Marcos 5
5
Jesúcã Gerasa wãmecʉtiridita macʉ̃pʉre wãtĩã sãriarare cõãwiocorigue
(Mt 8:28-34; Lc 8:26-39)
1Jesús cʉ̃ bueramena Galileatara apenʉãpʉ Gerasa ditapʉ tĩãjeayura. 2Jesúcã cũmuãpʉ niãrigʉ duinʉcãrĩwatoa ĩcʉ̃ wãtĩã sãyorigʉ Jesús cʉtiropʉ watiyugʉ. Ãni wãtĩã sãyorigʉ masãcoperiwatoapʉmena watiyugʉ, 3ticoperiwatoapʉ niãrigʉ ninigʉ̃. Icãta ĩcʉ̃nopera siacũmasĩña manigʉ̃pʉ, tairora cõmedarimenacãrẽ siacũmasĩña manigʉ̃pʉ niyugʉ. 4Merẽ pajeri cõmedarimena cʉ̃ya wãmorĩpʉre, cʉ̃ya dʉporipʉre siatucapetacãrã cʉ̃rẽ siarecãrõ tidarire tʉ̃ãtãmʉtõĩcãyugʉ icãta ĩcʉ̃nopera apõtĩõmasĩña manirõpʉ. 5Bʉrecorire ĩñerõcã ñamirĩrẽ buripʉ, masãcoperipʉ caribiwõnoyugʉ. Tairora cʉ̃basurupe ʉ̃tãperimena camicʉticãyugʉ. 6Cʉ̃ Jesúre yoaropʉ ĩñagʉ̃rã cʉtʉwʉmʉãti cʉ̃ cʉtiro ãsʉ̃rʉ̃poperimena eacumuwa 7Jesúre caribiremena abiro ĩyugʉ: —Jesús, Manigʉ̃ ʉmʉãwesepʉ nigʉ̃ Macʉ̃ yʉre patocõherimocãña mʉrẽ Manigʉ̃ ĩñacoropʉ sãĩ ¡marĩcʉ̃ yʉre ñañarõjoro posañerõcã tiherimocãña! ―ĩyugʉ wãtĩ.
8Tora abiro ĩyugʉ Jesúcã cʉ̃rẽ:
—¡Wãtĩ ñañagʉ̃, ãnipʉre sãñagʉ̃ witiaya! ―ĩãriasiro niñerõcã.
9Jesús cʉ̃rẽ sãĩñayugʉ:
—¿Dairo wãmecʉtiri mʉ?
Cʉ̃ yʉyugʉ:
—Legión wãmecʉti pajʉ wãtĩã nimocãnirã ―ĩyugʉ.#5:9 Roma macãrã seis mil watoano surara nirĩbure tairo Legión pisure niyuro.
10Tairo ĩtuwagʉra Jesúre bʉtoro abiro ĩ sãĩyugʉ:
—¡Ʉ̃sãrẽ apeditapʉ cõãcoherimocãña! ―ĩyugʉ.
11Tairo wariwatoare to cʉtiro buro cʉtirope pajʉ yesea yarucũñerõcã 12wãtĩã Jesúre abiro ĩ sãĩyura:
—¡Ʉ̃sãrẽ yesea cʉtiropʉ ticoya! Ʉ̃sã cʉ̃jãpʉre sãwarada ―ĩyura.
13Cʉ̃jãcã tairo ĩñerõcã Jesús “¡Tairora tiya!” ĩyugʉ. Tairo tira wãtĩã basocʉpʉre niãriara witia yeseapʉre sãrã wayura. Ãnijã yesea dos mil watoano nimoãriara cʉ̃jãpʉre wãtĩã sañerõcã upatʉropʉ cʉtʉmawisibuawa upatarapʉ ñañuã topʉ minipetiasuyura.
