انجیل متی 19
19
تعلیم دیین طلاقه درباره
1وقتی که عیسی اِم لاوَش اُوجردنده، جلیله منطقنه بِشه اَ طرفه اُردن رِبار، یهودیه نواحی. 2پِره جماعتی عیسی پَشدننه بشنده و اَو اَگاک اَوانش شفا آداه.
3فَریسی فرقه علما نی چَوه وَر بامنده تا اَوه امتحان بکرنده. اَوان آپرسسه: «آیا جایزه که مَردک اِشتن زنَر هر دلیلی را طلاق بدَیه؟» 4عیسی چَه جوابکش باته: «مگم توراتک خواندران نی که اَ که اَولنه اِنسانش خلق بکه ”اَوش زلی و مردک رچ آکردنده“، 5و واتشه ”چِمه واسنه مردک اِشتن پییَر مارک جدا آبی، و اِشتن زنر نه پیوند خَره و اَ دو نفر ای بدن بینده؟ 6پس، اَوه دَ دو بدن نینده بلکم ای بدن اِسنده. پس اَ چی که خدا ای آکرده، انسان گه جدا مکره.» 7اَوه عیسی نه باتشانه: «پس چیه را موسی پیغمبر حکم آداشه که مردک اِشتن زلی طلاقنامه ای آدَیه و اَوه وِل آکره؟» 8عیسی باتشه: «موسی پیغمبر چِمه واسنه که شاما دله سِگه شوارا، اجازه آداشه که شاما زَنَر طلاق آدَیا، امّا صِفته نه ایزه نِبه. 9شاما نه واترم، هر کی اِشتن زَنَر زنا غیراز چی ای واسنه طلاق آدَیه و علوده زلینه ویوه بکره، زناش کَرده.»
10شاگردان عیسی نه باتشانه: «اَگم ایزنه، چاکتره هیچ مردکی زن مَبره!» 11عیسی باته: «همه نتاننده اِم لاوَه قبول بکرنده، مگم اَ کسانی که اَوان عطا بییه بیبی. 12چون بعضی آدمه مادر زادی خواجنده؛ بعضی آدمه نی مردمه دَسنه خواجه بینده، و بعضی نی آسمانه پادشاهی واسنه اِشتن خواجه زاننده و ویوه نکرنده. هر کسی تانه اِمه قبول بِکَره، بدا قبول بِکَره.»
عیسی و خُوردنان
13چاوَش مردم اِشتن خُوردنانشان آورده عیسی وَر تا چوان سَر دس اَنَیه و دعا بِکَره. شاگرده مردمه اِم کاره واسنه چوان را غیضشان بکه. 14امّا عیسی باته: «بدارا ویلیه خوردنه چِمن وَر باینده و چَوان پَرانه آمَگیرا، چون آسمانه پادشاهی اِنجوره آدمان را اِسه.» 15عیسی چوان سر دس اَناشه و اَوِش برکت آدادنده و واردِنه بشه.
ثروتمنده جوان
16ای روج مَردکی عیسی وَر بامه و آپرسسشه: «استاد، چِه چاکه کاری گه بِکَرم تا اَبدیه زندگی بدارم؟» 17عیسی جواب بدا: «چیه را مَنک آپرسری که چی چاکه؟ تَینا خداییه که چاکه. اگم گَره اَبدیه زندگی دله دیشی، خدا احکامه انجام بده.» 18اَ مردک آپرسسشه: «کامین گله احکامه؟» عیسی باته: «”قتل مکه، زنا مکه، دزدی مکه، دوریه شهادت مده، 19اِشته پییَر و مار احترام بنه،“ و ”اِشته قونشو نه اِشتن شوار خَش ببش.“ 20اَ جوانه مردکه باته: «همه‌ی اِم احکامم انجام دیه؛ دَ چِه کم دارم؟» 21عیسی جواو آدا: «اگم گَره کامل بیبی، بِشه و هر چی که داری بوخروش و فقیران آده که آسمانه دلک گنجی بداری. اَدمی بوره و منک پیرَوی بکه.» 22جوانه مردکه وختی اِمش بشنَوِس، پِر غمگین آبه و اَگاردنه بِشه، چون پِرش ثروت داشته.
23اَ موقع عیسی اِشتن شاگردانش باته: «حقیقتا، شاما نه واجم، ثروتمندان را خیلی چَتینه دیشینده آسمانه پادشاهی دلَه. 24هنی واجم که دَوَع اِوَردن دَرزِنه خوله نه آسان تره تا اِم که ثروتمنده آدمی خدا پادشاهی دلَه دیشی.» 25شاگردان اِم لاوان اَشنوسَنِنَه مات آبنده و آپرسسشانه: «پس دَ کیه که تانه نجات پیدا بکره؟» 26امّا عیسی اَوان دیَشته و باتشه: «اِم انسانه را غیرممکن اِسه، امّا خدا را همه چی ممکن اِسه.»
27چاوش پِطرُس باته: «دیس آما همه چیمان ول آکرده و تِک پِیروی کرام. چی آما آرسه؟» 28عیسی اَوانه باته: «حقیقتا، شاما نه واجم، تازه دنیاک، اَدمی که انسانه زا اِشتن شکوهمند پادشاهی تخته سَرک بِنِشه، شاما نی که منک پِیروی کردرانه، دوازده تخته سرک نِشا و خدا قومه دوازده قبیله داوری کرا. 29و هر کی چِمن نامه واسنه اِشتن کییه یا اِشتن براران و یا اِشتن خوعران و یا اِشتن په و ماره و یا اِشتن خوردنه و یا اِشتن ملک و ثروته وِل آدیش بیبی، چَه صد برابره وینه و ابدیه زندگی وارث بی. 30امّا پِر آدمه که اِسا اوّلین اِسنده آخرین بینده، و آخرینه اوّلین بینده!
Currently Selected:
انجیل متی 19: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company