LUKA 6
6
Yesu kakele mfumu wu kilumbu ki kisabatu
(Mt. 12:1-8; Mk. 2:23-28)
1Kilumbu kikupema kimosi, Yesu kayehioki musola di masisi. Bantumu bandi ba yehedi masisi, pe bakwebudi bititi pe beke dia. 2Ba falasayi ba hika ba hiudi: samu dinki lweke sala diambu di babusila mukusala kilumbu kikupema? 3Yesu ba kabudidi mvutu: lu tangiku diambu Davidi di kasadi yi ba kakele bawu ha kakele nzala? 4Yandi koti n'zo Nzambi, mongi mapa ma bahene makabu ku Nzambi, didi mo, pe ba hele batu babakele yi yandi. Kinga kaka banganga Nzambi ba kele yi n'swa mu kudia mo. 5Yesu hoyi dihika: mwana mutu kene mfumu ata kilumbu kikupema!
(Mt. 12:9-14; Mk. 3:1-6)
6Kilumbu kikupema kikaka, Yesu koti nzo bisambu pe yandiki kulonga. Mukele yi mutu mosi wukele koko diki tata kifu. 7Balongi baminsiku pe ba falasayi baye n'tadi Yesu na kabikisa mutu kilumbu kikupema, mukusia na bamona n'tifi samu ba funda. 8Mana Yesu kayebe ngindu zi bawu pe n'kembe mutu wukele koko kifu: telema nge pe kala hakati di batu ba kulu! Mutu wene telemiki pe kisa hakana. 9Yesu ba kembe: yeke luhiula na kwene yi, kilumbu kikupema, mukusala mamboti to mambi mu kuhulusa moyi mutu to kuhonda wo. 10Yesu batadi ba kulu mosi yi mosi pe hoyi ku mutu wufwa koko: lambula koko dingeyi! Mutu wene pe lambudi koko, pe koko diyandi di tomi. 11Balongi baminsiku pe yi ba falasayi bakele yi nkabu zingi pe beke dihoyila bawu yi bawu nki ntufwene ntusala Yesu.
Yesu kasodi bantumu kumi yi bola
(Mt. 19:1-4; Mk. 3:13-19)
12Kaka mu bilumbi biabina, Yesu wele m'ongo samu di kusambila kasadi piba ya yakulu mu kusambila Nzambi. 13Hakunkiele kuma, batedi bansadi bandi pe sodi mukati kabawu kumi yi bola, ba kahele zina di bantumu: 14Simoni, wu kahele zina di Petula, pe Ndele pangiandi, Izaki pe Zaa; Fidipu pe Batolomi; 15Matayi pe Toma; Izaki mwana Alufeyo pe Simoni wukele mu kibuka: Zeloti; 16yude mwana Izaki; pe Yudasi Iskariote yandi wu n'teki Yesu.
Yesu ha kati di batu bingi
(Mt. 4:23-25; Mk. 3:7-11)
17Yesu ka Kulumuki m'ongo yi bawu, pe katelemi ha kibete. Bantumu bandi bingi bakele hakana kizika kimosi yi batu bingi ba batuki ku yudeya dintu, yeluselemi, pe yi mahata ma tire pe sidon ma makele bele-bele yi nzadi. 18Bisa samu dikuwa pe samu ba kola mu maladi mabawu. Ba bamwene pasi mu zi peve mvindu ba kola, 19Pe kimvuka kiakulu basosiki ban'simba samu ngolo zizi lubukiki kwe yandi pe ziba kodisiki ba kulu.
Kiesi nalo nkeni
(Mt. 5:1-12)
20Mana Yesu tombudi mesu ku bantumu bandi pe ba kembe: kiesi kubenu bansukami, samu kimfumu ki Nzambi kiene kubenu! 21Kiesi kubenu lwene yi nzala butwene samu luyukuta! Kiesi kingi kubenu lweke dila butwene samu benu luseya! 22Kiesi kikala yi benu n'tangu balusia kimbeni, mu n'tangu balukula, ba lutukuna pe balulosa bwoso bima bipamba kikuma ki mwana mutu! 23Lusepila benu, kilumbu kiakina, pe lulemuka yi kiesi, mudiambu lufutu lu benu lukala lungolo kuzulu kwe Nzambi. Bwabuna kitesu kimosi ma basadiki bankaka zibawu bankulu ku bambikudi. 24Nkeni kubenu, bamvama samu lwene yi biesi bienu! 25Nkeni kubenu lwene yi madia mingi, (buntwene) samu benu lukala yi nzala! Nkeni kubenu lweke seya buntwene, samu lukala yi mafwa pe yi mansanga! 26Nkeni mutangu ba kulu batu bahoya mamboti ma benu, samu kitesu kimosi bankaka zi bawu bantama ba hoyidiki mambu ku bambikudi ba bungumba!