14Tairo wañerõcã ĩñarã yeseare ĩñanʉõrĩbasoca bʉtoro ʉcʉaremena macãpʉ ĩñerõcã macã tʉsaripʉ cʉtʉwʉmʉã tairo wariguere wedebatera wayura. Cʉ̃jãcã wedeñerõcã tʉora basoca tairo wariguere ĩñarã eayura. 15Cʉ̃jã Jesúcã nirõpʉ eara wãtĩã sãyorigʉre suti sãñarigʉpʉ ñurĩwãme tʉoiñaduirucũgʉ̃rẽ ĩñayura. Basoca tiere ĩñarã bʉtoro cuira nimocãyura. 16Tairora wãtĩ sãyorigʉre ĩñerõcã yeseare biariguere ĩñariara nipetire tairo wariguere cʉ̃jãsiro earacãrẽ wedeyura. 17Tiere tʉora basoca tomacãrã Jesúre tutuaromena cʉ̃jãya ditare witiwʉmʉãdotiyura.
18Cʉ̃jãcã tairo ĩñerõcã Jesúcã cũmuãpʉ mʉãsãrĩwatoa basocʉ wãtĩã sãyomirigʉ Jesúre bʉtoro abiro ĩ sãĩmiyugʉ:
—Yʉcãrẽ mʉmena neãña ―ĩyugʉ.
19Buri Jesúpe cʉ̃rẽ “Jamʉ” ĩheriyugʉ. Abiro ĩyugʉ:
—¡Mʉyawipʉ pʉtʉawaya! Pʉtʉa tinigʉ̃ mʉya wedera nipetirare Nirũpʉ̃cã nipetire mʉrẽ tiariguere wedepetimocãgʉ̃ waya. Tairora mʉrẽ ñurõ bopacaĩñanigʉ̃ tiariguecãrẽ wedegʉ waya ―ĩyugʉ Jesús.
20Tairo tigʉ cʉ̃ warisua Decápolipʉ nirĩmacãrĩpʉ nipetire Jesúcã cʉ̃rẽ tiariguere wedesocoayugʉ. Nipetira cʉ̃cã wederere tʉoyura; tiere tʉora nipetira tʉomaniãrã pʉtʉayura.
Jairo macõrẽ ĩñerõcã apeo nomiõ Jesúya sutirore ñeĩñarigore Jesúcã ñujeañerõcã tirigue
(Mt 9:18-26; Lc 8:40-56)
21Jesúcã doriacũmuãmena titara apenʉãpʉ tĩãjeariwatoa cʉ̃ cʉtiropʉ pajʉ basoca neãpojeayura. Cʉ̃pe titara tʉsaropʉra eanʉcãjeamocãyugʉ. 22Topʉre ĩcʉ̃ judío basoca neãporiwi nirũpãrãmenamacʉ̃ Jairo wãmecʉtigʉ eayugʉ. Cʉ̃ Jesúre ĩñagʉ̃rã cʉ̃ cʉtiro ãsʉ̃rʉ̃poperimena ñanujea 23cʉ̃rẽ bʉtoro abiro ĩ sãĩyugʉ:
—Yʉmacõ cõwõgõpʉ tiago. Jamʉ yʉmena watiya. Topʉ mʉcã mʉya wãmorẽ core ñapeogʉ watiya cocã ñujea catiasuatora abiro ―ĩyugʉ.
24Jairocã tairo ĩñerõcã tʉogʉ Jesús cʉ̃mena wayugʉ. Topʉ wañerõcã pajʉ basoca bapuwʉmʉãrã cʉ̃ cʉtirore bʉtoro cʉ̃ñarõjoro tuwʉmʉãyura. 25Cʉ̃jã pajʉ basoca watoapʉre ĩcõ nomiõ doce cʉmarĩjoro betirera abiro di cõãrucũrẽ diare cʉogo niyugo. 26Coya niyerure pajʉ sʉoribasocare core sʉoñerõcã bogo tiere wapatigora peticũmuãrigopʉ niyugo. Buri cʉ̃jãpe icãta ñujeañerõcã tiherijomocãyura. Tairo tigo co ñujearono tigo buripe õpe bʉtorojoro diaditigo tiyugo. 27Co Jesúcã basocare ñujeañerõcã tire quetire tʉoyugo. Tairo tigo Jesús sõcʉ̃berupe basoca watoapʉ wanigõ Jesúya sutiropʉ ñeĩñayugo. 28Co “cʉ̃ya sutirore ñeĩñarẽmena wadora yʉ ñujeasugoacu” ĩ wãcũyugo. Tairo tigo ñeĩñayugo. 29Cocã ñeĩñarĩwatoamenarã core di witiarigue pʉtʉanʉcãsuyuro. Tocãrõmenarã co coya ũpʉ̃rẽ tie diaremanigõpʉ tʉoiñagõ eayugo. 30Jesús cʉ̃ya tutuarere cʉ̃pʉmena witiariguere masĩgʉ̃ eanigʉ̃ basocapere camenʉcã ĩñaco abiro ĩ sãĩñayugʉ:
—¿Noã ya sutirore ñeĩñarĩ? ―ĩyugʉ.
