Marcos 4
4
Jesúcã otecape wẽbategʉmena queore wederigue
(Mt 13:1-9; Lc 8:4-8)
1Upatutira tamʉ Jesús Galileatara tʉsaropʉra buesocoyugʉ. Basoca pajʉ cʉ̃ cʉtiropʉ neãpojeañerõcã ĩñagʉ̃ Jesús titarapʉ nirĩcũmuã doriacũmuãpʉ mʉãsãwa eanujeayugʉ topʉmena buegʉdagʉ. Basocape titara tʉsaro ditatuparigʉpʉra pʉtʉayura. 2Tairo tigʉ cʉ̃jãrẽ paje wãmerĩ queoremena bueyugʉ. Cʉ̃cã buerepʉre abiro ĩyugʉ:
3—¡Atiere ñurõ tʉoya! Ĩcʉ̃ oteribasocʉ cʉ̃ya otecapere wesepʉ wẽbategʉ wayugʉ. 4Cʉ̃cã otecapere wẽbatewʉmʉãñerõcã ĩcãye ma tʉsaropʉ ñacũmuyuro; buri miniãpe topʉ ñariguere ea tiere yacõãmocãyuro. 5Apeye otecape ʉ̃tãperi watoapʉ pẽrõgã dita cʉtiropʉ ñacũmuyuro. Tocã ʉsemenirõgã ditaro cʉtiñerõcã tie otecape mata wisocoyuro. 6Buri muĩpʉ̃ asimʉãtiremena tie nʉcõrĩ pupeapʉ wisãwaheriarigue ninirõ oco bopoa mata ʉsaduiwasuyuro. 7Apeye otecapepe pota watoapʉ ñacũmuyuro. Potape tie oterepere wicametʉawʉmʉã sĩãmocãyuro. Tairo tiro tie icãta dicacʉtihericaperocãrã boaduiasuyuro. 8Apeye otecapepe ñurõ ʉseariditarope ñacũmuyuro. Tiepe ñurõ bʉtiwʉmʉã paje dicacʉtiyuro. Ĩcãpãwõ treintaperi dicacʉtiyuro. Apepãwõrĩ sesentaperi, apepãwõrĩ cienperi dicacʉtiyuro ―ĩyugʉ.
9Ĩnemoyugʉ Jesús:
—Mʉjã atiere tʉore wado tʉoherimocãña. Ñurõ tʉoya ―ĩyugʉ.
Jesús buera “dairo tigʉ queoremena bueri” ĩ cʉ̃jãcã sãĩñarigue
(Mt 13:10-17; Lc 8:9-10)
10Siro basoca wapetiwʉmʉãtiriwatoa Jesúcã ĩcʉ̃rã pʉtʉañerõcã ĩñarã cʉ̃ cʉtiro nirã cʉ̃ buera docemenarã:
—¿Dairo ĩrugaro tiari mʉcã queoremena buearigue? ―ĩ sãĩñayura.
11Cʉ̃ cʉ̃jãrẽ yʉyugʉ:
—Manigʉ̃ cʉ̃yarare dotire nirẽrẽ sʉgueropʉ masĩñamaniriguere mʉjãrẽ masĩñerõcã yawí. Buri ãpẽrãpere queoremena wadora bueyo. 12Tairo tira yʉca tirere ĩñacaperacãrã ĩñamasĩherigawa; yʉcã wederere tʉocaperacãrã tʉomasiherigawa. Cʉ̃jã tʉomasĩrãno nirã cʉ̃jãcã ñañarẽ tirere pitibogawa; acõbore sãĩbogawa; Manigʉ̃ cʉ̃jãrẽ acõbobogawi. Buri cʉ̃jãpe tʉomasĩrugaherijomocãwã#Is 6:9-10; Jn 12:40; Hch 28:26-27. ―ĩyugʉ Jesús.
