔ oppo nɔ vɛ vere naaka, doo ve yaa maʼat vo tin. Ve yaa ve sɔŋ daŋ ve hi̧ʼzi kɔmbal itto sɛw dutta ɓooza̧a̧, ɛn kɔmballɔ vɛ bi̧i̧ ɓinna maame. 8Simɔŋ piyɛr hə̧ ɛnɔ, o ɗiksi dɔʼ ɗuk Yeesu o timba kə fee: «Mɔ yəə ii hɛy tɛɛrɛ, Gbɛ̧ɛ̧, mi wa̧y kɔl hɛn ɓɛɛ akka!» 9Simɔŋ, vere daaa ve daŋ, kɔ vo bit, moò dut ve sol ɓooza̧a̧, nɛy. 10Zakki vere zaŋŋi, Zebede sam an vɛ, bɔk vey ɛmgaa Simɔŋ yɔ, ve sɛw kɔ vo bit vin. Ɛn ɗaa Yeesu feeza Simɔŋ: «Doo do kɔm sɛ; Bi̧i̧ de ɓɔllɛ nɛ mɔy zɔɔra ha̧a̧ vey ma». 11Ɛn ve kən tak kɔmballɔ vɛ zȩʼȩ tɔŋba, ve ɛ hɛn nɔ ve tɛʼ ve òo Yeesuy.
Yeesu poozi guni akka
Mat 8:1-4; Mar 1:40-45
12Ɛnɔ Yeesu tak kap zɔʼre, wa̧y zɔʼ yaa tuu, fo̧o̧ an tɛʼ kusin gunii. O hə Yeesu nɔ, o wan zo̧o̧ o timba, zu̧ʼ gbɔy an hɛtte kə faaa fee: «Wa̧y it hɛn, kaam hi̧i̧rɛ nɔ kaam kənzi fo̧o̧ min dȩȩt za̧a̧». 13Yeesu yɔl naak so̧o̧ wa̧y nɔrɛ kə fee: «Mi hi̧i̧rɛ, fo̧o̧ mɔn do dȩȩrɛ!» Ɓɔllɛ ɛtuu vin, guni nɔ vuk wa̧y nɔ opporɛ.
14Yeesu feeza wa̧y nɔ: «Mɔ ooza náa ve hɛn ɛnɔ sɛ. Mɔ tak it fo̧o̧ mɔn wa̧y kɔ maak ak oppo do tommɛ, mɔ kə po maak hɛn Mɔyi̧zə bɔk fee nɔ tin, ka it ha̧a̧ ka ve gaa guni mɔn bo poo ma ze». 15Ɛnɔ oppo vin, náa ve òo Yeesu moò an tak tinba tinba; Náa ve duʼu yəəmza̧a̧ ve sɔŋi Yeesu o hɛge ka ve kii moò de oora nɛy, doo poozi vo ho̧o̧ von verɛ vin. 16Ɛn ɗaa Yeesu luu ti̧i̧ tak tɔŋba o da̧a̧re ka tak faa yakka.
Yeesu poozi wa̧y kɔkrɔk akka
Mat 9:1-8; Mar 2:1-12
17Yo̧o̧ zɔʼ, Yeesu bɔk de oora moǒ. Náa farize vɛ vere náa it Mɔyi̧zə moò buu an nɔ vɛ, bɔk ve tin; bɔk ve vugi kap Galile nɔ vɛ oppo vere kap Yuuda nɔ vɛ oppo, ɛn Zeruzalɛme nɔ vɛ sɛw. Gbɛ̧ɛ̧ kɛŋ gɔti an bɔk kangaa Yeesuy poozina ha̧a̧ ve ho̧o̧ von vɛ oy. 18Náa ve gani wa̧y zɔʼ kiŋnaŋŋe o kɔkkɛ; ve teee yana ka ve dɔzaa kaa ka ve ɛʼɛ Yeesu o timba. 19Ɛn ve gaan yana ka ve daana tin nɔ yɛ, moò duʼ nɔ ve ɓoo ɗəə wɔɔkɛy. Moò an oy ve hiŋŋina dɔk ka̧a̧ wɔɔkpa, ve kɛʼ lik wɔɔkɛy ve sizaa zo̧o̧ oppo, Yeesu o timba o kiŋnaŋŋe, náa o ve tiŋza̧a̧re tuu. 20Yeesu hə̧ ve ɛt si̧i̧ oppo nɔ, o feeza ho̧o̧ nɔ: «Gbaare min, hɛn ɓɛɛ mɔn vɛ hoozi ma». 21Náa it Mɔyi̧zə moò buu an vɛ vere náa farize vɛ ve bi̧i̧ moò vəʼəraa: «Hii wa̧yin de zɛɛra Go̧o̧ge ɛnɔ yɛɛ? Hii kaa lii hɛn ɓɛɛ hoozi yɛ? Oò Go̧o̧ge zaʼ yɛ nɛy». 22Yeesu gaa moò vəʼəra vonnɛ, o feet vo: «Hɛ̧ɛ̧n vo vəʼə too ɛnɔmmɔ nɛɛ? 23Hɛn nɔʼɔgɛ poo fee ze nɛy? “Hɛn ɓɛɛ mɔn hoozi ma nɛyrɛɛ,” ongɛɛ fee gɔɔ: “mɔ luu gaŋ mɔ emmɛ nɛyrɛ?” 24Ɛn mi hi̧i̧ vo gaa: ha̧a̧ tan an bo ɛ gɔti hɛn ɓɛɛ hoozi hɛtte tɛɛ yɔ». Yeesu kə feeza wa̧y kɔkrɔk akkɔ: «Mii feemma yɔ, mɔ luu bɛlba mɔ iŋ kiŋnaŋ mɔn tin mɔ kə um kaa!» 25Ɛtuu vin, wa̧y nɔ luu bɛlba náa o ve timba tuu sɛw tɛʼ, o iŋ kiŋnaŋ an ke ve ganay tin nɔ naʼa luu o kaa. O gbəŋ Go̧o̧gey. 26Náa ve tɛʼ kɔ vo bit. Ve gbəŋ Go̧o̧gey, doo hi̧ʼ o ve si̧i̧ba, ve fee: «Munɛ ba hə̧ vo hɛn yella!»
