Juan 17
17
Jesús cʉ̃ bueraye niãte maquẽrẽ cʉ̃ Pacʉre sãĩbosarigue
1Jesús ʉ̃sã cʉ̃ buerare tiere wedetuwacogʉra ʉmʉãwesepʉ ĩñaemʉõco abiro ĩwĩ:
—Pacʉ, mʉcã yʉre ‘tairo waroacu’ ĩ queocũria hora earo ya. Tairo tigʉ basocare yʉ mʉmacʉ̃cã ñucametʉanʉcãgʉ̃, tutuacametʉanʉcãgʉ̃ nirẽrẽ eñoña; mʉcã tairo tiremena yʉpecã cʉ̃jãrẽ mʉcã ñucametʉanʉcãgʉ̃, tutuacametʉanʉcãgʉ̃ nirẽrẽ eñogʉacu. 2Mʉrã yʉre mʉmacʉ̃rẽ nipetira basoca atibʉreco macãrãrẽ dotimasĩrẽrẽ nʉniwʉ̃,#Mt 28:18; 1Co 15:27-28. nipetirare yʉre mʉcã nʉniriarare catire petiherere nʉniãro ĩgʉ̃. 3Cʉ̃jã cʉ̃jãcã mʉrẽ Manigʉ̃ diamacã macʉ̃ ĩcʉ̃ nigʉ̃rẽ ĩñamasĩrã earemena ĩñerõcã yʉ Jesucristore mʉcã ticoyorigʉcãrẽ ĩñamasĩrã earemena atie catire petiherere cʉoroagawa.#1Jn 2:3-6; 3:1, 6; 4:7-8; 5:20. 4Yʉ atiditapʉre mʉcã yʉre tidotiriguere queoro tiyapati. Tiemena mʉcã ñucametʉanʉcãgʉ̃ nirẽrẽ, tutuacametʉanʉcãgʉ̃ nirẽrẽ eñoãwʉ̃. 5Tairo tigʉ Pacʉ, atibʉrecocã niãtosʉgueropʉra mʉmena nigʉ̃ yʉcã niriawãmerã mʉ marĩcʉorocãrẽ yʉre tiere nʉniña tamʉ yʉcã mʉ cʉtiropʉ nigʉ̃ eawañerõcã.#Flp 2:9-11. 6Atibʉreco macãrã watoare mʉcã ñe yʉre wiyoriarare yʉ cʉ̃jãrẽ mʉrẽ masĩñerõcã ya.#Jn 6:37, 39. Mʉ cʉ̃jã mʉyara niriararena yʉre wiyowʉ. Cʉ̃jã mʉcã tidotiriguere nipetirere queoro yʉwa. 7Tairo tira cʉ̃jã marĩcʉorore nipetire yʉcã cʉorere mʉcã nʉnirĩguera ña ĩ masĩwã. 8Merẽ mʉcã yʉre wededoticoriguere cʉ̃jãrẽ wedewʉ. Cʉ̃jãpecã tiere tʉora, tʉo wedewõwã. Tairora yʉcã nirõrã mʉ cʉtiropʉmena watirigʉ nirẽrẽ diamacãrã masĩwã. Ĩñerõcã yʉre mʉrã ‘ticoyu’ ĩ wedewõwã.
9”Yʉ cʉ̃jãye maquẽ niãterena mʉrẽ sãĩ. Atibʉreco macãrã yʉre wedewõheraye niãte maquẽpere sãĩbosaheri. Yʉre wedewõrã, mʉcã yʉre wiyoriara mʉyarara ñawã. Tairo tigʉ mʉrẽ cʉ̃jãye maquẽ niãteperena sãĩbosa. 10Nipetira mʉyara nirã yarara ñawã. Yara nirãcã mʉyarara ñawã. Tairo tira cʉ̃jãcã tiremenarã yʉcã nijomocãgʉ̃ nirẽrẽ baunirõpʉ basocare masĩñerõcã yawa. 11Pacʉ, ñañarẽ cʉohegʉ pẽrõgãsiro yʉ atibʉrecopʉre manigʉacu. Merẽ mʉ cʉtiropʉ mʉmena nigʉ̃ wagʉdagʉ ya. Mʉcã yʉre nʉniriarape atibʉrecopʉra nirãdara yawa marĩcʉ̃. Tairo tigʉ mʉyawãmemena mʉcã tutuaremena cʉ̃jãrẽ ĩñanʉõña, marĩcã ĩcãrõrã nirucũrõrã abirora cʉ̃jãcã ĩcãrõrã nirucũãro ĩgʉ̃. 12Yʉ cʉ̃jãmena atibʉrecopʉre nigʉ̃ mʉcã yʉre tutuare nʉniriguemena cʉ̃jãrẽ ĩñanʉõ ñurõ coteawʉ cʉ̃jãrẽ ñañarẽ waherimocãro ĩgʉ̃. Icãta ĩcʉ̃norẽ ditiñerõcã tiheriawʉ. Buri ĩcʉ̃rã matapʉra ditiacʉ nirigʉ wadora ditiwi. Tairo tiro cʉ̃mena mʉye wederucũrẽrẽ ojayoriapũpʉ ĩriarora abirora wawʉ.