Malongi samu di kuzola mbeni
(Mt. 5:38-48)
27Mana yeke lukamba, kubenu lweke ngwa; luzola bambeni ba benu, lu basala mamboti kuba beke lusala mambi. 28Lu basakumuna ba beke lusinga, pe kusambila samu diba beke lusala mambi. 29Na mutu kubudi mutama dimosi n'heka dikaka didi seleke. Na mutu kamonga kazaki ngeyi mungolo, n'yakudiku kamonga diaka simisi dingeyi. 30Na mutu mongi kima kingeyi ludindamiku yambula kamonga. 31Ma luzodi na batu basala samu di benu, lusala bwo, (benu pe) kitesu kimosi samu di bawu. 32Na luzola ba baluzolaka, nki matapisi ma lwemawu samu basumuki bazolaka pe ba bazolaka. 33Na lusala mamboti kuba ba lusala mamboti, nki lukumu lwelwawu benu? (Samu) ba nsumuki pe basalaka kitesu kimosi. 34Pe na ludefisa lusiku mbundu na ba lukabudila, nki matapisi malukala mawu? (Samu) batu ba masumu ba defisa kaka batu ba masumu samu kasia kivuvu bamonga kitesu kimosi kaka. 35Kasi luzola bambeni benu, lusala mamboti pe luba defisa lusiku mbundu ziku ba lukabudila. Matabisi ma benu makala mingi pe lukala bana ba Nzambi pungu, samu kwene mboti ku batu ba bakabulaku matondo pe yi batu bambi. 36Lukala yi nkeni zingi, bwoso tatenu wu kuzulu (wu) basa yi nkeni.
(Mt. 7:1-5)
37Kusambisa lo pe benu balu sambisiku, lubedisiku pe benu ba lubedisiku; lu lulola benu pe Nzambi ka lulolula. 38Hana kuba hika, pe Nzambi Kakuheka nge. Makiedika, monga lufutu luntu, lusalusu lu kukaba lu lutiakani mu malu ma ngeyi-makulu mafwene wusimba. Kitesu ki sadila samu diba kaka kiene kiaki Nzambi kasala samu dingeyi. 39Ba kembe diaka kingana kiaki: kifwa mesu kifwene ki nata n'kweno ki fwameso kikaka? Ba bwoko ba bola mudibulu? 40N'longi keko mbuta ku n'longiandi kasi n'longi wu bantumu mboti kakala bwoso n'longiandi. 41Samu dinki weke mona kititi kikiene mudisu di kweno pe weke monoko ki kimbuta kiene mudisu diaku? 42Nkipila fwene wu kamba pangiaku: pangi, yambula yi kukatula kititi kikiene n'disu dingeyi, nge weke monoko n'ti wu mbuta wu wene mudisu diaku? Kingumba, katula ntete n'ti wu mbuta wu wene mudisu diaku, pe ngenana mona kitoko mu kukatula kititi kikiene mudisu di pangiaku.
(Mt. 7:16-20)
43N'ti wu bunkete ka butaku bibundu bibunkete kitesu kimosi n'ti mbi kabutaka bibundu bi mbi. 44Samu, koso kitini ki n'ti kayabanaka mu bibundu biandi. Kitini ki n'ti nsaku ka butaku bibundu bi bafige to bi vinu. 45Mutu mbotika mongaka bima bikitoko yi lufutu lu lwene ku mbundwandi pe wu wene wumbi ka mongaka (mambi ma kema ku mbundwandi) samu n'wandi kahoyaka mana mabasa ku mbundwandi.
N'tungi nzo wu mayele pe n'tungi nzo zoba
(Mt. 7:24-27)
46Samu dinki lu ntedilaka “mfumu, mfumu! Pe lusadilaku mayi hoyaka? ” 47Yi lusongila yina kafwanani mutu yandi kulu wu kwisa ku mene, wuwa ndinga pe wu sadila yo: 48Fwanani yi mutu mosi wu tungi nzo, timi dibulu dikaleya pe bandiki kutunga hantandu matadi: n'sindila mvula wisa basa, mana nzo ata ku ningana lo, samu katungi yo hantandu matadi. 49Mana wuna wa pe kasa didiku moko fwenani yi mutu mosi wu tungi nzo hantandu mafu yi konda luyandiku. Ha mabese mamba ma mvula yi bwidi mbala mosi pe yi fidi kimakulu nzo yene yi mbuta.
Currently Selected:
LUKA 6: PPP
Highlight
Share
ਕਾਪੀ।
Want to have your highlights saved across all your devices? Sign up or sign in
Pelende Bible by Beyond Translation is licensed under Creative Commons Attribution-ShareAlike 4.0 License.
