Lucas 24
24
Jesúcã masãrigue
(Mt 28:1-10; Mc 16:1-8; Jn 20:1-10)
1Judío basocacã yerisãrĩbʉreco apebʉrecope apesemanare nisocoribʉreco niñerõcã nomiã menamegãjoro masãcopepʉra wawacãyura cʉ̃jãcã sʉtiañurẽrẽ quenoãriguere newara. 2Topʉ eawara timasãcopere tubiatoariapĩrẽ aperopʉ cõãñerõcã ĩñayura. 3Tiere ĩñarã diamacãrã timasãcopepʉ sãsuyura. Sãjeara icãta marĩ Nirũpʉ̃ Jesúya ũpʉ̃rẽ bʉaheriyura. 4“Cʉ̃rẽ cʉ̃jãcã dairo wayuri” ĩ wãcũrĩwatoa wãcũñamanirõ pʉ̃ãrã ʉmʉãrẽ suti asibatere sãñariarare cʉ̃jã cʉtiropʉ nucũñerõcã ĩñayura. 5Cʉ̃jãrẽ ĩñarã bʉtoro cuiremena muniyocumuãsuyura. Buri cʉ̃jãpe abiro ĩyura:
—¿Dairo tira mʉjã catigʉrena cõwõãriarare yacõãrõpʉ amarĩ? 6Cʉ̃ anorẽ maniwĩ. Merẽ masãsuawi. Galileapʉ mʉjãmena nigʉ̃pʉ cʉ̃cã mʉjãrẽ ĩriguere wãcũña: 7‘Yʉ Nipetira Sõwʉ̃ basoca ñañarẽ tirapʉre wiyoyogʉacu. Cʉ̃jãrã yʉre curusapʉ papatu sĩãrõãgawa. Buri yʉpe itiabʉrecosiromenarã yʉ masãsugʉacu’#Lc 9:22; 18:31-33. ĩwĩ ―ĩyura.
8Cʉ̃jãcã tairo ĩñerõcãpʉra cʉ̃jãrõmiã Jesúcã ĩriguere wãcũbʉayura. 9Jesúre yaria masãcopepʉ niãriara pʉtʉajearara atie nipetire cʉ̃jãcã ĩñariguere Jesús buera oncere, ãpẽrã nipetirare wedeyura. 10Atiere wedera nomiã María Magdala wãmecʉtirimacã macõ, Juana, María Santiago paco ĩñerõcã ãpẽrã nomiã niyura. 11Cʉ̃jãcã tairo wedecapetacãrã Jesús buerape cʉ̃jãrẽ “nirõrã ĩrã tigawa” ĩ wedewõheriyura. “Ãnijã nomiã tairo ĩmocãrã tigawa” ĩmocãyura.
12Buri tairo ĩcapetacãrã Pedrope witia cʉtʉwʉmʉãsuyugʉ masãcopepʉ ĩñagʉ̃ wagʉ. Topʉ eagʉ mʉnibia ĩñasonecogʉ Jesúre cũmariacaseri wadore ĩñayugʉ. Tairo wariguere ĩñamaniã “dairo wayuriye” ĩ wãcũgʉ̃rã witiwa wipʉ pʉtʉasuyugʉ.
Emaús wãmecʉtirimacã warimapʉ Jesúcã pʉ̃ãrãrẽ bajuarigue
(Mc 16:12-13)
13Tibʉrecorena pʉ̃ãrã Jesúre wedewõrã Emaús wãmecʉtirimacã warimapʉ wara tiyura. Emaúpʉ waro Jerusalénmena witiwʉmʉãñerõcã once kilómetros yoaro niyuro. 14Cʉ̃jã topʉ warucũrã nipetire Jesúre wariguere wederucũwʉmʉãyura. 15Tiere wederucũwʉmʉãrĩwatoa Jesúbasurupera cʉ̃jã cʉtiro ea cʉ̃jãmena warucũyugʉ. 16Buri cʉ̃jãpe cʉ̃rẽ ĩñacaperacãrã ĩñamasĩheriyura. Manigʉ̃ cʉ̃jãrẽ ĩñamasĩheriñerõcã tiyugʉ. 17Jesús cʉ̃jãrẽ sãĩñayugʉ:
—¿Mʉjã ano mapʉre ñenorẽ wederucũwʉmʉãtira yari? ―ĩyugʉ.