13”Marĩcʉorore yʉ mʉ cʉtiropʉ nigʉ̃ wagʉdagʉ ya. Bicapeicã atibʉrecopʉre cʉ̃jãmenarã nigʉ̃rã atiere abiro ĩ yʉcã ʉseare cʉocametʉagʉ nirõrã abirora cʉ̃jãcãrẽ ʉseare cʉocametʉara niãro ĩgʉ̃. 14Mʉcã yʉre wededoticoriguere cʉ̃jãrẽ wedeawʉ. Buri yʉcã atibʉreco macʉ̃ niherora abirora yʉre wedewõrãrẽ cʉ̃jãcã atibʉreco macãrã niheriñerõcã atibʉreco macãrãpe cʉ̃jãrẽ ĩñatutiwa. 15‘Cʉ̃jã atibʉreco macãrã watoapʉ nirãrẽ mʉ cʉtiropʉ mata newaya’ ĩ sãĩheri. Buripe ‘cʉ̃jãrẽ ñañagʉ̃cã ñañarẽ tiborere acuta cametʉoya’ ĩ sãĩbosa. 16Yʉcã atibʉreco macʉ̃ niherora abirora cʉ̃jã yʉre wedewõrãcã atibʉreco macãrãrã niheriwa. 17Mʉbasurupera mʉyarare mʉye diamacã maquẽ nirẽmena ñañarẽ cʉohera niñerõcã tiya, mʉcã borere tiana niñerõcã tigʉ. Merẽ mʉye wederucũrẽrã diamacã maquẽ nirẽ ña. 18Mʉcã yʉre mʉye quetire atibʉrecopʉ macãrãrẽ wededoticogʉ ticoriarora abirora yʉcã ãnijãrẽ yʉre wedewõrãrẽ mʉye quetire atibʉreco macãrãrẽ wededotigʉ tico. 19Yʉ cʉ̃jãye niãte maquẽrẽna tigʉ, mʉcã borora abiro tirucũgʉ̃, ya ũpʉ̃rẽ wiyo cʉ̃jãcãrẽ yʉcã tirora abirora diamacã maquẽrẽna mʉcã borerena tirucũrã nirã earo ĩgʉ̃.
20”Mʉrẽ ãnijãye maquẽ niãte wadorena sãĩbosagʉmerã ya. Nipetira basoca ãnijãcã mʉye quetire wedeñerõcã tiere tʉo wedewõãnaye maquẽcãrẽ mʉrẽ sãĩbosagʉ ya.
