انجیل لوقا 20
20
عیسی اختیاران
1ای روج که عیسی معبد دِلک وِنَدرسه به و مردمش تعلیم و بشارت دییَرده، سران کاهنان که معبده علما بنده و تورات معلمه یهود شیخان همراه، هَندیگرنه بامنده عیسی وَر 2و عیسی نه باتشانه: «آمانه باج کامین حقّنه اِم کاران کری کی اِم حقش تِه آدییَه؟» 3عیسی جواو بدا: «از نی شاماک سوالی دارم؛ منه باجا، 4کی یحییش اِختیار آدییه به تعمید بدیه خدا یا انسان؟» 5اَوان هندیگرنه لاوَه لاوَه شان بکه، باتشانه: «اگم باجام، ”خدا طرفنه به“، عیسی واجه، ”پس چیه را ایمان ران ناوَه؟“ 6و اگم باجام انسانک به، مردم همبلنه آیِنده آما سِگ ددار کرنده، تا بِمَرام چون اَوه یقین داشته شانه که یحیی ایگله پیامبری به.» 7پس جوابشان آدا: «آما نزانسرام کارِنه به.» 8عیسی باتشه: «از نی شامانه نواجم چه حقّیینه اِم کاران کَرِم.»
شروره باغبانان مثال
9اَدَمی عیسی اِم مَثَلشه مردمه را بیزیا: «مَردکی ایگله انگوره باغیشی رَچ آکَه و اَوش چند گِله باغبانان ایجارَه آداشه و اِشتن طولانیه مدتی سفر را بشه. 10اَنگوره چینی وَقتِه را، ایگله نوکَرِشی بِخِرسانس اَ باغبانان وَر تا اِشتن انگوره محصولک کَملی اَوه آدَینده. امّا باغبانه اَشان بیزی و تییَه دس بخرسانسشانه. 11پس انگوره باغه صاحاب ایگله عَلوده نوکری شی بِخِرسانس، امّا اَوِشان نی بیزی و اَوِشان بی‌حرمتی بکَه و تییَه دسشان بخرسانس. 12سوّمین سَفَر هنی نوکَرِشی بِخِرسانس، امّا اَوشان نی بیزی و زخمی شان بکه و باغِنه بَرکردشانه.
13«اَدَمی انگوره باغه صاحاب باتشه: ”چه بکرم؟ چِمن عزیز گِرامیه زا بخرسانم؛ شاید چَوه حرمتِ نیا بدارنده.“ 14امّا باغبانان وختی چَه زاشان بینده، هَندیگرنه، باتشانه: ”انگوره باغه وارث اِمه. بایا اَوه بوکوشام تا چه ارث و میراث چاما بیبی.“ 15پس اَ کوله شان انگوره باغنه بَرکرده، و بوکوشتشانه.
«اِسا شاما ایزه زانا که اَ انگوره باغه صاحاب اَواننه چه کَره؟ 16اَ آییه و باغبانان کوشه، انگوره باغه علوده نفرانی دِرَسماره.» مَردم وختی اِمشان بشنوس، باتشانه: «اِنجوره نیبی!» 17امّا عیسی چوان دیمِه دیَشته و باتشه: «پس مقدسه نیویشته ان اِم بخشِه معنی چیه:
”هَ سِگی که بنایان اَوشانه رد آکردا و فِر آدایا
اِسا بینو اصلی سِگ بیا “؟
18هر کی اَ سِگ سرنه جیگینه، خُرد آبی، و اَگم اَ سِگه کسی سَر جیگنیه، اَوه فرچ آکریه.»
رومه امپراطوره مالیات آدیین
19توراته معلمین و سران کاهنان وختی بِزانسشانه اِم مثالِه چوان درباره واتر، تصمیمشان بکت که هَ لحظه عیسی دَستگیر بکرنده، امّا مَردمک ترسردنده.