Yeesu ya̧a̧ Levii
Mat 9:9-13; Mar 2:13-17
27Pig an ɛnɔ, Yeesu vukkɛ, o hə̧ wa̧y sɔŋ zɔmɔgɔl ak zɔʼ, nii an Levii, oy zɔɔri o kɔm yɛɛ ba. Yeesu feeza: «Mɔ òo mii!» 28Levi luu, ɛ hɛn nɔ ve tɛʼ òo Yeesuy. 29Pig an Levi ya̧a̧ Yeesu tanaa o kaa poʼo lɛmma aʼvin; Náa sɔŋ zɔmɔgɔl zɔʼ ve duʼza̧ vere náa zɔʼ ve tin ve sɔŋ lɛgi vo daŋ. 30Náa farize vɛ, vere náa it mɔyi̧zə moò buu an vɛ, ̧ ve kə̧ə̧ moò ɛnnɛ; Ve feeza Yeesu kaam an vɛ: «Hɛ̧ɛ̧n kɔ voy lɛgaa lɛm vega náa sɔŋ zɔmɔgɔl vɛ, vere náa kɔl hɛn ɓɛɛ ve yɛɛ daŋŋɔ nɛ?» 31Yeesu hi̧i̧ vo: «Náa ve paam ho̧o̧ yɛ nɔ vɛ, kan vo vere ha̧a̧ yoon ho̧o̧ ak yɛ, ɛnɔ náa vey ho̧o̧ nɔ, de kara voy zaʼ. 32Mi yaani kay ya̧a̧ náa vey vəʼəra o ve si̧i̧ ba, bo ba za̧ǎ̧ nɔ vey yɛ, ɛn mi yaay kay ya̧a̧ náa ve gaa bo ve kɔ hɛn ɓɛɛ̌ nɔ vɛy, do ve fil si̧i̧ von verɛ».
Yeesu moò hɛn kɛ̧ɛ̧ moǒ
Mat 9:14-17; Mar 2:18-22
33Náa farize ve feeza Yeesu: «Zâŋ kaam an vɛ, vere vin nɔ vɛ, ve kɛ̧ɛ̧ hɛn nɔ verɛ tɛʼ, ve faa yakkɛ vin; Mɔn kaam mɔn, vey lɛra, vey zɔraa». 34Yeesu hi̧i̧t vo: «Voy tu̧u̧, kaa vo lɔ kpɔksi náa ve ya̧a̧ vo ɓasin yɛɛre nɔ vɛ, doo ve kɛ̧ɛ̧ lɛm lɛra, wa̧y ɓa waa nɔ, oy o ve tiŋza̧a̧re kere nɔ opporɛrɛ? Paam ɔŋgɔ yɛ! 35Ɛn yo̧o̧n de gbɔy tuu ve iŋŋa wa̧y ɓa waa nɔ o ve tiŋza̧a̧re tuurɛ; Yo̧o̧ ɛn òo gbɔy ma nɔ, vey kɛ̧ɛ̧ ze». 36Yeesu moot vo bɛmm nɛnɔ tin sɛw fee: «Ha̧a̧ kaa ta̧a̧n sam pəŋ ka maʼtin sam fə̧ə̧k vere oy yɛ; Oò kɔ too ɛnɔmmɔ, o lel sam pəŋŋɔrɛ, sam pəŋŋɔ kaa taksinga sam fə̧ə̧kɔ yɛ. 37Too ɛnɔm vin, ha̧a̧ kaa aan bum ɓɛ̧ɛ̧k pɛɛk fə̧ə̧ke yɛ, Ha̧a̧ òo kɔ too ɛnɔmmɔ, bum ɓɛ̧ɛ̧kɔ de kpəra pɛɛk fə̧ə̧kɔrɛ, bummɛy guu hɛge, pɛɛkɔ kaa de leeraa vin. 38Ɛn òo bum ɓɛ̧ɛ̧ka nɔ, do ve aa pɛɛk pəŋŋe! 39Ha̧a̧ òo zɔy bum fə̧ə̧k kəzək, o hi̧i̧n bum pəŋ zɔnna ɓɛ yɛ, ve fee: “Bum fə̧ə̧kɔ bo sȩȩ ɗəə yɔ.”»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in