21”Yʉ mʉrẽ atiere cʉ̃jãrẽ sãĩbosa, yʉre wedewõrã nipetirare ĩcãrõmena came nirucũmocãro ĩgʉ̃. Pacʉ, mʉ yʉpacʉcã yʉpʉre, yʉpecã mʉpʉre marĩcã ĩcãrõrã nirucũrõrã abirora cʉ̃jãcãrẽ marĩpʉre ĩcãrõrã nirucũñerõcã tiya atibʉreco macãrãcã yʉre ‘mʉcã ticoyorigʉra ñawĩ’ ĩ wedewõãtora abiro. 22Tairora ñʉcametʉagʉ nirẽrẽ yʉre eñoriarora abirora yʉcã cʉ̃jãrẽ tiere eñoãwʉ̃,#2Co 3:18; 2Pe 1:4. yʉcã mʉmena ĩcãrõrã nirucũrõrã abirora cʉ̃jãcãrẽ ĩcãrõrã came nirucũãro ĩgʉ̃. 23Yʉpe cʉ̃jãpʉre ña. Mʉpecã yʉpʉre ña. Tairo tigʉ mʉ cʉ̃jãrẽ ĩcãrõrã nirucũñerõcã tiya. Mʉcã cʉ̃jãrẽ tairo tiñerõcã atibʉreco macãrã yʉre mʉcã ticoyorigʉra nirẽrẽ ĩñerõcã mʉcã yʉre maĩrõrã abirora yʉre wedeworãcãrẽ mʉcã maĩrẽrẽ masĩrõãgawa. 24Pacʉ, mʉrã yʉre cʉ̃jãrẽ nʉniwʉ̃. Tairo tigʉ cʉ̃jãrẽ yʉcã niãtopʉra niñerõcã bo mʉcã yʉre mʉyere ñucametuarere atibʉrecore tiatosʉguropʉra nʉniriguere ĩñaro ĩgʉ̃. Merẽ mʉcã atibʉrecore tiatosʉgueropʉra yʉre mʉ maĩsocoatisiawʉ. 25Pacʉ, nipetirere ĩcãrõpe tigʉ, atibʉreco macãrã mʉrẽ ĩñamasĩheriwa. Buri yʉpe mʉrẽ ĩñamasĩ. Ãnijã ya buera yʉre mʉcã ticoyorigʉra nirẽrẽ masĩwã. 26Cʉ̃jãrẽ mʉrẽ ĩñamasĩñerõcã tiawʉ. Buri tairora cʉ̃jãmena yʉ ĩcãrõ nirucũgʉ̃ cʉ̃jãrẽ mʉrẽ ĩñamasĩñerõcã tirucũmocãgʉacu, marĩcã came maĩrõrã abirora cʉ̃jãcã cʉ̃jãbasurupe came maĩrucũãro ĩgʉ̃ ―ĩ ñubuewi Jesús.
Currently Selected:
Juan 17: yui
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.
Juan 17
17
Jesús cʉ̃ bueraye niãte maquẽrẽ cʉ̃ Pacʉre sãĩbosarigue
1Jesús ʉ̃sã cʉ̃ buerare tiere wedetuwacogʉra ʉmʉãwesepʉ ĩñaemʉõco abiro ĩwĩ:
—Pacʉ, mʉcã yʉre ‘tairo waroacu’ ĩ queocũria hora earo ya. Tairo tigʉ basocare yʉ mʉmacʉ̃cã ñucametʉanʉcãgʉ̃, tutuacametʉanʉcãgʉ̃ nirẽrẽ eñoña; mʉcã tairo tiremena yʉpecã cʉ̃jãrẽ mʉcã ñucametʉanʉcãgʉ̃, tutuacametʉanʉcãgʉ̃ nirẽrẽ eñogʉacu. 2Mʉrã yʉre mʉmacʉ̃rẽ nipetira basoca atibʉreco macãrãrẽ dotimasĩrẽrẽ nʉniwʉ̃,#Mt 28:18; 1Co 15:27-28. nipetirare yʉre mʉcã nʉniriarare catire petiherere nʉniãro ĩgʉ̃. 3Cʉ̃jã cʉ̃jãcã mʉrẽ Manigʉ̃ diamacã macʉ̃ ĩcʉ̃ nigʉ̃rẽ ĩñamasĩrã earemena ĩñerõcã yʉ Jesucristore mʉcã ticoyorigʉcãrẽ ĩñamasĩrã earemena atie catire petiherere cʉoroagawa.#1Jn 2:3-6; 3:1, 6; 4:7-8; 5:20. 4Yʉ atiditapʉre mʉcã yʉre tidotiriguere queoro tiyapati. Tiemena mʉcã ñucametʉanʉcãgʉ̃ nirẽrẽ, tutuacametʉanʉcãgʉ̃ nirẽrẽ eñoãwʉ̃. 5Tairo tigʉ Pacʉ, atibʉrecocã niãtosʉgueropʉra mʉmena nigʉ̃ yʉcã niriawãmerã mʉ marĩcʉorocãrẽ yʉre tiere nʉniña tamʉ yʉcã mʉ cʉtiropʉ nigʉ̃ eawañerõcã.#Flp 2:9-11. 6Atibʉreco macãrã watoare mʉcã ñe yʉre wiyoriarare yʉ cʉ̃jãrẽ mʉrẽ masĩñerõcã ya.#Jn 6:37, 39. Mʉ cʉ̃jã mʉyara niriararena yʉre wiyowʉ. Cʉ̃jã mʉcã tidotiriguere nipetirere queoro yʉwa. 7Tairo tira cʉ̃jã marĩcʉorore nipetire yʉcã cʉorere mʉcã nʉnirĩguera ña ĩ masĩwã. 8Merẽ mʉcã yʉre wededoticoriguere cʉ̃jãrẽ wedewʉ. Cʉ̃jãpecã tiere tʉora, tʉo wedewõwã. Tairora yʉcã nirõrã mʉ cʉtiropʉmena watirigʉ nirẽrẽ diamacãrã masĩwã. Ĩñerõcã yʉre mʉrã ‘ticoyu’ ĩ wedewõwã.
