Juan 16
16
1”Yʉ mʉjãrẽ atie nipetirere wedeawʉ yʉre wedewõrucũmocãro ĩgʉ̃. 2Mʉjãrẽ judío basoca nirũpãrã mʉjãcã neãporiwiseripʉ wamoãriguere wadotihera cõãwiocomocãrãgawa. Tairora ĩcãrã mʉjãrẽ sĩãcõãriwatoa earoacu. Tairo sĩãcõãrã ‘marĩ Manigʉ̃cã borere tira ya’ ĩ wãcũrõãgawa. 3Cʉ̃jã mʉjãrẽ tora abiro tiroagawa yʉre, yʉpacʉcãrẽ ĩñamasĩherinirã. 4Mʉjãrẽ atiere anorã abiro wedesʉgue tiecã yʉcã wedeariarora abiro queoro wariwatoa eañerõcã ‘merẽ Jesús marĩrẽ atierena wedesiawi’ ĩ mʉjãcã wãcũãtora abiro.
Jesúcã Espíritu Santocã tirere wederigue
”Yʉ mʉjãrẽ atiere mamarõpʉre wedeheriwʉ marĩcʉ̃ mʉjãmenarã ninigʉ̃. 5Buri marĩcʉoropere yʉre ticorigʉmena nigʉ̃dagʉ cʉ̃ cʉtiropʉ wagʉ ya. Mʉjãpe yʉcã tairo ĩ wedecapetacãrã ĩcʉ̃nopera yʉre ‘¿mʉ nopʉ wagʉ yari?’ ĩ sãĩñaheri. 6Buripe mʉjã bʉtoro wãcũpasʉtiremena ña yʉcã ‘wagʉdagʉ ya’ ĩrẽrẽ tʉora, tiemaquẽpere mʉjã sãĩñaherinirã. 7Yʉ mʉjãrẽ diamacãrã wedegʉda. Yʉcã mʉjãrẽ waweoñerõcã docare ñujo. Yʉcã waheriñerõcãpere mʉjãrẽ titamurucũãcʉ mʉjãmena nirucũgʉ̃ watiherigawi. Buri yʉ warisuagʉ doca yʉbasurupera mʉjãrẽ cʉ̃rẽ ticogʉacu. 8-11Cʉ̃ Espíritu Santo watigʉpʉra basoca atibʉreco macãrãrẽ ‘yʉre wedewõhera ñañarẽ cʉora ñawã’ ĩ masĩñerõcã tigʉagawi. Ĩñerõcã yʉre ‘cʉ̃ icãta ñañarẽrẽ tiheriwi; tairo tigʉ wapa cʉoheriwi’ ĩ masĩñerõcã tigʉagawi. Tairora cʉ̃ Espíritu Santora ‘merẽ atibʉreco macãrã dotigʉre Manigʉ̃cã ñañarõ tiyoacʉpʉ ñawĩ’ ĩ masĩñerõcã tigʉagawi. Yʉpe yʉpacʉ cʉtiropʉ pʉtʉagʉ ya. Tairo tira mʉjã yʉre ĩñanemoheriga. 12Yʉcã mʉjãrẽ wederugamirẽ paje nimocãmi. Buri yʉcã marĩcʉorora mʉjãrẽ wedeñerõcãpere toquẽjorore mʉjã tʉomasĩcũtipeñaheri. 13Espíritu Santo diamacã maquẽrẽ masĩñerõcã tigʉ watigʉpʉra mʉjãrẽ nipetire diamacã maquẽrẽ ñurõ wedesʉguegʉagawi mʉjãcã diamacã maquẽmena nirucũãtora abiro. Cʉ̃ cʉ̃basurupe cʉ̃ye maquẽpere wedeherigawi. Buripe Manigʉ̃ yʉpacʉcã cʉ̃rẽ wededotirere cʉ̃cã tʉorepe wadorena wedegʉagawi. Ĩñerõcã tairora siropʉ biatecãrẽ mʉjãrẽ bue, masĩñerõcã tigʉagawi. 14Ĩñerõcã cʉ̃ yʉcã ñucametʉanʉcãgʉ̃ nirẽrẽ eñogʉagawi. Merẽ cʉ̃rã yaye maquẽrẽ ñegʉagawi. Tairo tigʉ cʉ̃ mʉjãrẽ tiere wede tiere masĩñerõcã tigʉagawi. 15Nipetire yʉpacʉcã cʉore yayera nirõ ya. Tairo tigʉra yʉ mʉjãrẽ ‘Espíritu Santo yaye maquẽrẽ ñe, mʉjãrẽ tiere wede, masĩñerõcã tigʉagawi’ ĩãwʉ̃. 16Pẽrõgãsiro mʉjã yʉre ĩñanemoheriga. Buri nocãrõsãñurõmerã mʉjã upatuti yʉre ĩñanemorõãcu tamʉ ―ĩwĩ Jesús.
