Luka 2
2
Mbutukulu yi Yesu
(Mat 1.18-25)
1Mu ntangu beyoyo, mfumu Kayisali Angustu wuhaana lutumu, mu zaba lutangu lu bantu bamvimba ba nsi zi mu luyaalu lwandi. 2Lutangu belolo, lusalama, buna Kilinyuse wu mfumu mu kizunga ki Siliya. 3Bantu bamvimba bedi kwenda sonama, muntu-muntu ku yandi mbanza yi kabutukila. 4Yosefi mpe wukatuka ku Nazaleti, mbanza yi kizunga ki Ngalili na wuyenda ku kizunga ki Yuda, ku mbanza yi nkumbu Betelemi, mu dyambu ti, wuba mwisi kanda di Davidi, 5mwanki ka kisonikisa na Maliya, wu kasila nsilulu yi makwela, wuba na zimi. 6Buna bakidi ku Betelemi, ntangu yi Maliya ye buta yitula. 7Maliya wubuta mwana wubakala, ni mwana andi wuntete. Wumuzinga mulele na wumulambikisa mu kati di kidikulu ki bibulu, mu dyambu ti babaka kibuka mu nzo yi banzenza ko.
Mbazi yiyenikina mimvungi
8Mu kizunga bekyokyo kwandi, kuba na mimvungi myedi kenganga mpimpa yimvimba bibulu byawu mu zimfuba. 9Mbazi yi Mfumu yi bayenikina, mpe nkembo Mfumu wu lezima na wu bazungidila. Mboki, bayena bunkuta bubwingi. 10Kansi mbazi yibateela ti: «Lubandi na bunkuta ko! Mu dyambu ti nalutwadidi musamu wumbote wa yangidika bantu babingi: 11mu mpimpa beyiyi, ku mbanza Davidi, balubutidi Mumvukisi eno, ni Klisto, Mfumu. 12Mu kidimbu eki lwaamuzabila: Luna yena mwana wunsombe wuba zingidi mulele, mpe bamulambikisi mu kidikulu ki bibulu.»
13Bayitukulu kwawu, kamba di zimbazi diyiza bundana na mbazi yitekila nawu, bakembila Nzambi ebu:
14«Nkembo ku Nzambi mu mazulu
ye kiyenge ha butoto ku bantu bazolakana.»
Mimvungi miyenda ku Betelemi
15Zimbazi bu zisa basisa, zivutuka ku yulu na mimvungi mitelasana: «Twendeeno tii ku Betelemi mu tala nkye misamu mihyokidi kooko, misamu mitutedidi Mfumu.» 16Buna bayenda mu muswalu na bayenda yena Maliya, Yosefi na mwana wubalambikisa mu kidikulu ki bibulu. 17Bu bayena mwana, bayala mpolo yi misamu mimvimba mi bateela mbazi mu dyambu di mwana. 18Bantu bamvimba bayuwa misamu mita mimvungi bayituku. 19Maliya wulunda misamu bemyomyo mu mutima andi na wusosa muzaba mbangudulu. 20Mboki mimvungi mivutuka. Bakembila na basiika Nzambi mu mimvimba mi bayuwa na mi bayena, mu dyambu ti mimvimba miyenda detila bonso bu bateela myo mbazi.
Bahaana mwana nkumbu yi Yesu
21Mwana bu kalungisa bilumbu nana, bamuzenga bubakala bwandi na bamuhaana nkumbu yi Yesu, bonso ntumunu zi muheeka mbazi tekila ngudi andi kabaka zimi.
Yosefi na Maliya banata Yesu ku nzo-Nzambi
22Bilumbu bye vedisa nitu bu bilunga, bonso budi musiku wu Mose, Yosefi na Maliya banata mwana ku Yelusalemi, mwanki bamulonka ha ntadisi yi Mfumu, 23bonso busonama mu Misiku mi Mfumu ti: «Wonso mwana wu bakala wa butuka wuntete wufweti ba mvwilu yi Mfumu.» 24Mboki, mu haana mpe minkayulu mi bakwe yokanga: «biduka byole hoti mabembe mole», bonso bu misonimina mu Misiku mi Mfumu.