Jesús cʉ̃cã “queore nʉniriguere abiro ĩrugaro ya” ĩ wederigue
(Mt 13:18-23; Lc 8:11-15)
13Jesús cʉ̃jãrẽ wedeyugʉ:
—¿Mʉjã yʉcã queore nʉniariguere tʉomasĩheriari? ¿Buri topʉare tiere tʉomasĩhera dairo ti apeyepere tʉomasĩrõãri? 14Otecapere wẽbateribasocʉ yaye quetire wederibasocʉ ñawĩ ĩrugaro ya. 15Ĩcãrã basoca otecape mapʉ ñacũmuãriguera abiro ñawã. Cʉ̃jã yaye quetire tʉogawa tʉorapʉa; buri cʉ̃jãcã tʉoariasiro wãtĩã nirũpʉ̃pe wati cʉ̃jãcã tʉosãmoãriguegãrẽ emapetimocãgawi. 16Ãpẽrã ʉ̃tãperi watoapʉ ñacũmuãriaperira abiro ñawã. Cʉ̃jã yaye quetire tʉora ñurõ peñarẽmena boca ñewã. 17Buri cʉ̃jã nʉcõrĩ cʉotutuherera abiro ninirã ĩcãdiamacãrã wedewõrucũherigawa. Tairo tira ñurẽ queti wapa cʉ̃jã merĩã ñañarõ cametʉara o cʉ̃jãrẽ ñañarõ tirugaquetatuñerõcãrã cʉ̃jãcã wedewõrẽ cʉomoãriguere diomocãgawa. 18Ãpẽrãpe otecape pota watoapʉ ñacũmuriguera abiro ñawã. Cʉ̃jã yaye quetire tʉora ñurõ tʉogawa tʉorapʉa. 19Buri cʉ̃jã ñurõ tʉoariara nicaperacã õpemena atibʉreco maquẽpere bʉtoro ʉgaripea, bʉere paje cʉorugarepere wãcũgawa. Tairo tira tiepere wãcũnʉnʉ paje cʉoruganirã Manigʉ̃ye quetipere acõbomocãgawa otecape pota watoapʉ ñarigue ñurõ wirosiro potape wicametʉawʉmʉã tiere sĩãriarora abiro. Tairo tiro tiecã dica nʉniheririarora abiro cʉ̃jãcã dicamanirãrã abiro ñawã. 20Buri ãpẽrãpe otecape ñurõ ʉseariditaropʉ ñacũmuriguera abiro ñawã. Cʉ̃jã yaye quetire tʉora ñurõ tʉo ñurõ boca ñewã. Tairo tira cʉ̃jã ñurõ dicacʉtiripãwõrĩrã abiro ñawã; ĩcãrã ĩcãwõ treinta dica nʉnirõrã abiro; ãpẽrã ĩcãwõ sesenta dica nʉnirõrã abiro ĩñerõcã ãpẽrãpe ĩcãwõ cien dica nʉnirõrã abiro ñawã ―ĩ wedeyugʉ Jesús.
Jesús sĩãworigamena queore nʉnirigue
(Lc 8:16-18)
21Apeye queoremena wedenemoyugʉ Jesús:
—¿Sĩãworigare neãti upacũmuã docapʉ o canirõ docapʉ sĩãwodopoyogari? Topʉ sĩãwodopoyamaniga. Buripe doca emʉãrõpʉ peoyoga topʉmena ñurõ bowearo ĩrã. 22Atiera abiro tosʉgueropʉ basocacã masĩyoyamanirigue masĩyoroacu. Yajioropʉ niriguecã tairora baunirõpʉ nirõ earoacu ĩgʉ#Mt 10:26; Lc 12:2-3. ―tairo ĩyugʉ Jesús. 23Mʉjã atiere tʉore wado tʉoherimocãña. Ñurõ tʉoya ―ĩyugʉ Jesús.