Jesúcã “mʉjãcã wãcũpasʉtire niãrigue ʉsearepe wasoaroacu” ĩ wederigue
17Cʉ̃cã tairo ĩ wedeñerõcã tʉora ʉ̃sã ĩcãrã cʉ̃ buera ʉ̃sãbasurupe abiro ĩ came sãĩñawʉ̃:
—¿Cʉ̃ marĩrẽ atiemena dairo ĩrugagʉ yari? Cʉ̃ marĩrẽ ‘pẽrõgãsiro mʉjã yʉre ĩñanemohericu; buri nocãrõsirogãmerã mʉjã yʉre upatuti ĩñanemorõãcu tamʉ’ ĩ́wĩ. Ĩñerõcã cʉ̃ marĩrẽ cʉ̃cã cʉ̃ Pacʉ cʉtiropʉ pʉtʉatemena ‘atie nipetire anorã abiro warodaro ya’ ĩ́wĩ. 18Ʉ̃sãbasurupe came abiro ĩnemosãwʉ̃:
—Marĩ tʉomasĩheri. ¿Cʉ̃ marĩrẽ dairo ĩrugagʉ yari ‘pẽrõgãsiro’ ĩgʉ̃? ―ĩwʉ̃.
19Jesúpe ʉ̃sãcã cʉ̃rẽ sãĩñarugarere masĩnigʉ̃ ʉ̃sãrẽ abiro ĩwĩ:
—Yʉ mʉjãrẽ ‘mʉjã yʉre pẽrõgãsiro ĩñanemohericu; buri nocãrõsirogãmerã mʉjã yʉre upatuti ĩñanemorõãcu tamʉ’ ĩãwʉ̃. ¿Atiera ñarĩ mʉjãbasurupe mʉjãcã came sãĩñarẽ? 20Yʉ mʉjãrẽ atiere queorora wedegʉda. Yʉcã cõwõãrẽmena mʉjãcã bʉtoro oti wãcũpasʉtiriwatoa atibʉreco macãrãpe bʉtoro ʉseara nirõãgawa. Buri bicapetacã mʉjãcã wãcũpasʉtire nimoãrigue sirosãñurõrẽ bʉtoro ʉsearepe wasoaroacu. 21Anorã abiro ña. Ĩcõ nomiõ cocã wĩmagʉ̃ cʉoatosʉguero niñerõcã pũniyogo bʉtoro wãcũpasʉtire tʉoiñagago. Buri cʉ̃ wĩmagʉ̃cã atibʉrecopʉ bajuariasiro cʉ̃rẽ ĩñagõ cocã pũniyoariguere acõbo bʉtoro ʉseagago. 22Mʉjãcã marĩcʉorore tora abirora bʉtoro wãcũpasʉtiremena nirã ya. Buri yʉpe mʉjãrẽ siro upatutira ĩñanemogʉacu tamʉ. Yʉcã tairo biñerõcã ĩñarã mʉjãye yeripũnarĩpʉre bʉtoro ʉseare cʉoroacu. Mʉjãcã tairo ʉsearemena nirẽrẽ icãta ĩcʉ̃nopera emamasĩherigawi. 23Tibʉreco eañerõcã mʉjã yʉre icãta ĩcãwãmenorẽ sãĩñaheriga. Mʉjãrẽ diamacãrã wede. Yʉpacʉ nipetirere mʉjãcã yawãmemena sãĩrẽrẽ tʉogʉ mʉjãcã sãĩrõrã abirora nipetirere nʉnigʉagawi. 24Mʉjã marĩcʉ̃ anocãrõjoromena yʉpacʉre icãta apeyeno yawãmemena sãĩherijomocã. Tairo tira marĩcʉorore yʉpacʉre yawãmemena sãĩña. Mʉjã cʉ̃rẽ tora abiro sãĩrã mʉjãcã sãĩãriguere cʉ̃cã mʉjãrẽ nʉnirẽrẽna mʉjã ñerõãcu. Tairo tira tiemena mʉjã bʉtoro ʉseacametʉara nirõãcu.