25Ku Yelusalemi, kuba na muntu wumosi, nkumbu andi Simeoni, wuba muntu wusungama mpe wedi vuminanga Nzambi. Wedi kingilanga muntu waakwiza kuula Isaeli. Mpeve Yilongo yiba nandi, 26mpe yimuteela ti kaakifwila ko, tekila kayena Mesiya wuna fidisa Mfumu Nzambi. 27Mu ntwadusulu yi Mpeve Yilongo , Simeoni wuyenda ku nzo-Nzambi. Mu ntangu beyoyo, Yesu bamunata ku tata na ngudi andi, mwanki balungisa masonama mu Misiku mu dyambu dyandi. 28Simeoni wubonga mwana mu moko mandi, wutonda Nzambi na wuta ebu:
29Mfumu, biika bwabu kisadi kyaku,
kenda kavunda mu kiyenge, mu dyambu ti nsilulu zaku zi lungidi,
30nyeni mpulusu mu mani meso,
31yi wutambikidi ku makanda mamvimba,
32kukya kwa sa ti makanda mamvimba ma mu nza ma kuzaba,
mpe nkembo ku Isaeli, mukangu aku.
Mbikululu yi Simeoni
33Tata andi na ngudi andi bayituku mu misamu bemyomyo myedi ta Simeoni mu dyambu di mwana. 34Simeoni wubasakumuna na wuteela Maliya, ngudi yi Yesu ti: «Tala, mwana bewuwu waabwisa, mpe waazangula babingi mu Isaeli. Wuna ba kidimbu ki Nzambi na kyaatwala nkabani ha kati di bantu, 35na nge bende, mbele yi mvita ya tobola mutima aku, mpe mansweki ma bantu babingi mazabakana.»
Ana, mumbikudi
36Kuba mpe mumbikudi wumosi wu mukento, nkumbu andi Ana, wuba mwana wu Fanueli mu kanda di Aseli. Wutoma nuna kumanima ma mvula nsambwadi zi kazakala na mulumi andi wedi mukwelanga, buna wakidi ndumba yilembolo zaba babakala, 37mboki wusaala foola, mpe wuzinga mvula makumi nana na ya. Kedi biika mu kwenda ku nzo-Nzambi ko, kansi wedi sadilanga Nzambi mpimpa na mwini mu minunu yi nsoki na lusambulu. 38Yandi mpe wutula hoho ntangu beyoyo, wukembila Nzambi mpe wedi zonzila Yesu ku bantu bedi kingilanga nkululu yi Yelusalemi.
Mvutukulu ku Nazaleti
39Tata andi na ngudi andi bu bamana lungisa masonama mu Misiku mi Mfumu, ni bavutuka ku Ngalili, ku mbanza yi Nazaleti. 40Mwana wukula na wubaka ngolo. Wufuluka mu ndwenga mpe lusakumunu lu Nzambi luba nandi.
Mu mvula kumi na zole, Yesu wuyenda ku nzo-Nzambi
41Kadi mumvu, tata na ngudi andi bedi kwendanga ku Yelusalemi ku munkembo wu Pake. 42Yesu bu kalungisa mvula kumi na zole, bayenda nandi, bonso buba kinkulu kyawu. 43Mboki, mukembo bu wumanisa, ni bavutuka. Yesu wusaala ku Yelusalemi, kansi tata andi na ngudi andi bazaba ko. 44Bedi banza ti Yesu wuba na bahiika bazyeta nawu kintwadi. Badyata kilumbu kimvimba. Mboki batona mu kwe musosi ku bantu ba mu kanda dyawu na bakundi awu, 45kansi bamuyena ko. Ni bavutuka ku Yelusalemi mu kwe musosi. 46kumanima ma bilumbu bitatu, bamuyena mu kati di nzo-Nzambi: wuzakala ha kati-kati di milongisi mi Misiku, wedi badimbanga mpe wedi baziikanga byuhu. 47Bamvimba bedi mu yuwa bayituku mu madyela mandi mpe mu mvutu zi kedi vutulanga. 48Mu ntangu, tata andi na ngudi andi bu bamuyena bayituku, mboki ngudi andi wumuteela ti: «Ha mwana ani! Kadi nki sididi bobo e? Taleeti, meno na tata aku tuna kwe kusaki na kinkunku!» 49Wubavutudila ti: «Mu dyambu di nki lwena kwe nsakidi e? Yeno luzebi ko ti mfweti sadila tata ani e?» 50Kansi babakula misamu mi kedi bateela ko.
51Yesu wuvutuka nawu ku Nazaleti. Wedi batumiminanga. Ngudi andi wedi lundanga mimvimba ku nsye mutima andi. 52Yesu wukula na wuyiza ba na ndwenga zizingi. Mpe wedi yangidikanga Nzambi na bantu.
Currently Selected:
Luka 2: dde Ddo
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.
