Matayi 15
15
Bafalisi na kinkulu
(Mlk 7.1-13)
1Buna Bafalisi na milongisi mi Misiku bafuma ku mbanza Yelusalemi, bayiza yenikina Yesu na bamuteela ti: 2«Bila nki milongoki myaku mikwe lembolo vumininanga kinkulu ki zinkaka zeto e? Mu dyambu ti bakwe sukulanga moko ko tekila ba dya.» 3Yesu wubavutudila ti: «Kadi yeno, bila nki lukwe tinguninanga ntumunu zi Nzambi, na lukwe sadilanga kwandi kinkulu kyeno e? 4Mu dyambu ti, Nzambi wuta ti: “Vumina tata aku na ngudi aku, mpe Yondowo singidi tata andi hoti ngudi andi bafweti mu honda.” 5Kadi yeno, lukwe tanga ti muntu teedi ku tata andi hoti ku ngudi andi ti: “Kima ki naketi kuhaana mu kusadisa, munkayulu we haana ku Nzambi”, 6na luheeni luve ku muntu bewowo mu lembolo vumina tata andi [hoti ngudi andi]. Ni bwabobo lukwe bikilanga Mambu ma Nzambi mu sadila kinkulu kyeno. 7Yeno banga diisu ku nsye lukaya! Yesaya wutoma lubikudila, bu kata ti:
8“Bantu bebaba
bakwe nzitisanga kwandi mu bikoba,
kansi mitima myawu mitatuka na meno.
9Mumpamba bakwe nzitisilanga,
Mu dyambu ti Misiku mi bakwe longanga, ntumunu zi bantu kwandi zidi.”»
10Mboki Yesu wutumisa mpumbu yi bantu na wubateela ti: «Yuweno na bakuleeno: 11Ka bikwe kotanga mu munwa ko bikwe sumunanga muntu, kansi ni bikwe duukanga mu munwa bikwe sumunanga muntu.» 12Buna milongoki myandi miyiza muteela ti: «Zebi ti misamu miteedi mitesisi Bafalisi sakuba e?» 13Wuvutula ti: «Wonso muti wulembolo kuna Tata ani di ku mazulu waabavuza. 14Babikeeno: mpofo zinani zidi. Tala ti mpofo wuna nata munandi mpofo, ya babole baa kwe bwa mu bulu.» 15Petelo wumuteela ti: «Tuhaana mbangudulu yi kingana bekiki.» 16Yesu wuvutula ti: «Yeno mpe lusidi dyaka na madyela ko e? 17Yeno luzebi ko ti kyonso kima kikwe kotanga mu munwa wu muntu, mu moyo kikwe kwendanga, kumanima muntu mbo kalosa kyo ku mbazi e? 18Kansi misamu mikwe duukanga ha munwa mikwe fumanga ku nsye mutima wu muntu, na myamyomyo mikwe sumunanga muntu. 19Ni ku nsye mutima ku kwe fumanga mbanzulu zimbi, kuhonda, kinsuza, kindumba, bwivi, bimbangi bi luvunu, na bituku. 20Misamu myamyomyo mikwe sumunanga muntu, kansi kudya kulembolo sukudulu moko kulendi sumuna muntu ko.»
Kiminu ki mukento mwisi-Kaana
(Mlk 7.24-30)
21Mboki Yesu wukatuka huma behoho na wuyenda ku kizunga ki zimbanza Tile na Sidoni. 22Mukento wumosi wu mwisi-Kaana wedi zakalanga mu kizunga bekyokyo, wuyiza ku yandi na wuzonza mu ndinga yingolo ti: «Mfumu, Mwana Davidi, wumfwila nkenda! Mpeve yimbi yina toma kwamisa mwana ani wu mukento!» 23Kansi Yesu kamuvutudila nakani musamu ko. Milongoki myandi mifinama mu muteela ti: «Muvutula, mu dyambu ti lusuku kana kwe tusidi kumanima.» 24Yesu wuvutula ti: «Ku mameme mazimbala ma nzo yi Isaeli kaka bamfidisa.»
25Kansi mukento bewowo wuyiza fukama ha ntadisi andi na wuta ti: «Mfumu, nsadisa!» 26Wumuvutudila ti: «Ka bumbote ko mu bonga dimpa di baala, na mulosa dyo ku baala bambwa.» 27Mukento wumuvutudila ti: «Mfumu, wukedika wudi. Kansi baala bambwa bakwe dyanga nsyebodi zimampa zikwe sotokanga ku nsye meza ma zimfumu zawu.» 28Buna Yesu wumuteela ti: «Ee, mama! Kiminu kyaku kikinene kidi! Bika musamu wu naaku nsatu wuhilama bonso butidi.» Mu kilokola bekyokyo kwandi, mwana andi wu mukento wunyaka.