31Tiere tʉora cʉ̃ buera cʉ̃rẽ yʉyura:
—¿Mʉ ĩñaheriri? Basoca pajʉ ñatuawʉmʉãñerõcã ĩñacapeicãrã ¿Noã ya sutirore ñeĩñarĩ ĩ sãĩñarĩ? ―ĩyura.
32Buri Jesús cʉ̃jãcã tairo ĩcapetacãrã ¿noã ya sutirore ñeĩñayuri? ĩgʉ̃ basocare cʉ̃ cʉtiro nirãrẽ ĩñacõã, ĩñacõã tiyugʉ. 33Tocãrõrã co nomiõ cui nananarẽmena core biariguere masĩnigõ cʉ̃ cʉtiro wa ãsʉ̃rʉ̃poperimena ñanujea diamacãrã cʉ̃rẽ wedemocãyugo.
34Jesús core ĩyugʉ:
—Yʉmacõ, yʉre wedewõrẽ cʉonigõ mʉya diarere cametʉoyoarigopʉ pʉtʉa. Ñurĩwãmemena pʉtʉaya ―ĩyugʉ.
35Jesúcã core wederucũriwatoa Jairoyawi macãrã cʉ̃jã cʉtiropʉ ea Jairore abiro ĩyura:
—Mʉmacõ cõwõãsuago. Marĩrẽ buegʉre tocãrõrã patocõduya ―ĩyura.
36Jesúpe cʉ̃jãcã tairo ĩrẽrẽ tʉopeohegʉra judío basoca neãporiwi nirũpʉ̃rẽ abiro ĩyugʉ:
—¡Wãcũpasʉtihegʉcã! Yʉre wedewõña ―ĩyugʉ.
37Tomenarã ãpẽrãrẽ bapuñerõcã boheriyugʉ. Pedro wadorena, Santiago wadorena ĩñerõcã Juan Santiago baji wadorena bapuwʉmʉãrõ boyugʉ. 38Jesús judío basoca nirũpʉ̃yawipʉ eagʉ basocare cʉtʉcamesã oti caribirare ĩñagʉ 39tiwipʉ sãwa abiro ĩyugʉ:
—¿Dairo tira tocãrõ tiwãme caribi otiri? Wĩmagõ cõwõherigo. Canigõ yago ―ĩyugʉ.
40Cʉ̃cã tairo ĩñerõcã basocape Jesúre buri buimocãyura. Buri Jesúpe cʉ̃jã nipetirare witiadotinigʉ̃ cõwõãrigo pacʉmena wado, pacomena wado ĩñerõcã cʉ̃rẽ bapuariaramena wado cocã pesaritatiapʉ sãwayugʉ. 41Topʉ sãjeagʉ coya wãmopʉ ñe arameoyemena abiro ĩyugʉ:
—¡Talita, cumi! ―ĩyugʉ.
Tairo ĩgʉ̃ “¡Wĩmagõ wʉmʉnʉcãña!” ĩgʉ̃ tiyugʉ.
42Cʉ̃cã tairo ĩrẽmenarã wĩmagõ doce cʉmarĩ cʉogo mata wʉmʉnʉcã camesãsocoyugo. Buri basocape cocã masãñerõcã ĩñarã ĩñamaniãsuyura. 43Jesúpe tutuaromena cʉ̃cã tairo tiariguere icãta ãpẽrãrẽ wededotiheriyugʉ. Tairo tigʉ tosiromenarã wĩmagõrẽ yarigue ecadotiyugʉ.