Tairo ĩñerõcã tʉora cʉ̃jã bʉtoro wãcũpasʉtire wãnimacãmena pʉtʉanʉcãsuyura. 18Ĩcʉ̃ Cleofás wãmecʉtigʉ yʉyugʉ:
—Nipetira atibʉrecorire Jerusalénpʉre biariguere masĩwã. ¿Dairo mʉpe mʉ wadora ñarĩ topʉ niãrigʉ nicapeicãrã tie tairo biarigue masĩhericotegʉ? ―ĩyugʉ.
19Jesúpe cʉ̃jãrẽ sãĩñayugʉ:
—¿Dairo biari?
Cʉ̃jãpe ĩyura:
—Jesús Nazaret macʉ̃rẽ cʉ̃jãcã tiariguere wederucũwʉmʉãtira tiawʉ. Cʉ̃ Manigʉ̃ye quetire wedesʉgueribasocʉ#Lc 7:16; 13:33; Hch 3:22. nimiwĩ. Cʉ̃ Manigʉ̃cã ĩñacoropʉre, nipetira basocacã ĩñacoropʉcãre cʉ̃cã tiremena, cʉ̃cã wederucũrẽmena tutuacametʉagʉ nimiwĩ. 20Paia nirũpãrã, ãpẽrã marĩ nirũpãrãmena cʉ̃rẽ sĩãdotira Roma macãrã nirũpʉ̃rẽ wiyoawa. Tairo tira Roma macãrã surara cʉ̃rẽ curusapʉ papatu sĩãcõãmocãwã. 21‘Marĩrẽ ĩñatutirare cametʉoacʉ, marĩ Israelyabumacãrãrẽ Nirũpʉ̃ nigʉ̃ eacʉ ñawĩ’ ĩ wãcũ ʉ̃sãcã yuerigʉra nimiwĩ. Buri sua cʉ̃rẽ sĩãcõãriasiro marĩcʉ̃ãmena itiabʉrecopʉ wa. 22Ĩcãrã ʉ̃sãmenamacãrã nomiã cʉ̃jãcã wederemena ʉ̃sãrẽ ʉcʉañerõcã tiawa. Marĩcʉ̃ã menamegãjoro cʉ̃rẽ yaria masãcopepʉ wariara niãwã. 23Topʉ wariara cʉ̃ya ũpʉ̃rẽ bʉaheririara niãwã. Cʉ̃jã ʉ̃sã cʉtiropʉ pʉtʉajeara ‘Manigʉ̃rẽ wedecoteribasoca ʉ̃sãrẽ bajua “Jesús catiwi” ĩãwã’ ĩ wedeawa. 24Siro ĩcãrã ʉ̃sãmenamacãrãcã Jesúre yaria masãcopepʉre ĩñarã wariaracã cʉ̃jãrõmiãcã ĩãriarora abirora bʉajeayura. Buri Jesúpʉare ĩñaheriayura ―ĩ wedeyugʉ Cleofás Jesúre.
25Cʉ̃cã tairo ĩñerõcã tʉogʉ Jesús ĩyugʉ:
—¡Mʉjã icãta tʉomasĩhera ña! Mʉjãrẽ Manigʉ̃ye quetire wedesʉgueribasocacã tairo waroacu ĩ ojariguere wedewõñerõcã wisiojomocã. 26«Manigʉ̃cã beseyorigʉ cʉ̃cã ʉmʉãwesepʉ mʉãtosʉguero, cʉ̃yarare cʉ̃cã nirũpʉ̃ sãgʉ̃ eatosʉguero ñañacametʉaro posagʉagawi» ĩ ojariara niwã. ¿Tiere masĩheriri mʉjã? ―ĩyugʉ Jesús.
27Tairo ĩtuwa nipetire Manigʉ̃ye wederucũrẽrẽ ojayoriapũrĩpʉ cʉ̃ye maquẽrẽ wederucũrẽrẽ wedeyugʉ. Moisécã ojariguemena wedesocogʉ nipetira Manigʉ̃rẽ wedesʉgueribasoca ojariguepʉcãrẽ “abiro ĩrugaro ya” ĩ wedeyugʉ cʉ̃jãrẽ.