9”Yʉ cʉ̃jãye maquẽ niãterena mʉrẽ sãĩ. Atibʉreco macãrã yʉre wedewõheraye niãte maquẽpere sãĩbosaheri. Yʉre wedewõrã, mʉcã yʉre wiyoriara mʉyarara ñawã. Tairo tigʉ mʉrẽ cʉ̃jãye maquẽ niãteperena sãĩbosa. 10Nipetira mʉyara nirã yarara ñawã. Yara nirãcã mʉyarara ñawã. Tairo tira cʉ̃jãcã tiremenarã yʉcã nijomocãgʉ̃ nirẽrẽ baunirõpʉ basocare masĩñerõcã yawa. 11Pacʉ, ñañarẽ cʉohegʉ pẽrõgãsiro yʉ atibʉrecopʉre manigʉacu. Merẽ mʉ cʉtiropʉ mʉmena nigʉ̃ wagʉdagʉ ya. Mʉcã yʉre nʉniriarape atibʉrecopʉra nirãdara yawa marĩcʉ̃. Tairo tigʉ mʉyawãmemena mʉcã tutuaremena cʉ̃jãrẽ ĩñanʉõña, marĩcã ĩcãrõrã nirucũrõrã abirora cʉ̃jãcã ĩcãrõrã nirucũãro ĩgʉ̃. 12Yʉ cʉ̃jãmena atibʉrecopʉre nigʉ̃ mʉcã yʉre tutuare nʉniriguemena cʉ̃jãrẽ ĩñanʉõ ñurõ coteawʉ cʉ̃jãrẽ ñañarẽ waherimocãro ĩgʉ̃. Icãta ĩcʉ̃norẽ ditiñerõcã tiheriawʉ. Buri ĩcʉ̃rã matapʉra ditiacʉ nirigʉ wadora ditiwi. Tairo tiro cʉ̃mena mʉye wederucũrẽrẽ ojayoriapũpʉ ĩriarora abirora wawʉ.
13”Marĩcʉorore yʉ mʉ cʉtiropʉ nigʉ̃ wagʉdagʉ ya. Bicapeicã atibʉrecopʉre cʉ̃jãmenarã nigʉ̃rã atiere abiro ĩ yʉcã ʉseare cʉocametʉagʉ nirõrã abirora cʉ̃jãcãrẽ ʉseare cʉocametʉara niãro ĩgʉ̃. 14Mʉcã yʉre wededoticoriguere cʉ̃jãrẽ wedeawʉ. Buri yʉcã atibʉreco macʉ̃ niherora abirora yʉre wedewõrãrẽ cʉ̃jãcã atibʉreco macãrã niheriñerõcã atibʉreco macãrãpe cʉ̃jãrẽ ĩñatutiwa. 15‘Cʉ̃jã atibʉreco macãrã watoapʉ nirãrẽ mʉ cʉtiropʉ mata newaya’ ĩ sãĩheri. Buripe ‘cʉ̃jãrẽ ñañagʉ̃cã ñañarẽ tiborere acuta cametʉoya’ ĩ sãĩbosa. 16Yʉcã atibʉreco macʉ̃ niherora abirora cʉ̃jã yʉre wedewõrãcã atibʉreco macãrãrã niheriwa. 17Mʉbasurupera mʉyarare mʉye diamacã maquẽ nirẽmena ñañarẽ cʉohera niñerõcã tiya, mʉcã borere tiana niñerõcã tigʉ. Merẽ mʉye wederucũrẽrã diamacã maquẽ nirẽ ña. 18Mʉcã yʉre mʉye quetire atibʉrecopʉ macãrãrẽ wededoticogʉ ticoriarora abirora yʉcã ãnijãrẽ yʉre wedewõrãrẽ mʉye quetire atibʉreco macãrãrẽ wededotigʉ tico. 19Yʉ cʉ̃jãye niãte maquẽrẽna tigʉ, mʉcã borora abiro tirucũgʉ̃, ya ũpʉ̃rẽ wiyo cʉ̃jãcãrẽ yʉcã tirora abirora diamacã maquẽrẽna mʉcã borerena tirucũrã nirã earo ĩgʉ̃.