24Cʉ̃jãrẽ abiro ĩñemoyugʉ tamʉ:
—¡Mʉjã yʉcã wederere tʉora ñurõ tʉomasĩ ĩñamasĩnʉcõña! Yʉcã wederere pẽrõgãrã masĩrugañerõcã Manigʉ̃ tocãrõgãrã masĩñerõcã tigʉagawi. Pairo masĩrugaremena õpe tiere ñurõ tiwʉmʉãñerõcã Manigʉ̃ tiwãmerã pairo masĩñerõcã tigʉagawi. Ñurõ tʉorare Manigʉ̃ sotoa ñurẽ tʉomasĩrẽrẽ nʉninemogʉagawi.#Mt 7:2; Lc 6:38. 25Yʉcã buerere tʉo wedewõrãrẽ Manigʉ̃ cʉ̃jãcã tʉomasĩrẽ cʉoresotoape cʉ̃jãrẽ nʉninemogʉagawi. Buri ãpẽrã yʉcã buerere tʉorugaherijomocãrãpere Manigʉ̃ cʉ̃jãcã masĩmoãriguegãpʉrena emapetimocãgʉagawi#Mt 13:12; 25:29; Lc 19:26. ―ĩyugʉ Jesús.
Jesúcã otecape bʉtimʉãrẽmena queore buerigue
26Jesús abiro ĩtuwa, apeye queoremena abiro ĩ buenemoyugʉ tamʉ:
—Manigʉ̃cã cʉ̃yarare dotire ĩcʉ̃ basocʉ ditaropʉ otecapere oterora abiro bi. 27Cʉ̃cã canirĩwatoa, cʉ̃cã caniheriwatoacãrẽ, ñami niñerõcãrẽ, bʉreco niñerõcãcãrẽ tiebasurupera wiati, bʉtimʉã biga cʉ̃cã ‘tairo biro tiga’ ĩmasĩhericapetacãrã. 28Tiere ditarora otecapere tieborora wiwitiatiñerõcã tiga. Mamarõrẽ tiwõgã wiwitiga. Sirore pũrĩ witi bʉtituajea dicacʉtiga. 29Merẽ tocãrõrã dicacã bʉtituajearemena seriwatoa eañerõcã ĩñagʉ̃ tie dicare segawi ―ĩyugʉ Jesús.
Jesúcã mostaza capemena queore nʉnirigue
(Mt 13:31-32; Lc 13:18-19)
30Siro Jesús cʉ̃jãrẽ wedenemoyugʉ:
—¿Manigʉ̃cã cʉ̃yarare dotire ñenorã abiro nigari o ñenomena tiera abiro ña ĩmasĩrãgari? 31Ĩcã mostaza cape ditaropʉ oteyoricapera abiro ña. Ticape atidita maquẽ otecape docare pẽrĩcapegãjoro ña. 32Tairo nicaperocãrã oterosirore wiropʉa paijorigʉ, paca dʉpʉricʉtirigʉ wesepʉ oteriayucʉsotoare wa. Tairo tira miniã tigʉ dʉpʉripʉ pũrĩ doca yʉsʉropʉ suti suagawa ―ĩ wedeyugʉ Jesús.#4:32 Manigʉ̃cã cʉ̃yarare dotire pẽrĩ caperogãrã abiro socoga. Siro pairigʉ bʉtirora abiro nipetiropʉ cʉ̃ye maquẽ sesasuga ĩrugaro ya.
Jesúcã basocare queoremena buerigue
(Mt 13:34-35)
33Anorã abiro Jesús cʉ̃ye quetire basocare buegʉ paje queoremena bueyugʉ. Cʉ̃jãcã tʉomasĩãtiwãme eatuaro bueyugʉ. 34Cʉ̃jãrẽ buegʉ queore manirõ bueherimocã tiheriyugʉ. Bicapeicãrã cʉ̃ buerapere cʉ̃jã wadore tiere “abiro ĩrugaro tiawʉ” ĩ ñurõ wedepetimocãyugʉ.
Jesúcã wĩnorẽ, ocoturire disudotirigue
(Mt 8:23-27; Lc 8:22-25)
35Tibʉrecorena naĩcũmurĩwatoa Jesús cʉ̃ buerare abiro ĩyugʉ:
—Jamʉ atitara ainʉãpʉ tĩãwaco ―ĩyugʉ Jesús.