28Cʉ̃jãcã warimacãpʉ pʉto eatiremena Jesús timacãrẽ cametʉagʉra abiro tiyugʉ. 29Cʉ̃cã tairo tiñerõcã ĩñarã cʉ̃rẽ cʉ̃jãmena pʉtʉadotira abiro ĩyura:
—Ʉ̃sãmena pʉtʉaya. Merẽ ñamicapʉ ña. Ñami waropʉ ya ―ĩyura.
Tairo tigʉ Jesús cʉ̃jãmena sãwa pʉtʉayugʉ. 30Yaduiripĩrõ cʉtiropʉ duigʉ panrẽ ne Manigʉ̃rẽ ʉseare nʉniyugʉ. Nʉnituwacogʉra panre pe cʉ̃jãrẽ batocoyugʉ. 31Tocawatoamenarã cʉ̃jãcã “Jesús ñawĩ” ĩ ĩñamasĩrã earemenarã cʉ̃pe diticʉtʉasuyugʉ. 32Cʉ̃jãpe cʉ̃jãbasurupe abiro ĩ came wederucũyura:
—Mapʉre cʉ̃cã marĩrẽ Manigʉ̃ye wederucũrẽrẽ ojariapũrĩ maquẽrẽ bueñerõcã yeripũnapʉre ñurõ ʉsearojoro tʉoiñatiwʉ ―ĩyura.
33Tairo ĩrãrã yuenemorõ manirõ Jerusalénpʉra camepʉtʉasuyura. Topʉre eara Jesús buera oncere ĩñerõcã cʉ̃jãmena neãporiarare bʉajeayura. 34Cʉ̃jãcã eañerõcã topʉ neãpoariarara cʉ̃jãrẽ abiro ĩyura:
—Nirõrã ña. Marĩ Nirũpʉ̃ Jesús cõwõãrigʉpʉ nicapeicã masãsuayugʉ. Simónrẽ bajuayugʉ#1Co 15:5. ―ĩ wedeyura.
35Cʉ̃jãcã tairo ĩñerõcã tʉora Emaúpʉ wariaracã cʉ̃jãrẽ mapʉ biariguere ĩñerõcã Jesúcã panre periwatoa cʉ̃jãcã cʉ̃rẽ ĩñamasĩãriguere wedeyura.
Jesúcã cʉ̃ buerare bajuarigue
(Mt 28:16-20; Mc 16:14-18; Jn 20:19-23)
36Tiere cʉ̃jãcã wederucũriwatoara Jesús cʉ̃jãrẽ bajua cʉ̃jã decopʉ eanʉcãgʉ̃ eayugʉ. Cʉ̃jãrẽ ñudotigʉ abiro ĩyugʉ:
—Manigʉ̃ye yerisãrẽ mʉjãmena niãro.
37Cʉ̃cã bajuañerõcã ĩñarã bʉtoro ʉcʉasuyura. “Cõwõrigʉ wãtĩrẽ ĩñarã tiga marĩ” ĩ wãcũyura. 38Cʉ̃jãcã tora ĩñaʉcʉañerõcã ĩñagʉ̃ Jesús cʉ̃jãrẽ ĩyugʉ:
—¿Dairo tira ĩñaʉcʉari? ¿Dairo tira mʉjã yʉre ‘cõwõãrigʉpʉ upatuti masãherigawi’ ĩ wãcũrĩ? Tairo wãcũherimocãña. 39¡Ya wãmorĩrẽ, ya dʉporire ĩñaña! Yʉrã ña. ¡Yʉre ñeĩñaña! Tora abiro tira yʉre ‘Mʉrã ña. Cati mʉ’ ĩrõãcu. Ĩcʉ̃ cõwõrigʉ wãtĩ di, cõãrĩ cʉoheriwi; yʉpe cʉopetimocã ―ĩyugʉ.
40Tairo ĩtuwagʉpʉra cʉ̃ya wãmorĩmaquẽ camirẽ ĩñerõcã cʉ̃ya dʉpori maquẽcãrẽ eñoyugʉ. 41Jesúcã catiñerõcã ĩñamaniã bʉtoro ʉseacaperãcãrã “ñurõjoro tairora niga” ĩ wedewõheriyura marĩcʉ̃. Tairo tigʉ Jesús cʉ̃jãrẽ sãĩñayugʉ:
—¿Anorẽ mʉjã apeyeno yarigue cʉoheriri? ―ĩyugʉ.