Jesúcã “yʉ atibʉreco maquẽ tutuarere cametʉanʉcãsiawʉ” ĩ wederigue
25”Atiere mʉjãrẽ queoriwãmemena wadora wedeawʉ. Buri marĩcʉoropere yʉcã queoremena wado wedeheri hora earo ya. Buripe ñurõ tʉomasĩrĩwãmemenape mʉjãrẽ yʉpacʉye maquẽrẽ wederiwatoa earo ya. 26Tibʉreco eañerõcã yʉpʉra mʉjãrẽ sãĩbosariwatoa niheriga sua. Mʉjãbasurupera yaye buerere quetaturibasoca ninirã yʉpacʉre yawãmemena sãĩrõãcu. 27Merẽ yʉpacʉbasurupera mʉjãrẽ maĩwĩ. Mʉjãrẽ tora abiro maĩwĩ yʉre mʉjãcã maĩrẽ wapa niñerõcã. Ĩñerõcã tairora mʉjãcã yʉre “cʉ̃ Manigʉ̃cã ticoyorigʉra ñawĩ” ĩ wedewõrã nirẽ wapa. 28Yʉpe yʉpacʉcã nirõpʉ nirigʉra atibʉrecopʉre watiwʉ. Tairo tigʉ marĩcʉorore tamʉ topʉmena watirigʉ ninigʉ̃ atibʉrecore cũmocã yʉpacʉ cʉtiropʉra cʉ̃mena nigʉ̃ wagʉ ya ―ĩ wedewi Jesús ʉ̃sãrẽ.
29Cʉ̃cã tairo ĩñerõcã tʉora ʉ̃sã cʉ̃ buerape cʉ̃rẽ abiro ĩwʉ̃:
—Mʉ marĩcʉoro docare ʉ̃sãrẽ queoremenape wedehegʉra ñurõ diamacãrã tʉomasĩboriwãmemenape ʉ̃sãrẽ wede. Tairo tira mʉcã wederere tʉomasĩ. 30Marĩcʉoromena mʉcã nipetirere masĩpetigʉ nirẽrẽ ʉ̃sã masĩ. Merẽ ʉ̃sãcã mʉrẽ sãĩñatosʉgueropʉra ʉ̃sãcã sãĩñaborere mʉ masĩsia. Tairo tira ‘Manigʉ̃rã cʉ̃rẽ ticoyi’ ĩ wedewõ ʉ̃sã mʉrẽ ĩwʉ̃.
31Ʉ̃sãcã tora abiro ĩñerõcã Jesúpe ʉ̃sãrẽ abiro ĩ yʉwi:
—¿Mʉjã marĩcʉoropʉra yʉre wedewõrã yari? 32¡Mʉjã ĩñaña! Merẽ marĩcʉorora mʉjãcã yʉre nipetirapʉra noborora cʉtʉweoriwatoa earo ya. Mʉjã yʉre ĩcʉ̃rẽna cũãnʉcõrõãcu. Buri mʉjãcã yʉre tairo ticapetacã yʉpe ĩcʉ̃rã pʉtʉaheriga; merẽ yʉpacʉra yʉmenarã ñawĩ. 33Yʉ mʉjãrẽ atie nipetirere wede yʉmena ĩcãrõ nirucũrẽmenarã mʉjãrẽ yerisãrẽ diamacã maquẽmena nirucũãro ĩgʉ̃. Marĩcʉ̃ mʉjãcã atibʉrecopʉra niñerõcãrẽ atibʉreco macãrã mʉjãrẽ bʉtoro posañerõcã tiroagawa. Cʉ̃jãcã tairo ticapetacã yʉmena wãcũtutuaya. Merẽ yʉ atibʉreco maquẽ tutuarere cametʉanʉcãsiawʉ ―ĩ wedewi Jesús ʉ̃sãrẽ.