Currently Selected:
Marcos 5: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Marcos 5
5
Jesúcã Gerasa wãmecʉtiridita macʉ̃pʉre wãtĩã sãriarare cõãwiocorigue
(Mt 8:28-34; Lc 8:26-39)
1Jesús cʉ̃ bueramena Galileatara apenʉãpʉ Gerasa ditapʉ tĩãjeayura. 2Jesúcã cũmuãpʉ niãrigʉ duinʉcãrĩwatoa ĩcʉ̃ wãtĩã sãyorigʉ Jesús cʉtiropʉ watiyugʉ. Ãni wãtĩã sãyorigʉ masãcoperiwatoapʉmena watiyugʉ, 3ticoperiwatoapʉ niãrigʉ ninigʉ̃. Icãta ĩcʉ̃nopera siacũmasĩña manigʉ̃pʉ, tairora cõmedarimenacãrẽ siacũmasĩña manigʉ̃pʉ niyugʉ. 4Merẽ pajeri cõmedarimena cʉ̃ya wãmorĩpʉre, cʉ̃ya dʉporipʉre siatucapetacãrã cʉ̃rẽ siarecãrõ tidarire tʉ̃ãtãmʉtõĩcãyugʉ icãta ĩcʉ̃nopera apõtĩõmasĩña manirõpʉ. 5Bʉrecorire ĩñerõcã ñamirĩrẽ buripʉ, masãcoperipʉ caribiwõnoyugʉ. Tairora cʉ̃basurupe ʉ̃tãperimena camicʉticãyugʉ. 6Cʉ̃ Jesúre yoaropʉ ĩñagʉ̃rã cʉtʉwʉmʉãti cʉ̃ cʉtiro ãsʉ̃rʉ̃poperimena eacumuwa 7Jesúre caribiremena abiro ĩyugʉ: —Jesús, Manigʉ̃ ʉmʉãwesepʉ nigʉ̃ Macʉ̃ yʉre patocõherimocãña mʉrẽ Manigʉ̃ ĩñacoropʉ sãĩ ¡marĩcʉ̃ yʉre ñañarõjoro posañerõcã tiherimocãña! ―ĩyugʉ wãtĩ.
8Tora abiro ĩyugʉ Jesúcã cʉ̃rẽ:
—¡Wãtĩ ñañagʉ̃, ãnipʉre sãñagʉ̃ witiaya! ―ĩãriasiro niñerõcã.
9Jesús cʉ̃rẽ sãĩñayugʉ:
—¿Dairo wãmecʉtiri mʉ?
Cʉ̃ yʉyugʉ:
—Legión wãmecʉti pajʉ wãtĩã nimocãnirã ―ĩyugʉ.#5:9 Roma macãrã seis mil watoano surara nirĩbure tairo Legión pisure niyuro.
10Tairo ĩtuwagʉra Jesúre bʉtoro abiro ĩ sãĩyugʉ:
—¡Ʉ̃sãrẽ apeditapʉ cõãcoherimocãña! ―ĩyugʉ.
11Tairo wariwatoare to cʉtiro buro cʉtirope pajʉ yesea yarucũñerõcã 12wãtĩã Jesúre abiro ĩ sãĩyura:
—¡Ʉ̃sãrẽ yesea cʉtiropʉ ticoya! Ʉ̃sã cʉ̃jãpʉre sãwarada ―ĩyura.
13Cʉ̃jãcã tairo ĩñerõcã Jesús “¡Tairora tiya!” ĩyugʉ. Tairo tira wãtĩã basocʉpʉre niãriara witia yeseapʉre sãrã wayura. Ãnijã yesea dos mil watoano nimoãriara cʉ̃jãpʉre wãtĩã sañerõcã upatʉropʉ cʉtʉmawisibuawa upatarapʉ ñañuã topʉ minipetiasuyura.