42Cʉ̃jãpe cʉ̃rẽ wai pʉ̃õãriadʉcare nʉniyura. 43Cʉ̃pe tidʉcare ñe cʉ̃jãcã ĩñacoropʉ yayugʉ.#Hch 10:41.
44Yatuwa Jesús cʉ̃jãrẽ wedeyugʉ:
—Atie yʉre biariguere yʉ mʉjãrẽ tosʉgueropʉ mʉjãmena nigʉ̃pʉra nipetire yaye maquẽrẽ Moisécã ojariguepʉ nirẽrẽ, Manigʉ̃ye quetire wedesʉgueribasocacã ojariapũpʉ nirẽrẽ, Salmopũpʉ ojayoriguecãrẽ yʉ mʉjãrẽ ‘queorora waroacu’ ĩ wedesiawʉ ―ĩyugʉ.
45Tairo ĩtuwa Manigʉ̃ye wederucũrẽrẽ ojayoriapũrĩ maquẽrẽ tʉomasĩñerõcã tiyugʉ. 46Abiro ĩyugʉ:
—Yaye maquẽrẽ abiro ojayowʉ: «Cristo Manigʉ̃cã beseyorigʉ cõwõãgʉagawi. Buri itiabʉrecosiromenarã masãsugʉagawi.#Is 53:1-12; Os 6:2. 47Cʉ̃cã masãriasiro cʉ̃ya wãmemena, cʉ̃ye dotiremena nipetira basoca atidita macãrãpʉre cʉ̃cã cʉ̃jãrẽ cõwõãbosarigue maquẽrẽ wedeyoroacu. ‘Mʉjãcã ñañarẽ tirecʉtiriguere diamacãrã wacũpasʉti mʉjãcã nirẽcʉtirere wasoaya. Mʉjãcã wasoañerõca Manigʉ̃ mʉjãcã ñañarẽ tirecʉtiriguere acõbogʉagawi’ ĩ wedeyoroacu. Tiere Jerusalénmena wedesocowʉmʉãtiyoroacu. Siro nipetiropʉ wedewʉmʉãyoroacu» ĩ ojayowʉ. 48Mʉjã atie nipetire yʉre wariguere ĩñawʉ̃. Tairo tira tiere ãpẽrãrẽ ‘tairora wawʉ’ ĩ wedemasĩrõãcu.#Hch 1:8. 49Yʉpacʉ mʉjãrẽ ‘Espíritu Santore ticogʉda’ ĩwĩ. Cʉ̃cã ĩriarora abirora yʉ mʉjãrẽ ticogʉda cʉ̃cã mʉjãmena nirucũmocãro ĩgʉ̃.#Hch 1:4; 2:33. Tairo tira marĩcʉ̃ mʉjã ano Jerusalénrã pʉtʉamocãña pʉ Espíritu Santocã mʉjãrẽ Manigʉ̃cã tutuarere nʉnigʉ̃ watiñerõcãpʉ ―ĩyugʉ.
Jesúcã ʉmʉãwesepʉ newʉmʉãyorigue
50Siro Jesús Jerusalén tʉsaro Betaniapʉ cʉ̃jãrẽ newayugʉ. Topʉ eawa cʉ̃ya wãmorĩrẽ sumʉõco cʉ̃jãrẽ “yʉpacʉ mʉjãrẽ ñurõ tiaro” ĩyugʉ.#Hch 1:3-11. 51Tairo ĩgʉ̃rã cʉ̃jãrẽ dicawatinʉcãjea ʉmʉãwesepʉ newʉmʉãsuyoyugʉ. 52Cʉ̃cã mʉãwariwatoa cʉ̃jã cʉ̃rẽ ʉseare nʉniyura. Siro bʉtoro ʉsearemena Jerusalénpʉ pʉtʉasuyura. 53Cʉ̃jã bʉrecoricãrõ Manigʉ̃wipʉ warucũ Manigʉ̃rẽ “Ñucametʉasu mʉ” ĩ ʉseare nʉnirucũmocãyura.
Teófilo, mʉrẽ tocãrõrã oja.
Lucas.