Currently Selected:
Juan 16: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Juan 16
16
1”Yʉ mʉjãrẽ atie nipetirere wedeawʉ yʉre wedewõrucũmocãro ĩgʉ̃. 2Mʉjãrẽ judío basoca nirũpãrã mʉjãcã neãporiwiseripʉ wamoãriguere wadotihera cõãwiocomocãrãgawa. Tairora ĩcãrã mʉjãrẽ sĩãcõãriwatoa earoacu. Tairo sĩãcõãrã ‘marĩ Manigʉ̃cã borere tira ya’ ĩ wãcũrõãgawa. 3Cʉ̃jã mʉjãrẽ tora abiro tiroagawa yʉre, yʉpacʉcãrẽ ĩñamasĩherinirã. 4Mʉjãrẽ atiere anorã abiro wedesʉgue tiecã yʉcã wedeariarora abiro queoro wariwatoa eañerõcã ‘merẽ Jesús marĩrẽ atierena wedesiawi’ ĩ mʉjãcã wãcũãtora abiro.
Jesúcã Espíritu Santocã tirere wederigue
”Yʉ mʉjãrẽ atiere mamarõpʉre wedeheriwʉ marĩcʉ̃ mʉjãmenarã ninigʉ̃. 5Buri marĩcʉoropere yʉre ticorigʉmena nigʉ̃dagʉ cʉ̃ cʉtiropʉ wagʉ ya. Mʉjãpe yʉcã tairo ĩ wedecapetacãrã ĩcʉ̃nopera yʉre ‘¿mʉ nopʉ wagʉ yari?’ ĩ sãĩñaheri. 6Buripe mʉjã bʉtoro wãcũpasʉtiremena ña yʉcã ‘wagʉdagʉ ya’ ĩrẽrẽ tʉora, tiemaquẽpere mʉjã sãĩñaherinirã. 7Yʉ mʉjãrẽ diamacãrã wedegʉda. Yʉcã mʉjãrẽ waweoñerõcã docare ñujo. Yʉcã waheriñerõcãpere mʉjãrẽ titamurucũãcʉ mʉjãmena nirucũgʉ̃ watiherigawi. Buri yʉ warisuagʉ doca yʉbasurupera mʉjãrẽ cʉ̃rẽ ticogʉacu. 8-11Cʉ̃ Espíritu Santo watigʉpʉra basoca atibʉreco macãrãrẽ ‘yʉre wedewõhera ñañarẽ cʉora ñawã’ ĩ masĩñerõcã tigʉagawi. Ĩñerõcã yʉre ‘cʉ̃ icãta ñañarẽrẽ tiheriwi; tairo tigʉ wapa cʉoheriwi’ ĩ masĩñerõcã tigʉagawi. Tairora cʉ̃ Espíritu Santora ‘merẽ atibʉreco macãrã dotigʉre Manigʉ̃cã ñañarõ tiyoacʉpʉ ñawĩ’ ĩ masĩñerõcã tigʉagawi. Yʉpe yʉpacʉ cʉtiropʉ pʉtʉagʉ ya. Tairo tira mʉjã yʉre ĩñanemoheriga. 12Yʉcã mʉjãrẽ wederugamirẽ paje nimocãmi. Buri yʉcã marĩcʉorora mʉjãrẽ wedeñerõcãpere toquẽjorore mʉjã tʉomasĩcũtipeñaheri. 13Espíritu Santo diamacã maquẽrẽ masĩñerõcã tigʉ watigʉpʉra mʉjãrẽ nipetire diamacã maquẽrẽ ñurõ wedesʉguegʉagawi mʉjãcã diamacã maquẽmena nirucũãtora abiro. Cʉ̃ cʉ̃basurupe cʉ̃ye maquẽpere wedeherigawi. Buripe Manigʉ̃ yʉpacʉcã cʉ̃rẽ wededotirere cʉ̃cã tʉorepe wadorena wedegʉagawi. Ĩñerõcã tairora siropʉ biatecãrẽ mʉjãrẽ bue, masĩñerõcã tigʉagawi. 14Ĩñerõcã cʉ̃ yʉcã ñucametʉanʉcãgʉ̃ nirẽrẽ eñogʉagawi. Merẽ cʉ̃rã yaye maquẽrẽ ñegʉagawi. Tairo tigʉ cʉ̃ mʉjãrẽ tiere wede tiere masĩñerõcã tigʉagawi. 15Nipetire yʉpacʉcã cʉore yayera nirõ ya. Tairo tigʉra yʉ mʉjãrẽ ‘Espíritu Santo yaye maquẽrẽ ñe, mʉjãrẽ tiere wede, masĩñerõcã tigʉagawi’ ĩãwʉ̃. 16Pẽrõgãsiro mʉjã yʉre ĩñanemoheriga. Buri nocãrõsãñurõmerã mʉjã upatuti yʉre ĩñanemorõãcu tamʉ ―ĩwĩ Jesús.