LUKA 6
6
Yesu kakele mfumu wu kilumbu ki kisabatu
(Mt. 12:1-8; Mk. 2:23-28)
1Kilumbu kikupema kimosi, Yesu kayehioki musola di masisi. Bantumu bandi ba yehedi masisi, pe bakwebudi bititi pe beke dia. 2Ba falasayi ba hika ba hiudi: samu dinki lweke sala diambu di babusila mukusala kilumbu kikupema? 3Yesu ba kabudidi mvutu: lu tangiku diambu Davidi di kasadi yi ba kakele bawu ha kakele nzala? 4Yandi koti n'zo Nzambi, mongi mapa ma bahene makabu ku Nzambi, didi mo, pe ba hele batu babakele yi yandi. Kinga kaka banganga Nzambi ba kele yi n'swa mu kudia mo. 5Yesu hoyi dihika: mwana mutu kene mfumu ata kilumbu kikupema!
(Mt. 12:9-14; Mk. 3:1-6)
6Kilumbu kikupema kikaka, Yesu koti nzo bisambu pe yandiki kulonga. Mukele yi mutu mosi wukele koko diki tata kifu. 7Balongi baminsiku pe ba falasayi baye n'tadi Yesu na kabikisa mutu kilumbu kikupema, mukusia na bamona n'tifi samu ba funda. 8Mana Yesu kayebe ngindu zi bawu pe n'kembe mutu wukele koko kifu: telema nge pe kala hakati di batu ba kulu! Mutu wene telemiki pe kisa hakana. 9Yesu ba kembe: yeke luhiula na kwene yi, kilumbu kikupema, mukusala mamboti to mambi mu kuhulusa moyi mutu to kuhonda wo. 10Yesu batadi ba kulu mosi yi mosi pe hoyi ku mutu wufwa koko: lambula koko dingeyi! Mutu wene pe lambudi koko, pe koko diyandi di tomi. 11Balongi baminsiku pe yi ba falasayi bakele yi nkabu zingi pe beke dihoyila bawu yi bawu nki ntufwene ntusala Yesu.
Yesu kasodi bantumu kumi yi bola
(Mt. 19:1-4; Mk. 3:13-19)
12Kaka mu bilumbi biabina, Yesu wele m'ongo samu di kusambila kasadi piba ya yakulu mu kusambila Nzambi. 13Hakunkiele kuma, batedi bansadi bandi pe sodi mukati kabawu kumi yi bola, ba kahele zina di bantumu: 14Simoni, wu kahele zina di Petula, pe Ndele pangiandi, Izaki pe Zaa; Fidipu pe Batolomi; 15Matayi pe Toma; Izaki mwana Alufeyo pe Simoni wukele mu kibuka: Zeloti; 16yude mwana Izaki; pe Yudasi Iskariote yandi wu n'teki Yesu.
Yesu ha kati di batu bingi
(Mt. 4:23-25; Mk. 3:7-11)
17Yesu ka Kulumuki m'ongo yi bawu, pe katelemi ha kibete. Bantumu bandi bingi bakele hakana kizika kimosi yi batu bingi ba batuki ku yudeya dintu, yeluselemi, pe yi mahata ma tire pe sidon ma makele bele-bele yi nzadi. 18Bisa samu dikuwa pe samu ba kola mu maladi mabawu. Ba bamwene pasi mu zi peve mvindu ba kola, 19Pe kimvuka kiakulu basosiki ban'simba samu ngolo zizi lubukiki kwe yandi pe ziba kodisiki ba kulu.
Kiesi nalo nkeni
(Mt. 5:1-12)
20Mana Yesu tombudi mesu ku bantumu bandi pe ba kembe: kiesi kubenu bansukami, samu kimfumu ki Nzambi kiene kubenu! 21Kiesi kubenu lwene yi nzala butwene samu luyukuta! Kiesi kingi kubenu lweke dila butwene samu benu luseya! 22Kiesi kikala yi benu n'tangu balusia kimbeni, mu n'tangu balukula, ba lutukuna pe balulosa bwoso bima bipamba kikuma ki mwana mutu! 23Lusepila benu, kilumbu kiakina, pe lulemuka yi kiesi, mudiambu lufutu lu benu lukala lungolo kuzulu kwe Nzambi. Bwabuna kitesu kimosi ma basadiki bankaka zibawu bankulu ku bambikudi. 24Nkeni kubenu, bamvama samu lwene yi biesi bienu! 25Nkeni kubenu lwene yi madia mingi, (buntwene) samu benu lukala yi nzala! Nkeni kubenu lweke seya buntwene, samu lukala yi mafwa pe yi mansanga! 26Nkeni mutangu ba kulu batu bahoya mamboti ma benu, samu kitesu kimosi bankaka zi bawu bantama ba hoyidiki mambu ku bambikudi ba bungumba!