36Tairo tira basocare tora uitʉomocã Jesúre cʉ̃cã sãñariacũmuãmenarã netĩãsuyura. Apecũmuãrĩcã cʉ̃jãmena baputĩãwayuro. 37Cʉ̃jãcã topʉ tĩãwariwatoara wĩno tutuaro papumʉãtiyuro. Tairo papuatiñerõcã ocoturi cũmuãpʉ ñasãsocoyuro ticũmuãrẽ oco dadaropʉ. 38Tairo biatosʉguero Jesúpe waturopʉ wanigʉ̃ cʉ̃ya dʉpowʉre ẽõturomena ẽõtunigʉ̃ canisãsuyugʉ. Tairo tira tora abiro biñerõcã ĩñarã cʉ̃ buera cʉ̃rẽ wãcõrã abiro ĩyura:
—¿Ʉ̃sã Buegʉ, mʉ ĩñaheriri? ¡Marĩ miniduiarapʉ ya! ―ĩyura Jesúre.
39Cʉ̃jãcã tairo ĩñerõcã tʉogʉ Jesús wʉmʉnʉcã wĩnorẽ, ocoturire nʉcʉ̃ãdotiyugʉ. Abiro ĩyugʉ:
—¡Nʉcʉ̃ãña!
Cʉ̃cã tairo ĩrẽmenarã tie nʉcʉ̃ãduiapetiasuyuro.
40Tosiro Jesús cʉ̃ buerare ĩyugʉ:
—¿Dairo tira tocãrõ ʉcʉari? ¿Marĩcʉ̃ mʉjã yʉre wedewõrẽ cʉoherijomocãrĩ? ―ĩyugʉ Jesús.
41Cʉ̃jã cʉ̃cã tairo tirere ĩñaʉcʉanirã cʉ̃jãbasurupe came sãĩñayura:
—¿Daigʉno basocʉ ñarĩ ãni tocãrõ tutuare cʉogʉ? Cʉ̃rẽ wĩnopʉra, ocoturipʉra ñurõ yʉ ―ĩyura.
Currently Selected:
Marcos 4: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Marcos 4
4
Jesúcã otecape wẽbategʉmena queore wederigue
(Mt 13:1-9; Lc 8:4-8)
1Upatutira tamʉ Jesús Galileatara tʉsaropʉra buesocoyugʉ. Basoca pajʉ cʉ̃ cʉtiropʉ neãpojeañerõcã ĩñagʉ̃ Jesús titarapʉ nirĩcũmuã doriacũmuãpʉ mʉãsãwa eanujeayugʉ topʉmena buegʉdagʉ. Basocape titara tʉsaro ditatuparigʉpʉra pʉtʉayura. 2Tairo tigʉ cʉ̃jãrẽ paje wãmerĩ queoremena bueyugʉ. Cʉ̃cã buerepʉre abiro ĩyugʉ:
3—¡Atiere ñurõ tʉoya! Ĩcʉ̃ oteribasocʉ cʉ̃ya otecapere wesepʉ wẽbategʉ wayugʉ. 4Cʉ̃cã otecapere wẽbatewʉmʉãñerõcã ĩcãye ma tʉsaropʉ ñacũmuyuro; buri miniãpe topʉ ñariguere ea tiere yacõãmocãyuro. 5Apeye otecape ʉ̃tãperi watoapʉ pẽrõgã dita cʉtiropʉ ñacũmuyuro. Tocã ʉsemenirõgã ditaro cʉtiñerõcã tie otecape mata wisocoyuro. 6Buri muĩpʉ̃ asimʉãtiremena tie nʉcõrĩ pupeapʉ wisãwaheriarigue ninirõ oco bopoa mata ʉsaduiwasuyuro. 7Apeye otecapepe pota watoapʉ ñacũmuyuro. Potape tie oterepere wicametʉawʉmʉã sĩãmocãyuro. Tairo tiro tie icãta dicacʉtihericaperocãrã boaduiasuyuro. 8Apeye otecapepe ñurõ ʉseariditarope ñacũmuyuro. Tiepe ñurõ bʉtiwʉmʉã paje dicacʉtiyuro. Ĩcãpãwõ treintaperi dicacʉtiyuro. Apepãwõrĩ sesentaperi, apepãwõrĩ cienperi dicacʉtiyuro ―ĩyugʉ.