20پس عیسی شان ویر بداشت و ای سیری جاسوسانی چَوه وَر بِخِرسانسشانه که اِشتنشان چاک و صادق آمانسرده. تا چَوه گَرکِ ایگله لاوَه ای بِدِزنده و عیسی آدینده رومه دولت و دادگاه والی دس. 21پس اَ جاسوسه عیسی کشان آپرسس: «ای استاد، آما زانسرام که تِه حقیقته واتری و درست تعلیم دیری، و کسی طرَفه نیگیری، بلکم خدا راه درستی نه آموتری. 22آیا رومه امپراطوره مالیات آدیین چاما را درسته یا نه؟» 23امّا عیسی چَوان حُقَش بزانسشه و باتشه: 24«ایگله سکه ای من آدیا. چیکی نقش و نام اَ سکه سَرِکه؟» 25جواوشان بدا: «رومه امپراتوره کین.» عیسی اَوانش باته: «پس امپراطوره ماله، امپراطوره آدیا و خدا ماله، خدا آدیا!» 26اَوان، نتانسشانه مردم پرانک عیسی چه اِشتن لاوَاننه تَلَک درننده، و ایزه که زه چَه جواوک مات آبییه بنده، ساکت بندرسنده.
آیا مَرده زنده آبیینده؟
27چاوَش ای سِری صَدّوقیان فرقه علمانک عیسی وَر بامنده. صدوقیان مَردان زنده آبیینه منکر بنده. 28عیسی کشان سؤالی آپرسس و باتشانه: «استاد، موسی چاما را اِم فرمانش نیویشته اگم مردکی زَن ببره ولی بیدون خوردن بِمَره، چَوه برا وظیفه داره اَ زلی ببره تا اِشتن بِرار را نسلی بِنیه. 29اِسا، هفت گِله برا بِنده. اولین بِرا ایگله زنی شی بِبَردا و بی اولاد بِمَرد. 30چاوَش دوّمین برا اَ زلّیشه ببردا 31و هانده سوّمین نی اَ زَلّیشه بِبَردا و اِنجوره هر هفت گِله براره بِمَردنده، بی اِم که خُوردَنی بدارنده. 32آخر اَ زلّی نی بمردا. 33اِسا، قیامته روجک، اَ زلیه براران کامین گِله زن بییه؟ چون هر هفت گِله براره اَوِشانه ببردا.»
34عیسی جواو آدا: «اِم دنیا مردم، زَن برنده و شو شینده. 35امّا اَوه ای که لایق زندگی اَبدی اِسنده، نه زن بَرِنده و نه شوشینده، 36و نه دَ مَرنده؛ چون فرشتان شوار بینده. اَوِه خدا خوردننده، چون مَردنه پَش زنده آبینده. 37حتی موسی اِشتن نی کاملا واضح آمانسشه که مرده زنده آبینده چون وقتی موسی داستانه تعریف کره که چنجوره خدا بوته ای کی که وش کته به چَوه را ظاهر آبه اَگا که خداونده، ابراهیم خدا و اسحاق خدا و یعقوب خدا واجه. 38خدا مَردَان خدا نییه، بلکم زندَان خدا اِسه؛ چون چَوه وَر همه زِندَنده.» 39بعضی تورات معلمین چَوه جواوک باتشانه: «ای استاد، چاکر جواو بدا!» 40و چَوه پَش دَه هیچ کسه جرائت نکه اَوک چی ای آپَرسه.
مسیح موعود چی کی زایه
41چاوَش عیسی اَوانَش باته: «پس چنجوریه که واجِنده مسیح موعود داوود پادشاه زایه؟ 42چون که داوود پادشا اِشتن کتاب زبورکش واته:
”خداونده چِمن خداوند نه باته:
چِمن راستَ دسِک بِنِش
43تا وقتی که اِشته دشمانن اِشته پا جیرک دِرَنم.“
44اگم داوود اَوِنه ”خداوند“ واجِه، پس چنجوره تانه اَ داوود زا بیبی؟»
45اَجور زه که مردم همه گوششان دیرده، عیسی اِشتن شاگردانش باته: 46«توراته معلمانک دوری بکرا، که خشِنده بلند اَباهانه راه بیشینده و کوچه و بازارانک مردم چَوان را سلام بکرنده، و عبادتگاهانک چاکترین یاگا چَوان را بیبی و جشنان دِله مجلسه سَرین وَرک بنشنده. 47اَوه ای طرف نه ویوه زلّیان کییه غارت کرنده، جدا طرف نه اِشتن آمانسنه واسنه طولانی دعا کرنده. چِمان مجازات پِر چَتین بی.»