14Tairo wañerõcã ĩñarã yeseare ĩñanʉõrĩbasoca bʉtoro ʉcʉaremena macãpʉ ĩñerõcã macã tʉsaripʉ cʉtʉwʉmʉã tairo wariguere wedebatera wayura. Cʉ̃jãcã wedeñerõcã tʉora basoca tairo wariguere ĩñarã eayura. 15Cʉ̃jã Jesúcã nirõpʉ eara wãtĩã sãyorigʉre suti sãñarigʉpʉ ñurĩwãme tʉoiñaduirucũgʉ̃rẽ ĩñayura. Basoca tiere ĩñarã bʉtoro cuira nimocãyura. 16Tairora wãtĩ sãyorigʉre ĩñerõcã yeseare biariguere ĩñariara nipetire tairo wariguere cʉ̃jãsiro earacãrẽ wedeyura. 17Tiere tʉora basoca tomacãrã Jesúre tutuaromena cʉ̃jãya ditare witiwʉmʉãdotiyura.
18Cʉ̃jãcã tairo ĩñerõcã Jesúcã cũmuãpʉ mʉãsãrĩwatoa basocʉ wãtĩã sãyomirigʉ Jesúre bʉtoro abiro ĩ sãĩmiyugʉ:
—Yʉcãrẽ mʉmena neãña ―ĩyugʉ.
19Buri Jesúpe cʉ̃rẽ “Jamʉ” ĩheriyugʉ. Abiro ĩyugʉ:
—¡Mʉyawipʉ pʉtʉawaya! Pʉtʉa tinigʉ̃ mʉya wedera nipetirare Nirũpʉ̃cã nipetire mʉrẽ tiariguere wedepetimocãgʉ̃ waya. Tairora mʉrẽ ñurõ bopacaĩñanigʉ̃ tiariguecãrẽ wedegʉ waya ―ĩyugʉ Jesús.
20Tairo tigʉ cʉ̃ warisua Decápolipʉ nirĩmacãrĩpʉ nipetire Jesúcã cʉ̃rẽ tiariguere wedesocoayugʉ. Nipetira cʉ̃cã wederere tʉoyura; tiere tʉora nipetira tʉomaniãrã pʉtʉayura.
Jairo macõrẽ ĩñerõcã apeo nomiõ Jesúya sutirore ñeĩñarigore Jesúcã ñujeañerõcã tirigue
(Mt 9:18-26; Lc 8:40-56)
21Jesúcã doriacũmuãmena titara apenʉãpʉ tĩãjeariwatoa cʉ̃ cʉtiropʉ pajʉ basoca neãpojeayura. Cʉ̃pe titara tʉsaropʉra eanʉcãjeamocãyugʉ. 22Topʉre ĩcʉ̃ judío basoca neãporiwi nirũpãrãmenamacʉ̃ Jairo wãmecʉtigʉ eayugʉ. Cʉ̃ Jesúre ĩñagʉ̃rã cʉ̃ cʉtiro ãsʉ̃rʉ̃poperimena ñanujea 23cʉ̃rẽ bʉtoro abiro ĩ sãĩyugʉ:
—Yʉmacõ cõwõgõpʉ tiago. Jamʉ yʉmena watiya. Topʉ mʉcã mʉya wãmorẽ core ñapeogʉ watiya cocã ñujea catiasuatora abiro ―ĩyugʉ.
24Jairocã tairo ĩñerõcã tʉogʉ Jesús cʉ̃mena wayugʉ. Topʉ wañerõcã pajʉ basoca bapuwʉmʉãrã cʉ̃ cʉtirore bʉtoro cʉ̃ñarõjoro tuwʉmʉãyura. 25Cʉ̃jã pajʉ basoca watoapʉre ĩcõ nomiõ doce cʉmarĩjoro betirera abiro di cõãrucũrẽ diare cʉogo niyugo. 26Coya niyerure pajʉ sʉoribasocare core sʉoñerõcã bogo tiere wapatigora peticũmuãrigopʉ niyugo. Buri cʉ̃jãpe icãta ñujeañerõcã tiherijomocãyura. Tairo tigo co ñujearono tigo buripe õpe bʉtorojoro diaditigo tiyugo. 27Co Jesúcã basocare ñujeañerõcã tire quetire tʉoyugo. Tairo tigo Jesús sõcʉ̃berupe basoca watoapʉ wanigõ Jesúya sutiropʉ ñeĩñayugo. 28Co “cʉ̃ya sutirore ñeĩñarẽmena wadora yʉ ñujeasugoacu” ĩ wãcũyugo. Tairo tigo ñeĩñayugo. 29Cocã ñeĩñarĩwatoamenarã core di witiarigue pʉtʉanʉcãsuyuro. Tocãrõmenarã co coya ũpʉ̃rẽ tie diaremanigõpʉ tʉoiñagõ eayugo. 30Jesús cʉ̃ya tutuarere cʉ̃pʉmena witiariguere masĩgʉ̃ eanigʉ̃ basocapere camenʉcã ĩñaco abiro ĩ sãĩñayugʉ:
—¿Noã ya sutirore ñeĩñarĩ? ―ĩyugʉ.