Currently Selected:
Lucas 24: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Lucas 24
24
Jesúcã masãrigue
(Mt 28:1-10; Mc 16:1-8; Jn 20:1-10)
1Judío basocacã yerisãrĩbʉreco apebʉrecope apesemanare nisocoribʉreco niñerõcã nomiã menamegãjoro masãcopepʉra wawacãyura cʉ̃jãcã sʉtiañurẽrẽ quenoãriguere newara. 2Topʉ eawara timasãcopere tubiatoariapĩrẽ aperopʉ cõãñerõcã ĩñayura. 3Tiere ĩñarã diamacãrã timasãcopepʉ sãsuyura. Sãjeara icãta marĩ Nirũpʉ̃ Jesúya ũpʉ̃rẽ bʉaheriyura. 4“Cʉ̃rẽ cʉ̃jãcã dairo wayuri” ĩ wãcũrĩwatoa wãcũñamanirõ pʉ̃ãrã ʉmʉãrẽ suti asibatere sãñariarare cʉ̃jã cʉtiropʉ nucũñerõcã ĩñayura. 5Cʉ̃jãrẽ ĩñarã bʉtoro cuiremena muniyocumuãsuyura. Buri cʉ̃jãpe abiro ĩyura:
—¿Dairo tira mʉjã catigʉrena cõwõãriarare yacõãrõpʉ amarĩ? 6Cʉ̃ anorẽ maniwĩ. Merẽ masãsuawi. Galileapʉ mʉjãmena nigʉ̃pʉ cʉ̃cã mʉjãrẽ ĩriguere wãcũña: 7‘Yʉ Nipetira Sõwʉ̃ basoca ñañarẽ tirapʉre wiyoyogʉacu. Cʉ̃jãrã yʉre curusapʉ papatu sĩãrõãgawa. Buri yʉpe itiabʉrecosiromenarã yʉ masãsugʉacu’#Lc 9:22; 18:31-33. ĩwĩ ―ĩyura.
8Cʉ̃jãcã tairo ĩñerõcãpʉra cʉ̃jãrõmiã Jesúcã ĩriguere wãcũbʉayura. 9Jesúre yaria masãcopepʉ niãriara pʉtʉajearara atie nipetire cʉ̃jãcã ĩñariguere Jesús buera oncere, ãpẽrã nipetirare wedeyura. 10Atiere wedera nomiã María Magdala wãmecʉtirimacã macõ, Juana, María Santiago paco ĩñerõcã ãpẽrã nomiã niyura. 11Cʉ̃jãcã tairo wedecapetacãrã Jesús buerape cʉ̃jãrẽ “nirõrã ĩrã tigawa” ĩ wedewõheriyura. “Ãnijã nomiã tairo ĩmocãrã tigawa” ĩmocãyura.
12Buri tairo ĩcapetacãrã Pedrope witia cʉtʉwʉmʉãsuyugʉ masãcopepʉ ĩñagʉ̃ wagʉ. Topʉ eagʉ mʉnibia ĩñasonecogʉ Jesúre cũmariacaseri wadore ĩñayugʉ. Tairo wariguere ĩñamaniã “dairo wayuriye” ĩ wãcũgʉ̃rã witiwa wipʉ pʉtʉasuyugʉ.
Emaús wãmecʉtirimacã warimapʉ Jesúcã pʉ̃ãrãrẽ bajuarigue
(Mc 16:12-13)
13Tibʉrecorena pʉ̃ãrã Jesúre wedewõrã Emaús wãmecʉtirimacã warimapʉ wara tiyura. Emaúpʉ waro Jerusalénmena witiwʉmʉãñerõcã once kilómetros yoaro niyuro. 14Cʉ̃jã topʉ warucũrã nipetire Jesúre wariguere wederucũwʉmʉãyura. 15Tiere wederucũwʉmʉãrĩwatoa Jesúbasurupera cʉ̃jã cʉtiro ea cʉ̃jãmena warucũyugʉ. 16Buri cʉ̃jãpe cʉ̃rẽ ĩñacaperacãrã ĩñamasĩheriyura. Manigʉ̃ cʉ̃jãrẽ ĩñamasĩheriñerõcã tiyugʉ. 17Jesús cʉ̃jãrẽ sãĩñayugʉ:
—¿Mʉjã ano mapʉre ñenorẽ wederucũwʉmʉãtira yari? ―ĩyugʉ.