Currently Selected:
انجیل لوقا 20: TIT
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company
انجیل لوقا 20
20
عیسی اختیاران
1ای روج که عیسی معبد دِلک وِنَدرسه به و مردمش تعلیم و بشارت دییَرده، سران کاهنان که معبده علما بنده و تورات معلمه یهود شیخان همراه، هَندیگرنه بامنده عیسی وَر 2و عیسی نه باتشانه: «آمانه باج کامین حقّنه اِم کاران کری کی اِم حقش تِه آدییَه؟» 3عیسی جواو بدا: «از نی شاماک سوالی دارم؛ منه باجا، 4کی یحییش اِختیار آدییه به تعمید بدیه خدا یا انسان؟» 5اَوان هندیگرنه لاوَه لاوَه شان بکه، باتشانه: «اگم باجام، ”خدا طرفنه به“، عیسی واجه، ”پس چیه را ایمان ران ناوَه؟“ 6و اگم باجام انسانک به، مردم همبلنه آیِنده آما سِگ ددار کرنده، تا بِمَرام چون اَوه یقین داشته شانه که یحیی ایگله پیامبری به.» 7پس جوابشان آدا: «آما نزانسرام کارِنه به.» 8عیسی باتشه: «از نی شامانه نواجم چه حقّیینه اِم کاران کَرِم.»
شروره باغبانان مثال
9اَدَمی عیسی اِم مَثَلشه مردمه را بیزیا: «مَردکی ایگله انگوره باغیشی رَچ آکَه و اَوش چند گِله باغبانان ایجارَه آداشه و اِشتن طولانیه مدتی سفر را بشه. 10اَنگوره چینی وَقتِه را، ایگله نوکَرِشی بِخِرسانس اَ باغبانان وَر تا اِشتن انگوره محصولک کَملی اَوه آدَینده. امّا باغبانه اَشان بیزی و تییَه دس بخرسانسشانه. 11پس انگوره باغه صاحاب ایگله عَلوده نوکری شی بِخِرسانس، امّا اَوِشان نی بیزی و اَوِشان بی‌حرمتی بکَه و تییَه دسشان بخرسانس. 12سوّمین سَفَر هنی نوکَرِشی بِخِرسانس، امّا اَوشان نی بیزی و زخمی شان بکه و باغِنه بَرکردشانه.
13«اَدَمی انگوره باغه صاحاب باتشه: ”چه بکرم؟ چِمن عزیز گِرامیه زا بخرسانم؛ شاید چَوه حرمتِ نیا بدارنده.“ 14امّا باغبانان وختی چَه زاشان بینده، هَندیگرنه، باتشانه: ”انگوره باغه وارث اِمه. بایا اَوه بوکوشام تا چه ارث و میراث چاما بیبی.“ 15پس اَ کوله شان انگوره باغنه بَرکرده، و بوکوشتشانه.
«اِسا شاما ایزه زانا که اَ انگوره باغه صاحاب اَواننه چه کَره؟ 16اَ آییه و باغبانان کوشه، انگوره باغه علوده نفرانی دِرَسماره.» مَردم وختی اِمشان بشنوس، باتشانه: «اِنجوره نیبی!» 17امّا عیسی چوان دیمِه دیَشته و باتشه: «پس مقدسه نیویشته ان اِم بخشِه معنی چیه:
”هَ سِگی که بنایان اَوشانه رد آکردا و فِر آدایا
اِسا بینو اصلی سِگ بیا “؟
18هر کی اَ سِگ سرنه جیگینه، خُرد آبی، و اَگم اَ سِگه کسی سَر جیگنیه، اَوه فرچ آکریه.»
رومه امپراطوره مالیات آدیین
19توراته معلمین و سران کاهنان وختی بِزانسشانه اِم مثالِه چوان درباره واتر، تصمیمشان بکت که هَ لحظه عیسی دَستگیر بکرنده، امّا مَردمک ترسردنده.