20”Mʉrẽ ãnijãye maquẽ niãte wadorena sãĩbosagʉmerã ya. Nipetira basoca ãnijãcã mʉye quetire wedeñerõcã tiere tʉo wedewõãnaye maquẽcãrẽ mʉrẽ sãĩbosagʉ ya.
21”Yʉ mʉrẽ atiere cʉ̃jãrẽ sãĩbosa, yʉre wedewõrã nipetirare ĩcãrõmena came nirucũmocãro ĩgʉ̃. Pacʉ, mʉ yʉpacʉcã yʉpʉre, yʉpecã mʉpʉre marĩcã ĩcãrõrã nirucũrõrã abirora cʉ̃jãcãrẽ marĩpʉre ĩcãrõrã nirucũñerõcã tiya atibʉreco macãrãcã yʉre ‘mʉcã ticoyorigʉra ñawĩ’ ĩ wedewõãtora abiro. 22Tairora ñʉcametʉagʉ nirẽrẽ yʉre eñoriarora abirora yʉcã cʉ̃jãrẽ tiere eñoãwʉ̃,#2Co 3:18; 2Pe 1:4. yʉcã mʉmena ĩcãrõrã nirucũrõrã abirora cʉ̃jãcãrẽ ĩcãrõrã came nirucũãro ĩgʉ̃. 23Yʉpe cʉ̃jãpʉre ña. Mʉpecã yʉpʉre ña. Tairo tigʉ mʉ cʉ̃jãrẽ ĩcãrõrã nirucũñerõcã tiya. Mʉcã cʉ̃jãrẽ tairo tiñerõcã atibʉreco macãrã yʉre mʉcã ticoyorigʉra nirẽrẽ ĩñerõcã mʉcã yʉre maĩrõrã abirora yʉre wedeworãcãrẽ mʉcã maĩrẽrẽ masĩrõãgawa. 24Pacʉ, mʉrã yʉre cʉ̃jãrẽ nʉniwʉ̃. Tairo tigʉ cʉ̃jãrẽ yʉcã niãtopʉra niñerõcã bo mʉcã yʉre mʉyere ñucametuarere atibʉrecore tiatosʉguropʉra nʉniriguere ĩñaro ĩgʉ̃. Merẽ mʉcã atibʉrecore tiatosʉgueropʉra yʉre mʉ maĩsocoatisiawʉ. 25Pacʉ, nipetirere ĩcãrõpe tigʉ, atibʉreco macãrã mʉrẽ ĩñamasĩheriwa. Buri yʉpe mʉrẽ ĩñamasĩ. Ãnijã ya buera yʉre mʉcã ticoyorigʉra nirẽrẽ masĩwã. 26Cʉ̃jãrẽ mʉrẽ ĩñamasĩñerõcã tiawʉ. Buri tairora cʉ̃jãmena yʉ ĩcãrõ nirucũgʉ̃ cʉ̃jãrẽ mʉrẽ ĩñamasĩñerõcã tirucũmocãgʉacu, marĩcã came maĩrõrã abirora cʉ̃jãcã cʉ̃jãbasurupe came maĩrucũãro ĩgʉ̃ ―ĩ ñubuewi Jesús.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© 2026, SIL Global. All rights reserved.