Jesúcã “mʉjãcã wãcũpasʉtire niãrigue ʉsearepe wasoaroacu” ĩ wederigue
17Cʉ̃cã tairo ĩ wedeñerõcã tʉora ʉ̃sã ĩcãrã cʉ̃ buera ʉ̃sãbasurupe abiro ĩ came sãĩñawʉ̃:
—¿Cʉ̃ marĩrẽ atiemena dairo ĩrugagʉ yari? Cʉ̃ marĩrẽ ‘pẽrõgãsiro mʉjã yʉre ĩñanemohericu; buri nocãrõsirogãmerã mʉjã yʉre upatuti ĩñanemorõãcu tamʉ’ ĩ́wĩ. Ĩñerõcã cʉ̃ marĩrẽ cʉ̃cã cʉ̃ Pacʉ cʉtiropʉ pʉtʉatemena ‘atie nipetire anorã abiro warodaro ya’ ĩ́wĩ. 18Ʉ̃sãbasurupe came abiro ĩnemosãwʉ̃:
—Marĩ tʉomasĩheri. ¿Cʉ̃ marĩrẽ dairo ĩrugagʉ yari ‘pẽrõgãsiro’ ĩgʉ̃? ―ĩwʉ̃.
19Jesúpe ʉ̃sãcã cʉ̃rẽ sãĩñarugarere masĩnigʉ̃ ʉ̃sãrẽ abiro ĩwĩ:
—Yʉ mʉjãrẽ ‘mʉjã yʉre pẽrõgãsiro ĩñanemohericu; buri nocãrõsirogãmerã mʉjã yʉre upatuti ĩñanemorõãcu tamʉ’ ĩãwʉ̃. ¿Atiera ñarĩ mʉjãbasurupe mʉjãcã came sãĩñarẽ? 20Yʉ mʉjãrẽ atiere queorora wedegʉda. Yʉcã cõwõãrẽmena mʉjãcã bʉtoro oti wãcũpasʉtiriwatoa atibʉreco macãrãpe bʉtoro ʉseara nirõãgawa. Buri bicapetacã mʉjãcã wãcũpasʉtire nimoãrigue sirosãñurõrẽ bʉtoro ʉsearepe wasoaroacu. 21Anorã abiro ña. Ĩcõ nomiõ cocã wĩmagʉ̃ cʉoatosʉguero niñerõcã pũniyogo bʉtoro wãcũpasʉtire tʉoiñagago. Buri cʉ̃ wĩmagʉ̃cã atibʉrecopʉ bajuariasiro cʉ̃rẽ ĩñagõ cocã pũniyoariguere acõbo bʉtoro ʉseagago. 22Mʉjãcã marĩcʉorore tora abirora bʉtoro wãcũpasʉtiremena nirã ya. Buri yʉpe mʉjãrẽ siro upatutira ĩñanemogʉacu tamʉ. Yʉcã tairo biñerõcã ĩñarã mʉjãye yeripũnarĩpʉre bʉtoro ʉseare cʉoroacu. Mʉjãcã tairo ʉsearemena nirẽrẽ icãta ĩcʉ̃nopera emamasĩherigawi. 23Tibʉreco eañerõcã mʉjã yʉre icãta ĩcãwãmenorẽ sãĩñaheriga. Mʉjãrẽ diamacãrã wede. Yʉpacʉ nipetirere mʉjãcã yawãmemena sãĩrẽrẽ tʉogʉ mʉjãcã sãĩrõrã abirora nipetirere nʉnigʉagawi. 24Mʉjã marĩcʉ̃ anocãrõjoromena yʉpacʉre icãta apeyeno yawãmemena sãĩherijomocã. Tairo tira marĩcʉorore yʉpacʉre yawãmemena sãĩña. Mʉjã cʉ̃rẽ tora abiro sãĩrã mʉjãcã sãĩãriguere cʉ̃cã mʉjãrẽ nʉnirẽrẽna mʉjã ñerõãcu. Tairo tira tiemena mʉjã bʉtoro ʉseacametʉara nirõãcu.