Yesu wunyakisa mbevo zizingi
29Yesu wukatuka huma behoho na wedi kwe yenzi mu kumu di mubu wu Ngalili. Wutomboka ha yulu mulandu na wuzakala. 30Mpumbu zi bantu zi yiza ha kaba, na bamutwadila bikata, zimpofo, baa na byeta, mababa, na mbevo zizingi zihiika mpe. Bayiza batuula ha malu ma Yesu, na wubanyakisa. 31Mpumbu zi bantu zi yituku bu bayena ti mababa mazonzidi, bikata bidyeti, baa na byeta banyeki, mpe zimpofo ziyeni. Bantu ba zitisa Nzambi yi Isaeli.
Yesu wudikila mafunda maya ma babakala
(Mlk 8.1-10)
32Yesu wutumisa milongoki myandi, na wubateela ti: «Kyadi kikingi nina yenina mpumbu yi bantu beyiyi, mu dyambu ti ki ni kilumbu ki bitatu ki baa kintwadi nani, mpe bana kima kye dya ko. Mpe ntiidi mu bavutula na nsatu ko, balenda kwenda yena mpasi mu nzila.» 33Milongoki mi mufuula ti: «Kwedi twabakila dimpa dilenda dya na yukutisa nza mpumbu yi bantu beyiyi e? Kibuka kitudi ha kima ko.» 34Yesu wubafuula ti: «Mampa makwa maa neeno e?» Bamuvutudila ti: «Nsambwadi, na mwa mbizi zifyoti.» 35Wulomba ku mpumbu yi bantu bazakala ha nsi. 36Mboki wubonga mampa nsambwadi na zimbizi, wuvutula matondo. Wubukuna mo na wuhaana mo ku milongoki myandi. Mboki milongoki mi kabula byo ku mpumbu yi bantu. 37Bamvimba badya, bayukuta, na batota mikuta nsambwadi mi baludisa mu bibuku bisadila. 38Bantu badya, baba mafunda maya ma babakala, kondo mutanga bakento na baala bafyoti. 39Ku manima, Yesu wumana vutula mpumbu yi bantu, mboki wukota mu mulungu, na wuyenda ku kizunga ki Mangadana.
Currently Selected:
Matayi 15: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Matayi 15
15
Bafalisi na kinkulu
(Mlk 7.1-13)
1Buna Bafalisi na milongisi mi Misiku bafuma ku mbanza Yelusalemi, bayiza yenikina Yesu na bamuteela ti: 2«Bila nki milongoki myaku mikwe lembolo vumininanga kinkulu ki zinkaka zeto e? Mu dyambu ti bakwe sukulanga moko ko tekila ba dya.» 3Yesu wubavutudila ti: «Kadi yeno, bila nki lukwe tinguninanga ntumunu zi Nzambi, na lukwe sadilanga kwandi kinkulu kyeno e? 4Mu dyambu ti, Nzambi wuta ti: “Vumina tata aku na ngudi aku, mpe Yondowo singidi tata andi hoti ngudi andi bafweti mu honda.” 5Kadi yeno, lukwe tanga ti muntu teedi ku tata andi hoti ku ngudi andi ti: “Kima ki naketi kuhaana mu kusadisa, munkayulu we haana ku Nzambi”, 6na luheeni luve ku muntu bewowo mu lembolo vumina tata andi [hoti ngudi andi]. Ni bwabobo lukwe bikilanga Mambu ma Nzambi mu sadila kinkulu kyeno. 7Yeno banga diisu ku nsye lukaya! Yesaya wutoma lubikudila, bu kata ti:
8“Bantu bebaba
bakwe nzitisanga kwandi mu bikoba,
kansi mitima myawu mitatuka na meno.
9Mumpamba bakwe nzitisilanga,
Mu dyambu ti Misiku mi bakwe longanga, ntumunu zi bantu kwandi zidi.”»