9Ĩnemoyugʉ Jesús:
—Mʉjã atiere tʉore wado tʉoherimocãña. Ñurõ tʉoya ―ĩyugʉ.
Jesús buera “dairo tigʉ queoremena bueri” ĩ cʉ̃jãcã sãĩñarigue
(Mt 13:10-17; Lc 8:9-10)
10Siro basoca wapetiwʉmʉãtiriwatoa Jesúcã ĩcʉ̃rã pʉtʉañerõcã ĩñarã cʉ̃ cʉtiro nirã cʉ̃ buera docemenarã:
—¿Dairo ĩrugaro tiari mʉcã queoremena buearigue? ―ĩ sãĩñayura.
11Cʉ̃ cʉ̃jãrẽ yʉyugʉ:
—Manigʉ̃ cʉ̃yarare dotire nirẽrẽ sʉgueropʉ masĩñamaniriguere mʉjãrẽ masĩñerõcã yawí. Buri ãpẽrãpere queoremena wadora bueyo. 12Tairo tira yʉca tirere ĩñacaperacãrã ĩñamasĩherigawa; yʉcã wederere tʉocaperacãrã tʉomasiherigawa. Cʉ̃jã tʉomasĩrãno nirã cʉ̃jãcã ñañarẽ tirere pitibogawa; acõbore sãĩbogawa; Manigʉ̃ cʉ̃jãrẽ acõbobogawi. Buri cʉ̃jãpe tʉomasĩrugaherijomocãwã#Is 6:9-10; Jn 12:40; Hch 28:26-27. ―ĩyugʉ Jesús.
Jesús cʉ̃cã “queore nʉniriguere abiro ĩrugaro ya” ĩ wederigue
(Mt 13:18-23; Lc 8:11-15)
13Jesús cʉ̃jãrẽ wedeyugʉ:
—¿Mʉjã yʉcã queore nʉniariguere tʉomasĩheriari? ¿Buri topʉare tiere tʉomasĩhera dairo ti apeyepere tʉomasĩrõãri? 14Otecapere wẽbateribasocʉ yaye quetire wederibasocʉ ñawĩ ĩrugaro ya. 15Ĩcãrã basoca otecape mapʉ ñacũmuãriguera abiro ñawã. Cʉ̃jã yaye quetire tʉogawa tʉorapʉa; buri cʉ̃jãcã tʉoariasiro wãtĩã nirũpʉ̃pe wati cʉ̃jãcã tʉosãmoãriguegãrẽ emapetimocãgawi. 16Ãpẽrã ʉ̃tãperi watoapʉ ñacũmuãriaperira abiro ñawã. Cʉ̃jã yaye quetire tʉora ñurõ peñarẽmena boca ñewã. 17Buri cʉ̃jã nʉcõrĩ cʉotutuherera abiro ninirã ĩcãdiamacãrã wedewõrucũherigawa. Tairo tira ñurẽ queti wapa cʉ̃jã merĩã ñañarõ cametʉara o cʉ̃jãrẽ ñañarõ tirugaquetatuñerõcãrã cʉ̃jãcã wedewõrẽ cʉomoãriguere diomocãgawa. 18Ãpẽrãpe otecape pota watoapʉ ñacũmuriguera abiro ñawã. Cʉ̃jã yaye quetire tʉora ñurõ tʉogawa tʉorapʉa. 19Buri cʉ̃jã ñurõ tʉoariara nicaperacã õpemena atibʉreco maquẽpere bʉtoro ʉgaripea, bʉere paje cʉorugarepere wãcũgawa. Tairo tira tiepere wãcũnʉnʉ paje cʉoruganirã Manigʉ̃ye quetipere acõbomocãgawa otecape pota watoapʉ ñarigue ñurõ wirosiro potape wicametʉawʉmʉã tiere sĩãriarora abiro. Tairo tiro tiecã dica nʉniheririarora abiro cʉ̃jãcã dicamanirãrã abiro ñawã. 20Buri ãpẽrãpe otecape ñurõ ʉseariditaropʉ ñacũmuriguera abiro ñawã. Cʉ̃jã yaye quetire tʉora ñurõ tʉo ñurõ boca ñewã. Tairo tira cʉ̃jã ñurõ dicacʉtiripãwõrĩrã abiro ñawã; ĩcãrã ĩcãwõ treinta dica nʉnirõrã abiro; ãpẽrã ĩcãwõ sesenta dica nʉnirõrã abiro ĩñerõcã ãpẽrãpe ĩcãwõ cien dica nʉnirõrã abiro ñawã ―ĩ wedeyugʉ Jesús.