Tairo ĩñerõcã tʉora cʉ̃jã bʉtoro wãcũpasʉtire wãnimacãmena pʉtʉanʉcãsuyura. 18Ĩcʉ̃ Cleofás wãmecʉtigʉ yʉyugʉ:
—Nipetira atibʉrecorire Jerusalénpʉre biariguere masĩwã. ¿Dairo mʉpe mʉ wadora ñarĩ topʉ niãrigʉ nicapeicãrã tie tairo biarigue masĩhericotegʉ? ―ĩyugʉ.
19Jesúpe cʉ̃jãrẽ sãĩñayugʉ:
—¿Dairo biari?
Cʉ̃jãpe ĩyura:
—Jesús Nazaret macʉ̃rẽ cʉ̃jãcã tiariguere wederucũwʉmʉãtira tiawʉ. Cʉ̃ Manigʉ̃ye quetire wedesʉgueribasocʉ#Lc 7:16; 13:33; Hch 3:22. nimiwĩ. Cʉ̃ Manigʉ̃cã ĩñacoropʉre, nipetira basocacã ĩñacoropʉcãre cʉ̃cã tiremena, cʉ̃cã wederucũrẽmena tutuacametʉagʉ nimiwĩ. 20Paia nirũpãrã, ãpẽrã marĩ nirũpãrãmena cʉ̃rẽ sĩãdotira Roma macãrã nirũpʉ̃rẽ wiyoawa. Tairo tira Roma macãrã surara cʉ̃rẽ curusapʉ papatu sĩãcõãmocãwã. 21‘Marĩrẽ ĩñatutirare cametʉoacʉ, marĩ Israelyabumacãrãrẽ Nirũpʉ̃ nigʉ̃ eacʉ ñawĩ’ ĩ wãcũ ʉ̃sãcã yuerigʉra nimiwĩ. Buri sua cʉ̃rẽ sĩãcõãriasiro marĩcʉ̃ãmena itiabʉrecopʉ wa. 22Ĩcãrã ʉ̃sãmenamacãrã nomiã cʉ̃jãcã wederemena ʉ̃sãrẽ ʉcʉañerõcã tiawa. Marĩcʉ̃ã menamegãjoro cʉ̃rẽ yaria masãcopepʉ wariara niãwã. 23Topʉ wariara cʉ̃ya ũpʉ̃rẽ bʉaheririara niãwã. Cʉ̃jã ʉ̃sã cʉtiropʉ pʉtʉajeara ‘Manigʉ̃rẽ wedecoteribasoca ʉ̃sãrẽ bajua “Jesús catiwi” ĩãwã’ ĩ wedeawa. 24Siro ĩcãrã ʉ̃sãmenamacãrãcã Jesúre yaria masãcopepʉre ĩñarã wariaracã cʉ̃jãrõmiãcã ĩãriarora abirora bʉajeayura. Buri Jesúpʉare ĩñaheriayura ―ĩ wedeyugʉ Cleofás Jesúre.
25Cʉ̃cã tairo ĩñerõcã tʉogʉ Jesús ĩyugʉ:
—¡Mʉjã icãta tʉomasĩhera ña! Mʉjãrẽ Manigʉ̃ye quetire wedesʉgueribasocacã tairo waroacu ĩ ojariguere wedewõñerõcã wisiojomocã. 26«Manigʉ̃cã beseyorigʉ cʉ̃cã ʉmʉãwesepʉ mʉãtosʉguero, cʉ̃yarare cʉ̃cã nirũpʉ̃ sãgʉ̃ eatosʉguero ñañacametʉaro posagʉagawi» ĩ ojariara niwã. ¿Tiere masĩheriri mʉjã? ―ĩyugʉ Jesús.
27Tairo ĩtuwa nipetire Manigʉ̃ye wederucũrẽrẽ ojayoriapũrĩpʉ cʉ̃ye maquẽrẽ wederucũrẽrẽ wedeyugʉ. Moisécã ojariguemena wedesocogʉ nipetira Manigʉ̃rẽ wedesʉgueribasoca ojariguepʉcãrẽ “abiro ĩrugaro ya” ĩ wedeyugʉ cʉ̃jãrẽ.