10Mboki Yesu wutumisa mpumbu yi bantu na wubateela ti: «Yuweno na bakuleeno: 11Ka bikwe kotanga mu munwa ko bikwe sumunanga muntu, kansi ni bikwe duukanga mu munwa bikwe sumunanga muntu.» 12Buna milongoki myandi miyiza muteela ti: «Zebi ti misamu miteedi mitesisi Bafalisi sakuba e?» 13Wuvutula ti: «Wonso muti wulembolo kuna Tata ani di ku mazulu waabavuza. 14Babikeeno: mpofo zinani zidi. Tala ti mpofo wuna nata munandi mpofo, ya babole baa kwe bwa mu bulu.» 15Petelo wumuteela ti: «Tuhaana mbangudulu yi kingana bekiki.» 16Yesu wuvutula ti: «Yeno mpe lusidi dyaka na madyela ko e? 17Yeno luzebi ko ti kyonso kima kikwe kotanga mu munwa wu muntu, mu moyo kikwe kwendanga, kumanima muntu mbo kalosa kyo ku mbazi e? 18Kansi misamu mikwe duukanga ha munwa mikwe fumanga ku nsye mutima wu muntu, na myamyomyo mikwe sumunanga muntu. 19Ni ku nsye mutima ku kwe fumanga mbanzulu zimbi, kuhonda, kinsuza, kindumba, bwivi, bimbangi bi luvunu, na bituku. 20Misamu myamyomyo mikwe sumunanga muntu, kansi kudya kulembolo sukudulu moko kulendi sumuna muntu ko.»
Kiminu ki mukento mwisi-Kaana
(Mlk 7.24-30)
21Mboki Yesu wukatuka huma behoho na wuyenda ku kizunga ki zimbanza Tile na Sidoni. 22Mukento wumosi wu mwisi-Kaana wedi zakalanga mu kizunga bekyokyo, wuyiza ku yandi na wuzonza mu ndinga yingolo ti: «Mfumu, Mwana Davidi, wumfwila nkenda! Mpeve yimbi yina toma kwamisa mwana ani wu mukento!» 23Kansi Yesu kamuvutudila nakani musamu ko. Milongoki myandi mifinama mu muteela ti: «Muvutula, mu dyambu ti lusuku kana kwe tusidi kumanima.» 24Yesu wuvutula ti: «Ku mameme mazimbala ma nzo yi Isaeli kaka bamfidisa.»
25Kansi mukento bewowo wuyiza fukama ha ntadisi andi na wuta ti: «Mfumu, nsadisa!» 26Wumuvutudila ti: «Ka bumbote ko mu bonga dimpa di baala, na mulosa dyo ku baala bambwa.» 27Mukento wumuvutudila ti: «Mfumu, wukedika wudi. Kansi baala bambwa bakwe dyanga nsyebodi zimampa zikwe sotokanga ku nsye meza ma zimfumu zawu.» 28Buna Yesu wumuteela ti: «Ee, mama! Kiminu kyaku kikinene kidi! Bika musamu wu naaku nsatu wuhilama bonso butidi.» Mu kilokola bekyokyo kwandi, mwana andi wu mukento wunyaka.
Yesu wunyakisa mbevo zizingi
29Yesu wukatuka huma behoho na wedi kwe yenzi mu kumu di mubu wu Ngalili. Wutomboka ha yulu mulandu na wuzakala. 30Mpumbu zi bantu zi yiza ha kaba, na bamutwadila bikata, zimpofo, baa na byeta, mababa, na mbevo zizingi zihiika mpe. Bayiza batuula ha malu ma Yesu, na wubanyakisa. 31Mpumbu zi bantu zi yituku bu bayena ti mababa mazonzidi, bikata bidyeti, baa na byeta banyeki, mpe zimpofo ziyeni. Bantu ba zitisa Nzambi yi Isaeli.
Yesu wudikila mafunda maya ma babakala
(Mlk 8.1-10)
32Yesu wutumisa milongoki myandi, na wubateela ti: «Kyadi kikingi nina yenina mpumbu yi bantu beyiyi, mu dyambu ti ki ni kilumbu ki bitatu ki baa kintwadi nani, mpe bana kima kye dya ko. Mpe ntiidi mu bavutula na nsatu ko, balenda kwenda yena mpasi mu nzila.» 33Milongoki mi mufuula ti: «Kwedi twabakila dimpa dilenda dya na yukutisa nza mpumbu yi bantu beyiyi e? Kibuka kitudi ha kima ko.» 34Yesu wubafuula ti: «Mampa makwa maa neeno e?» Bamuvutudila ti: «Nsambwadi, na mwa mbizi zifyoti.» 35Wulomba ku mpumbu yi bantu bazakala ha nsi. 36Mboki wubonga mampa nsambwadi na zimbizi, wuvutula matondo. Wubukuna mo na wuhaana mo ku milongoki myandi. Mboki milongoki mi kabula byo ku mpumbu yi bantu. 37Bamvimba badya, bayukuta, na batota mikuta nsambwadi mi baludisa mu bibuku bisadila. 38Bantu badya, baba mafunda maya ma babakala, kondo mutanga bakento na baala bafyoti. 39Ku manima, Yesu wumana vutula mpumbu yi bantu, mboki wukota mu mulungu, na wuyenda ku kizunga ki Mangadana.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.