Jesús sĩãworigamena queore nʉnirigue
(Lc 8:16-18)
21Apeye queoremena wedenemoyugʉ Jesús:
—¿Sĩãworigare neãti upacũmuã docapʉ o canirõ docapʉ sĩãwodopoyogari? Topʉ sĩãwodopoyamaniga. Buripe doca emʉãrõpʉ peoyoga topʉmena ñurõ bowearo ĩrã. 22Atiera abiro tosʉgueropʉ basocacã masĩyoyamanirigue masĩyoroacu. Yajioropʉ niriguecã tairora baunirõpʉ nirõ earoacu ĩgʉ#Mt 10:26; Lc 12:2-3. ―tairo ĩyugʉ Jesús. 23Mʉjã atiere tʉore wado tʉoherimocãña. Ñurõ tʉoya ―ĩyugʉ Jesús.
24Cʉ̃jãrẽ abiro ĩñemoyugʉ tamʉ:
—¡Mʉjã yʉcã wederere tʉora ñurõ tʉomasĩ ĩñamasĩnʉcõña! Yʉcã wederere pẽrõgãrã masĩrugañerõcã Manigʉ̃ tocãrõgãrã masĩñerõcã tigʉagawi. Pairo masĩrugaremena õpe tiere ñurõ tiwʉmʉãñerõcã Manigʉ̃ tiwãmerã pairo masĩñerõcã tigʉagawi. Ñurõ tʉorare Manigʉ̃ sotoa ñurẽ tʉomasĩrẽrẽ nʉninemogʉagawi.#Mt 7:2; Lc 6:38. 25Yʉcã buerere tʉo wedewõrãrẽ Manigʉ̃ cʉ̃jãcã tʉomasĩrẽ cʉoresotoape cʉ̃jãrẽ nʉninemogʉagawi. Buri ãpẽrã yʉcã buerere tʉorugaherijomocãrãpere Manigʉ̃ cʉ̃jãcã masĩmoãriguegãpʉrena emapetimocãgʉagawi#Mt 13:12; 25:29; Lc 19:26. ―ĩyugʉ Jesús.
Jesúcã otecape bʉtimʉãrẽmena queore buerigue
26Jesús abiro ĩtuwa, apeye queoremena abiro ĩ buenemoyugʉ tamʉ:
—Manigʉ̃cã cʉ̃yarare dotire ĩcʉ̃ basocʉ ditaropʉ otecapere oterora abiro bi. 27Cʉ̃cã canirĩwatoa, cʉ̃cã caniheriwatoacãrẽ, ñami niñerõcãrẽ, bʉreco niñerõcãcãrẽ tiebasurupera wiati, bʉtimʉã biga cʉ̃cã ‘tairo biro tiga’ ĩmasĩhericapetacãrã. 28Tiere ditarora otecapere tieborora wiwitiatiñerõcã tiga. Mamarõrẽ tiwõgã wiwitiga. Sirore pũrĩ witi bʉtituajea dicacʉtiga. 29Merẽ tocãrõrã dicacã bʉtituajearemena seriwatoa eañerõcã ĩñagʉ̃ tie dicare segawi ―ĩyugʉ Jesús.