Jesúcã “yʉ atibʉreco maquẽ tutuarere cametʉanʉcãsiawʉ” ĩ wederigue
25”Atiere mʉjãrẽ queoriwãmemena wadora wedeawʉ. Buri marĩcʉoropere yʉcã queoremena wado wedeheri hora earo ya. Buripe ñurõ tʉomasĩrĩwãmemenape mʉjãrẽ yʉpacʉye maquẽrẽ wederiwatoa earo ya. 26Tibʉreco eañerõcã yʉpʉra mʉjãrẽ sãĩbosariwatoa niheriga sua. Mʉjãbasurupera yaye buerere quetaturibasoca ninirã yʉpacʉre yawãmemena sãĩrõãcu. 27Merẽ yʉpacʉbasurupera mʉjãrẽ maĩwĩ. Mʉjãrẽ tora abiro maĩwĩ yʉre mʉjãcã maĩrẽ wapa niñerõcã. Ĩñerõcã tairora mʉjãcã yʉre “cʉ̃ Manigʉ̃cã ticoyorigʉra ñawĩ” ĩ wedewõrã nirẽ wapa. 28Yʉpe yʉpacʉcã nirõpʉ nirigʉra atibʉrecopʉre watiwʉ. Tairo tigʉ marĩcʉorore tamʉ topʉmena watirigʉ ninigʉ̃ atibʉrecore cũmocã yʉpacʉ cʉtiropʉra cʉ̃mena nigʉ̃ wagʉ ya ―ĩ wedewi Jesús ʉ̃sãrẽ.
29Cʉ̃cã tairo ĩñerõcã tʉora ʉ̃sã cʉ̃ buerape cʉ̃rẽ abiro ĩwʉ̃:
—Mʉ marĩcʉoro docare ʉ̃sãrẽ queoremenape wedehegʉra ñurõ diamacãrã tʉomasĩboriwãmemenape ʉ̃sãrẽ wede. Tairo tira mʉcã wederere tʉomasĩ. 30Marĩcʉoromena mʉcã nipetirere masĩpetigʉ nirẽrẽ ʉ̃sã masĩ. Merẽ ʉ̃sãcã mʉrẽ sãĩñatosʉgueropʉra ʉ̃sãcã sãĩñaborere mʉ masĩsia. Tairo tira ‘Manigʉ̃rã cʉ̃rẽ ticoyi’ ĩ wedewõ ʉ̃sã mʉrẽ ĩwʉ̃.
31Ʉ̃sãcã tora abiro ĩñerõcã Jesúpe ʉ̃sãrẽ abiro ĩ yʉwi:
—¿Mʉjã marĩcʉoropʉra yʉre wedewõrã yari? 32¡Mʉjã ĩñaña! Merẽ marĩcʉorora mʉjãcã yʉre nipetirapʉra noborora cʉtʉweoriwatoa earo ya. Mʉjã yʉre ĩcʉ̃rẽna cũãnʉcõrõãcu. Buri mʉjãcã yʉre tairo ticapetacã yʉpe ĩcʉ̃rã pʉtʉaheriga; merẽ yʉpacʉra yʉmenarã ñawĩ. 33Yʉ mʉjãrẽ atie nipetirere wede yʉmena ĩcãrõ nirucũrẽmenarã mʉjãrẽ yerisãrẽ diamacã maquẽmena nirucũãro ĩgʉ̃. Marĩcʉ̃ mʉjãcã atibʉrecopʉra niñerõcãrẽ atibʉreco macãrã mʉjãrẽ bʉtoro posañerõcã tiroagawa. Cʉ̃jãcã tairo ticapetacã yʉmena wãcũtutuaya. Merẽ yʉ atibʉreco maquẽ tutuarere cametʉanʉcãsiawʉ ―ĩ wedewi Jesús ʉ̃sãrẽ.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.