Luka 2
2
Mbutukulu yi Yesu
(Mat 1.18-25)
1Mu ntangu beyoyo, mfumu Kayisali Angustu wuhaana lutumu, mu zaba lutangu lu bantu bamvimba ba nsi zi mu luyaalu lwandi. 2Lutangu belolo, lusalama, buna Kilinyuse wu mfumu mu kizunga ki Siliya. 3Bantu bamvimba bedi kwenda sonama, muntu-muntu ku yandi mbanza yi kabutukila. 4Yosefi mpe wukatuka ku Nazaleti, mbanza yi kizunga ki Ngalili na wuyenda ku kizunga ki Yuda, ku mbanza yi nkumbu Betelemi, mu dyambu ti, wuba mwisi kanda di Davidi, 5mwanki ka kisonikisa na Maliya, wu kasila nsilulu yi makwela, wuba na zimi. 6Buna bakidi ku Betelemi, ntangu yi Maliya ye buta yitula. 7Maliya wubuta mwana wubakala, ni mwana andi wuntete. Wumuzinga mulele na wumulambikisa mu kati di kidikulu ki bibulu, mu dyambu ti babaka kibuka mu nzo yi banzenza ko.
Mbazi yiyenikina mimvungi
8Mu kizunga bekyokyo kwandi, kuba na mimvungi myedi kenganga mpimpa yimvimba bibulu byawu mu zimfuba. 9Mbazi yi Mfumu yi bayenikina, mpe nkembo Mfumu wu lezima na wu bazungidila. Mboki, bayena bunkuta bubwingi. 10Kansi mbazi yibateela ti: «Lubandi na bunkuta ko! Mu dyambu ti nalutwadidi musamu wumbote wa yangidika bantu babingi: 11mu mpimpa beyiyi, ku mbanza Davidi, balubutidi Mumvukisi eno, ni Klisto, Mfumu. 12Mu kidimbu eki lwaamuzabila: Luna yena mwana wunsombe wuba zingidi mulele, mpe bamulambikisi mu kidikulu ki bibulu.»
13Bayitukulu kwawu, kamba di zimbazi diyiza bundana na mbazi yitekila nawu, bakembila Nzambi ebu:
14«Nkembo ku Nzambi mu mazulu
ye kiyenge ha butoto ku bantu bazolakana.»
Mimvungi miyenda ku Betelemi
15Zimbazi bu zisa basisa, zivutuka ku yulu na mimvungi mitelasana: «Twendeeno tii ku Betelemi mu tala nkye misamu mihyokidi kooko, misamu mitutedidi Mfumu.» 16Buna bayenda mu muswalu na bayenda yena Maliya, Yosefi na mwana wubalambikisa mu kidikulu ki bibulu. 17Bu bayena mwana, bayala mpolo yi misamu mimvimba mi bateela mbazi mu dyambu di mwana. 18Bantu bamvimba bayuwa misamu mita mimvungi bayituku. 19Maliya wulunda misamu bemyomyo mu mutima andi na wusosa muzaba mbangudulu. 20Mboki mimvungi mivutuka. Bakembila na basiika Nzambi mu mimvimba mi bayuwa na mi bayena, mu dyambu ti mimvimba miyenda detila bonso bu bateela myo mbazi.
Bahaana mwana nkumbu yi Yesu
21Mwana bu kalungisa bilumbu nana, bamuzenga bubakala bwandi na bamuhaana nkumbu yi Yesu, bonso ntumunu zi muheeka mbazi tekila ngudi andi kabaka zimi.
Yosefi na Maliya banata Yesu ku nzo-Nzambi
22Bilumbu bye vedisa nitu bu bilunga, bonso budi musiku wu Mose, Yosefi na Maliya banata mwana ku Yelusalemi, mwanki bamulonka ha ntadisi yi Mfumu, 23bonso busonama mu Misiku mi Mfumu ti: «Wonso mwana wu bakala wa butuka wuntete wufweti ba mvwilu yi Mfumu.» 24Mboki, mu haana mpe minkayulu mi bakwe yokanga: «biduka byole hoti mabembe mole», bonso bu misonimina mu Misiku mi Mfumu.