31Tiere tʉora cʉ̃ buera cʉ̃rẽ yʉyura:
—¿Mʉ ĩñaheriri? Basoca pajʉ ñatuawʉmʉãñerõcã ĩñacapeicãrã ¿Noã ya sutirore ñeĩñarĩ ĩ sãĩñarĩ? ―ĩyura.
32Buri Jesús cʉ̃jãcã tairo ĩcapetacãrã ¿noã ya sutirore ñeĩñayuri? ĩgʉ̃ basocare cʉ̃ cʉtiro nirãrẽ ĩñacõã, ĩñacõã tiyugʉ. 33Tocãrõrã co nomiõ cui nananarẽmena core biariguere masĩnigõ cʉ̃ cʉtiro wa ãsʉ̃rʉ̃poperimena ñanujea diamacãrã cʉ̃rẽ wedemocãyugo.
34Jesús core ĩyugʉ:
—Yʉmacõ, yʉre wedewõrẽ cʉonigõ mʉya diarere cametʉoyoarigopʉ pʉtʉa. Ñurĩwãmemena pʉtʉaya ―ĩyugʉ.
35Jesúcã core wederucũriwatoa Jairoyawi macãrã cʉ̃jã cʉtiropʉ ea Jairore abiro ĩyura:
—Mʉmacõ cõwõãsuago. Marĩrẽ buegʉre tocãrõrã patocõduya ―ĩyura.
36Jesúpe cʉ̃jãcã tairo ĩrẽrẽ tʉopeohegʉra judío basoca neãporiwi nirũpʉ̃rẽ abiro ĩyugʉ:
—¡Wãcũpasʉtihegʉcã! Yʉre wedewõña ―ĩyugʉ.
37Tomenarã ãpẽrãrẽ bapuñerõcã boheriyugʉ. Pedro wadorena, Santiago wadorena ĩñerõcã Juan Santiago baji wadorena bapuwʉmʉãrõ boyugʉ. 38Jesús judío basoca nirũpʉ̃yawipʉ eagʉ basocare cʉtʉcamesã oti caribirare ĩñagʉ 39tiwipʉ sãwa abiro ĩyugʉ:
—¿Dairo tira tocãrõ tiwãme caribi otiri? Wĩmagõ cõwõherigo. Canigõ yago ―ĩyugʉ.
40Cʉ̃cã tairo ĩñerõcã basocape Jesúre buri buimocãyura. Buri Jesúpe cʉ̃jã nipetirare witiadotinigʉ̃ cõwõãrigo pacʉmena wado, pacomena wado ĩñerõcã cʉ̃rẽ bapuariaramena wado cocã pesaritatiapʉ sãwayugʉ. 41Topʉ sãjeagʉ coya wãmopʉ ñe arameoyemena abiro ĩyugʉ:
—¡Talita, cumi! ―ĩyugʉ.
Tairo ĩgʉ̃ “¡Wĩmagõ wʉmʉnʉcãña!” ĩgʉ̃ tiyugʉ.
42Cʉ̃cã tairo ĩrẽmenarã wĩmagõ doce cʉmarĩ cʉogo mata wʉmʉnʉcã camesãsocoyugo. Buri basocape cocã masãñerõcã ĩñarã ĩñamaniãsuyura. 43Jesúpe tutuaromena cʉ̃cã tairo tiariguere icãta ãpẽrãrẽ wededotiheriyugʉ. Tairo tigʉ tosiromenarã wĩmagõrẽ yarigue ecadotiyugʉ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.