28Cʉ̃jãcã warimacãpʉ pʉto eatiremena Jesús timacãrẽ cametʉagʉra abiro tiyugʉ. 29Cʉ̃cã tairo tiñerõcã ĩñarã cʉ̃rẽ cʉ̃jãmena pʉtʉadotira abiro ĩyura:
—Ʉ̃sãmena pʉtʉaya. Merẽ ñamicapʉ ña. Ñami waropʉ ya ―ĩyura.
Tairo tigʉ Jesús cʉ̃jãmena sãwa pʉtʉayugʉ. 30Yaduiripĩrõ cʉtiropʉ duigʉ panrẽ ne Manigʉ̃rẽ ʉseare nʉniyugʉ. Nʉnituwacogʉra panre pe cʉ̃jãrẽ batocoyugʉ. 31Tocawatoamenarã cʉ̃jãcã “Jesús ñawĩ” ĩ ĩñamasĩrã earemenarã cʉ̃pe diticʉtʉasuyugʉ. 32Cʉ̃jãpe cʉ̃jãbasurupe abiro ĩ came wederucũyura:
—Mapʉre cʉ̃cã marĩrẽ Manigʉ̃ye wederucũrẽrẽ ojariapũrĩ maquẽrẽ bueñerõcã yeripũnapʉre ñurõ ʉsearojoro tʉoiñatiwʉ ―ĩyura.
33Tairo ĩrãrã yuenemorõ manirõ Jerusalénpʉra camepʉtʉasuyura. Topʉre eara Jesús buera oncere ĩñerõcã cʉ̃jãmena neãporiarare bʉajeayura. 34Cʉ̃jãcã eañerõcã topʉ neãpoariarara cʉ̃jãrẽ abiro ĩyura:
—Nirõrã ña. Marĩ Nirũpʉ̃ Jesús cõwõãrigʉpʉ nicapeicã masãsuayugʉ. Simónrẽ bajuayugʉ#1Co 15:5. ―ĩ wedeyura.
35Cʉ̃jãcã tairo ĩñerõcã tʉora Emaúpʉ wariaracã cʉ̃jãrẽ mapʉ biariguere ĩñerõcã Jesúcã panre periwatoa cʉ̃jãcã cʉ̃rẽ ĩñamasĩãriguere wedeyura.
Jesúcã cʉ̃ buerare bajuarigue
(Mt 28:16-20; Mc 16:14-18; Jn 20:19-23)
36Tiere cʉ̃jãcã wederucũriwatoara Jesús cʉ̃jãrẽ bajua cʉ̃jã decopʉ eanʉcãgʉ̃ eayugʉ. Cʉ̃jãrẽ ñudotigʉ abiro ĩyugʉ:
—Manigʉ̃ye yerisãrẽ mʉjãmena niãro.
37Cʉ̃cã bajuañerõcã ĩñarã bʉtoro ʉcʉasuyura. “Cõwõrigʉ wãtĩrẽ ĩñarã tiga marĩ” ĩ wãcũyura. 38Cʉ̃jãcã tora ĩñaʉcʉañerõcã ĩñagʉ̃ Jesús cʉ̃jãrẽ ĩyugʉ:
—¿Dairo tira ĩñaʉcʉari? ¿Dairo tira mʉjã yʉre ‘cõwõãrigʉpʉ upatuti masãherigawi’ ĩ wãcũrĩ? Tairo wãcũherimocãña. 39¡Ya wãmorĩrẽ, ya dʉporire ĩñaña! Yʉrã ña. ¡Yʉre ñeĩñaña! Tora abiro tira yʉre ‘Mʉrã ña. Cati mʉ’ ĩrõãcu. Ĩcʉ̃ cõwõrigʉ wãtĩ di, cõãrĩ cʉoheriwi; yʉpe cʉopetimocã ―ĩyugʉ.
40Tairo ĩtuwagʉpʉra cʉ̃ya wãmorĩmaquẽ camirẽ ĩñerõcã cʉ̃ya dʉpori maquẽcãrẽ eñoyugʉ. 41Jesúcã catiñerõcã ĩñamaniã bʉtoro ʉseacaperãcãrã “ñurõjoro tairora niga” ĩ wedewõheriyura marĩcʉ̃. Tairo tigʉ Jesús cʉ̃jãrẽ sãĩñayugʉ:
—¿Anorẽ mʉjã apeyeno yarigue cʉoheriri? ―ĩyugʉ.