20پس عیسی شان ویر بداشت و ای سیری جاسوسانی چَوه وَر بِخِرسانسشانه که اِشتنشان چاک و صادق آمانسرده. تا چَوه گَرکِ ایگله لاوَه ای بِدِزنده و عیسی آدینده رومه دولت و دادگاه والی دس. 21پس اَ جاسوسه عیسی کشان آپرسس: «ای استاد، آما زانسرام که تِه حقیقته واتری و درست تعلیم دیری، و کسی طرَفه نیگیری، بلکم خدا راه درستی نه آموتری. 22آیا رومه امپراطوره مالیات آدیین چاما را درسته یا نه؟» 23امّا عیسی چَوان حُقَش بزانسشه و باتشه: 24«ایگله سکه ای من آدیا. چیکی نقش و نام اَ سکه سَرِکه؟» 25جواوشان بدا: «رومه امپراتوره کین.» عیسی اَوانش باته: «پس امپراطوره ماله، امپراطوره آدیا و خدا ماله، خدا آدیا!» 26اَوان، نتانسشانه مردم پرانک عیسی چه اِشتن لاوَاننه تَلَک درننده، و ایزه که زه چَه جواوک مات آبییه بنده، ساکت بندرسنده.
آیا مَرده زنده آبیینده؟
27چاوَش ای سِری صَدّوقیان فرقه علمانک عیسی وَر بامنده. صدوقیان مَردان زنده آبیینه منکر بنده. 28عیسی کشان سؤالی آپرسس و باتشانه: «استاد، موسی چاما را اِم فرمانش نیویشته اگم مردکی زَن ببره ولی بیدون خوردن بِمَره، چَوه برا وظیفه داره اَ زلی ببره تا اِشتن بِرار را نسلی بِنیه. 29اِسا، هفت گِله برا بِنده. اولین بِرا ایگله زنی شی بِبَردا و بی اولاد بِمَرد. 30چاوَش دوّمین برا اَ زلّیشه ببردا 31و هانده سوّمین نی اَ زَلّیشه بِبَردا و اِنجوره هر هفت گِله براره بِمَردنده، بی اِم که خُوردَنی بدارنده. 32آخر اَ زلّی نی بمردا. 33اِسا، قیامته روجک، اَ زلیه براران کامین گِله زن بییه؟ چون هر هفت گِله براره اَوِشانه ببردا.»
34عیسی جواو آدا: «اِم دنیا مردم، زَن برنده و شو شینده. 35امّا اَوه ای که لایق زندگی اَبدی اِسنده، نه زن بَرِنده و نه شوشینده، 36و نه دَ مَرنده؛ چون فرشتان شوار بینده. اَوِه خدا خوردننده، چون مَردنه پَش زنده آبینده. 37حتی موسی اِشتن نی کاملا واضح آمانسشه که مرده زنده آبینده چون وقتی موسی داستانه تعریف کره که چنجوره خدا بوته ای کی که وش کته به چَوه را ظاهر آبه اَگا که خداونده، ابراهیم خدا و اسحاق خدا و یعقوب خدا واجه. 38خدا مَردَان خدا نییه، بلکم زندَان خدا اِسه؛ چون چَوه وَر همه زِندَنده.» 39بعضی تورات معلمین چَوه جواوک باتشانه: «ای استاد، چاکر جواو بدا!» 40و چَوه پَش دَه هیچ کسه جرائت نکه اَوک چی ای آپَرسه.
مسیح موعود چی کی زایه
41چاوَش عیسی اَوانَش باته: «پس چنجوریه که واجِنده مسیح موعود داوود پادشاه زایه؟ 42چون که داوود پادشا اِشتن کتاب زبورکش واته:
”خداونده چِمن خداوند نه باته:
چِمن راستَ دسِک بِنِش
43تا وقتی که اِشته دشمانن اِشته پا جیرک دِرَنم.“
44اگم داوود اَوِنه ”خداوند“ واجِه، پس چنجوره تانه اَ داوود زا بیبی؟»
45اَجور زه که مردم همه گوششان دیرده، عیسی اِشتن شاگردانش باته: 46«توراته معلمانک دوری بکرا، که خشِنده بلند اَباهانه راه بیشینده و کوچه و بازارانک مردم چَوان را سلام بکرنده، و عبادتگاهانک چاکترین یاگا چَوان را بیبی و جشنان دِله مجلسه سَرین وَرک بنشنده. 47اَوه ای طرف نه ویوه زلّیان کییه غارت کرنده، جدا طرف نه اِشتن آمانسنه واسنه طولانی دعا کرنده. چِمان مجازات پِر چَتین بی.»
Currently Selected:
:
Highlight
Share
ਕਾਪੀ।
Want to have your highlights saved across all your devices? Sign up or sign in
@ 2024 Korpu Company