25Ku Yelusalemi, kuba na muntu wumosi, nkumbu andi Simeoni, wuba muntu wusungama mpe wedi vuminanga Nzambi. Wedi kingilanga muntu waakwiza kuula Isaeli. Mpeve Yilongo yiba nandi, 26mpe yimuteela ti kaakifwila ko, tekila kayena Mesiya wuna fidisa Mfumu Nzambi. 27Mu ntwadusulu yi Mpeve Yilongo , Simeoni wuyenda ku nzo-Nzambi. Mu ntangu beyoyo, Yesu bamunata ku tata na ngudi andi, mwanki balungisa masonama mu Misiku mu dyambu dyandi. 28Simeoni wubonga mwana mu moko mandi, wutonda Nzambi na wuta ebu:
29Mfumu, biika bwabu kisadi kyaku,
kenda kavunda mu kiyenge, mu dyambu ti nsilulu zaku zi lungidi,
30nyeni mpulusu mu mani meso,
31yi wutambikidi ku makanda mamvimba,
32kukya kwa sa ti makanda mamvimba ma mu nza ma kuzaba,
mpe nkembo ku Isaeli, mukangu aku.
Mbikululu yi Simeoni
33Tata andi na ngudi andi bayituku mu misamu bemyomyo myedi ta Simeoni mu dyambu di mwana. 34Simeoni wubasakumuna na wuteela Maliya, ngudi yi Yesu ti: «Tala, mwana bewuwu waabwisa, mpe waazangula babingi mu Isaeli. Wuna ba kidimbu ki Nzambi na kyaatwala nkabani ha kati di bantu, 35na nge bende, mbele yi mvita ya tobola mutima aku, mpe mansweki ma bantu babingi mazabakana.»
Ana, mumbikudi
36Kuba mpe mumbikudi wumosi wu mukento, nkumbu andi Ana, wuba mwana wu Fanueli mu kanda di Aseli. Wutoma nuna kumanima ma mvula nsambwadi zi kazakala na mulumi andi wedi mukwelanga, buna wakidi ndumba yilembolo zaba babakala, 37mboki wusaala foola, mpe wuzinga mvula makumi nana na ya. Kedi biika mu kwenda ku nzo-Nzambi ko, kansi wedi sadilanga Nzambi mpimpa na mwini mu minunu yi nsoki na lusambulu. 38Yandi mpe wutula hoho ntangu beyoyo, wukembila Nzambi mpe wedi zonzila Yesu ku bantu bedi kingilanga nkululu yi Yelusalemi.
Mvutukulu ku Nazaleti
39Tata andi na ngudi andi bu bamana lungisa masonama mu Misiku mi Mfumu, ni bavutuka ku Ngalili, ku mbanza yi Nazaleti. 40Mwana wukula na wubaka ngolo. Wufuluka mu ndwenga mpe lusakumunu lu Nzambi luba nandi.
Mu mvula kumi na zole, Yesu wuyenda ku nzo-Nzambi
41Kadi mumvu, tata na ngudi andi bedi kwendanga ku Yelusalemi ku munkembo wu Pake. 42Yesu bu kalungisa mvula kumi na zole, bayenda nandi, bonso buba kinkulu kyawu. 43Mboki, mukembo bu wumanisa, ni bavutuka. Yesu wusaala ku Yelusalemi, kansi tata andi na ngudi andi bazaba ko. 44Bedi banza ti Yesu wuba na bahiika bazyeta nawu kintwadi. Badyata kilumbu kimvimba. Mboki batona mu kwe musosi ku bantu ba mu kanda dyawu na bakundi awu, 45kansi bamuyena ko. Ni bavutuka ku Yelusalemi mu kwe musosi. 46kumanima ma bilumbu bitatu, bamuyena mu kati di nzo-Nzambi: wuzakala ha kati-kati di milongisi mi Misiku, wedi badimbanga mpe wedi baziikanga byuhu. 47Bamvimba bedi mu yuwa bayituku mu madyela mandi mpe mu mvutu zi kedi vutulanga. 48Mu ntangu, tata andi na ngudi andi bu bamuyena bayituku, mboki ngudi andi wumuteela ti: «Ha mwana ani! Kadi nki sididi bobo e? Taleeti, meno na tata aku tuna kwe kusaki na kinkunku!» 49Wubavutudila ti: «Mu dyambu di nki lwena kwe nsakidi e? Yeno luzebi ko ti mfweti sadila tata ani e?» 50Kansi babakula misamu mi kedi bateela ko.
51Yesu wuvutuka nawu ku Nazaleti. Wedi batumiminanga. Ngudi andi wedi lundanga mimvimba ku nsye mutima andi. 52Yesu wukula na wuyiza ba na ndwenga zizingi. Mpe wedi yangidikanga Nzambi na bantu.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.