42Cʉ̃jãpe cʉ̃rẽ wai pʉ̃õãriadʉcare nʉniyura. 43Cʉ̃pe tidʉcare ñe cʉ̃jãcã ĩñacoropʉ yayugʉ.#Hch 10:41.
44Yatuwa Jesús cʉ̃jãrẽ wedeyugʉ:
—Atie yʉre biariguere yʉ mʉjãrẽ tosʉgueropʉ mʉjãmena nigʉ̃pʉra nipetire yaye maquẽrẽ Moisécã ojariguepʉ nirẽrẽ, Manigʉ̃ye quetire wedesʉgueribasocacã ojariapũpʉ nirẽrẽ, Salmopũpʉ ojayoriguecãrẽ yʉ mʉjãrẽ ‘queorora waroacu’ ĩ wedesiawʉ ―ĩyugʉ.
45Tairo ĩtuwa Manigʉ̃ye wederucũrẽrẽ ojayoriapũrĩ maquẽrẽ tʉomasĩñerõcã tiyugʉ. 46Abiro ĩyugʉ:
—Yaye maquẽrẽ abiro ojayowʉ: «Cristo Manigʉ̃cã beseyorigʉ cõwõãgʉagawi. Buri itiabʉrecosiromenarã masãsugʉagawi.#Is 53:1-12; Os 6:2. 47Cʉ̃cã masãriasiro cʉ̃ya wãmemena, cʉ̃ye dotiremena nipetira basoca atidita macãrãpʉre cʉ̃cã cʉ̃jãrẽ cõwõãbosarigue maquẽrẽ wedeyoroacu. ‘Mʉjãcã ñañarẽ tirecʉtiriguere diamacãrã wacũpasʉti mʉjãcã nirẽcʉtirere wasoaya. Mʉjãcã wasoañerõca Manigʉ̃ mʉjãcã ñañarẽ tirecʉtiriguere acõbogʉagawi’ ĩ wedeyoroacu. Tiere Jerusalénmena wedesocowʉmʉãtiyoroacu. Siro nipetiropʉ wedewʉmʉãyoroacu» ĩ ojayowʉ. 48Mʉjã atie nipetire yʉre wariguere ĩñawʉ̃. Tairo tira tiere ãpẽrãrẽ ‘tairora wawʉ’ ĩ wedemasĩrõãcu.#Hch 1:8. 49Yʉpacʉ mʉjãrẽ ‘Espíritu Santore ticogʉda’ ĩwĩ. Cʉ̃cã ĩriarora abirora yʉ mʉjãrẽ ticogʉda cʉ̃cã mʉjãmena nirucũmocãro ĩgʉ̃.#Hch 1:4; 2:33. Tairo tira marĩcʉ̃ mʉjã ano Jerusalénrã pʉtʉamocãña pʉ Espíritu Santocã mʉjãrẽ Manigʉ̃cã tutuarere nʉnigʉ̃ watiñerõcãpʉ ―ĩyugʉ.
Jesúcã ʉmʉãwesepʉ newʉmʉãyorigue
50Siro Jesús Jerusalén tʉsaro Betaniapʉ cʉ̃jãrẽ newayugʉ. Topʉ eawa cʉ̃ya wãmorĩrẽ sumʉõco cʉ̃jãrẽ “yʉpacʉ mʉjãrẽ ñurõ tiaro” ĩyugʉ.#Hch 1:3-11. 51Tairo ĩgʉ̃rã cʉ̃jãrẽ dicawatinʉcãjea ʉmʉãwesepʉ newʉmʉãsuyoyugʉ. 52Cʉ̃cã mʉãwariwatoa cʉ̃jã cʉ̃rẽ ʉseare nʉniyura. Siro bʉtoro ʉsearemena Jerusalénpʉ pʉtʉasuyura. 53Cʉ̃jã bʉrecoricãrõ Manigʉ̃wipʉ warucũ Manigʉ̃rẽ “Ñucametʉasu mʉ” ĩ ʉseare nʉnirucũmocãyura.
Teófilo, mʉrẽ tocãrõrã oja.
Lucas.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.