Malongi samu di kuzola mbeni
(Mt. 5:38-48)
27Mana yeke lukamba, kubenu lweke ngwa; luzola bambeni ba benu, lu basala mamboti kuba beke lusala mambi. 28Lu basakumuna ba beke lusinga, pe kusambila samu diba beke lusala mambi. 29Na mutu kubudi mutama dimosi n'heka dikaka didi seleke. Na mutu kamonga kazaki ngeyi mungolo, n'yakudiku kamonga diaka simisi dingeyi. 30Na mutu mongi kima kingeyi ludindamiku yambula kamonga. 31Ma luzodi na batu basala samu di benu, lusala bwo, (benu pe) kitesu kimosi samu di bawu. 32Na luzola ba baluzolaka, nki matapisi ma lwemawu samu basumuki bazolaka pe ba bazolaka. 33Na lusala mamboti kuba ba lusala mamboti, nki lukumu lwelwawu benu? (Samu) ba nsumuki pe basalaka kitesu kimosi. 34Pe na ludefisa lusiku mbundu na ba lukabudila, nki matapisi malukala mawu? (Samu) batu ba masumu ba defisa kaka batu ba masumu samu kasia kivuvu bamonga kitesu kimosi kaka. 35Kasi luzola bambeni benu, lusala mamboti pe luba defisa lusiku mbundu ziku ba lukabudila. Matabisi ma benu makala mingi pe lukala bana ba Nzambi pungu, samu kwene mboti ku batu ba bakabulaku matondo pe yi batu bambi. 36Lukala yi nkeni zingi, bwoso tatenu wu kuzulu (wu) basa yi nkeni.
(Mt. 7:1-5)
37Kusambisa lo pe benu balu sambisiku, lubedisiku pe benu ba lubedisiku; lu lulola benu pe Nzambi ka lulolula. 38Hana kuba hika, pe Nzambi Kakuheka nge. Makiedika, monga lufutu luntu, lusalusu lu kukaba lu lutiakani mu malu ma ngeyi-makulu mafwene wusimba. Kitesu ki sadila samu diba kaka kiene kiaki Nzambi kasala samu dingeyi. 39Ba kembe diaka kingana kiaki: kifwa mesu kifwene ki nata n'kweno ki fwameso kikaka? Ba bwoko ba bola mudibulu? 40N'longi keko mbuta ku n'longiandi kasi n'longi wu bantumu mboti kakala bwoso n'longiandi. 41Samu dinki weke mona kititi kikiene mudisu di kweno pe weke monoko ki kimbuta kiene mudisu diaku? 42Nkipila fwene wu kamba pangiaku: pangi, yambula yi kukatula kititi kikiene n'disu dingeyi, nge weke monoko n'ti wu mbuta wu wene mudisu diaku? Kingumba, katula ntete n'ti wu mbuta wu wene mudisu diaku, pe ngenana mona kitoko mu kukatula kititi kikiene mudisu di pangiaku.
(Mt. 7:16-20)
43N'ti wu bunkete ka butaku bibundu bibunkete kitesu kimosi n'ti mbi kabutaka bibundu bi mbi. 44Samu, koso kitini ki n'ti kayabanaka mu bibundu biandi. Kitini ki n'ti nsaku ka butaku bibundu bi bafige to bi vinu. 45Mutu mbotika mongaka bima bikitoko yi lufutu lu lwene ku mbundwandi pe wu wene wumbi ka mongaka (mambi ma kema ku mbundwandi) samu n'wandi kahoyaka mana mabasa ku mbundwandi.
N'tungi nzo wu mayele pe n'tungi nzo zoba
(Mt. 7:24-27)
46Samu dinki lu ntedilaka “mfumu, mfumu! Pe lusadilaku mayi hoyaka? ” 47Yi lusongila yina kafwanani mutu yandi kulu wu kwisa ku mene, wuwa ndinga pe wu sadila yo: 48Fwanani yi mutu mosi wu tungi nzo, timi dibulu dikaleya pe bandiki kutunga hantandu matadi: n'sindila mvula wisa basa, mana nzo ata ku ningana lo, samu katungi yo hantandu matadi. 49Mana wuna wa pe kasa didiku moko fwenani yi mutu mosi wu tungi nzo hantandu mafu yi konda luyandiku. Ha mabese mamba ma mvula yi bwidi mbala mosi pe yi fidi kimakulu nzo yene yi mbuta.
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
Pelende Bible by Beyond Translation is licensed under Creative Commons Attribution-ShareAlike 4.0 License.