Jesúcã mostaza capemena queore nʉnirigue
(Mt 13:31-32; Lc 13:18-19)
30Siro Jesús cʉ̃jãrẽ wedenemoyugʉ:
—¿Manigʉ̃cã cʉ̃yarare dotire ñenorã abiro nigari o ñenomena tiera abiro ña ĩmasĩrãgari? 31Ĩcã mostaza cape ditaropʉ oteyoricapera abiro ña. Ticape atidita maquẽ otecape docare pẽrĩcapegãjoro ña. 32Tairo nicaperocãrã oterosirore wiropʉa paijorigʉ, paca dʉpʉricʉtirigʉ wesepʉ oteriayucʉsotoare wa. Tairo tira miniã tigʉ dʉpʉripʉ pũrĩ doca yʉsʉropʉ suti suagawa ―ĩ wedeyugʉ Jesús.#4:32 Manigʉ̃cã cʉ̃yarare dotire pẽrĩ caperogãrã abiro socoga. Siro pairigʉ bʉtirora abiro nipetiropʉ cʉ̃ye maquẽ sesasuga ĩrugaro ya.
Jesúcã basocare queoremena buerigue
(Mt 13:34-35)
33Anorã abiro Jesús cʉ̃ye quetire basocare buegʉ paje queoremena bueyugʉ. Cʉ̃jãcã tʉomasĩãtiwãme eatuaro bueyugʉ. 34Cʉ̃jãrẽ buegʉ queore manirõ bueherimocã tiheriyugʉ. Bicapeicãrã cʉ̃ buerapere cʉ̃jã wadore tiere “abiro ĩrugaro tiawʉ” ĩ ñurõ wedepetimocãyugʉ.
Jesúcã wĩnorẽ, ocoturire disudotirigue
(Mt 8:23-27; Lc 8:22-25)
35Tibʉrecorena naĩcũmurĩwatoa Jesús cʉ̃ buerare abiro ĩyugʉ:
—Jamʉ atitara ainʉãpʉ tĩãwaco ―ĩyugʉ Jesús.
36Tairo tira basocare tora uitʉomocã Jesúre cʉ̃cã sãñariacũmuãmenarã netĩãsuyura. Apecũmuãrĩcã cʉ̃jãmena baputĩãwayuro. 37Cʉ̃jãcã topʉ tĩãwariwatoara wĩno tutuaro papumʉãtiyuro. Tairo papuatiñerõcã ocoturi cũmuãpʉ ñasãsocoyuro ticũmuãrẽ oco dadaropʉ. 38Tairo biatosʉguero Jesúpe waturopʉ wanigʉ̃ cʉ̃ya dʉpowʉre ẽõturomena ẽõtunigʉ̃ canisãsuyugʉ. Tairo tira tora abiro biñerõcã ĩñarã cʉ̃ buera cʉ̃rẽ wãcõrã abiro ĩyura:
—¿Ʉ̃sã Buegʉ, mʉ ĩñaheriri? ¡Marĩ miniduiarapʉ ya! ―ĩyura Jesúre.
39Cʉ̃jãcã tairo ĩñerõcã tʉogʉ Jesús wʉmʉnʉcã wĩnorẽ, ocoturire nʉcʉ̃ãdotiyugʉ. Abiro ĩyugʉ:
—¡Nʉcʉ̃ãña!
Cʉ̃cã tairo ĩrẽmenarã tie nʉcʉ̃ãduiapetiasuyuro.
40Tosiro Jesús cʉ̃ buerare ĩyugʉ:
—¿Dairo tira tocãrõ ʉcʉari? ¿Marĩcʉ̃ mʉjã yʉre wedewõrẽ cʉoherijomocãrĩ? ―ĩyugʉ Jesús.
41Cʉ̃jã cʉ̃cã tairo tirere ĩñaʉcʉanirã cʉ̃jãbasurupe came sãĩñayura:
—¿Daigʉno basocʉ ñarĩ ãni tocãrõ tutuare cʉogʉ? Cʉ̃rẽ wĩnopʉra, ocoturipʉra ñurõ yʉ ―ĩyura.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.